ᐱᕕᖃᖅᑎᑦᑎᕗᒍᑦ ᓄᓇᕗᒻᒥᒃ, ᓄᓇᕕᖕᒥᒃ, ᐊᒻᒪᓗ ᐄᔪ ᐃᔅᑦᓰ ᑲᑎᒪᔨᓄᑦ, ᑲᒥᓴᓄᑦ ᐊᒻᒪᓗ ᕿᒥᕐᕈᔨᓄᑦ
ᐃᓄᓕᕆᔨᑐᑲᒃᑯᑦ ᑲᓇᑕ ᕿᓂᖅᑐᑦ ᐃᓄᖕᓂᒃ ᐃᓱᒪᒋᔭᐅᔪᓐᓇᖅᑐᑦ ᒐᕙᒪᑐᖃᒃᑯᓂᑦ ᑎᒃᑯᐊᖅᑕᐅᓗᑎᒃ ᑲᑎᒪᔨᓄᑦ, ᑲᒥᓴᓄᑦ, ᐊᒻᒪᓗ ᕿᒥᕐᕈᔨᓄᑦ ᓄᓇᕗᒻᒥ, ᓄᓇᕕᖕᒥ, ᐊᒻᒪᓗ ᐄᔪ ᐃᔅᑦᓯ.
ᑕᕝᕙᓕ ᒪᒃᐱᒐᕐᒥ
ᐊᐅᓚᑦᓯᓂᖅ ᓄᓇᒥᐅᑕᕐᓂᒃ ᐅᑭᐅᖅᑕᖅᑐᒥ
ᓄᓇ ᐊᒻᒪᓗ ᐃᒪᖅ ᑲᑎᒪᔨᒃᓴᓂᒃ, ᑲᒥᓴᓐ ᐊᒻᒪᓗ ᕿᒥᕐᕈᔩᑦ ᓄᓇᕗᒻᒥ, ᓄᓇᕕᖕᒥ, ᐊᒻᒪᓗ ᐄᔪ ᐃᔅᑦᓯ ᓴᕿᑕᐅᓚᐅᖅᑐᑦ ᑲᓇᑕᐅᑉ ᒪᓕᒐᕐᔪᐊᖓᒍᑦ-ᓴᐳᒻᒥᔭᐅᔪᑦ ᑕᒪᐃᓐᓄᑦ ᓄᓇᑖᕈᑎᑦ ᐊᖏᕈᑎᖏᑦᑎᒍᑦ. ᐅᑯᐊ ᐊᑑᑎᖃᒻᒪᕆᒃᑐᒥᒃ ᐃᓚᒋᔭᐅᔪᑦ ᐱᖁᔭᕋᓛᖅᑎᒍᑦ ᐊᑐᖅᑕᐅᔪᓂ, ᐊᒻᒪᓗ ᐊᐅᓚᑦᑎᖃᑎᒌᑦ ᐅᑯᓄᖓ ᐃᓚᖏᓐᓄᑦ:
- ᑲᓇᑕᐅᑉ ᒐᕙᒪᒃᑯᖏᓐᓂ ᐊᒻᒪᓗ ᐃᒻᒥᒎᖅᑐᓄᑦ ᓄᓇᒥ ᐊᐅᓚᑦᑎᓂᖅ
- ᓄᓇᐃᑦ ᐊᑐᖅᑕᐅᓂᖏᓐᓄᑦ ᐸᕐᓇᐃᓂᖅ
- ᐱᔪᓐᓇᐅᑎᓕᕆᓂᖅ ᐊᒻᒪᓗ ᓚᐃᓴᓯᓕᕆᓂᖅ
- ᓂᕐᔪᑎᓕᕆᓂᖅ ᐊᒻᒪᓗ ᓄᓇᒥᐅᑕᓂᒃ ᐊᐅᓚᑦᑎᓂᖅ
- ᐊᕙᑎᒥᒃ ᖃᐅᔨᓴᕐᓂᖅ
ᑲᑎᒪᔨᐅᓪᓗᑎᒃ, ᑲᒥᓴᐅᓪᓗᑎᒃ, ᐅᕝᕙᓘᓐᓃᑦ ᕿᒥᕐᕈᔨᐅᓪᓗᑎᒃ ᐊᖏᔪᒥᒃ ᐃᑲᔫᑎᓲᖅ ᐱᓕᕆᓚᐅᖅᓯᒪᓕᕐᓗᓂ. ᐅᑯᐊ ᐊᐅᓚᑦᓯᔩᑦ ᐱᒻᒪᕆᐅᔪᓂᒃ ᐃᓂᖃᖅᑐᑦ, ᑖᒃᑯᐊ ᐅᖃᐅᔾᔨᕙᒃᑐᑦ ᒐᕙᒪᒃᑯᓄᑦ, ᐊᐅᓚᑦᑎᖃᑎᒥᖕᓄᑦ ᖃᓄᐃᓕᐅᕈᑕᐅᔪᓄᑦ. ᑕᐃᒪᓗ ᐅᑯᐊ ᐊᐅᓚᑦᓯᔩᑦ ᐊᑐᖅᓯᒋᐊᖃᕐᒪᑕ ᑎᓕᔭᐅᓯᒪᔾᔪᑎᒥᖕᓂᒃ, ᑲᑎᒪᔨᖃᕆᐊᖃᖅᑐᑦ ᐊᖏᖅᓯᒪᑦᑎᐊᖅᑐᓂᒃ ᐱᓕᕆᓂᐊᖅᑐᓂᒃ ᑖᒃᑯᓄᖓ ᐱᔭᒃᓴᓂᒃ.
ᐊᐅᓚᑦᓯᔩᑦ
- ᐄᔪ ᑕᕆᐅᕐᒥ ᐊᕕᒃᑐᖅᓯᒪᔪᓄᑦ ᐊᒃᑐᖅᑕᐅᔪᓂᒃ ᖃᐅᔨᓴᖅᑎᑦ ᑲᑎᒪᔨᖏᑦ (ᐊᑐᐃᓐᓇᐅᙱᑦᑐᑦ ᐃᓄᒃᑎᑐᑦ)
- ᐄᔪ ᑕᕆᐅᕐᒥ ᐊᕕᒃᑐᖅᓯᒪᔪᓂ ᐸᕐᓇᐃᓂᕐᒧᑦ ᑲᒥᓴᓐ (ᐊᑐᐃᓐᓇᐅᙱᑦᑐᑦ ᐃᓄᒃᑎᑐᑦ)
- ᓄᓇᕕᖕᒥ ᑕᕆᐅᖏᓐᓂᒃ ᐊᕕᒃᑐᖅᓯᒪᔪᓄᑦ ᐊᒃᑐᖅᑕᐅᔪᓂᒃ ᖃᐅᔨᓴᖅᑎᑦ ᑲᑎᒪᔨᖏᑦ (ᐊᑐᐃᓐᓇᐅᙱᑦᑐᑦ ᐃᓄᒃᑎᑐᑦ)
- ᓄᓇᕕᒻᒥ ᑕᕆᐅᕐᒥᐅᑕᓕᕆᔨᒃᑯᑦ ᑲᑎᒪᔨᖏᑦ (ᐊᑐᐃᓐᓇᐅᙱᑦᑐᑦ ᐃᓄᒃᑎᑐᑦ)
- ᓄᓇᕗᑦ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ (ᐊᑐᐃᓐᓇᐅᙱᑦᑐᑦ ᐃᓄᒃᑎᑐᑦ)
- ᓄᓇᕗᒻᒥ ᐸᕐᓇᐃᔨᑦ (ᐊᑐᐃᓐᓇᐅᙱᑦᑐᑦ ᐃᓄᒃᑎᑐᑦ)
- ᓄᓇᕗᒻᒥ ᓄᓇᐅᑉ ᖄᖓᓄᑦ ᐱᔪᓐᓇᐅᑎᖃᕐᓂᕐᒧᑦ ᕿᒥᕐᕈᔩᑦ (ᐊᑐᐃᓐᓇᐅᙱᑦᑐᑦ ᐃᓄᒃᑎᑐᑦ)
- ᓄᓇᕗᑦ ᐃᒪᓕᕆᓂᕐᒧᑦ ᑲᑎᒪᔨᑦ (ᐊᑐᐃᓐᓇᐅᙱᑦᑐᑦ ᐃᓄᒃᑎᑐᑦ)
- ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ (ᐊᑐᐃᓐᓇᐅᙱᑦᑐᑦ ᐃᓄᒃᑎᑐᑦ)
ᑲᑎᒪᔨᑦ ᑮᓇᐅᔭᒃᓴᖏᑦ ᑲᑎᒪᔭᕌᖓᑕ
| ᐊᐅᓚᑦᓯᔨ | ᐃᒡᓯᕙᐅᑕᖅ ᖃᐅᑕᒫᑦ ᐊᑭᖓ ($) | ᑲᑎᒪᔨ ᖃᐅᑕᒫᑦ ᐊᑭᖓ ($) |
|---|---|---|
| ᐄᔪ ᑕᕆᐅᕐᒥ ᐊᕕᒃᑐᖅᓯᒪᔪᓄᑦ ᐊᒃᑐᖅᑕᐅᔪᓂᒃ ᖃᐅᔨᓴᖅᑎᑦ ᑲᑎᒪᔨᖏᑦ | 527 | 475 |
| ᐄᔪ ᑕᕆᐅᕐᒥ ᐊᕕᒃᑐᖅᓯᒪᔪᓂ ᐸᕐᓇᐃᓂᕐᒧᑦ ᑲᒥᓴᓐ | 527 | 475 |
| ᓄᓇᕕᒻᒥ ᑕᕆᐅᕐᒥᐅᑕᓕᕆᔨᒃᑯᑦ ᑲᑎᒪᔨᖏᑦ | 527 | 475 |
| ᓄᓇᕕᒻᒥ ᑕᕆᐅᓕᕆᓂᕐᒧᑦ ᑲᑎᒪᔨᖏᑦ | 527 | 475 |
| ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ | 853 | 792 |
| ᓄᓇᕗᒻᒥ ᐸᕐᓇᐃᔩᑦ | 853 | 792 |
| ᓄᓇᕗᒻᒥ ᓄᓇᐅᑉ ᖄᖓᓄᑦ ᐱᔪᓐᓇᐅᑎᖃᕐᓂᕐᒧᑦ ᕿᒥᕐᕈᔩᑦ | 725 | 673 |
| ᓄᓇᕗᑦ ᐃᒪᓕᕆᓂᕐᒧᑦ ᑲᑎᒪᔨᑦ | 853 | 792 |
| ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ | ᑕᑯᒍᒃ ᐊᑖᓂ ᓇᓗᓇᐃᖅᓯᒪᔪᖅ ᑲᑎᒪᔨᓄᑦ ᐃᓂᖏᓐᓄᑦ | ᑕᑯᒍᒃ ᐊᑖᓂ ᓇᓗᓇᐃᖅᓯᒪᔪᖅ ᑲᑎᒪᔨᓄᑦ ᐃᓂᖏᓐᓄᑦ |
ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ ᑲᑎᒪᔨᑦ ᑮᓇᐅᔭᒃᓴᖏᑦᑕ ᐊᑭᖏᓐᓂᒃ ᐊᒻᒪᓗ ᒪᓕᒋᐊᓕᑦ ᑎᒃᑯᐊᖅᑕᐅᔪᓄᑦ, ᑐᑭᓯᓇᓱᒃᕕᒋᓗᒋᑦ ᐱᕕᖃᑎᑕᐅᕗᑎᑦ ᒥᓂᔅᑕᒥᑦ ᑎᒃᑯᐊᖅᑕᐅᓂᖅ ᐊᒻᒪᓗ ᑲᑎᒪᔨᓄᑦ ᐊᑭᓕᐅᑎᑦ ᑐᑭᒧᐊᒍᑎᖏᑦ ᐃᑭᕐᕋᓕᐅᖃᑦᑕᖅᑐᓄᑦ, GIC ᑎᒃᑯᐊᖅᑕᖏᓐᓄᑦ ᑎᒥᓂ, ᑲᑎᒪᔨᓂ, ᐊᒻᒪᓗ ᑲᒥᓴᓂ (ᐊᑐᐃᓐᓇᐅᙱᑦᑐᑦ ᐃᓄᒃᑎᑐᑦ).
ᐃᒪᓐᓇ ᐱᓇᔪᒍᓐᓇᖅᑐᑎᑦ
ᐱᓇᔪᒍᓐᓇᖅᑐᑎᑦ, ᐊᑏ ᐊᐅᓪᓚᖅᑎᑦᑎᓗᑎᑦ ᐊᑖᓂ ᑎᑎᕋᖅᓯᒪᔪᓂ ᖃᕆᓴᐅᔭᕐᓄᑦ:
- ᑎᑎᕋᖅ ᐅᖃᖅᓯᒪᓗᓂ ᓇᓪᓕᐊᖕᓂᒃ ᐱᔪᒪᓂᕐᓂᒃ ᑲᑎᒪᔨᓄᑦ, ᑲᒥᓴᓐ ᐅᕝᕙᓘᓐᓃᑦ ᕿᒥᕐᕈᐊᖅᑎᑦ, ᐊᒻᒪᓗ ᑎᑎᕋᖅᓯᒪᑦᑎᐊᕐᓗᒋᑦ ᐊᑑᑎᖃᖅᑐᑦ ᖃᐅᔨᒪᔭᑎᑦ ᐊᒻᒪᓗ ᐊᑐᖅᓯᒪᔭᑎᑦ
- ᓇᓗᓇᐃᑦᑎᐊᖅᓯᒪᔪᖅ ᐃᖅᑲᓇᐃᔭᖅᑖᕈᓐᓇᐅᑎ ᑎᑎᕋᖓ ᐃᓚᓕᐅᑎᓗᒍ ᒫᓐᓇᐅᔪᖅ ᐅᖃᕐᕕᐅᔪᓐᓇᕐᓂᐊᕋᕕᑦ ᓈᓴᐅᑎᑎᑦ ᑎᑎᕋᖅᓯᒪᓗᒋᑦ
ᐱᓇᔪᒃᑐᑦ ᐅᖃᕆᐊᖃᖅᑐᑦ ᐅᕝᕙᓘᓐᓃᑦ ᐊᑐᖅᓯᓯᒪᓗᑎᒃ ᐊᑑᑎᖃᖅᑐᓂᑦ ᑖᒃᑯᓄᖓ ᑲᑎᒪᔨᓄᑦ, ᑲᒥᓴᓄᑦ ᐅᕝᕙᓘᓐᓃᑦ ᕿᒥᕐᕈᔨᓄᑦ ᓇᓪᓕᐊᖕᓂᒃ ᐱᔨᑦᑎᕋᕈᒪᖕᒪᖔᑦ. ᒫᓐᓇ ᑲᑎᒪᔨᑦ ᐱᓕᕆᔪᒪᔪᑦ ᑎᒃᑯᐊᖅᑕᐅᒃᑲᓐᓂᕐᕕᒋᓗᒋᑦ ᐅᑯᐊᑦᑕᐅᖅ ᐱᓇᔪᒃᑲᓐᓂᕆᐊᖃᖅᑐᑦ.
ᐱᔭᐅᔪᒪᖄᕐᓕᐊᖅᑐᑦ ᐱᓇᔪᒃᑐᑦ ᐅᑯᐊ ᐃᒻᒥᖕᓂᒃ-ᓇᓗᓇᐃᖅᑐᑦ ᐃᓚᒋᔭᐅᓂᕐᒥᖕᓂᒃ ᐊᑕᐅᓯᕐᒥᑦ ᐅᕝᕙᓘᓐᓃᑦ ᐊᑕᐅᓯᐅᓐᖏᑦᑐᒥᒃ ᐊᑖᓂ ᑭᒃᑰᔪᓄᑦ:
- ᐊᕐᓇᐃᑦ
- ᓄᓇᖅᑲᖅᑳᖅᓯᒪᔪᑦ
- ᒪᒃᑯᒃᑐᑦ
- ᐱᒡᒍᕈᑎᖃᖅᑐᑦ
- ᐅᓄᓐᖏᓛᖑᔪᑦ ᓄᓇᖃᑎᒌᖕᓂ
ᐱᓇᔪᒍᑎᑦ ᐃᓱᓕᕝᕕᒃᓴᖓ
ᐱᓇᔪᒍᑎᑦ ᐊᖏᖅᑕᐅᓂᐊᖅᑐᑦ ᐊᒻᒪᓗ ᐱᔭᒃᓴᓂᒃᑎᑕᐅᓗᑎᒃ ᐱᓇᔪᒃᑐᑦ ᑲᔪᓯᔪᒥᒃ ᓄᖃᔮᓐᖏᑦᑐᖅ ᑕᒪᓐᓇ. ᑕᐃᒪᓗ ᐱᔭᐅᑐᐊᕈᑎᒃ, ᐱᓇᔪᒍᑎᑦ ᕿᓱᒪᒋᔭᐅᓐᓂᐊᖅᑐᑎᑦ ᐊᑖᒍᑦ ᓇᓪᓕᐊᒃ ᐃᓂᒃᓴᖅ ᐃᓐᓄᒋᐊᖃᖅᑐᖅ. ᐱᓇᔪᒍᑎᑦ ᐱᓯᒪᔭᐅᓂᐊᖅᑐᑦ ᐊᒻᒪᓗ ᐃᓱᒪᒋᔭᐅᑦᑎᐊᕐᓂᐊᖅᑐᑦ ᓯᕗᓂᒃᓴᒥ ᑎᒃᑯᐊᖅᓯᔭᕆᐊᖃᖅᑎᓪᓗᒋᑦ ᐱᕕᖃᖅᑎᑕᐅᕗᑦ.
ᐅᖃᕐᕕᒋᑎᒍᑦ
ᖃᕆᓴᐅᔭᒃᑯᑦ: OrganisationsNU-NUBoards@rcaanc-cirnac.gc.ca
ᐅᖃᓘᑎᒃᑯᑦ: 867-975-4790
ᐊᑭᖃᓐᖏᑦᑐᒃᑯᑦ: 1-800-686-4729
ᐃᓄᓕᕆᔨᑐᖃᒃᑯᑦ ᑲᓇᑕ
ᓄᓇᕗᒻᒥ ᑎᑎᕋᕐᕕᖓᑦ
969 ᓯᕗᒻᒧᒋᐊᖅ ᐊᖁᑎ
ᐃᖃᓗᐃᑦ, ᓄᓇᕗᑦ X0A 3H0
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: