ᑲᓇᑕᒥᑦ ᒐᕙᒪᒃᑯᑦ ᓇᓗᓇᐃᒃᑲᓐᓂᖅᑐᑦ ᐱᓕᕆᐊᕆᓂᐊᕐᓗᒋᑦ ᐋᓐᓂᕈᑕᐅᓯᒪᑦ ᐊᓯᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᓄᓇᖃᖅᖄᖅᑐᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+ ᐃᓄᐃᑦ
ᑐᓴᒐᒃᓴᖅ
ᒪᓐᓃᑦ (ᔫᓂ) 3, 2022 − ᐋᑐᕚ, ᐋᓐᑎᐅᕆᔪ, ᐱᖅᖁᓯᕆᔭᐅᔪᖅ ᑐᓂᔭᐅᓯᒪᙱᑦᑐᖅ ᐃᐅᓪᒑᓐᑭᓐ ᓄᓇᒋᔭᐅᔪᖅ - ᑲᓇᑕᒥᑦ ᒐᕙᒪᑐᖃᒃᑯᑦ-ᓄᓇᖃᖅᖄᖅᑐᓕᕆᔨᒃᑯᑦ ᐊᒻᒪᓗ ᐅᑭᐅᖅᑕᖅᑐᒥᑦ
ᐱᑦᑎᐊᖅᑕᐅᖏᑦᑐᑦ ᓄᓇᖃᖅᖄᖅᑐᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+ ᐃᓄᐃᑦ ᑲᓇᑕᒥᑦ ᐋᓐᓂᕈᑕᐅᓯᒪᐃᓐᓇᖅᑐᖅ. ᑲᓇᑕᒥᑦ ᒐᕙᒪᒃᑯᑦ ᐱᓕᕆᖃᑎᖃᖅᑐᑦ ᖃᑕᙳᑎᒌᓂᒃ, ᐊᓐᓇᒃᓯᒪᔪᓂᒃ ᐊᒻᒪᓗ ᓄᓇᓕᖕᓂᑦ ᐊᔾᔨᒋᑉᓗᒋᑦ ᐱᓕᕆᖃᑎᒋᔭᐅᑉᓗᑎᒃ ᐋᖅᕿᒃᓯᓂᕐᓄᑦ ᒥᐊᓂᕆᔭᐅᓂᐊᕐᓗᑎᒃ ᐊᒃᑐᖅᑕᐅᔪᖕᓇᖅᑐᑦ ᐃᓄᐃᑦ ᐊᒻᒪᓗ ᐱᓕᕆᐊᕆᓗᒋᑦ ᐱᒋᐊᕐᕕᐅᖅᖃᐅᑕᐅᓚᐅᖅᑐᑦ ᐱᑦᑎᐊᖅᑕᐅᖃᑦᑕᙱᓐᓂᕐᒥᑦ.
ᐅᑉᓗᒥ, ᓯᕗᓪᓕᖅᐹᒥᒃ ᓇᓪᓕᐅᑎᓂᖓ ᓴᖅᕿᑕᐅᓂᖓᑕ ᐊᓯᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᓄᓇᖃᖅᖄᖅᑐᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+ ᐃᓄᐃᑦ ᑲᓇᑕᒥᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎ, ᑲᓇᑕᐅᑉ ᐊᖓᔪᖅᖄᕐᔪᐊᖓ ᔭᔅᑎᓐ ᑐᕉᑑ ᐊᒻᒪᓗ ᐅᐱᓐᓇᖅᑐᖅ ᒫᒃ ᒥᓗ, ᒥᓂᔅᑕ ᒐᕙᒪᑐᖃᒃᑯᑦ-ᓄᓇᖃᖅᖄᖅᑐᓕᕆᔨᒃᑯᑦ-ᓄᑦ, ᐃᖅᖃᐅᒪᓂᖃᖅᑐᓃᖃᑕᐅᓚᐅᖅᑐᖅ ᑲᓇᑕᒥᑦ ᑕᑯᔭᒃᓴᐃᑦ ᐱᓐᓂᑯᓄᑦ-ᒥᑦ, ᐃᓚᒋᑉᓗᒋᑦ ᖃᑕᙳᑎᒋᔭᐅᔪᑦ, ᐊᓐᓇᒃᓯᒪᔪᑦ, 2SLGBTQQIA+-ᑯᓐᓄᑦ ᐃᓚᒋᔭᐅᔪᑦ, ᐃᓐᓇᕆᔭᐅᔪᑦ ᐊᒻᒪᓗ ᐊᓈᓇᑦᑎᐊᖑᔪᑦ.
ᐃᖅᖃᐅᒪᓂᖃᖅᑎᓪᓗᒋᑦ, ᑲᓇᑕᒥᑦ ᒐᕙᒪᒃᑯᑦ ᓇᓗᓇᐃᒃᑲᓐᓂᓚᐅᖅᑐᑦ ᐱᓕᕆᖃᑎᖃᐃᓐᓇᕐᓂᐊᕐᓂᖏᓐᓂᒃ ᖃᑕᙳᑎᒌᓂᑦ ᐊᒻᒪᓗ ᓄᓇᓕᖕᓂᑦ ᐅᐸᓗᐊᔾᔪᑎᒋᓂᐊᕐᓗᒍ ᑲᓇᑕᒥᑦ ᐋᓐᓂᕈᑕᐅᔪᖅ. ᐊᖓᔪᖅᖄᕐᔪᐊᖅ ᐃᓕᓐᓂᐊᖅᑎᑕᐅᓚᐅᖅᑐᖅ ᐃᓐᓇᕆᔭᐅᔪᓂᑦ ᐊᒻᒪᓗ ᐊᓈᓇᑦᑎᐊᕆᔭᐅᔪᓂᑦ ᐱᒻᒪᕆᐅᓂᖓᑕ ᑲᔪᓯᑎᑕᐅᓗᓂ ᐱᓕᕆᐊᖑᔪᖅ.
ᐃᖅᖃᐅᒪᓂᖃᖅᖄᖅᑎᓪᓗᒋᑦ, ᑲᓇᑕᒥᑦ ᒐᕙᒪᑐᖃᒃᑯᑦ ᓴᖅᕿᑦᑎᓚᐅᖅᑐᑦ ᐅᓂᑉᑳᒥᒃ ᑎᑎᕋᖅᓯᒪᔪᓂᒃ ᐃᓚᖏᓐᓂᑦ ᐱᓕᕆᐊᖑᓯᒪᓕᖅᑐᓂᒃ ᐅᑭᐅᖅ ᐊᓂᒍᖅᑐᒥᑦ, ᑭᓯᐊᓂ ᓇᓗᓇᐃᖅᖢᑎᒃᑕᐅᖅ ᐱᓕᕆᐊᒃᓴᑲᓪᓚᐅᖕᒪᑦ ᓱᓕ ᒐᕙᒪᒃᑯᑦ ᐱᓂᐊᕐᓂᕆᔭᖏᓐᓂᑦ ᒐᕙᒪᑐᖃᒃᑯᑦ ᐊᑉᖁᑎᖓᑦ ᐱᓕᕆᐊᕆᓂᐊᕐᓗᒋᑦ ᐊᓯᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᓄᓇᖃᖅᖄᖅᑐᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+ ᐃᓄᐃᑦ. ᒐᕙᒪᑐᖃᒃᑯᑦ ᐊᑉᖁᑎᖓ ᑲᓇᑕᐅᑉ ᒐᕙᒪᒃᑯᖏᑦᑕ ᑐᓂᕐᕈᑎᒋᔭᖓ ᑲᓇᑕᒥᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎᒧᑦ. ᐅᓂᑉᑳᖅ ᓇᓗᓇᐃᖅᓯᖕᒥᔪᖅ ᐊᖏᔪᒥᒃ ᐱᓕᕆᐊᒃᓴᐅᔪᒥᒃ ᐊᑐᓕᖅᑎᑕᐅᓂᖏᑦ ᒐᕙᒪᒃᑯᑦ ᐱᔭᒃᓴᐅᑎᒋᔭᖏᓐᓄᑦ.
ᐅᓂᑉᑳᖅ ᓴᖅᕿᑕᐅᓚᐅᕐᒥᔪᑦ ᐃᑲᔪᐃᔪᓄᑦ ᐱᓕᕆᖃᑎᒋᔭᐅᔪᓂᒃ ᑲᓇᑕᒥᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎᒧᑦ ᐊᑎᖃᖅᑐᖅ ᐱᕙᓪᓕᐊᓂᕐᒧᑦ ᐅᓂᑉᑳᖅ ᐊᓯᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᓄᓇᖃᖅᖄᖅᑐᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+ ᐃᓄᐃᑦ ᑲᓇᑕᒥᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎ. ᑲᓇᑕᒥᑦ ᒐᕙᒧᒃᑯᑦ ᐱᓂᐊᕐᓂᕆᔭᖓᑦ ᑲᔪᓯᓯᒪᓂᐊᖅᑐᖅ ᐱᓕᕆᖃᑎᒋᓂᐊᕐᓗᒋᑦ ᑲᓇᑕᒥᑦ ᓄᓇᐃᑦ ᐊᕕᒃᑐᖅᓯᒪᔪᓄᑦ ᐊᒻᒪᓗ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓄᑦ ᒐᕙᒪᐅᔪᑦ, ᓄᓇᖃᖅᖄᖅᑐᑦ ᐃᓄᐃᑦ, ᖃᑕᙳᑎᒌᑦ ᐊᒻᒪᓗ ᐊᓐᓇᒃᓯᒪᔪᑦ, ᐊᒻᒪᓗ ᓄᓇᖃᖅᖄᖅᑐᓄᑦ ᐊᕐᓇᐃᑦ ᐊᒻᒪᓗ 2SLGBTQQIA+-ᓄᑦ ᐱᓕᕆᑎᒌᑦ ᐱᕙᓪᓕᐊᓂᐊᕐᓗᓂ ᑲᓇᑕᒥᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎ ᐊᒻᒪᓗ ᐱᓕᕆᐊᕆᓗᒍ ᐋᓐᓂᕈᑕᐅᓯᒪᔪᖅ ᐊᓯᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᓄᓇᖃᖅᖄᖅᑐᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+ ᐃᓄᐃᑦ ᑲᓇᑕᒥᑦ.
ᐱᓕᕆᐊᕆᓗᒋᑦ ᐱᑦᑎᐊᖅᑕᐅᖃᑦᑕᙱᓐᓂᕆᔭᖏᑦ ᓄᓇᖃᖅᖄᖅᑐᑦ ᐊᕐᓇᐃᑦ, ᓂᕕᐊᖅᓯᐊᑦ, ᐊᒻᒪᓗ 2SLGBTQQIA+ ᐃᓄᐃᑦ ᐃᓗᐃᑦᑑᖓᔪᒃᑯᑦ-ᒐᕙᒪᐃᑦ ᐊᑐᖅᑕᖓᑦ, ᐊᑐᕆᐊᖃᖅᑎᑦᑎᔪᖅ ᐱᔭᒃᓴᐅᑎᒋᔭᑉᑎᖕᓂᑦ ᓄᓇᓕᐅᑉᓗᑕ ᑲᓇᑕᒥᑦ, ᐊᒻᒪᓗ ᐱᑦᑎᐊᙱᓯᒪᔪᓂᒃ ᐊᑭᓖᔭᕆᐊᓕᖕᓂᒃ ᐋᖅᕿᒋᐊᖅᓯᓂᖃᖁᔨᓗᑕ. ᐱᓕᕆᐊᕗᑦ ᓄᖅᖃᓚᐅᖅᓯᒪᔾᔮᙱᑦᑐᖅ ᐊᓐᓇᒃᓯᒪᔪᑦ, ᖃᑕᙳᑎᒌᑦ, ᐊᒻᒪᓗ ᓄᓇᓖᑦ ᐊᑐᖅᓯᒪᑎᓪᓗᒋᑦ ᐊᒃᓱᕈᕐᓇᖅᑐᒥᑦ. ᐱᓕᕆᐊᒃᓴᕆᔭᕗᑦ ᐋᓐᓂᖅᓯᒪᔪᓂᒃ ᐃᑲᔪᖅᑕᐅᓂᐊᖅᑐᖅ ᐊᒻᒪᓗ ᐊᓐᓇᒃᓯᒪᔪᓂᑦ, ᐃᓱᓕᓐᓂᐊᕐᓗᒍ ᐋᓐᓂᕈᑕᐅᓯᒪᑦᑎᐊᖅᑐᖅ - ᐊᓐᓇᒃᓯᒪᔪᑦ ᒪᒥᓴᕐᓂᕐᒥᒃ ᐱᓕᕆᐊᖃᖅᑎᓪᓗᒋᑦ.
ᐅᖃᐅᓯᐅᔪᑦ
"ᐱᒻᒪᕆᐅᔪᒧᑦ ᐅᑉᓗᖅ ᑎᑭᐅᑎᓯᒪᓂᕐᒧᑦ, ᓇᓗᓇᐃᒃᑲᓐᓂᖅᑐᒍᑦ ᑲᓇᑕᒥᑦ ᒐᕙᒪᒃᑯᑦ ᐱᓂᐊᕐᓂᕆᔭᖓᓂᒃ ᐱᓕᕆᐊᑎᒌᓐᓇᕐᓗᒋᑦ ᐊᓐᓇᒃᓯᒪᔪᑦ, ᖃᑕᙳᑎᒌᑦ ᐊᒻᒪᓗ ᓄᓇᓖᑦ ᐃᓱᓕᑎᓐᓂᐊᕐᓗᒍ ᐋᓐᓂᕈᑕᐅᓯᒪᔪᑦ ᐊᓯᐊᓯᒪᔪᓄᑦ ᐊᒻᒪᓗ ᐃᓄᐊᖅᑕᐅᓯᒪᔪᓄᑦ. ᐳᐃᒍᓚᐅᖅᓯᒪᔾᔮᙱᑕᕗᑦ ᐊᖏᕐᕋᓚᐅᖅᓯᒪᙱᑦᑐᑦ ᐊᒻᒪᓗ ᐅᐱᒋᓂᐊᖅᑕᕗᑦ ᐃᖅᖃᐅᒪᓂᕆᔭᖏᑦ ᐱᓕᕇᓐᓇᕐᓗᑕ ᓯᕗᓂᒃᓴᑦᑎᐊᕙᖕᒧᑦ, ᑭᑐᓗᒃᑖᑦ ᐊᑦᑕᕐᓇᖅᑐᒦᓐᓂᐊᖏᓪᓗᑎᒃ ᐱᑦᑎᐊᖅᑕᖏᓐᓂᑦᒥᑦ. ᓄᓇᖃᖅᖄᖅᑐᑦ ᐊᕐᓇᓄᑦ, ᓂᕕᐊᖅᓯᐊᓄᑦ, ᐊᒻᒪᓗ 2SLGBTQQIA+ ᐃᓄᖕᓄᑦ, ᐅᑉᓗᒥ, ᐊᒻᒪᓗ ᖃᐅᑕᒫᑦ, ᐃᑲᔪᕐᓂᐊᖅᑐᒍᑦ ᐅᑎᖅᑎᑎᓪᓗᒍ ᓴᙱᓂᕆᔭᓯ ᐊᒻᒪᓗ ᐃᓂᒋᔭᓯ."
"ᓇᓗᓇᐃᕈᒪᔪᖓ ᐱᓕᕆᐊᖑᔪᖅ ᐊᒻᒪᓗ ᑲᒪᔭᖃᕐᓂᖏᑦ ᐃᖅᕿᓖᑦ ᓄᓇᖅᖃᑎᒌᑦ, ᐃᓄᐃᑦ, ᒦᑎ ᐊᒻᒪᓗ 2SLGBTQQIA+ ᖃᑕᙳᑎᒌ, ᐊᓐᓇᒃᓯᒪᔪᑦ, ᓄᓇᓖᑦ, ᐱᓕᕆᖃᑎᒌᑦ, ᐊᒻᒪᓗ ᓯᕗᓕᐅᖅᑎᐅᔪᑦ ᑭᒡᒐᖅᑐᐃᖏᓐᓇᕐᓂᕆᔭᖏᓐᓂᑦ. ᐃᓕᑉᓯᖕᓄᑦ ᑭᒡᒐᖅᑐᖅᑕᐅᔭᕆᐊᖃᖅᑐᒍᑦ ᐊᒻᒪᓗ ᖃᓄᐃᓕᐅᖁᔨᓂᑉᓯᖕᓂᑦ;, ᓯᕗᓪᓕᖅᐸᐅᑎᔭᕗᑦ ᐱᓕᕆᖃᑎᒋᓗᓯ ᐃᓱᓕᑎᓐᓂᐊᕐᓗᒍ ᐱᑦᑎᐊᖅᑕᐅᖏᖃᑦᑕᕐᓂᖏᑦ ᓄᓇᖃᖅᖄᖅᑐᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+ ᐃᓄᐃᑦ. ᖃᐅᔨᒪᔪᒍᑦ ᐱᓕᕆᐊᒃᓴᖅᑕᖃᑦᑎᐊᕐᒪᑦ ᓱᓕ ᐊᒻᒪᓗ ᑕᑯᔪᒪᐃᓐᓇᕐᓂᐊᖅᑐᒍᑦ ᐊᓂᒍᖅᑎᓪᓗᒍ ᑕᒪᓐᓇ."
"ᓄᓇᖃᖅᖄᖅᑐᑦ ᐅᖃᐅᓯᖏᑦ ᐊᒻᒪᓗ ᐱᖅᖁᓯᖏᑦ ᐆᒻᒪᑎᖏᓐᓃᑦᑐᑦ ᐃᖅᕿᓖᑦ ᓄᓇᖅᖃᑎᒌᓂᑦ, ᐃᓄᐃᑦ ᐊᒻᒪᓗ ᒦᑎ ᓄᓇᖅᖃᑎᒌᓂᑦ, ᑭᓇᐅᓂᕐᒧᑦ ᐊᒻᒪᓗ ᐃᖕᒥᖕᓂᒃ-ᐱᔪᒪᓂᖃᕐᓂᕐᒥᑦ. ᐱᒻᒪᕆᐅᔪᑦ ᐱᕝᕕᐅᖃᑦᑕᖅᑐᑦ ᐃᑲᔪᖅᑕᐅᓂᕐᒧᑦ, ᒪᒥᓴᕐᓂᕐᒧᑦ ᐊᒻᒪᓗ ᐊᑦᑕᕐᓇᖅᑐᖃᙱᑦᑐᒦᓐᓂᕐᒧᑦ ᐊᕐᓇᐃᑦ, ᓂᕕᐊᖅᓯᐊᑦ, ᐊᒻᒪᓗ 2SLGBTQQIA+ ᐃᓄᐃᑦ. ᑲᓇᑕᒥᑦ ᐱᖅᖁᓯᓕᕆᔨᒃᑯᑦ ᐃᑲᔪᐃᓐᓇᕐᓂᐊᖅᑐᑦ ᐱᓕᕆᐊᒃᓴᓄᑦ ᐃᑲᔪᖅᑐᓂᒃ ᓄᓇᖃᖅᖄᖅᑐᑦ ᐊᕐᓇᓂᑦ, ᓂᕕᐊᖅᓯᐊᓂᑦ ᐊᒻᒪᓗ 2SLGBTQQIA+ ᐃᓄᖕᓂᑦ ᐅᑎᖅᑎᓐᓂᐊᕐᓗᒋᑦ ᐅᖃᐅᓯᖏᑦ ᐊᒻᒪᓗ ᐱᖅᖁᓯᕐᒥᒃ ᖃᐅᔨᒪᓂᕆᔭᖏᑦ, ᐊᒻᒪᓗ ᑐᓂᐅᑎᒋᓗᒋᑦ ᓇᖕᒥᓂᖅ ᐅᓂᑉᑳᖏᓐᓂᒃ ᓇᖕᒥᓂᖅ ᐅᖃᐅᓯᕆᔭᖏᑦ ᐊᑐᕐᓗᒋᑦ."
"ᑲᓇᑕᒥᑦ, ᓄᓇᖃᖅᖄᖅᑐᑦ ᓂᕕᐊᖅᓯᐊᑦ ᐊᒻᒪᓗ ᐊᕐᓇᐃᑦ ᐱᑦᑎᐊᖅᑕᐅᖏᓐᓂᖅᓴᐅᖃᑦᑕᖅᑐᑦ ᐊᕐᓇᐅᓂᖏᓐᓄᑦ ᓄᓇᖃᖅᖄᖏᑦᑐᓂᑦ ᐊᕐᓇᓂᐅᖓᓂᑦ. ᑮᓇᐅᔭᖃᖅᑎᑦᑏᓐᓇᕐᓂᐊᖅᑐᒍᑦ ᐱᓕᕆᖃᑎᒋᔭᑉᑎᖕᓂᑦ ᓴᖅᕿᑦᑎᓂᐊᕐᓗᑎᒃ ᐊᒻᒪᓗ ᐊᐅᓚᑦᑎᓗᑎᒃ ᑐᕌᖓᔪᓂᒃ ᒥᐊᓂᖅᓯᔪᓂᒃ ᐊᒻᒪᓗ ᐃᑲᔪᖅᑐᓂᒃ ᐃᖅᕿᓖᑦ ᓄᓇᖅᖃᑎᒌᓂᑦ, ᐃᓄᖕᓂᑦ, ᒦᑎᓂᒃ ᐊᒻᒪᓗ 2SLGBTQQIA+ ᖃᑕᙳᑎᒌᓂᑦ ᐊᒻᒪᓗ ᐊᓐᓇᒃᓯᒪᔪᓂᑦ. ᐊᓯᐊᙳᖅᓯᓂᖅ ᐱᖅᖁᓯᕆᔭᐅᔪᒥᒃ ᓱᓇᐅᒃᓴᙱᖦᖢᑎᒃ ᐊᕐᓇᓂᒃ ᐊᔪᕐᓇᖅᑑᖏᑦᑐᖅ ᑭᓯᐊᓂ ᑲᒪᒌᓐᓇᕐᓂᐊᖅᑕᕗᑦ. ᐊᑕᐅᑦᑎᒃᑯᑦ, ᑲᓇᑕ ᐅᓗᕆᐊᓇᖅᑐᖃᙱᑦᑑᑎᑦᑐᖕᓇᖅᑕᕗᑦ ᐊᒻᒪᓗ ᐃᓚᐅᑎᑦᑎᓂᖅᓴᐅᓗᓂ ᓄᓇᖃᖅᖄᖅᑐᑦ ᐊᕐᓇᓂᑦ ᐊᒻᒪᓗ ᓂᕕᐊᖅᓯᐊᓂᑦ."
"ᑲᓇᑕᒥᑦ ᒐᕙᒪᒃᑯᑦ ᐃᓕᑕᖅᓯᔪᑦ, ᑕᒪᑉᑕᓗᒃᑖᖅ ᐱᔪᖕᓇᐅᑎᖃᕋᓗᐊᖅᑎᓪᓗᑕ ᐊᑦᑕᕐᓇᖅᑐᖃᙱᑦᑐᒦᓪᓗᑕ ᐊᒻᒪᓗ ᒥᐊᓂᕆᔭᐅᓗᑕ ᓄᓇᓕᑉᑎᖕᓂᑦ, ᑕᐃᒪᓐᓇᐃᑦᑑᖏᑦᑐᖅ ᓄᓇᖃᖅᖄᖅᑐᑦ ᐊᕐᓇᓄᑦ, ᓂᕕᐊᖅᓯᐊᓄᑦ ᐊᒻᒪᓗ 2SLGBTQQIA+ ᐃᓄᖕᓄᑦ. ᐱᔭᒃᓴᖅᑕᖃᑦᑎᐊᖅᑐᖅ ᓱᓕ ᑕᒪᓐᓇ ᐊᓯᐊᙳᖅᖄᖅᑎᓐᓇᒍ. ᐱᓕᕆᖃᑎᒌᓐᓇᕐᓂᐊᖅᑕᒃᑲᑦ ᓄᓇᖃᖅᖄᖅᑐᑦ ᐱᓕᕆᖃᑎᒋᔭᕗᑦ, ᓄᓇᓖᑦ ᐊᒻᒪᓗ ᐱᓕᕆᖃᑎᒌᖑᔪᑦ, ᑲᓇᑕᐅᑉ ᓄᓇᖏᑦ ᐊᕕᒃᑐᖅᓯᒪᔪᑦ ᐊᒻᒪᓗ ᐅᑭᐅᖅᑕᖅᑐᒥᑦ, ᐊᓯᖏᓪᓗ ᐃᑲᔪᕐᓂᐊᕐᓗᒋᑦ ᐃᓱᓕᑎᓪᓗᒍ ᐱᑦᑎᐊᖅᑕᐅᖃᑦᑕᙱᓐᓂᖏᑦ ᓄᓇᖃᖅᖄᖅᑐᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+ ᐃᓄᐃᑦ. ᐃᓚᐅᔪᖅ ᓯᕗᒻᒧᒡᓗᒋᑦ ᐊᔾᔨᐅᖏᑦᑐᑦ ᐳᑭᖅᑕᓕᖕᓂᑦ ᐱᓕᕆᐊᖑᔪᑦ ᐊᒻᒪᓗ ᓄᓇᓕᒃ ᐅᓗᕆᐊᓇᖅᑐᖃᙱᑎᓪᓗᒍ ᓯᕗᓪᓕᖅᐸᐅᑎᔭᐅᔪᒪᔪᑦ ᐃᖅᕿᓖᑦ ᓄᓇᖃᖅᖄᖅᑐᓄᑦ, ᐃᓄᖕᓄᑦ ᐊᒻᒪᓗ ᒦᑏᓄᑦ ᐊᒻᒪᓗ ᐱᕙᓪᓕᐊᖃᑕᐅᓗᑕ ᒐᕙᒪᑐᖃᒃᑯᑦ ᒪᓕᒐᖓᓂᒃ ᐃᓕᑕᖅᓯᓂᐊᕐᓗᓂ ᐃᖅᕿᓖᑦ ᓄᓇᖃᖅᖃᑎᒌᑦ ᐳᑭᖅᑕᓕᖕᓄᑦ ᐱᔨᑦᑎᕋᐅᑎᖏᑦ ᐱᒻᒪᕆᐅᓂᖏᓐᓄᑦ ᐱᔨᑦᑎᕋᐅᑎᐅᑉᓗᑎᒃ."
"ᐅᑉᓗᒥ ᐊᒻᒪᓗ ᖃᐅᑕᒫᑦ, ᐃᖅᖃᐅᒪᖃᑦᑕᖅᑕᕗᑦ ᐊᒃᓱᕈᖅᖢᑎᒃ ᐱᓕᕆᓂᖏᑦ ᐊᒻᒪᓗ ᐊᒥᓱᐃᑦ ᓂᐱᖏᑦ ᐋᖅᕿᒃᓯᓚᐅᖅᑐᑦ ᐊᕐᕌᓂ ᓴᖅᕿᑕᐅᔪᒥᒃ 2021 ᐊᓯᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᓄᓇᖃᖅᖄᖅᑐᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+ ᐃᓄᐃᑦ ᑲᓇᑕᒥᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎ, ᖃᑕᙳᑎᖏᓐᓄᑦ ᐃᓚᒋᔭᐅᔪᑦ ᐊᒻᒪᓗ ᐊᓐᓇᒃᓯᒪᔪᑦ, ᓄᓇᖃᖅᖄᖅᑐᑦ ᓄᓇᓖᑦ ᐊᒻᒪᓗ ᐱᓕᕆᖃᑎᒌᑦ, 2SLGBTQQIA+-ᓄᑦ ᓯᕗᓕᐅᖅᑏᑦ ᐊᒻᒪᓗ, ᑭᒡᒐᖅᑐᐃᔪᑦ ᐊᒻᒪᓗ ᐃᓕᓐᓂᐊᕐᕖᑦ - ᑐᓵᔭᑉᑎᑦ, ᑕᑯᔭᑉᑎᒋᑦ, ᐊᒻᒪᓗ ᐋᓐᓂᐊᕆᔭᓯ ᐊᒻᒪᓗ ᐊᓯᐅᔨᓂᕐᒧᑦ ᐋᓐᓂᐊᕐᓂᕆᔭᓯ ᐃᒃᐱᒋᔭᕗᑦ. ᑐᐃᕗᑦ ᐊᒃᑐᐊᔾᔪᑎᑉᓗᑎᒃ ᓇᖏᖃᑎᒋᔭᑉᓯ."
"ᓄᓇᖃᖅᖄᖅᑐᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+ ᐃᓄᐃᑦ ᐱᑦᑎᐊᖅᑕᐅᖏᓐᓂᖕᓄᑦ ᐋᖅᕿᒋᐊᕈᑎᒧᑦ ᐋᖅᕿᐅᒪᔪᖃᕆᐊᖃᖅᑐᑦ ᒥᐊᓂᖅᓯᔪᒥᒃ, ᐋᓐᓂᕐᓗᒋᐅᖏᑦᑐᖅ. ᖃᐅᔨᒪᔪᒍᑦ ᐱᓕᕆᐊᒃᓴᖅᑕᖃᒃᑲᓐᓂᕐᒪᑦ ᐊᒻᒪᓗ ᐱᓂᐊᖅᑐᒍᑦ ᓈᒻᒪᒃᑐᒥᑦ, ᐊᔾᔨᒌᒃᑐᒃᑯᑦ, ᐊᒻᒪᓗ ᐃᓚᐅᑎᑦᑎᓂᕐᒥᒃ ᐋᖅᕿᐅᒪᔪᒥᒃ ᐃᒃᐱᒍᓱᒡᕕᖃᖅᖢᓂ ᐱᔪᖕᓇᐅᑎᖏᓐᓂᑦ ᓄᓇᖃᖅᖄᖅᑐᑦ ᐃᓄᐃᑦ ᐊᒻᒪᓗ ᒥᐊᓂᖅᓯᔪᒥᒃ ᓄᓇᖃᖅᖄᖅᑐᑦ ᐊᕐᓇᓂᑦ, ᓂᕕᐊᖅᓯᓂᑦ ᐊᒻᒪᓗ 2SLGBTQQIA+ ᐃᓄᖕᓂᑦ ᒪᓐᓇ ᐊᒻᒪᓗ ᓯᕗᓂᒃᓴᒥᑦ."
"ᐱᓕᕆᖃᑎᒌᖕᓂᖃᐃᓐᓇᖅᑐᒍᑦ ᓄᓇᖃᖅᖄᖅᑐᑦ ᐱᓕᕆᖃᑎᑉᑎᖕᓂᑦ, ᐅᑭᐅᖅᑕᖅᑐᒥᑦ ᓄᓇᓕᖕᓂᑦ ᐊᒻᒪᓗ ᖃᓄᐃᓕᐅᖁᔭᐅᓂᓗᒃᑖᓄᑦ ᒐᕙᒪᒃᑯᓐᓂᑦ ᐱᓕᕆᐊᕆᓂᐊᕐᓗᒋᑦ ᐱᒋᐊᕈᑕᐅᓚᐅᖅᑐᑦ ᐱᑦᑎᐊᖅᑕᐅᖏᓐᓂᖏᓐᓄᑦ ᓄᓇᖃᖅᖄᖅᑐᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+ ᐃᓄᐃᑦ. ᐱᒻᒪᕆᐅᔪᑦ ᐱᑖᖅᓯᒪᔭᕗᑦ ᐱᖁᑏᑦ, ᐱᑦᑎᐊᖏᓐᓂᖅᑕᖃᖅᑕᐃᓕᑎᑦᑎᓂᕐᒧᑦ, ᐊᒻᒪᓗ ᐃᑲᔪᐃᓃᑦ ᐊᓐᓇᒃᓯᒪᔪᑦ ᐃᑲᔪᖅᑕᐅᓂᐊᕐᓗᑎᒃ ᑎᑭᐅᑎᓂᕐᒧᑦ ᐱᔭᐅᔭᕆᐊᖃᑦᑎᐊᖅᑐᓂᒃ ᓄᓇᓕᖕᓂᑦ ᐅᐊᖕᓇᒥᑦ ᐊᒻᒪᓗ ᐅᑭᐅᖅᑕᖅᑐᒥᑦ. ᒐᕙᒪᕗᑦ ᓯᕗᒻᒧᒃᐸᓪᓕᐊᔪᑦ ᐱᓕᕆᖃᑎᒋᑉᓗᒋᑦ ᐱᔭᕆᐊᓖᑦ ᐊᓯᙳᕐᓗᒋᑦ ᐊᒻᒪᓗ ᐃᓱᓕᑎᓪᓗᒍ ᐱᑦᑎᐊᖏᑕᐅᖏᓐᓇᖃᑦᑕᕐᓂᐅᔪ.."
ᐱᓐᓂᑯᐃᑦ
- ᐊᓯᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᓄᓇᖃᖅᖄᖅᑐᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+ ᐃᓄᐃᑦ ᑲᓇᑕᒥᑦ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎ ᐃᓚᐅᑉᓗᓂ ᒐᕙᒪᑐᖃᒃᑯᑦ ᐊᑉᖁᑎᖓᑦ ᐱᓕᕆᐊᕆᓂᐊᕐᓗᒋᑦ ᐊᓯᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᓄᓇᖃᖅᖄᖅᑐᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+ ᐃᓄᐃᑦ, ᓴᖅᕿᑕᐅᓚᐅᖅᑐᖅ ᒪᓐᓃᑦ (ᔫᓂ) 3, 2021-ᒥᑦ.
- ᒐᕙᒪᑐᖃᒃᑯᑦ ᐊᑉᖁᑎᖓ ᐃᑲᔪᖅᑐᖅᑕᐅᔪᖅ ᐱᓐᓂᒃᑯᓂᒃ ᐱᑖᖅᑐᖅᖢᑎᒃ $2.2 ᐱᓕᔭᓐ ᐅᖓᑖᓄᑦ ᑮᓇᐅᔭᖅᑑᑎ 2021-ᒧᑦ. ᑮᓇᐅᔭᖅᑑᑎ 2022 ᑐᓂᓯᔪᖅ ᐱᑖᒃᑲᓐᓂᐅᔪᓂᒃ ᐱᓕᕆᐊᕆᓂᐊᕐᓗᒋᑦ ᐃᓚᖏᑦ ᐱᒋᐊᕈᑕᐅᔪᑦ ᐋᓐᓂᐊᕈᑕᐅᔪᒥᑦ, ᐃᓚᐅᑉᓗᓂ ᐅᕕᓂᖃᑎᒋᙱᑦᑐᒥᒃ ᐱᑦᑕᐅᖏᒃᓴᕐᓂᖅ, ᐃᒡᓗᓕᕆᓂᖅ, ᐃᓕᓐᓂᐊᕐᓂᖅ, ᐃᓱᒪᒃᑯᑦ ᖃᓄᐃᖏᑦᑎᐊᕐᓂᖅ ᐊᒻᒪᓗ ᐋᓐᓂᐊᖃᖅᑕᐃᓕᒪᓂᕐᒧᑦ ᑲᒪᓂ, ᐊᒻᒪᓗ ᐱᕈᖅᐸᓪᓕᐊᓂᕐᒧᑦ ᐱᕙᓪᓕᐊᓂᖅ ᐊᒻᒪᓗ ᐱᓕᕆᐊᒃᓴᐃᑦ.
ᐱᔾᔪᑎᓕᖕᓄᑦ ᐱᔭᐅᔪᖕᓇᖅᑐᑦ
ᐃᓚᒋᔭᐅᔪᓄᑦ ᑕᐃᑯᙵᕈᑏᑦ
Contacts
ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ, ᑐᓴᒐᒃᓴᓕᕆᔩᑦ ᖃᐅᔨᒋᐊᕈᖕᓇᖅᑐᑦ ᐅᑯᓄᖓ:
ᔭᔅᑏᓐ ᓚᑉᓛᖕᒃ (Justine Leblanc)
ᑐᓴᒐᒃᓴᓄᑦ ᑎᑎᕋᖅᑎ
ᑎᑎᕋᕐᕕᖓ ᐅᐱᓐᓇᖅᑐᖅ ᒫᒃ ᒥᓗ (Marc Miller)
ᒥᓂᔅᑕ ᒐᕙᒪᑐᖃᒃᑯᑦ-ᓄᓇᖃᖅᖄᖅᑐᓕᕆᔨᒃᑯᑦ-ᓄᑦ,
justine.leblanc@rcaanc-cirnac.gc.ca
CIRNAC ᑐᓴᒐᒃᓴᓕᕆᔩᑦ:
ᖃᕆᑕᐅᔭᒃᑯᑦ ᑎᑎᕋᕐᕕᒋᓗᒋᑦ Email: RCAANC.Media.CIRNAC@sac-isc.gc.ca
ᐅᖃᓘᑎ: 819-934-2302
ᖃᐅᔨᒋᐊᖃᑦᑕᕐᓗᒋᑦ
ᐃᓚᐅᒋᑦ ᐅᖃᓪᓗᕆᒃᓴᖅᑐᓂᑦ ᐱᔾᔪᑎᖃᖅᑐᓂᒃ ᓄᓇᖃᖅᖄᖅᑐᑦ ᐃᓄᐃᑦ ᑲᓇᑕᒥᑦ:
Twitter: @GCIndigenous
Facebook: @GCIndigenous
Instagram: @gcindigenous
ᐊᑎᓕᐅᕐᓗᑎᑦ ᐱᖃᑦᑕᕈᒪᓗᑎᑦ ᑐᓴᒐᒃᓴᑉᑎᖕᓂᑦ ᐊᒻᒪᓗ ᐅᖃᓪᓚᒍᑕᐅᔪᓂᒃ RSS-ᑰᖅᑐᒃᑯᑦ. ᑐᑭᓯᐅᒪᔾᔪᑎᒃᑲᓐᓂᕐᓄᑦ ᐅᕝᕙᓘᓐᓃᑦ ᐊᑎᓕᐅᕐᓂᐊᕐᓗᑎᑦ, ᐅᕗᙵᕐᓗᑎᑦ www.cirnac.gc.ca/RSS.
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: