Naunaiyautit Kanatam Ukiuqtaqtuanit Ukiuqtaqtumilu Maligaghaliuqtut Havaaghait
Ihumagiyaqaqtut hivunighamik talvani Ukiuqtaqtuq ukiuqtaqtumiullu inuit aulattiaqtumik, hakugiktumik amirnaittumiklu.
Hamani makpiraqmi
Kitut ikayuqtiginahuaqtaqqut
Kavamatuqakkut Kanatami aullaqtihimayaat taamna Kanatam Ukiuqtaqtuanit Ukiuqtaqtumilu Maligaghaliuqtut Havaaghait September 10-mi, 2019-mi. Hivulliqpaangupluni, kavamatuqakkut havaqatigihimayait Nunaqaqqaaqhimayut kivgaqtiit 6-nguyullu aviktuqhimayumit aviktuqhimayunillu kavamanit ihuaqhaiyaamik havaqatigiiktumiklu-hanayaamik hapkua hivituyumik atuqtauyughaq Ihumagiyauyuq. Havaqatigiiktunik hanayauhimayuq Ukiuqtaqtumut, havaqatigiplugit Ukiuqtaqtuq, ilittuqhariamik ihariagiyait irinigiyaillu Ukiuqtaqtum. Iqittivaktut iharianaqtunik maliktaghanik taaffuminnga "Huittuqaktuq uvaptingnit, huitkupta uvagut".
Tamatkiumayuq-kavamait havaqatigiiktumik-hanayauhimayuq havauhighait ikayuqtauyut talvanngat:
- Pingahuuyut (3) aviktuqhimayut kavamait: Yukon, Nunattiaq Nunavullu
- Avatquttugit 25-nguyut Nunaqaqqaaqhimayut havaqatigiit kivgaqtuiyut Hivulliqnik Nunaqaqqaaqhimayunik, Inuinnaqnik Aallaniklu Metis-nik taapkualu kavamait aviktuqhimayumilu Kanatamillu timiqutiit
- Pingahuuyut (3) aviktuqhimayut kavamait: Manitoba, Quebec Newfoundland Labrador-lu
Havaaghait aullaqtitauhimaliqtuq avatquumayunik 33-nguyut kavamatuqanit havakviinit timiqutinillu ilauvaktut havaaghainut munaqtaghalgillu ihumagiyaqaqtullu talvani Ukiuqtaqtumi ukiuqtaqtumilu aviktuqhimaniinit Kanatami.
Havaaghainit inirumayait
Havaaghanit hanavalliavaktut 8-nguyunit qulliriiktunit atatayuniklu iniqtaghanik.
Kanatami Ukiuqtaqtuanit ukiuqtaqtumilu Nunaqaqqaaqhimayut inuit hakugiktut inuuhiqattiaqtullu
Hakugighivaalliqtumik ikluqpaghat ayuqhautinik ahivaivaktuq ahinullu aviktuqhimayunit Kanatami
Hakugiktuq, aulattiarnaqtut, aallatqiinguyut ilaupkaiyullu nunallaarnit aviktuqhimayumilu manighiurutinik
Qauhimattiariamik ilihimattiariamiklu ikkuaqtuivaktut ihumaliuttiarniqmik
Kanatami Ukiuqtaqtuanit ukiuqtaqtumilu uumayut aanniarutaittut hakugighutiklu
Maliktaghanik-tunngaviqaqhutik nunaqyuami tamaat piquyanit Ukiuqtaqtumi kiuhivaktut ihuaqtukkut nutaanut akirautinut havaaghanullu
Kanatami Ukiuqtaqtuani ukiuqtaqtumilu inuitalu amirnaiqhimayut, qayangnaiqhimayut munariyauttiaqhutiklu
Ihuaqhainiq ikayuutauvaktuq inmikkut-ihumaliurniqmik munarivaghugulu angiqhimagiiktunik-ihumagittiaqtumiklu ilagiingniqmik Nunaqaqqaaqhimayunit nunaqaqqaaqhimanngittuniklu inungnik.
Ilihimagiyaghalluat havaqatigiiktunit-hanayauhimayunik havaaghanik
- December-mi 2016: Hivuliqtiqyuaq Justin Trudeau iniqniaqturiyuq havaqatigiiktunit-hanayauhimayunik nutaanik Ukiuqtaqtauni Ukiuqtaqtumilu Havaaghanik, Ukiuqtaqtumiullu Nunaqaqqaaqhimayullu, aviktuqhimayumit aviktuqhimayunillu havaqatigiit
- March 2017-mit March 2018-mut: katimatjutauvaktuq talvani Ukiuqtaqtuani ukiuqtaqtumilu nunallaalgit, inulrammiqnik ayuittuniklu ilauyuniklu, taapkualu hannaviit, ilihaqtuliqiyit kavamaunngittullu timiqutiit
- November-mi 2017: katimayunut ikkuaqtighaq aniguqtitauhimayuq inungnik katimapkaiyunut havaaghanut
- Upinngaghaq 2018-mit Upinngamut 2019-mi: iniqtaghaliuqtut naammaghiiyullu havaaghanik havaqataillu. Naammagiaghainut katimaviit, hivuliqtiqaqtut Maligaliuqvikyuami Titiraqti Yvonne Jones, katimahimayut talvani Ukiuqtaqtuani ukiuqtaqtumilu nunallaarnit
- Maniit atuqtauyughat 2019-mi: talvani 2019-mi kavamatuqait maniit atuqtaghainit iliqahiutihimayut $700 milian-taalamik nutaanik iniqtaghainullu manighautinik ikayuutighait havaaghanut
- September-mi 2019: aullaqtittihimayut Kanatami Ukiuqtaqtuani Ukiuqtaqtumilu Maligaghanut Havaaghaqnik
Havaqatigiiktumik-aullaqtittiyut
Hivulliit havaaghat havaqatigiiktumik-aullaqtittiyut havaangit Kavamatuqait Kanatami Nunaqaqqaaqhimayut, aviktuqhimayumit aviktuqhimayunilu havaqatigiingnit ilauhimayut:
- November-mi 2020: hivulliqpaavut Ukiuqtaqtuanit Ukiuqtaqtumilu Maligaghanut Havaaghanit Hivuliqtiuyut Katimayiralaangit katimaviit, talvani angiqtauhimayut Kanatami havauhiit havaaghainik ataniqtuqtuiniqmik kavamatuqanit, aviktuqhimayunit aviktuqhimayunit Nunaqaqqaaqhimayunilu havaqatigiingnik, taapkualu unipkaaqhimaplugillu havaqatigiiktut irinigiyait ihumagiplugu Qalakyuaqnaqmit naammaghivallianiq
- November-mi 2020: Ukiaghami Manighaqhiurniqmut Uqauhiit niuviqtauhimayut Ukiuqtaqtumut
- 2020-mi 2021-milu: ihumagiyalluat Qalakyuarnaqmut ikayuqtighat Ukiuqtaqtumut
- Maniit Atuqtauyughat 2021-mi: niuviqtaghat ikayuutauyut atuqtittivallianiqmut havaaghainut iniqtaghat inirumayaillu irinigiyauyullu havaqatigiiktumik-hanayunit ikayuqtigiingnit, titiraqhimayutut talvani havaaghainit avvainit
- December-mi 2021: tuklia Ukiuqtaqtuanit Ukiuqtaqtumilu Maligaghanut Havaaghanut Hivuliqtiuyut Katimayiralaangit katimaviat, unipkaaqvigihimayait havaqatigiiktut irinigiyait kitullu ilaunahugiyauniat aviktuqhimayunit ataniqtuqtuiyut havauhiinik havaaghainut
- 2022-mi: katimatjutigihimmaaqpagait taapkualu havaqatigiit unipkaariyaamik aullaqtittiyut aviktuqhijmayunit ataniqtuqtuiyut havauhiinik taimaa qauyihaivagiamik iniqpalliayait havaaghanit ikayuutaulutik hanayunik atuqtittiyaghat parnaiyautighainik
- Maniit Atuqtauyughat 2022-mi: niuviqtaghat atauttikkuuqtut irinigiyainut ilittuqhitihimayait havaaghanut havaqatigiit talvani 2021-mi Ukiuqtaqtuanit Ukiuqtaqtumilu Maligaghaliuqtut Havaaghainut Hivuliqtiit Katimayiralaat katimavianit, taapkualu
- ikluqpaghait
- ikayuqtighat ihumaqattiarniqmut inuuhiqattiarniqmullu
- ihuaqhautighat ilauyut hilamut aallannguqpalliayumut ikpingnautinik aulattiarniqmiklu
- qanuriliurahugiyaigut-tunngaviqqaqhutik ihuaqhautighat ilittiqhitiyaamik inmikkut-ihumaliurahuaqnik
- September-mi 2022: pingahuuliqtut ukiut tamaat taapkua Ukiuqtaqtuanit Ukiuqtaqtumilu Maligaghaliuqtut Havaaghainut Hivuliqtiit Katimayiralaat katimaviat, katimatjutainut ilauyut naunaiyautit talvuuna Ukiuqtaqtuanit Ukiuqtaqtumilu munaqtiuyut amirnaiqhimaniqmiklu taapkualu ihumagittiaqtaghat uyaqqat Ukiuqtaqtumi, unipkaariplugulu havaqatigiingnit irinigiyauyut taapkuatut havakvighait ikluqpaghaillu, aanniaqtailiniqmut inuuhiqattiarniqmullu ikayuutighanik, hilaa aallannguqpalliayuq ilihainiqmiklu
- Maniit Atuqtauyughat 2023-mi: nutaat niuviqhimayut atauttikkuuqrtut irinigiyainut ilittuqhitiyauhimayut 2022-mi Ukiuqtaqtuanit Ukiuqtaqtumilu Maligaghaliuqtut Havaaghainut Hivuliqtiuyut Katimayiralaangit katimavianit ikayuqtiuniaqhutik atuqtitaulirumik taamna havaqatigiingnit-hanayauhimayuq havaaghanut iniqtaghat piyumayaillu, taapkunanilu:
- ikluqpaghat
- manighaqhiurvingnit hanavalliayut
- hila avatiillu
- qauhimayanut ayuqhautit tatatiqhugit
- 2023-mit 2024-mut: nutaat avvauyut havaaghanit, makpiraaliuqhimayut iniqhimayutut, ikayuutauniaqtuq ilittuqhiuluni ahinik irinigiyanik havaaghanit havaqatigiingnit
- October-mi 2023: hitamaanit ukiuq tamaat Ukiuqtaqtuanit Ukiuqtaqtumilu Maligaghaliuqtut Havaaghainut Katimayiralaat katimavianit, katimatjutainit ilauyut naunaiyautit talvuuna Ukiuqtaqtuanit Ukiuqtaqtumilu amirnaiyautinut munaqtinullu, nunaqyuami maligaghaq nunaqyuamilu avvait Havaaghanit taapkualu tautugumayait Havaaghanit kinguanilu havaaghait. Havaqatigiingnit irinigiyauyut taapkuatut ikluqpaghaqarniq, havakvighat, manighaqhiuqtut hanavalliayut, ihumaqattiarniq ayuqhautillu, hila aallannguqpalliayumi, niqighaqattiarniqlu unipkaaqtauhimayut
Kavamatuqait naunaiqhitiyut Ukiuqtaqtuanit Ukiuqtaqtumilu Maligaghaliuqtut Havaaghainut iniqhimayuq talvuuna ukiuq tamaat maligaliuqvikyuamut naunaiyaiplutik ahiagut taapkua tikkuaqtauhimayaita CIRNAC-kut, kavamatuqanit hivuliqtiuplutik havakviuyut, ahinitlu ihuaqutauyut havakvingnit. Naunaittiariamik havaaghainit hanningayut havaaghatut, hivayaqlugit: Ukiuqtaqtuanit Ukiuqtaqtumilu Maligaghaliuqtut Havaaghait (not available in Inuinnaqtun).
Uuktuqtaghait amihunik-havaqatilgit naunaiqhitiyut havauhiit havaqatigiingnit-hanayauniaqtuq havaqataillu ilaulunilu ihuaqtunut havaaghanut parnaiyautinit angirutaigut tamangnit ilauyut havaqatigiit havaaghanut.
Ilauyut Atatarutit
- Ihuaqhiyauyuq ublua: