Piyakhat hapkununga Nunavunmi, Nunavik, uvvalu Eeyou Istchee katimayiit, kamisinangit, uvvalu ihuaqhaiyit
Kuin-Nunaqaqqaarluangit Ilagiyait unalu Ukiuqtaqtumit Kanatami qiniqhiayut inungnik ihumagiyunik ihumagiyauyumayunik kavamatuqatkunnit tikkuaqtauyukhanik katimayiinnun, kamisinanun, apiqhuivingnullu Nunavunmi, Nunavingmi, uvanilu Eeyou Istchee.
Uvani makpirniani
- Munarihimaarniq nunamiitutuqqat piqarnit Tunnganirmi
- Timiuyut
- Katimayiit akiliuhiakhait
- Qanuq uukturiamik
- Uuktuutit umigvikhaa
- Takulugu una
Munarihimaarniq nunamiitutuqqat piqarnit Tunnganirmi
Nunatigut uvvalu Imakkut katimayiit, katudjiqatigiit, uvvalu ihuaqhaiyit Nunavunmi, Nunavik, uvvalu Eeyou Istchee havaktauhimayut pihimablugit maligatigut-munariyauyut tamatkiumayut Nunataarnikkut Angirutit. Pidjutiqaqtut maligatigut auladjutainun uvvalu munaridjutikkut auladjutit, kitut pidjutiqaqtut hunanik munaridjutinik:
- Kuin uvvalu nanminiqaqtut nunat
- Nunanga aturninganik ihumaliurniq
- Munariblugit laisit
- Munariblugit huradjat uvvalu annguhiqinikkut ikayuutit
- Havakhutik avatiliqinikkut ihivriurutinik
Katimayiunirmik, katudjiqatigiingit, ihuaqhaiyiniluunniit nakuuqpiaktuq aturiami. Hapkuat katimayiit anginiqaqtumik havaaqaqtut, uqaudjiplutik kavamatkunnut imaaluuniit ikayuqhutik munaqhiplutik hunanik atauttikkut. Ihuaqtumik havagiamingni havaamingnik, ihariahuktut katimajikhanik akhuuqtunik havagumayunik haffuminnga havaakhamik.
Timiuyut
- Eeyou Taryumi Avikturniannit Hulaqutinun Ihivriurnikkut Katimayiit (Piyaunnaittut Inuinnaqtun)
- Eeyou Taryumi Avikturniannit Upalungaiyainirmut Katimayiita (Piyaunnaittut Inuinnaqtun)
- Nunavik Taryumi Avikturniannit Hulaqutinun Ihivriurnikkut Katimayiit (Piyaunnaittut Inuinnaqtun)
- Nunavik Taryumi Avikturniannit Upalungaiyainirmut Katimayiita (Piyaunnaittut Inuinnaqtun)
- Nunavut Avatiliriyit Katimayit (Piyaunnaittut Inuinnaqtun)
- Nunavut Parnaijiit Katimajiit (Piyaunnaittut Inuinnaqtun)
- Nunavunmi Pilaagutainun Nunami Piyunnautingit Katimayiit (Piyaunnaittut Inuinnaqtun)
- Nunavut Imaligiyit Katimayit (Piyaunnaittut Inuinnaqtun)
- Nunavut Uumajuliqijitkut Katimajit (Piyaunnaittut Inuinnaqtun)
Katimayiit akiliuhiakhait
| Timiujuq | Ikhivautalik ubluq tamaat akiliuhianga ($) | Ilauyut ubluq tamaat akiliakhangit ($) |
|---|---|---|
| Eeyou Taryumi Avikturniannit Hulaqutinun Ihivriurnikkut Katimayiit | 527 | 475 |
| Eeyou Taryumi Avikturniannit Upalungaiyainirmut Katimayiita | 527 | 475 |
| Nunavik Taryumi Avikturniannit Hulaqutinun Ihivriurnikkut Katimayiit | 527 | 475 |
| Nunavik Taryumi Avikturniannit Upalungaiyainirmut Katimayiita | 527 | 475 |
| Nunavut Avatiliriyit Katimayit | 853 | 792 |
| Nunavut Parnaijiit Katimajiit | 853 | 792 |
| Nunavunmi Pilaagutainun Nunami Piyunnautingit Katimayiit | 725 | 673 |
| Nunavut Imaligiyit Katimayit | 853 | 792 |
| Nunavut Uumajuliqijitkut Katimajit | Qinirlugit titiraqhimayut ataani hapkununga Kavamat Katimayiinun havaakhat | Qinirlugit titiraqhimayut ataani hapkununga Kavamat Katimayiinun havaakhat |
Naunaiqhittiarumaguvit akiliuhiakhanut aktilaanganik imaalu tikkuaqtaunikkut qanurinniinnik, takulugu Uukturvikhat ministat tikkuaqtauvikhainnik imaalu Akiliuhiakhanut maliktakhat ublup ilainnaani GIC havaktiinut havagvingni, katimayinni, havagviuyunilu (Piyaunnaittut Inuinnaqtun).
Qanuq uukturiamik
Uukturumaguvit, qaritauyakkut titirarvigilugit hapkuat:
- titiraqhimayumik naunairutiqaqtuq ihumagiyangnik ilauyaangat katimayiinun, katudjiqatigiingnut, ihuaqhaiyiinulluuniit, naunaiyariikhimayullu aulahimayut ayuittiariikhimayangnik havakpakhimayangniglu
- naunaiyattiaqhimayumik havakpakhimayangnik naunaitkutingnik tadja hivayagakhangnik naunaitkutingnik
Ilihimayukhauyutit havakpakhimayarnigluunniit pidjutiqaqtunik katimayiinnun, katudjiqatigiinnut, naalagvingnulluunniit ilauyumayarnun. Tadja katimayiinni ilauyun tikkuaqtauffaarumayun uuktuinnariaqaqtullu.
Pilluarumaniarungnaqhiyut uuktuqtunun naunaiyaqhimayun ilauplutik atauhirmin amigaitqiyauyuniluunniit hapkunannga katimayiinnit:
- arnat
- Nunaqaqqaaqhimayut inuit
- inulramiit
- inuit timimikkut ayuqhautiqaqtut
- ilauyut tautungnaqtut Ikitqiyat
Uuktuutit umigvikhaa
Pivaktavut ihivriuqhugillu uuktuutit aularaanginnaqtumik. Piguptigik, uuktuutit ihumagiyauniaqtut havaakhat havaktiqalirumik. Uuktuutit pihimayauniaqtut tutquumavingnit uvvalu ihivriuqtaulutik hivun'ngani angmarvikhanut.
Takulugu una
Qaritaujakkut: OrganisationsNU-NUBoards@rcaanc-cirnac.gc.ca
Hivayautikkut: 867-975-4790
Akiqanngittukkut: 1-800-686-4729
Kuin-Nunaqaqqaarluangit Ilagiyait unalu Ukiuqtaqtumit Kanatami
Nunavut Avikhimaniani Aapisia
969 Sivumugiaq Street
Iqaluit, NU X0A 3H0
- Ihuaqhiyauyuq ublua: