ᐱᔾᔪᑕᐅᓗᐊᖅᓯᒪᔪᑦ ᑲᓇᑕᐅᑉ ᐅᑭᐅᖅᑕᖅᑐᖓᓄᑦ ᐅᑭᐅᖅᑕᖅᑐᒥᓪᓗ ᐊᑐᐊᒐᕐᒧᑦ ᐋᖅᑭᒃᓯᒪᓂᖓ

ᓯᕗᓪᓕᖅᐹᒥ ᐱᓕᕆᔾᔪᑕᐅᓂᐊᖅᑐᒥᒃ ᐊᑐᓕᖅᑎᑦᑎᖃᑎᒌᒍᑕᐅᓇᓱᒃᑐᑦ ᑲᓇᑕᒥ ᐊᒻᒪ ᓄᓇᖃᖅᑳᖅᓯᒪᔪᓂᒃ, ᓄᓇᕘᒥ ᐊᒻᒪ ᑲᓇᑕᒥ ᐊᕕᒃᑐᖅᓯᒪᔪᓂᒃ ᐱᓕᕆᔨᐅᖃᑕᐅᔪᑦ ᐅᑯᓂᖓ ᐃᓚᖃᓚᐅᖅᐳᑦ:

• ᓄᕕᐱᕆ 2020: ᓯᕗᓪᓕᖅᐹᖅ ᐅᑭᐅᖅᑕᖅᑐᒥ ᐅᑭᐅᖅᑕᖅᑐᒥᓗ ᐊᑐᐊᒐᓕᕆᓂᕐᒧᑦ ᐋᖅᑭᒃᓯᒪᓂᖓ ᓯᕗᓕᖅᑏᑦ ᑲᑎᒪᔨᕋᓛᖏᑦ ᑲᑎᒪᓂᖓ, ᐃᓚᖃᓚᐅᖅᑐᖅ ᓇᓗᓇᐃᖅᓯᓂᕐᒥᒃ ᑲᓇᑕᓕᒫᒥ ᐊᑐᖅᑕᐅᓇᔭᖅᑐᒥᒃ ᐋᖅᑭᒃᓯᒪᓂᖓᓄᑦ ᐊᐅᓚᑦᑎᕝᕕᖃᕐᓂᕐᒥᒃ ᒐᕙᒪᑐᖃᒃᑯᓐᓂᑦ, ᐊᕕᒃᓯᒪᓂᕐᓂᑦ, ᐅᑭᐅᖅᑕᖅᑐᒥ ᐊᕕᒃᓯᒪᓂᕐᓂᑦ ᓄᓇᖃᖅᑳᖅᑐᓄᓪᓗ ᐱᓕᕆᖃᑎᒌᒃᐸᒃᑐᓄᑦ, ᐊᒻᒪᓗᑦᑕᐅᖅ ᐅᖃᐅᓯᖃᕐᓂᕐᒥᒃ ᐱᓕᕆᖃᑎᒋᔭᐅᔫᑉ ᓯᕗᓪᓕᖅᐸᐅᑦᑎᐅᑎᓯᒪᔭᖏᓐᓂᒃ ᑕᐃᒪᐃᓐᓂᕆᔭᐅᔪᓄᑦ ᓄᕙᒡᔪᐊᕐᓇᖅᑐᒧᑦ ᐅᑎᖅᑎᑦᑎᓂᕐᒧᑦ
• ᓄᕕᐱᕆ 2020: ᐅᑭᐊᒃᓵᒃᑯᑦ ᑮᓇᐅᔭᓕᐅᕋᓱᖕᓂᕐᒧᑦ ᐅᖃᐅᓯᐅᔪᑦ ᑮᓇᐅᔭᓕᐅᕈᑕᐅᓇᓱᒃᑐᑦ ᐅᑭᐅᖅᑕᖅᑐᒥ
• 2020 ᐊᒻᒪ 2021: ᑐᕌᒐᕆᔭᐅᔪᑦ ᓄᕙᒡᔪᐊᕐᓇᖅᑐᒧᑦ ᐃᑲᔫᑎᒃᓴᑦ ᐅᑭᐅᖅᑕᖅᑐᒧᑦ
• ᑮᓇᐅᔭᖅᑑᑎᒃᓴᑦ 2021: ᑮᓇᐅᔭᓕᐅᕈᑕᐅᓇᓱᒃᑐᑦ ᐃᑲᔪᖅᓱᐃᔾᔪᑎᒃᓴᑦ ᐊᑐᓕᖅᑎᑕᐅᔪᓄᑦ ᐱᓕᕆᔾᔪᑕᐅᔪᒧᑦ ᑐᕌᒐᕆᔭᐅᔪᓄᑦ ᐊᒻᒪ ᑎᑭᑕᐅᓇᓱᒃᑐᓄᑦ ᐊᒻᒪ ᓯᕗᓪᓕᐅᔾᔭᐅᔪᒪᔪᓄᑦ ᐱᕙᓪᓕᐊᑎᑦᑎᖃᑎᒌᓄᑦ ᐱᓕᕆᖃᑕᐅᔪᓄᑦ, ᓇᓗᓇᐃᖅᑕᐅᓯᒪᔪᑦ ᐱᓕᕆᔾᔪᑕᐅᓂᐊᖅᑐᓄᑦ ᓵᑉᑕᖏᑦ ᒪᓕᒡᓗᒋᑦ
• ᑎᓯᐱᕆ 2021: ᐊᐃᑉᐸᖏᑦ ᐅᑭᐅᖅᑕᖅᑐᒥ ᐅᑭᐅᖅᑕᖅᑐᒥᓪᓗ ᐊᑐᐊᒐᓕᕆᓂᕐᒧᑦ ᐱᓕᕆᔾᔪᑕᐅᓂᐊᖅᑐᑦ ᓯᕗᓕᖅᑏᑦ ᑲᑎᒪᔨᖏᑦ ᑲᑎᒪᓗᑎᒃ, ᐃᓚᖃᓚᐅᖅᑐᑦ ᐅᖃᐅᓯᖃᕐᓂᕐᒥᒃ ᐱᓕᕆᖃᑎᒋᔭᐅᔪᑦ ᓯᕗᓪᓕᐅᑎᔪᒪᔭᖏᓐᓂᒃ ᐊᒻᒪᓗ ᐊᕕᒃᑐᖅᓯᒪᔪᓂ ᐊᐅᓚᑦᑎᓂᕐᒧᑦ ᐋᖅᑭᒃᓯᒪᓂᕆᓂᐊᖅᑕᖓᓂᒃ ᐱᓕᕆᔾᔪᑕᐅᓂᐊᖅᑐᒧᑦ
• 2022: ᐱᓕᕆᖃᑎᒌᖏᓐᓇᖕᓂᖅ ᐱᓕᕆᖃᑎᓂᑦ ᐅᖃᐅᓯᖃᕐᓗᑎᒃ ᓴᖅᑭᑦᑎᓂᖕᓂᑦ ᐊᕕᒃᑐᖅᓯᒪᔪᓂᑦ ᐊᐅᓚᑦᑎᓂᖕᓂᑦ ᖃᐅᔨᓴᕈᑕᐅᓂᐊᖅᑐᓂᑦ ᐱᓕᕆᐊᒥᑦ ᐱᓕᕆᐊᖃᕐᓗᑎᒡᓗ ᐱᕙᓪᓕᐊᓂᖏᓐᓂᑦ ᐊᑐᓕᖅᑎᑦᑎᓂᖕᒧᑦ ᐸᖕᓇᐅᑎᓂᑦ
• ᑮᓇᐅᔭᑦ ᐊᑐᖅᑐᒃᓴᑦ 2022: ᑮᓇᐅᔭᓕᐅᕈᑕᐅᓇᓱᒃᑐᑦ ᐱᓕᕆᐊᖑᖃᑕᐅᓗᑎᒃ ᓯᕗᓪᓕᐅᔾᔭᐅᔪᒪᔪᓄᑦ ᐅᖃᐅᓯᐅᓯᒪᔪᓄᑦ ᐱᓕᕆᔨᐅᖃᑎᒌᓄᑦ 2021-ᒥ ᐅᑭᐅᖅᑕᖅᑐᒥ ᐊᒻᒪ ᐅᑭᐅᖅᑕᖅᑐᒥ ᐊᑐᐊᒐᕐᒧᑦ ᐋᖅᑭᒃᓯᒪᓂᕆᓂᐊᖅᑕᖓᓄᑦ ᓯᕗᓕᖅᑏᑦ ᑲᑎᒪᔨᕋᓛᑦ ᑲᑎᒪᑎᓪᓗᒋᑦ, ᐅᑯᐊ ᐃᓚᓕᐅᔾᔭᐅᓪᓗᑎᒃ:
  • ᓯᕐᓗᐊᓕᕆᓂᖅ
  • ᐃᑲᔫᑎᑦ ᐃᓱᒪᒧᑦ ᖃᓄᐃᙱᑦᑎᐊᖕᓂᖕᒧᑦ ᖃᓄᐃᙱᑦᑎᐊᖕᓂᓕᕆᓂᖕᓂᓪᓗ
  • ᖃᐅᔨᓴᐅᑏᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᒃᑐᐃᓂᐅᕙᒃᑐᑦ ᓱᖏᐅᑎᕙᓪᓕᐊᓂᖕᒧᓪᓗ
  • ᐊᔾᔨᒌᙱᓐᓂᖏᑦ−ᑐᙵᕕᓖᑦ ᐊᑐᖅᑕᐅᓇᔭᖅᑐᑦ ᐅᖃᐅᓯᖃᕐᓂᐊᕐᓗᓂ ᓇᖕᒥᓂᖅ−ᐱᓇᔪᖕᓂᕐᒥᒃ
• ᓯᑎᐱᕆ 2022: ᐱᖓᔪᖓᓐᓂᑦ ᐊᕐᕌᒍᒥᑦ ᐅᑭᐅᖅᑕᖅᑐᒥᑦ ᐅᑭᐅᖅᑕᖅᑐᒥᓪᓗ ᐊᑐᐊᒐᓄᑦ ᓯᕗᓕᖅᑎᐅᓂᖕᒧᑦ ᑲᑎᒪᔨᕋᓛᑦ ᑲᑎᒪᓪᓗᑎᒃ, ᑲᑎᒪᔾᔪᑎᒃᓴᑦ ᐃᓚᖃᓚᐅᖅᑐᑦ ᓄᑖᙳᕆᐊᖅᑕᓂᑦ ᐅᑭᐅᖅᑕᖅᑐᒥᑦ ᐅᑭᐅᖅᑕᖅᑐᒥᓪᓗ ᓴᐳᔾᔨᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ ᐱᕕᔾᔪᐊᓂᒡᓗ ᐅᔭᕋᖕᓂᐊᒐᒃᓴᓂᑦ ᐅᑭᐅᖅᑕᖅᑐᒥᑦ, ᐊᒻᒪᓗᑦᑕᐅᖅ ᐅᖃᐅᓯᖃᕐᓗᑎᒃ ᐱᓕᕆᖃᑎᒋᔭᓂᑦ ᓯᕗᓪᓕᐅᔾᔭᒃᓴᓂᑦ ᓲᕐᓗ ᒪᑭᒪᐅᑎᓂᑦ ᐃᒡᓗᓕᕆᓂᖕᓂᓪᓗ, ᐋᓐᓂᐊᖃᖕᓇᙱᑦᑐᓕᕆᓂᖕᒧᑦ ᖃᓄᐃᙱᑦᑎᐊᖕᓂᖕᒧᓪᓗ ᐃᑲᔪᖅᑐᐃᓃᑦ, ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᑦ ᐃᓕᓐᓂᐊᕐᓂᓕᕆᓂᖕᓂᓪᓗ ᐃᓕᓐᓂᐊᕐᓂᓕᕆᓂᖕᓂᓪᓗ
• ᑮᓇᐅᔭᑦ ᐊᑐᖅᑐᒃᓴᑦ 2023: ᓄᑖᑦ ᑮᓇᐅᔭᓕᐅᕈᑕᐅᓇᓱᒃᑐᑦ ᓯᕗᓪᓕᐅᔾᔭᐅᔪᒪᔪᓄᑦ ᐅᖃᐅᓯᐅᓯᒪᔪᓄᑦ ᐱᓕᕆᖃᑕᐅᔪᓄᑦ 2022-ᒥ ᐅᑭᐅᖅᑕᖅᑐᒥᓗ ᐊᑐᐊᒐᕐᒧᑦ ᐋᖅᑭᒃᓯᒪᓂᕆᓂᐊᖅᑕᖓᓄᑦ ᓯᕗᓕᖅᑏᑦ ᑲᑎᒪᑎᓪᓗᒋᑦ ᐃᑲᔪᕐᓂᐊᖅᖢᑎᒡᓗ ᐊᑐᓕᖅᑎᑦᑎᕙᓪᓕᐊᓗᑎᒃ ᐱᕙᓪᓕᐊᑎᑕᐅᒃᑲᓐᓂᖅᑐᓂᒃ ᐱᓕᕆᐊᒃᓴᓂᒃ ᑐᕌᒐᓂᒃ ᐊᒻᒪ ᑎᑭᑕᐅᓇᓱᒃᑐᓂᒃ, ᐅᑯᓂᖓᓗ:
  • ᐃᒡᓗᓕᕆᓂᖅ
  • ᐱᕙᓪᓕᐊᔪᓕᕆᔨᒃᑯᑦ
  • ᓯᓚ ᐊᕙᑎᓗ
  • ᖃᐅᔨᒪᓂᐅᔪᑦ ᐱᑕᖃᙱᓐᓂᐅᔪᑦ ᐃᓐᓄᒃᑕᐅᓗᑎᒃ
• 2023−ᒥᑦ 2024−ᒧᑦ: ᓄᑖᑦ ᓵᑉᑕᖏᑦ ᐱᓕᕆᔾᔪᑕᐅᓂᐊᖅᑐᒧᑦ, ᓴᖅᑭᑕᐅᔪᑦ ᐱᐊᓂᒃᑕᐅᓯᒪᔪᑦ, ᓇᓗᓇᐃᔭᐃᔾᔪᑕᐅᓂᐊᖅᐳᑦ ᓯᕗᓪᓕᐅᔾᔭᐅᒃᑲᓐᓂᕆᐊᓕᖕᓂᑦ ᐱᓕᕆᖃᑎᒋᔭᓂᑦ
• ᐅᑐᐱᕆ 2023: ᑎᓴᒪᖓᑦ ᐊᕐᕌᒍᑕᒫ ᐅᑭᐅᖅᑕᖅᑐᒥ ᐅᑭᐅᖅᑕᖅᑐᒥᓗ ᐊᑐᐊᒐᕐᒧᑦ ᐋᖅᑭᒃᓯᒪᓂᖓ ᓯᕗᓕᖅᑏᑦ ᑲᑎᒪᔨᕋᓛᖏᑦ ᑲᑎᒪᑎᓪᓗᒋᑦ, ᑲᑎᒪᔾᔪᑎᒃᓴᑦ ᐃᓚᖃᓚᐅᖅᐳᑦ ᓄᑖᙳᕆᐊᖅᓯᒪᔪᓂᒃ ᐅᑭᐅᖅᑕᖅᑐᒥ ᐊᒻᒪ ᐅᑭᐅᖅᑕᖅᑐᒥ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᐊᒻᒪ ᓴᐳᔾᔨᓂᕐᒥᒃ, ᓄᓇᕐᔪᐊᕐᒥ ᐊᑐᐊᒐᕐᓂᒃ ᐊᒻᒪ ᓄᓇᕐᔪᐊᕐᒥ ᐱᓕᕆᐊᒃᓴᑦ ᐋᖅᑭᒃᓯᒪᓂᖏᓐᓂᒃ, ᐊᒻᒪᓗ ᑕᐅᑐᖅᑰᖅᑕᐅᔪᓂᒃ ᐋᖅᑭᒃᓯᒪᓂᕆᓂᐊᖅᑕᖓᓂᒃ ᐊᒻᒪ ᑭᖑᓪᓕᕐᒥ ᐱᓕᕆᐊᖑᔪᒃᓴᓂᒃ. ᐱᓕᕆᖃᑎᒌᑦ ᓯᕗᓪᓕᐅᑎᔪᒪᔭᖏᑦ ᓲᕐᓗ ᐃᒡᓗᓕᕆᓂᖅ ᐊᒻᒪ ᓄᓇᓖᑦ ᐊᐅᓚᔪᓐᓇᐅᑎᖏᑦ, ᐱᕙᓪᓕᐊᔪᓕᕆᓂᖅ, ᐃᓱᒪᓕᕆᓂᖅ ᐊᒻᒪ ᐅᐃᕆᓯᒪᓂᖅ, ᓯᓚᐅᑉ ᐊᓯᔾᔨᖅᐸᓪᓕᐊᓂᖓ, ᐊᒻᒪ ᓂᕆᔭᒃᓴᖃᑦᑎᐊᕐᓂᖅ ᐅᖃᐅᓯᐅᓚᐅᕐᒥᔪᑦ

ᒐᕙᒪᑐᖃᒃᑯᑦ ᐅᓂᒃᑳᓕᐅᖃᑦᑕᖅᐳᑦ ᐅᑭᐅᖅᑕᖅᑐᒥ ᐅᑭᐅᖅᑕᖅᑐᒥ ᐅᑭᐅᖅᑕᖅᑐᒥᓗ ᐊᑐᐊᒐᕐᒧᑦ ᐋᖅᑭᒃᓯᒪᓂᕆᓂᐊᖅᑕᖓᓂ ᐱᓕᕆᐊᖑᖃᑦᑕᖅᐳᑦ ᐊᕐᕌᒍᑕᒫ ᒪᓕᒐᓕᐅᕐᕕᒡᔪᐊᓂ ᐅᓂᒃᑳᓕᐊᓂ ᐊᒻᒪ ᐊᓯᐊᒍᑦ ᓂᕈᐊᖅᑕᐅᓯᒪᔪᓂ CIRNAC−ᑯᓐᓂ, ᓯᕗᓕᖅᑎᐅᓪᓗᑎᒃ ᒐᕙᒪᑐᖃᒃᑯᑦ ᐱᓕᕆᕝᕕᖏᓐᓂ, ᐊᓯᖏᓪᓗ ᐊᑐᕈᓐᓇᖅᑐᑦ ᐱᓕᕆᕝᕕᖕᓂ. ᑐᑭᓯᒋᐊᒃᑲᓐᓂᕈᒪᒍᕕᑦ ᐱᓕᕆᔾᔪᑕᐅᓂᐊᖅᑐᒥᒃ ᓴᓂᒨᖓᔪᒥᒃ ᐱᒋᐊᕈᑎᒥᒃ, ᐅᕗᖓ ᖃᐅᔨᒋᐊᕈᓐᓇᖅᐳᑎᑦ: ᐱᓕᕆᐊᒃᓴᕐᔪᐊᓄᑦ ᐱᒋᐊᖅᑕᐅᓯᒪᔪᑦ: ᐅᑭᐅᖅᑕᖅᑐᒥ ᐊᒻᒪ ᐅᑭᐅᖅᑕᖅᑐᒥ ᐊᑐᐊᒐᕐᒧᑦ ᐋᖅᑭᒃᓯᒪᓂᕆᔭᖓ (not available in Inuktitut).

ᐊᑐᖅᑕᐅᖔᕈᓐᓇᖅᑐᑦ ᐊᒥᓱᓄᑦ−ᐱᓕᕆᖃᑎᒌᓄᑦ ᐅᓂᒃᑳᓕᐅᕐᓂᕐᒧᑦ ᐊᑐᖅᑕᐅᕙᒃᑐᑦ ᐋᖅᑭᒃᓱᖅᑕᐅᒃᑲᓐᓂᕐᓂᐊᖅᐳᑦ ᐱᓕᕆᖃᑎᒋᔭᐅᕙᒃᑐᓄᑦ ᐃᓚᓕᐅᔾᔭᐅᓯᒪᓗᑎᒡᓗ ᐊᑐᕈᓐᓇᖅᑐᓄᑦ ᐱᓕᕆᐊᖃᕐᓂᕐᒧᑦ ᐱᕙᒌᔭᖅᑕᐅᓯᒪᔪᓄᑦ ᐊᖏᖃᑎᒌᒍᑕᐅᓯᒪᔪᒧᑦ ᑕᒪᐃᓐᓄᑦ ᐊᒃᑐᐊᓂᓕᖕᓄᑦ ᐱᓕᕆᖃᑎᒋᔭᐅᕙᒃᑐᓄᑦ ᑕᒪᑐᒧᖓ ᐊᑐᖅᑕᐅᔪᒧᑦ.