ᒑ ᒌᐦ ᐐᒑᐱᑎᓰᒫᑭᓂᐅᐎᒡ ᓅᓈᕗᑦ, ᓅᓈᕕᒃ, ᑭᔮᐦ ᐄᔨᔨᔅᒌ ᐋᐦ ᐐᐦ ᐅᔑᐦᑖᑭᓂᐎᒡ ᐐᔓᐙᐎᓐ
ᐅᑖᐦ ᐅᐦᒋ ᑳᐦᓈᑖᐦ ᑎᐹᔨᐦᒋᒑᓰᓈᐦᒡ ᐋᐦ ᐅᐦᒋ ᓈᓈᑭᒋᔥᑖᑎᓂᐎᒡ ᐋᑎ ᐃᔨᔅᐱᔨᒡ ᒑᒀᓐ ᐅᑖᐦ ᐊᑎᒫᐳᐄᓯᒻ ᓈᓂᑎᐙᔨᐦᑖᑯᓯᐎᒡ ᐊᐙᓂᒌ ᒑ ᒌᐦ ᐎᔮᔨᒫᑭᓂᐎᑦ ᐊᐙᓐ ᐅᑖᐦ ᐅᐦᒋ ᑳᐦᓈᑖᐦ ᑎᐹᔨᐦᒋᒑᓰᓈᐦᒡ ᒑ ᒌᐦ ᐐᒋᐦᐄᐙᑦ ᐋᐦ ᐎᔨᐱᔨᐦᑖᑭᓂᐎᐎᔨᒡ ᐐᔓᐙᐎᓂᔨᐤ ᐅᑖᐦ ᓅᓈᕗᑦ, ᓅᓈᕕᒃ, ᑭᔮᐦ ᐄᔨᔨᐅᔅᒌ᙮
ᐅᑎᐦ ᐹᔅᑖᒋᓂᑭᓂᐦᒡ
ᐋᐦ ᓈᓈᑭᒋᔥᑖᑭᓂᐎᒡ ᐊᔅᒌᐦᒡ ᐋᐦ ᐅᐦᒋ ᐅᑎᓂᑭᓂᐎᒡ ᒑᒀᓐ ᐅᑖᐦ ᐊᑎᒫᐲᓯᒽ
ᐋᐦ ᒫᒨᐱᔥᑎᑭᓂᐎᒡ ᐊᔅᒌ ᑭᔮᐦ ᓂᐲ ᐋᐦ ᓈᓈᑭᒋᔥᑖᑭᓂᐎᒡ, ᒑ ᐄᔑ ᐎᔮᔨᐦᑖᑯᐦᒡ ᐐᔓᐙᐎᓐ ᐅᑖᐦ ᓅᓈᕗᑦ, ᓅᓈᕕᒃ ᑭᔮᐦ ᐄᔨᔨᐅᔅᒌᐦᒡ ᒌᐦ ᐅᔑᐦᑖᑭᓂᐆ ᐋᐦ ᓈᑭᑎᐙᔨᐦᑖᑯᐦᒡ ᐊᓂᑖᐦ ᐅᐦᒋ ᒋᔖᐎᔨᔓᐙᐎᓂᐦᒡ ᔮᔨᑖ ᒑ ᐃᐦᑐᑎᑭᓂᐎᒡ ᐅᐦᒋ ᐊᔅᒌ ᓂᔅᑯᒧᐎᓐᐦ ᓈᔥᑖᑆᐦ ᒋᔥᑎᒫᐎᓐ ᐅᑖᐦ ᐋᐦ ᐅᐦᒋ ᐐᔓᑖᒡ, ᑭᔮᐦ ᒑ ᐐᒋᐦᐄᑐᓈᓂᐎᒡ ᐋᐦ ᓈᓈᑭᒋᔥᑖᑭᓂᐎᒡ ᐆ ᒑ ᒫᒥᑐᓈᔨᐦᑎᒥᐦᐄᐙᒡ:
- ᑳᐦᓈᑖᐦ ᑭᔮᐦ ᐹᐦᐹᔨᒄ ᐊᐙᓂᒌ ᐋᐦ ᑎᐹᔨᐦᑎᐦᒡ ᐊᔅᒌᔨᐤ ᒑ ᐄᔑ ᓈᓈᑭᒋᔥᑖᑭᓂᐎᐎᔨᒡ
- ᐊᔅᒌ ᒑ ᐄᑖᐱᑎᐦᒡ ᐋᐦ ᐎᔮᔨᐦᑖᑯᐦᒡ
- ᐋᐦ ᓂᐦᐋᔨᐦᑎᒥᐦᐄᐙᒡ ᑭᔮᐦ ᐋᐦ ᒥᔨᐙᓂᐎᒡ ᒥᓯᓂᐦᐄᑭᓐ ᐋᐦ ᓂᐦᐋᔨᐦᑎᒥᐦᐄᐙᒡ
- ᐋᐙᓰᓯᒡ ᑭᔮᐦ ᐋᑳ ᒑ ᒫᐦᒋᔥᑖᑭᓂᐎᒡ ᒑᒀᓐ ᒫᓈᐦᐅᓂᐎᒡ ᐋᐦ ᐄᔅᐱᔨᐦᑖᑭᓂᐎᒡ
- ᐊᔅᒌ ᐋᐦ ᐐᐦ ᒥᓈᒋᔥᑖᑭᓂᐎᒡ ᒑ ᓈᓂᑑᒋᔅᒑᔨᐦᑖᑯᐦᒡ
ᓈᔥᑖᑆᐦ ᒋᑭ ᒌᐦ ᐐᒋᐦᐄᑯᓐ ᐋᐦ ᐐᒋᐦᐄᐙᔨᓐ ᐋᐦ ᐎᔨᐱᔨᐦᑖᑭᓂᐎᒡ ᒑ ᐄᔑᓈᑯᐦᒡ ᐐᔓᐙᐃᓐ᙮ ᐆ ᐋᐦ ᐋᐱᑎᔒᔥᑎᑭᓂᐎᒡ ᓈᔥᑖᑆᐦ ᒋᔥᑎᒫᐎᓐ ᐊᓐ ᒑ ᐄᔑ ᐋᐱᑎᐦᒡ, ᐋᐦ ᑭᒑᔅᒋᒫᑭᓂᐎᒡ ᑎᐹᔨᐦᒋᒑᓯᐤ᙮ ᐊᓂᑖᐦ ᒫᒃ ᒑ ᒌᐦ ᐄᔑ ᐃᐦᑐᑎᐦᒡ ᔮᔨᑖ ᒑ ᐄᔅᐱᔨᔨᒡ ᐊᓂᔮ ᐋᔑ ᓂᑎᐙᔨᐦᑖᑯᓯᒡ ᒑ ᐄᔑ ᐋᐱᑎᔒᔥᑎᐦᒡ, ᓂᑎᐙᔨᒫᐎ ᐊᐙᔨᐤᐦ ᓈᔥᒡ ᐋᐦ ᒥᔻᐱᑎᓯᔨᒡᐦ᙮
ᐋᐦ ᒫᒨᐱᔥᑎᑭᓂᐎᒡ
- ᐄᔨᔨᐅᔅᒌᐦᒡ ᒦᓐ ᐋᐦ ᑭᓂᐙᐱᐦᑎᐦᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ (ᑳᐱᑦ ᓈᐦᐹᒻ ᐋᑎᒫᐲᓯᒻ ᐄᔨᔫ ᐊᔨᒨᓐ)
- ᐄᔨᔨᐅᔅᒌᐦᒡ ᑎᔮᐦᑭᐦᐄᒑᐱᔨᒡ ᐐᓂᐹᒄ ᐋᐦ ᐎᔮᔨᐦᑖᑯᐦᒡ ᒑᒀᓐ ᐋᐦ ᒫᒨᐱᔥᑎᑭᓂᐎᒡ (ᑳᐱᑦ ᓈᐦᐹᒻ ᐋᑎᒫᐲᓯᒻ ᐄᔨᔫ ᐊᔨᒨᓐ)
- ᓅᓈᕕᒃ ᐐᓂᐹᑯᐦᒡ ᒦᓐ ᐋᐦ ᑭᓂᐙᐱᑎᐦᑭᓂᐎᒡ ᒑ ᐄᔑ ᑖᐦᑭᐦᐄᒑᐱᔨᒡ ᐋᐱᑎᓰᐎᓐ (ᑳᐱᑦ ᓈᐦᐹᒻ ᐋᑎᒫᐲᓯᒻ ᐄᔨᔫ ᐊᔨᒨᓐ)
- ᓅᓈᕕᒃ ᐋᐦ ᐎᔮᔨᐦᑖᑯᐦᒡ ᒑᒀᓐ ᐐᓂᐹᑯᐦᒡ ᐋᐦ ᒫᒨᐱᔥᑎᑭᓂᐎᒡ (ᑳᐱᑦ ᓈᐦᐹᒻ ᐋᑎᒫᐲᓯᒻ ᐄᔨᔫ ᐊᔨᒨᓐ)
- ᓅᓈᕗᑦ ᐋᐦ ᐎᔮᔨᐦᑖᑯᐦᒡ ᒑᒀᓐ ᐐᓂᐹᑯᐦᒡ ᐋᐦ ᒫᒨᐱᔥᑎᑭᓂᐎᒡ (ᑳᐱᑦ ᓈᐦᐹᒻ ᐋᑎᒫᐲᓯᒻ ᐄᔨᔫ ᐊᔨᒨᓐ)
- ᓅᓈᕗᑦ ᐋᐦ ᒫᒨᐱᔥᑎᑭᓂᐎᒡ ᒑ ᐄᔑ ᐎᔮᔨᐦᑖᑯᐦᒡ ᒑᒀᓐ (ᑳᐱᑦ ᓈᐦᐹᒻ ᐋᑎᒫᐲᓯᒻ ᐄᔨᔫ ᐊᔨᒨᓐ)
- ᓅᓈᕗᑦ ᑭᔅᒋᐦᐅᐎᓐᐦ ᐅᐦᒋ ᐅᔅᑎᔅᑭᒥᒡ ᐋᐦ ᐅᐦᒋ ᐅᑎᓂᑭᓂᐎᒡ ᒑᒀᓐ ᐋᐦ ᐅᐦᒋ ᐐᔓᑖᒡ (ᑳᐱᑦ ᓈᐦᐹᒻ ᐋᑎᒫᐲᓯᒻ ᐄᔨᔫ ᐊᔨᒨᓐ)
- ᓅᓈᕗᑦ ᐋᐦ ᓈᓈᑭᒋᔥᑖᑭᓂᐎᒡ ᓂᐲ ᐋᐦ ᒫᒨᐱᔥᑎᑭᓂᐎᒡ (ᑳᐱᑦ ᓈᐦᐹᒻ ᐋᑎᒫᐲᓯᒻ ᐄᔨᔫ ᐊᔨᒨᓐ)
- ᓅᓈᕗᑦ ᐋᐦ ᒫᒨᐱᔥᑎᑭᓂᐎᒡ ᒑ ᐄᔑ ᓈᓈᑭᒋᐦᐋᑭᓂᐅᐎᒡ ᐋᐙᓰᓯᒡ (ᑳᐱᑦ ᓈᐦᐹᒻ ᐋᑎᒫᐲᓯᒻ ᐄᔨᔫ ᐊᔨᒨᓐ)
ᒑ ᐄᔑ ᑎᐱᐦᐋᒧᐙᑭᓂᐅᐎᒡ ᐊᐙᓂᒌ ᐋᐦ ᒫᒨᐱᔥᑎᐦᒡ ᒑᒀᔨᐤ
| ᐋᐦ ᒫᒨᐋᐱᑎᔒᔥᑎᑭᓂᐎᒡ | ᓈᑳᓂᐱᔥᑎᐦᒃ ᐋᔑᒧᒥᒌᔑᑳᐤᐦ ᒑ ᑎᐱᐦᐋᒧᐙᑭᓂᐎᑦ ($) | ᐋᔑᑯᒥᒌᔑᑳᐤᐦ ᐙᒋᐦᐄᐙᑦ ᒑ ᑎᐱᐦᐋᒧᐙᑭᓂᐎᑦ ($) |
|---|---|---|
| ᐄᔨᔨᐅᔅᒌᐦᒡ ᒦᓐ ᐋᐦ ᑭᓂᐙᐱᐦᑎᐦᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ | 527 | 475 |
| ᐄᔨᔨᐅᔅᒌᐦᒡ ᑎᔮᐦᑭᐦᐄᒑᐱᔨᒡ ᐐᓂᐹᒄ ᐋᐦ ᐎᔮᔨᐦᑖᑯᐦᒡ ᒑᒀᓐ ᐋᐦ ᒫᒨᐱᔥᑎᑭᓂᐎᒡ | 527 | 475 |
| ᓅᓈᕕᒃ ᐐᓂᐹᑯᐦᒡ ᒦᓐ ᐋᐦ ᑭᓂᐙᐱᑎᐦᑭᓂᐎᒡ ᒑ ᐄᔑ ᑖᐦᑭᐦᐄᒑᐱᔨᒡ ᐋᐱᑎᓰᐎᓐ | 527 | 475 |
| ᓅᓈᕕᒃ ᐋᐦ ᐎᔮᔨᐦᑖᑯᐦᒡ ᒑᒀᓐ ᐐᓂᐹᑯᐦᒡ ᐋᐦ ᒫᒨᐱᔥᑎᑭᓂᐎᒡ | 527 | 475 |
| ᓅᓈᕗᑦ ᐋᐦ ᐎᔮᔨᐦᑖᑯᐦᒡ ᒑᒀᓐ ᐐᓂᐹᑯᐦᒡ ᐋᐦ ᒫᒨᐱᔥᑎᑭᓂᐎᒡ | 853 | 792 |
| ᓅᓈᕗᑦ ᐋᐦ ᒫᒨᐱᔥᑎᑭᓂᐎᒡ ᒑ ᐄᔑ ᐎᔮᔨᐦᑖᑯᐦᒡ ᒑᒀᓐ | 853 | 792 |
| ᓅᓈᕗᑦ ᑭᔅᒋᐦᐅᐎᓐᐦ ᐅᐦᒋ ᐅᔅᑎᔅᑭᒥᒡ ᐋᐦ ᐅᐦᒋ ᐅᑎᓂᑭᓂᐎᒡ ᒑᒀᓐ ᐋᐦ ᐅᐦᒋ ᐐᔓᑖᒡ | 725 | 673 |
| ᓅᓈᕗᑦ ᐋᐦ ᓈᓈᑭᒋᔥᑖᑭᓂᐎᒡ ᓂᐲ ᐋᐦ ᒫᒨᐱᔥᑎᑭᓂᐎᒡ | 853 | 792 |
| ᓅᓈᕗᑦ ᐋᐦ ᒫᒨᐱᔥᑎᑭᓂᐎᒡ ᒑ ᐄᔑ ᓈᓈᑭᒋᐦᐋᑭᓂᐅᐎᒡ ᐋᐙᓰᓯᒡ | ᐅᑖᐦ ᓃᐦᑖᐦᒡ ᐋᑯᑎᐦ ᒑ ᐙᐱᐦᑎᒥᓐ ᐊᓐ ᒑ ᐅᒋᒫᐦᑭᐦᑎᐦᒃ ᐋᐱᑎᓰᐎᓐᐦ | ᐅᑖᐦ ᓃᐦᑖᐦᒡ ᐋᑯᑎᐦ ᒑ ᐙᐱᐦᑎᒥᓐ ᐊᓐ ᒑ ᐅᒋᒫᐦᑭᐦᑎᐦᒃ ᐋᐱᑎᓰᐎᓐᐦ |
ᐐᐦ ᒋᔅᒑᔨᐦᑎᒥᓈ ᒑ ᐄᔥᐱᔑ ᑎᐱᐦᐋᒧᐙᑭᓂᐅᐎᒡ ᐊᐙᓂᒌ ᑭᔮᐦ ᐊᓂᔮ ᒑ ᐄᔑᓈᑯᓂᔨᒡ ᐅᑖᔅᑯᓈᑭᓂᐎᐎᒑ, ᒑ ᑯᒀᒋᔅᒑᒧᔨᓐ ᑎᐹᔨᐦᒋᒑᓰᓈᐦᒡ ᐋᐦ ᐎᔮᔨᒫᑭᓂᐎᑦ ᐊᐙᓐ ᒑ ᐄᔥᐱᔑ ᑎᐱᐦᐋᒧᐙᑭᓂᐎᒡ ᐊᐙᓐ ᒥᒄ ᐋᔅᑭᐤ ᐋᐦ ᐋᐱᑎᓰᑦ ᐊᓂᑖᐦ ᐋᐦ ᐅᐦᒋ ᐎᔮᔨᐦᑖᑯᓂᔨᒡᐦ ᐐᔓᐙᐎᓐᐦ ᐋᐦ ᐋᐱᒋᐦᐋᑭᓂᐎᑦ᙮ (ᑳᐱᑦ ᓈᐦᐹᒻ ᐋᑎᒫᐲᓯᒻ ᐄᔨᔫ ᐊᔨᒨᓐ)
ᐊᓂᑖᐦ ᒑ ᒌᐦ ᐄᔑ ᐲᐦᑎᑖᓯᓂᐦᐅᓱᔨᓐ
ᐐᐦ ᑯᒋᔥᑖᔨᓈ, ᒫᐅᑖᐦ ᒐ ᐊᒌᐦ ᐄᑎᔑᐦᐋᒥᓐ ᐊᓐ ᓈᑎᐙᔨᐦᑖᑯᐦᒡ ᐅᑎᐦ ᓃᐦᑖᐦᒡ ᒫᓯᓈᑖᒡ:
- ᒥᓯᓂᐦᐄᑭᓐ ᐋᐦ ᒥᓯᓈᑖᒡ ᐋᐦ ᐐᐦ ᐐᒋᐦᐄᐙᔨᓐ ᐋᐦ ᐎᔮᔨᐦᑖᑯᐦᒡ ᒑ ᐄᔑᓈᑯᐦᒡ ᐐᔓᐙᐎᓐ ᑭᔮᐦ ᔮᔨᑖ ᒑ ᐐᐦᑖᑯᐦᒡ ᐊᓐ ᐋᔑ ᒋᔅᒑᔨᐦᑎᒥᓐ ᐅᐦᒋ ᐆ ᑭᔮᐦ ᔖᔥ ᒦᓐ ᑳᐦ ᐋᐱᑎᔒᔥᑎᒧᐎᓈ
- ᒥᒋᓐ ᐋᐦ ᐐᐦᑖᑯᐦᒡ ᐋᐅᒄ ᑭᔮᐦ ᓈᑎᐙᔨᐦᑖᑯᐦᒡ ᐊᓂᑖᐦ ᒑ ᒌᐦ ᐅᐦᒋ ᑳᐦᒋᔥᑎᓂᑭᐎᐎᔨᓐ
ᐊᓂᒌ ᐙᐦ ᑯᒋᔥᑖᒡ ᔮᔨᑖ ᑭᑎ ᐃᔮᐎᒡ ᒋᔅᒑᔨᐦᑎᒧᐎᓂᔨᐤ ᑭᔮᐦ ᔖᔥ ᐋᐦ ᒌᐦ ᐄᑖᐱᑎᓰᒡ ᐅᐦᒋ ᐋᐦ ᐎᔮᔨᐦᑖᑯᓂᔨᒡ ᒑ ᒌᐦ ᐄᔑᓈᑯᓂᔨᒡ ᐐᔓᐙᐎᓂᔨᐤ ᐊᓂᔮ ᐙᐦ ᑯᒋᔥᑖᒡ ᒑ ᐄᑖᐱᑎᓰᒡ᙮ ᐊᓂᒌ ᒫᒀᒡ ᐅᔮ ᐋᑖᐱᑎᓰᒡ ᐊᔮᐱᒡ ᑭᔮᐦ ᐐᔨᐙᐤ ᓂᑎᐙᔨᒫᑭᓂᐅᐎᒡ ᒑ ᐄᑎᔑᐦᐋᒡ ᐅᒥᓯᓂᐦᐄᑭᓂᐙᐤᐦ᙮
ᐋᑯᑖᐦ ᒑ ᒌᐦ ᐄᔑᓈᑯᐦᒡ ᐅᒌ ᐊᐙᓂᒌ ᓃᐦᑖᐦᒡ ᒫᓯᓈᓱᒡ ᓃᔥᑎᒻ ᒑ ᒫᒥᑐᓈᔨᐦᑎᒥᐦᐄᐙᒡ:
- ᐃᔥᒀᐅᒡ
- ᐄᔨᔨᐅᒡ, ᐄᔥᒌᒫᐅᒡ ᑭᔮᐦ ᒫᒃ ᒣᐃᑏ
- ᐅᔅᒋᓃᒋᓯᐅᒡ
- ᐊᐙᓂᒌ ᐋᑳ ᒌᐦ ᒥᔪᐐᒋᐦᐄᓱᒡ
- ᐋᑳ ᐙᒥᔥᑎᑯᔒᓈᐦᒡ ᐄᑎᔅᑳᓈᓯᒡ ᒥᒄ ᐋᑳ ᐊᔅᑎᒌᔅᑖᑯᓯᒡ ᐄᔨᔨᐅᒡ
ᑖᐃᔅᑉ ᒑ ᒋᐱᐦᐄᑭᓂᐎᒡ ᐋᐦ ᐐᐦ ᐲᐦᑎᑖᓯᓂᐦᐅᓱᓈᓂᐎᒡ
ᒨᔥ ᒋᑭ ᐱᒥᐱᔨᐤ ᐋᐦ ᑭᓂᐙᐱᐦᑎᑭᓂᐎᒡᐦ ᐊᓂᒌ ᒥᓯᓂᐦᐄᑭᓐᐦ ᐅᔮ ᐋᐦ ᐐᐦ ᐄᑖᐱᑎᓰᒡ ᐊᐙᓂᒌ᙮ ᐅᑎᐦᒋᐱᔨᒀᐙ ᐅᐦᐄ ᒥᓯᓂᐦᐄᑭᓐᐦ, ᒋᑭ ᑭᓂᐙᐱᐦᑎᑭᓂᐤᐦ ᐹᑎᔥ ᒌᐦ ᐎᔮᔨᐦᑖᑯᓯᒑ ᐊᓐ ᐊᐙᓐ ᒑ ᐅᑎᓈᑭᓂᐎᑦ᙮ ᐅᐦᐄ ᒥᓯᓂᐦᐄᑭᓐᐦ ᒋᑭ ᒌᐦ ᑭᓂᐙᔨᐦᑎᑭᓂᐤᐦ ᑭᔮᐦ ᒦᓐ ᒋᑭ ᑭᓂᐙᐱᑎᐦᑎᑭᓂᐤᐦ ᐊᓂᑖᐦ ᐄᔑ ᓃᔥᑖᒥᐦᒡ ᒦᓐ ᓂᑎᐙᔨᐦᑖᑯᓯᒑ ᐊᐙᓐ᙮
ᒑ ᐹᒋ ᐊᔨᒥᐦᐄᔮᐦᒡ
ᓂᑐᐙᐱᐦᒋᑭᓐ ᐋᐦ ᐋᐱᑎᐦᒡ: OrganisationsNU-NUBoards@rcaanc-cirnac.gc.ca
ᐋᑎᓯᓈᑖᒡ: 867-975-4790
ᐋᑳ ᑎᐱᐦᐄᑭᓂᐎᒡ ᐋᐦ ᒥᑣᐦᑎᑖᑭᓂᐎᒡ: 1-800-686-4729
ᑳᐦᓈᑖᐦ ᐋᐦ ᐐᒑᐱᑎᓰᒥᑐᒡ ᐄᔨᔨᐅᒡ, ᐄᔥᒌᒫᐅᒡ ᑭᔮᐦ ᒣᐃᑏ ᑭᔮᐦ ᐅᑖᐦ ᐊᑎᒫᐲᓯᒽ ᐋᔅᐱᔨᒡ ᒑᒀᓐ
Nunavut Regional Office
969 Sivumugiaq Street
Iqaluit, NU X0A 3H0
- ᒫᐦᒋᒡ ᑳ ᐋᐦᒋᔥᑖᑭᓂᐎᒡ: