ᐅᑭᐅᖅᑕᖅᑐᒥ ᐃᓚᐅᖃᑕᐅᔪᓄᑦ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᖅ
ᑮᓇᐅᔭᖃᖅᑎᑦᑎᓂᖅ ᓄᓇᖃᖅᑳᖅᓯᒪᔪᓄᑦ ᐊᓯᖏᓐᓄᓪᓗ ᐅᑭᐅᖅᑕᖅᑐᒥᐅᓄᑦ ᐃᓚᐅᖁᓪᓗᒋᑦ ᑐᑭᖃᑦᑎᐊᖅᑐᒥᒃ ᐊᒃᑐᖅᓯᓂᕐᒧᑦ ᖃᐅᔨᓴᕐᓂᕐᒥᒃ ᒪᓕᒋᐊᓕᖕᓄᓪᓗ ᑲᔪᓯᓂᕆᔭᐅᕙᒃᑐᓄᑦ ᐊᖏᔪᓄᑦ ᐱᓕᕆᐊᖑᔪᓄᑦ ᔫᑳᓐᒥ, ᓄᓇᕗᒻᒥ, ᓄᓇᑦᑎᐊᒥᓗ. ᑮᓇᐅᔭᖃᖅᑎᑕᐅᔪᓐᓇᕐᒥᔪᑦ ᐊᒃᑐᖅᑕᐅᓂᕐᒧᑦ ᖃᐅᔨᓴᕈᑎᓄᑦ ᐄᔫ ᐊᒻᒪ ᓄᓇᕕᖕᒥ ᑕᕆᐅᕐᒥᐅᑕᓄᑦ.
ᑕᕝᕙᓂ ᒪᒃᐱᒐᕐᒥ
ᐱᓕᕆᐊᒃᓴᐅᑉ ᒥᒃᓵᓄᑦ
ᐅᑭᐅᖅᑕᖅᑐᒥ ᐃᓚᐅᖃᑕᐅᔪᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᐱᓕᕆᐊᖅ (NPFP) ᐃᑲᔪᖅᑐᖅ ᐃᓄᓐᓂᑦ ᑐᑭᖃᑦᑎᐊᖅᑐᒥᑦ ᐃᓚᐅᖃᑕᐅᓂᕐᒥᑦ ᓂᐱᖏᓪᓗ ᑐᓴᖅᑕᐅᖁᓪᓗᒋᑦ ᐊᑦᑐᖅᑕᐅᓂᕐᒧᑦ ᖃᐅᔨᓴᕐᓂᕐᒥᑦ ᐊᖏᔫᑎᓄᑦ ᒪᑭᒪᔾᔪᑎᓄᑦ ᐃᑲᔫᑎᑦᓴᓄᓪᓗ ᐲᔭᐃᓂᕐᒧᑦ ᐱᓕᕆᐊᓄᑦ, ᐊᒻᒪᓗᑦᑕᐅᖅ ᐊᑦᑐᐊᓂᓕᓐᓄᑦ ᒪᓕᒐᖅᑎᒍᑦ ᐱᓕᕆᔾᔪᓯᕐᓄᑦ ᐊᑦᑐᐃᓂᖃᑐᐃᓐᓇᕆᐊᓕᓐᓄᑦ, ᐱᐅᔪᒃᑯᑦ ᐱᐅᙱᑦᑐᒃᑯᓪᓘᓐᓃᑦ, ᓄᓇᖓᓄᑦ, ᐃᓅᓯᖏᓐᓄᑦ ᐃᓅᓯᖏᓐᓄᓪᓘᓐᓃᑦ.
ᓄᓇᖃᖅᑳᖅᓯᒪᔪᑦ ᒐᕙᒪᖏᑦ, ᒐᕙᒪᐅᙱᑦᑐᑦ ᑲᑐᔾᔨᖃᑎᒌᑦ, ᐃᓄᑐᐃᓐᓇᐃᑦ ᐊᒻᒪ, ᐃᓛᓐᓂᒃᑯᑦ, ᓄᓇᓕᖕᓂ ᒐᕙᒪᒋᔭᐅᔪᑦ ᑮᓇᐅᔭᓂᒃ ᑐᒃᓯᕋᐅᑎᓂᒃ ᑐᓂᓯᔪᓐᓇᖅᐳᑦ ᓲᕐᓗ ᐱᓕᕆᐊᒃᓴᓄᑦ:
- ᐱᓕᕆᔾᔪᑎᓂᒃ ᕿᒥᕐᕈᓂᖅ ᑐᓴᖅᑕᐅᔪᒃᓴᓂᒃ
- ᖃᐅᔨᓴᕐᓂᖅ
- ᑎᑎᕋᖅᓯᒪᔪᓂᒃ ᑲᑎᖅᓱᐃᓂᖅ
- ᓄᓇᓕᖕᓂ ᑲᑎᒪᓂᕆᔭᐅᔪᑦ
- ᑲᑎᒪᔾᔪᓯᐊᑦ
- ᑲᑎᖅᓱᐃᓂᖅ, ᑐᑭᓕᐅᕆᓂᖅ, ᑎᑎᕋᖅᓯᓂᖅ ᑲᔪᓯᑎᑦᑎᓂᕐᒥᒡᓘᓐᓃᑦ ᓄᓇᖃᖅᑳᖅᑐᑦ ᖃᐅᔨᒪᓂᕆᔭᖏᓐᓂᒃ ᐃᓄᐃᓪᓘᓐᓃᑦ ᖃᐅᔨᒪᔭᑐᖃᖏᓐᓂᒃ
- ᐱᕙᒌᔭᕐᓂᖅ ᑐᓐᓂᖅᑯᑕᐅᔪᓂᒃ ᐅᓂᒃᑲᐅᓯᖃᕐᓂᕐᒥᒡᓗ
- ᐱᕙᒌᔭᕐᓂᖅ ᑕᐅᑐᒃᑎᒋᔭᐅᔪᓂᒃ
- ᐱᓯᒪᐃᓐᓇᕐᓂᖅ ᐊᔪᙱᓐᓂᖃᓪᓚᕆᒃᑐᓂᒃ, ᐃᓚᒋᔭᐅᓗᓂ ᒪᓕᒐᑎᒍᑦ ᑭᒡᒐᖅᑐᐃᓂᖅ
ᑮᓇᐅᔭᖃᖅᑎᑕᐅᓂᖓᑕ ᓇᓃᓐᓂᖓ
ᐅᑭᐅᖅᑕᖅᑐᒥ ᐃᓚᐅᖃᑕᐅᔪᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᐱᓕᕆᐊᒃᓴᖅ ᑲᑎᖦᖢᒋᑦ $11.7 ᒥᓕᐊᓐ ᐊᐃᑦᑑᑎᓄᑦ ᐃᑲᔫᑎᓄᓪᓗ ᑮᓇᐅᔭᖃᖅᑎᑕᐅᔾᔪᑎ ᐊᑐᐃᓐᓇᐅᔪᖅ ᐊᕐᕌᒍᓄᑦ ᐱᖓᓱᓄᑦ, 2026-2027−ᒥᑦ 2028-2029−ᒧᑦ.
ᐊᐃᑦᑐᖅᑕᐅᔪᖅ ᐱᒍᓐᓇᖅᑐᖅ $500,000 ᐊᑐᓂᑦ ᐊᐅᓚᓂᐅᔪᓄᑦ, ᑮᓇᐅᔭᓕᕆᓂᕐᒧᑦ ᐊᕐᕌᒍᒧᑦ (ᐄᐳᓗ 1-ᒥᑦ ᒫᑦᓯ 31-ᒧᑦ), ᒪᓕᓪᓗᒋᑦ ᑐᑦᓯᕋᐅᑎᖏᑦ ᐊᑐᐃᓐᓇᐅᔪᓪᓗ ᑮᓇᐅᔭᐃᑦ. ᐊᕐᕌᒍᒐᓴᖕᓄᑦ ᐃᑲᔫᓯᐊᖅᑎᑦᑎᓂᕐᒧᑦ ᐊᖏᕈᑎᑦ ᐊᔪᕐᓇᙱᑐᐃᓐᓇᕆᐊᓕᒃ ᐊᒃᑐᐃᓂᖕᒧᑦ ᖃᐅᔨᓴᖕᓃᑦ ᐊᕐᕌᒍᒐᓴᖕᓄᑦ. ᐱᓇᔪᒃᑐᑦ ᑮᓇᐅᔭᖅᑖᖅᑎᑕᐅᑐᐃᓐᓇᕆᐊᖃᖅᐳᑦ ᐃᓚᐅᔾᔪᑎᒃᓴᓂᒃ ᖃᔅᓯᑲᓪᓚᖕᓄᑦ ᐊᒃᑐᐃᔾᔪᑕᐅᔪᓄᑦ ᖃᐅᔨᓴᕈᑎᓄᑦ ᑮᓇᐅᔭᓕᕆᓐᓇᖅ ᐊᕐᕌᒍᒧᑦ.
ᐊᒃᑐᖅᑕᐅᓂᕐᒧᑦ ᖃᐅᔨᓴᖅᑕᐅᔪᓐᓇᖅᑐᑦ ᐊᒻᒪ ᒪᓕᒐᖅᑎᒍᑦ ᐱᓕᕆᔾᔪᓰᑦ ᐊᖏᔫᑎᓄᑦ ᐱᓕᕆᐊᓄᑦ
ᑮᓇᐅᔭᑦ ᐊᑐᐃᓐᓇᐅᔪᑦ ᐃᑲᔪᕈᑎᒃᓴᑦ ᐃᓚᐅᔪᓄᑦ ᐊᒃᑐᐃᓂᖕᒧᑦ ᖃᐅᔨᓴᖕᓂᖕᓂᑦ ᒪᓕᒋᐊᓕᖕᓄᓪᓗ ᐱᕙᓪᓕᐊᓂᖕᓂᑦ (ᐆᒃᑑᑎᒋᓗᒍ, ᐃᒪᖕᒧᑦ ᐱᔪᓐᓇᐅᑎᑦ), ᐃᑲᔪᖅᑐᐃᓂᖕᒧᓪᓗ ᐱᓕᕆᐊᒨᖓᙱᑦᑐᓄᑦ ᐊᖏᓂᖅᑖᖅᐸᓪᓕᐊᓂᖕᒧᑦ ᐊᒃᑐᐊᓂᓕᖕᓂᑦ ᐱᓕᕆᐊᒃᓴᓂᑦ.
ᐊᖏᔫᑎᑦ ᐱᓕᕆᐊᒃᓴᑦ ᑮᓇᐅᔭᖅᑖᖅᑎᑕᐅᔪᓐᓇᖅᑐᑦ ᐃᒪᐃᒃᑯᑎᒃ:
- ᐊᖏᔪᖅ
- ᐃᓗᓕᖃᐅᑦᑎᐊᖅᑐᖅ
- ᐊᑲᐅᙱᓕᐅᕈᑕᐅᑐᐃᓐᓇᕆᐊᓕᒃ
- ᐱᔪᒥᒋᔭᐅᒻᒪᕆᒃᑐᖅ ᓄᓇᓕᖕᒥᐅᓄᑦ
ᑖᓐᓇ ᐱᓕᕆᐊᖑᔪᖅ ᑮᓇᐅᔭᖃᖅᑎᑦᑎᓪᓗᐊᑕᖅᐸᒃᐳᖅ ᓄᓇᒥᙶᖅᑐᓂᒃ ᐊᑐᖅᑕᐅᔪᓐᓇᖅᑐᓂᒃ ᓇᑉᐸᖅᑎᖅᑕᐅᓯᒪᔪᓄᓪᓗ ᐱᓕᕆᐊᖑᔪᓄᑦ, ᐅᓪᓗᒥᒧᑦ ᑎᑭᖦᖢᒍ ᑮᓇᐅᔭᖃᖅᑎᑦᑎᓯᒪᓕᖅᐳᖅ ᐃᓚᐅᓂᕐᒧᑦ ᐊᒃᑐᖅᓯᓂᕐᒧᑦ ᖃᐅᔨᓴᖅᓯᓂᕐᒥᒃ ᐊᖏᔪᓂ ᐅᔭᕋᖕᓂᐊᕐᕕᖕᓂ, ᓴᓗᒻᒪᖅᓴᐃᓂᕐᒧᑦ ᓇᑉᐸᖅᑎᖅᑕᐅᓯᒪᔪᓄᓪᓗ ᐱᓕᕆᐊᖑᔪᓄᑦ.
ᐱᔾᔪᑕᐅᔪᑦ ᖃᐅᔨᒪᓕᕈᑕᐅᓲᑦ ᐱᓕᕆᐊᒧᑦ ᐊᔪᙱᑎᑕᐅᔪᓄᑦ ᐅᑯᓂᖓ ᐃᓚᖃᖅᐳᑦ:
- ᐊᖏᓂᖓ ᓇᓃᓐᓂᖓᓗ
- ᑭᒃᑯᑐᐃᓐᓇᓄᑦ ᐃᓱᒫᓘᑕᐅᑐᐃᓐᓇᕆᐊᓕᒃ, ᐱᔪᒪᓂᖃᑐᐃᓐᓇᕆᐊᓕᒃ ᐊᑭᕋᖅᑐᖅᑕᐅᓗᓂᓘᓐᓃᑦ ᐱᓕᕆᐊᖑᔪᒧᑦ
- ᐱᐅᙱᑦᑐᒥᒃ ᐊᕙᑎᒧᑦ, ᐃᓕᖅᑯᓯᕐᒧᑦ ᐃᓅᓯᕐᒧᓪᓘᓐᓃᑦ ᒪᑭᑉᐸᓪᓕᐊᔾᔪᑎᒃᓴᓄᓪᓗ ᐊᒃᑐᖅᓯᓂᐅᑐᐃᓐᓇᕆᐊᓕᒃ
- ᐊᒃᑐᖅᓯᑐᐃᓐᓇᕆᐊᖃᕐᓂᖅ ᐋᖅᑭᒃᑕᐅᓯᒪᕙᒌᖅᑐᓄᑦ ᐅᖃᐅᓯᐅᓯᒪᔪᓄᓪᓘᓐᓃᑦ ᐱᔪᓐᓇᐅᑎᒋᔭᐅᔪᓄᑦ
- ᐊᑐᕐᓂᖅ ᓄᑖᓂᒃ ᖃᐅᔨᓴᖅᑕᐅᓯᒪᙱᑦᑐᓂᒡᓘᓐᓃᑦ ᐱᓕᕆᔾᔪᑕᐅᕙᒃᑐᓂᒃ
- ᐊᔪᕐᓇᕐᓂᕆᔭᖓ ᖃᓄᕐᓗ ᐊᑯᓂᐅᑎᒋᓇᔭᕐᒪᖔᑦ ᐱᓕᕆᐊᖑᔫᑉ
ᑮᓇᐅᔭᖃᖅᑎᑕᐅᓂᕐᒧᑦ ᐊᑐᖅᑕᐅᓇᔭᖅᑐᑦ
ᑮᓇᐅᔭᖃᖅᑎᑕᐅᓂᕐᒧᑦ ᐊᑐᖅᑕᐅᓇᔭᖅᑐᑦ:
- ᐋᖅᑭᒃᓯᒪᔪᖅ ᐃᑲᔫᑎ
- ᐋᖅᑭᒃᓯᒪᔪᖅ ᐃᑲᔫᑎ
- ᐊᓯᔾᔨᖅᑕᖅᑐᖅ ᐃᑲᔫᑎ
ᑖᓐᓇ ᐱᓕᕆᐊᖑᔪᖅ ᐱᓕᕆᖃᑎᖃᕐᓂᐊᖅᐳᖅ ᐱᑎᑕᐅᕙᒃᑐᓂᒃ ᓴᖅᑭᑎᑦᑎᔪᒪᓪᓗᑎᒃ ᑐᓐᓂᖅᑯᑕᐅᕙᒃᑐᓄᑦ ᐅᓂᒃᑳᕐᕕᒋᔭᕆᐊᖃᖅᖢᒋᑦ ᐊᖏᖃᑎᒌᒍᑎᒥᒃ ᐱᐅᓛᒥᒃ ᐱᔭᕆᐊᖃᖅᑕᖏᓐᓄᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᐊᑐᓂ ᑮᓇᐅᔭᖃᖅᑎᑕᐅᓂᕐᒧᑦ ᐊᑐᖅᑕᐅᓇᔭᖅᑐᓂᒃ, ᐅᕗᙵᐅᓗᑎᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᑐᖅᑕᐅᕙᒃᑐᑦ (ᐊᑐᐃᓐᓇᐅᙱᑦᑐᑦ ᐃᓄᒃᑎᑐᑦ).
ᐅᓂᒃᑳᓕᐅᕐᓂᕐᒧᑦ ᐊᑐᖅᑕᐅᔭᕆᐊᓖᑦ
ᐱᓕᕆᐊᖅ ᒪᕐᕉᖕᓂᒃ ᐊᕐᕌᒍᑕᒫᖅᓯᐅᒻᒥᒃ ᐅᓂᒃᑳᓕᐅᕆᐊᖃᓲᖑᕗᖅ ᐱᑎᑕᐅᕙᒃᑐᓂᑦ:
- ᖃᓄᐃᓕᐅᕐᓂᐅᔪᓄᑦ ᐅᓂᒃᑳᖅ: ᐱᔾᔪᑎᖓ ᐱᑎᑕᐅᔪᑦ ᐅᓂᒃᑳᓕᐅᕐᓗᑎᒃ ᖃᓄᐃᓕᐅᕈᑎᖏᓐᓂᒃ ᐊᒃᑐᐊᓂᓕᖕᓂᒃ ᑮᓇᐅᔭᖃᖅᑎᑕᐅᔾᔪᑎᖏᓐᓄᑦ, ᑐᓴᖅᑎᑦᑎᓗᑎᒃᓗ ᐱᓕᕆᐊᑉ ᒥᒃᓵᓄᑦ.
- ᑮᓇᐅᔭᓕᕆᓂᕐᒧᑦ ᐅᓂᒃᑳᖅ: ᑎᑎᕋᖅᑕᐅᓯᒪᔪᑦ ᑮᓇᐅᔭᑦ ᖃᓄᕐᓗ ᐊᑐᖅᑕᐅᓚᐅᕐᒪᖔᑕ. ᑖᒃᑯᐊ ᑕᒻᒪᖅᓯᒪᔪᖅᓯᐅᖅᑕᐅᔪᓐᓇᖅᑐᑦ ᑕᒻᒪᖅᓯᒪᔪᖅᓯᐅᖅᑕᐅᙱᓪᓗᑎᒡᓘᓐᓃᑦ, ᒪᓕᒡᓗᑎᒃ ᐊᔾᔨᒌᙱᑦᑑᑎᓂᒃ ᐱᔾᔪᑕᐅᔪᓂᒃ.
ᑭᒃᑯᑦ ᐱᓇᔪᒍᓐᓇᖅᐸᑦ
- ᓄᓇᖃᖅᑳᖅᓯᒪᔪᑦ ᒐᕙᒪᖏᑦ ᑲᑐᔾᔨᖃᑎᒌᓪᓗ
- ᓄᓇᓕᖕᓂ ᑲᑎᙵᔪᑦ
- ᑎᒥᙳᖅᑎᑕᐅᓯᒪᔪᑦ ᑮᓇᐅᔭᓕᐅᕋᓱᐊᖅᑎᐅᙱᑦᑐᑦ ᑲᑐᔾᔨᖃᑎᒌᑦ
- ᖃᐅᔨᒪᔨᒻᒪᕇᑦ ᐃᑲᔪᕈᓐᓇᖅᑐᑦ ᐊᔾᔨᐅᙱᑦᑐᓂᒃ ᖃᐅᔨᒪᓂᕐᒥᒃ
- ᓄᓇᖃᖅᑳᖅᓯᒪᔪᑦ ᐊᒻᒪ ᐅᑭᐅᖅᑕᖅᑐᒥᐅᑦ ᐃᓄᑐᐃᓐᓇᐃᑦ
- ᐊᓯᖏᑦ ᐅᑭᐅᖅᑕᖅᑐᒥᐅᑦ ᐅᕝᕙᓘᓐᓃᑦ ᐱᓕᕆᖃᑕᐅᔪᒪᔪᑦ
ᐊᔪᙱᑎᑕᐅᔪᒪᒍᑎᒃ ᑮᓇᐅᔭᖃᖅᑎᑕᐅᓂᕐᒧᑦ, ᐱᓕᕆᖃᑎᒌᑦ ᑎᑭᐅᑎᓯᒪᔭᕆᐊᖃᖅᐳᑦ ᐊᒃᓱᓪᓘᓐᓃᑦ ᐊᑕᐅᓯᕐᒥᒃ ᐅᑯᓂᖓ ᒪᓕᒃᑕᐅᔭᕆᐊᓕᖕᓂᒃ:
- ᑐᕌᖓᑦᑎᐊᖅᑐᒥᒃ ᐊᒻᒪ ᓄᓇᓕᖕᓂ ᐱᔪᒪᓂᖃᕐᓗᑎᒃ ᐱᓕᕆᐊᒧᑦ, ᓲᕐᓗ ᐃᓅᓗᑎᒃ, ᓇᖕᒥᓂᖃᕐᓗᑎᒃ, ᐅᕝᕙᓘᓐᓃᑦ ᐊᑐᕐᓗᑎᒃ ᓇᖕᒥᓂᕆᔭᐅᔪᓂᒃ ᐱᓕᕆᐊᑉ ᖃᓂᒋᔮᓂ
- ᐱᔪᒪᓂᖃᕐᓗᑎᒃ ᐊᒃᑑᑎᔪᑦ ᐊᒃᑐᐊᓂᓕᖕᓄᑦ ᐱᓇᓲᑎᓄᑦ ᐱᔪᓐᓇᐅᑎᓄᓪᓗ
- ᓄᓇᓕᖕᓂ ᖃᐅᔨᒪᓗᓂ, ᓄᓇᖃᖅᑳᖅᓯᒪᔪᑦ ᖃᐅᔨᒪᔭᖏᑦ, ᐃᓄᐃᑦ ᖃᐅᔨᒪᔭᑐᖃᖏᑦ ᐅᕝᕙᓘᓐᓃᑦ ᓄᓇᖃᖅᑳᖅᓯᒪᔪᑦ ᑕᐅᑐᒃᑕᖏᑦ ᐊᒃᑐᐊᓂᓖᑦ ᖃᐅᔨᓴᕐᓂᕐᒧᑦ
- ᐱᕙᒌᔭᕐᓗᑎᒃ ᐱᑎᑦᑎᓗᑎᒃ ᖃᐅᔨᒪᔨᒻᒪᕆᖕᓄᑦ ᑐᓴᐅᒪᔾᔪᑎᒃᓴᓂᑦ ᐊᒃᑐᐊᓂᓕᖕᓂᑦ ᓂᕆᐅᒋᔭᐅᔪᓄᑦ ᐊᕙᑎᒧᑦ, ᐃᓕᖅᑯᓯᕐᒧᑦ ᐅᕝᕙᓘᓐᓃᑦ ᐃᓅᖃᑎᒌᓄᑦ-ᒪᑭᑉᐸᓪᓕᐊᔾᔪᑎᒃᓴᓄᓪᓗ ᐊᒃᑐᐃᓂᐅᓇᔭᖅᑐᓄᑦ ᐱᓕᕆᐊᒧᑦ
ᐃᓚᖏᓐᓂ ᖃᓄᐃᓐᓂᐅᔪᓂ ᓄᓇᓕᖕᓂ ᒐᕙᒪᐅᔪᑦ ᐱᔪᓐᓇᖅᑎᑕᐅᑐᐃᓐᓇᕆᐊᓖᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᐃᕐᖐᓐᓈᖅᑕᐅᒃᑯᑦ ᑎᑎᕋᕈᓐᓇᖅᐳᑎᑦ aidefinanciereparticipants-participantfunding@rcaanc-cirnac.gc.ca
ᐃᓄᑐᐃᓐᓇᐃᑦ, ᑲᑎᙵᔪᑦ ᑲᑐᔾᔨᖃᑎᒌᓪᓘᓐᓃᑦ ᑭᒡᒐᖅᑐᐃᔪᑦ ᑮᓇᐅᔭᓕᐅᕋᓱᐊᖅᑎᓂᒃ ᑲᑐᔾᔨᖃᑎᒌᓂᒃ ᐅᕝᕙᓘᓐᓃᑦ ᑮᓇᐅᔭᓕᐅᕋᓱᖕᓂᕐᒧᑦ ᐱᓕᕆᖃᑕᐅᔪᒪᓂᖃᖅᑐᑦ ᐱᕙᓪᓕᐊᑎᑕᐅᔪᓂᒃ ᑮᓇᐅᔭᖅᑖᖅᑎᑕᐅᔪᓐᓇᙱᑦᑐᑦ. ᑲᑐᔾᔨᖃᑎᒌᑦ ᑭᒡᒐᖅᑐᐃᔪᑦ ᓄᓇᖃᖅᑳᖅᓯᒪᙱᑦᑐᑦ ᒐᕙᒪᖏᓐᓂᒃ ᐊᔪᖅᑎᑕᐅᒐᔪᒃᐳᑦ, ᑭᓯᐊᓂ ᑭᑭᑕᐅᔪᖃᑐᐃᓐᓇᕆᐊᖃᖅᐳᖅ ᐃᓚᖏᓐᓄᑦ ᓄᓇᓕᖕᓂ ᒐᕙᒪᒋᔭᐅᔪᓄᑦ ᐱᔨᑦᑎᕋᖅᐸᒃᑐᓄᑦ ᓄᓇᖃᖅᑳᖅᑐᓂᒃ ᐃᓄᒋᐊᖕᓂᖅᓴᓂᒃ.
ᐃᓚᐅᔪᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᑲᔪᓯᓂᕆᔭᐅᕙᒃᑐᖅ
ᐃᓚᐅᔪᓄᑦ ᑮᓇᐅᔭᖁᑎᒋᔭᐅᔪᑦ ᒪᓂᒪᔪᖃᖅᐸᑦ ᐊᔪᖅᑎᑕᐅᙱᑦᑐᒧᑦ ᐱᓕᕆᐊᖑᔪᒧᑦ, ᓄᓇᕗᒻᒥ ᒥᕐᙳᐃᖅᓯᕐᕖᑦ ᑮᓇᐅᔭᖃᖅᑎᑦᑎᔨᖏᑦ ᐃᒪᐃᓕᐅᕐᓂᐊᖅᐳᑦ:
- ᖃᐅᔨᑎᑦᑎᓗᑎᒃ ᕿᒥᕐᕈᔨᑦ ᑲᑎᒪᔨᖏᓐᓂᒃ, ᓄᓇᒧᑦ ᐃᒪᕐᒧᓪᓗ, ᐃᒪᓕᕆᔨᒃᑯᓪᓘᓐᓃᑦ ᑲᒪᒋᔭᒃᓴᓕᖕᓂᒃ ᖃᐅᔨᓴᖅᓯᓂᕐᒥᒃ ᐱᓕᕆᐊᖑᔪᒥᒃ
- ᓴᖅᑭᑎᑦᑎᓗᑎᒃ ᑮᓇᐅᔭᖁᑎᒋᔭᐅᔪᓂᒃ ᑭᒃᑯᑐᐃᓐᓇᓄᑦ ᑐᓴᖅᑎᑦᑎᔾᔪᑎᒃᑯᑦ, ᓴᖅᑭᔮᖅᑎᑕᐅᓗᓂ ᕿᒥᕐᕈᔨᑦ ᑲᑎᒪᔨᖏᑕ ᑭᒃᑯᑐᐃᓐᓇᓄᑦ ᐊᑎᓕᐅᕐᕕᖓᓂ
- ᓴᖅᑭᑎᑦᑎᓗᑎᒃ ᖃᐅᔨᒃᑲᐃᔾᔪᑎᒥᒃ ᑭᒃᑯᑐᐃᓐᓇᓄᑦ ᑐᓴᒐᒃᓴᑎᒍᑦ
- ᓴᖅᑭᑎᑦᑎᓗᑎᒃ ᖃᐅᔨᒃᑲᐃᔾᔪᑎᒥᒃ ᖃᕆᑕᐅᔭᒃᑯᑦ
- ᖃᐅᔨᒋᐊᕐᕕᒋᓗᒋᑦ ᑕᐃᒃᑯᐊ ᐊᒃᑐᖅᑕᐅᓯᒪᖅᑰᔨᔪᑦ ᑕᒪᑐᒧᖓ ᑲᔪᓯᓂᕆᔭᐅᔪᒧᑦ ᐃᓚᐅᓯᒫᓂᓕᖅᑐᓄᓪᓘᓐᓃᑦ ᖃᐅᔨᓴᖅᓯᓂᕐᒧᑦ
ᑲᑐᔾᔨᖃᑎᒌᒡᕖᑦ ᖃᐅᔨᒃᑲᖅᑕᐅᔪᑦ ᐊᑐᐃᓐᓇᐅᓂᖏᓐᓂᒃ ᑮᓇᐅᔭᓂᒃ ᑎᓕᐅᖅᑕᐅᕗᑦ ᖃᐅᔨᒋᐊᖁᔭᐅᓪᓗᑎᒃ ᐅᑭᐅᖅᑕᖅᑐᒥ ᐃᓚᐅᔪᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᐱᓕᕆᐊᒧᑦ ᐃᕐᖐᓐᓈᖅᑕᐅᑎᖓᓄᑦ ᐅᕗᖓ aidefinanciereparticipants-participantfunding@rcaanc-cirnac.gc.ca ᐱᑎᑕᐅᔪᒪᓗᑎᒃ ᑮᓇᐅᔭᖃᖅᑎᑕᐅᓂᕐᒧᑦ ᒪᓕᒃᑕᐅᕙᓪᓕᐊᕙᒃᑐᓂᒃ ᐱᓇᔫᑎᒋᔭᐅᔪᓂᒡᓗ ᑎᑎᕋᕆᐊᓕᖕᒥᒃ.
ᐱᓇᔫᑎᑦ ᐊᒻᒪ ᕿᒥᕐᕈᔭᐅᕙᓪᓕᐊᔪᑦ
ᐃᒪᓐᓇᐅᒐᔪᒃᖢᓂ, ᐱᓇᔫᑎᑦ ᕿᒥᕐᕈᔭᐅᓲᖑᕗᑦ ᐱᓇᔫᑎᓂᒃ ᕿᒥᕐᕈᔨᑦ ᑲᑎᒪᔨᕋᓛᓄᑦ. ᑲᑎᒪᔨᕋᓛᑦ ᕿᒥᕐᕈᕙᒃᐳᑦ ᑮᓇᐅᔭᓂᒃ ᐱᓇᔫᑎᒋᔭᐅᔪᓂᒃ, ᓇᓗᓇᐃᖅᓯᕙᒃᖢᑎᒃ ᑲᑎᙵᔪᓂᒃ ᐃᑲᔪᕐᓂᕆᔭᖏᓐᓂᒃ ᐊᑑᑎᖃᖅᑐᓂᒃ ᖃᐅᔨᓴᖅᓯᓂᕐᒧᑦ ᐱᓕᕆᐊᖑᔪᒪᔪᒥᒃ, ᖃᓄᐃᓕᐅᖁᔨᕙᒃᖢᑎᒡᓗ ᖃᔅᓯᓂᒃ ᑮᓇᐅᔭᓂᒃ ᐱᔭᐅᔭᕆᐊᓕᖕᓂᒃ ᑲᔪᓯᓂᖃᑦᑎᐊᖅᑐᒃᑯᑦ ᐃᑲᔪᖅᑐᐃᔪᒪᓂᕐᒧᑦ ᐃᓚᐅᓂᕆᔭᐅᔪᒥᒃ.
ᑖᓐᓇ ᐱᓕᕆᐊᖑᔪᖅ ᑐᕌᕆᔭᖃᖅᐳᖅ ᐋᖅᑭᒃᓯᒪᓕᖅᑎᑦᑎᓂᕐᒥᒃ ᐱᓇᓱᐊᕈᓰᑦ ᑎᓴᒪᑦ ᐃᓗᐊᓂ ᐱᐊᓪᓚᓚᐅᕐᓗᓂ ᐱᓇᔫᑎᒋᔭᐅᔪᓂᒃ. ᐱᔾᔪᑎᒋᑦᓱᒍ ᑭᓪᓕᖃᕐᓂᖏᓐᓄᑦ ᐅᑭᐅᖅᑕᖅᑐᓕᒫᒥ ᑮᓇᐅᔭᖃᖅᑎᑕᐅᓂᖅ, ᐃᓚᖏᑦ ᑐᑦᓯᕋᖅᑐᑦ ᕿᐱᓗᑦᑕᐅᑐᐃᓐᓇᕆᐊᓖᑦ ᑮᓇᐅᔭᖃᖅᑎᑕᐅᓂᕐᒧᑦ ᐱᓗᒋᓪᓘᓐᓃᑦ ᖃᑦᑏᓐᓇᐅᓂᖅᓴᓂᑦ ᑐᑦᓯᕌᖑᓚᐅᖅᑐᒥᑦ. ᐃᓛᓐᓂᒃᑯᑦ, ᑮᓇᐅᔭᑦ ᑭᒡᓕᖃᖅᑎᑕᐅᖃᑦᑕᕐᓂᐊᖅᐳᑦ ᓇᓗᓇᐃᖅᑕᐅᓯᒪᔪᓄᑦ ᐱᓕᕆᔾᔪᓯᕐᓄᑦ ᐊᐱᖅᑯᑕᐅᔪᓄᑦ (ᓲᕐᓗ, ᑐᓐᓂᖅᑯᑕᐅᓚᐅᙱᓐᓂᖏᓐᓂᒃ ᐃᓚᐅᑎᑦᑎᓂᖅ, ᖃᓄᖅ ᐊᖏᑎᒋᖕᒪᖔᑦ), ᑮᓇᐅᔭᖅᑕᖃᑐᐃᓐᓇᕆᐊᖃᖅᖢᓂᓗ ᐋᒃᑲᓘᓐᓃᑦ ᑭᖑᓂᐊᒍᑦ ᐱᓕᕆᐊᖑᔪᓄᑦ.
ᐱᓕᕆᐊᖑᕙᓪᓕᐊᔪᒪᔪᑦ ᑮᓇᐅᔭᖃᖅᑎᑕᐅᓚᐅᖅᑐᑦ 2025-2026−ᒥ
| ᐱᓕᕆᐊᒃᓴᐅᑉ | ᐊᕕᒃᑐᖅᓯᒪᓂᖓ |
|---|---|
| ᖁᕐᓗᖅᑐᐊᕐᔪᖕᒥ ᑐᓚᒃᑕᕐᕕᒃ ᐊᒻᒪ ᐊᖅᑯᓯᐅᕐᓂᖅ ᐱᓕᕆᐊᖅ | ᓄᓇᕗᑦ |
| ᐊᐳᖅᑎᓐᓈᖅᑐᖅ ᐊᒻᒪ ᕿᓚᓗᒐᐅᑉ ᐸᒥᐅᖓ ᐅᔭᕋᖕᓂᐊᕐᕕᐅᑉ ᒪᑐᔭᐅᓂᖓ | ᓄᓇᕗᑦ |
| ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᒪᕐᒧᑦ ᓚᐃᓴᓐᓯᒥᒃ ᓄᑖᙳᕆᐊᖅᑎᑦᑎᓂᕐᒧᑦ ᐊᐃᑦᑑᑎᑦ | ᓄᓇᕗᑦ |
| ᓄᐊᒪᓐ ᐅᐃᓪᔅ ᒪᑐᔭᐅᓂᖓ ᐊᒻᒪ ᐅᑎᖅᑎᑕᐅᓂᖓ | ᓄᓇᑦᓯᐊᖅ |
| Fortune NICO ᖃᓄᐃᑦᑑᓂᖓ-ᐱ ᐃᒪᕐᒧᑦ ᓚᐃᓴᓐᓯᒧᑦ ᓄᑖᙳᕆᐊᖅᑎᑦᑎᓂᖅ | ᓄᓇᑦᓯᐊᖅ |
| ᑭᐊᓄ ᕼᐃᐅᓪ ᓯᐅᓪᕗ ᐊᕕᑦᑐᖅᓯᒪᓂᖓ | ᔫᑳᓐ |
| ᑲᓰᓄᓪ ᐅᔭᕋᖕᓂᐊᕐᕕᐅᑉ ᑲᑎᒪᔨᖏᓐᓂᒃ ᕿᒥᕐᕈᓂᖅ | ᔫᑳᓐ |
ᐱᓕᕆᐊᖑᕙᓪᓕᐊᔪᒪᔪᑦ ᑮᓇᐅᔭᖃᖅᑎᑕᐅᓚᐅᖅᑐᑦ ᐅᑭᐅᑦ 2018-2019−ᒥᑦ 2024-2025−ᒧᑦ
| ᐱᓕᕆᐊᖑᔪᖅ | ᐊᕕᒃᑐᖅᓯᒪᓂᖓ | ᑮᓇᐅᔭᓕᕆᓐᓇᖅ ᐊᕐᕌᒍ |
|---|---|---|
| ᓄᓘᔮᖕᓂ ᓴᕕᕋᔭᒃᓴᒥᒃ ᐅᔭᕋᖕᓂᐊᕐᕕᒃ ᐱᓕᕆᐊᖑᓂᖓ 2 | ᓄᓇᕗᑦ | 2018-2019, 2019-2020, 2020-2021, 2021-2022 |
| ᓄᓘᔮᖕᓂ ᐅᔭᕋᖕᓂᐊᖅᑕᐅᕙᓪᓕᐊᔪᑦ ᐅᓄᖅᓯᒋᐊᖅᑕᐅᓂᖏᓐᓄᑦ ᑐᒃᓯᕋᐅᑎ | ᓄᓇᕗᑦ | 2022-2023 |
| ᓄᓘᔮᖕᓂ ᐱᓕᕆᐊᒧᑦ ᖃᐅᔨᓴᖅᐸᓪᓕᐊᓂᕐᒧᑦ ᐃᓕᓐᓂᐊᕐᓂᖅ | ᓄᓇᕗᑦ | 2023-2024 |
| ᕿᓚᓗᒐᐅᑉ ᐸᒥᐅᖓ ᒎᓗᒧᑦ ᐅᔭᕋᖕᓂᐊᕐᕕᒃ ᐊᖏᒡᓕᒋᐊᖅᑕᐅᓂᖓ | ᓄᓇᕗᑦ | 2023-2024 |
| ᐃᖃᓗᒑᕐᔪᒃ ᐅᔭᕋᖕᓂᐊᕐᕕᒃ | ᓄᓇᕗᑦ | 2019-2020 |
| ᐃᖃᓗᒑᕐᔪᖕᒥ ᐅᔭᕋᖕᓂᐊᕐᕕᒃ ᐊᖏᒡᓕᒋᐊᖅᑕᐅᓂᖓ | ᓄᓇᕗᑦ | 2020-2021 |
| ᓯᑦᓕᐊᒃ ᑕᐃᒪᓐ ᐅᔭᕋᖕᓂᐊᕐᕕᒃ | ᓄᓇᕗᑦ | 2022-2023 |
| ᐅᒃᑯᓯᒃᓴᓕᖕᒥ ᐆᒻᒪᖅᑯᑎᖃᕐᕕᒃ | ᓄᓇᕗᑦ | 2023-2024 |
| ᓄᓘᔮᑦ ᓯᑏᓐᔅᐱ ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᑦ ᐊᐃᑦᑑᑏᑦ | ᓄᓇᕗᑦ | 2023-2024 |
| ᑕᐃᐊᕕᒃ ᑕᐃᒪᓐ ᐅᔭᕋᖕᓂᐊᕐᕕᒃ | ᓄᓇᕗᑦ | 2024-2025 |
| ᐱᐃᓐ ᓄᕗᐊ ᓴᕕᕋᔭᒃᓴᖅ-ᓯᐊᕐᓇᖅ ᐅᔭᕋᖕᓂᐊᕐᕕᒃ | ᓄᓇᑦᓯᐊᖅ | 2019-2020 |
| ᓄᐊᒪᓐ ᕗᐃᐅᓪᔅ ᐊᒃᑕᕐᕕᒃ | ᓄᓇᑦᓯᐊᖅ | 2021-2022, 2022-2023 |
| ᒪᑲᓐᔨ ᕚᓕᒥ ᐊᖅᑯᑎ | ᓄᓇᑦᓯᐊᖅ | 2022-2023 |
| ᐃᒻᐱᐅᕆᐅᓪ ᐅᖅᓱᐊᓗᖕᒧᑦ ᐊᖅᑯᑎᖓ 490 ᐱᓕᕆᐊᖅ | ᓄᓇᑦᓯᐊᖅ | 2023-2024 |
| ᓄᐊᒪᓐ ᐅᐃᓪᔅ ᐊᐅᓚᑦᑎᓂᕐᒧᑦ ᐱᓕᕆᐊᖅ | ᓄᓇᑦᓯᐊᖅ | 2024-2025 |
| ᓄᓘᔮᖕᓂ ᓴᕕᕋᔭᒃᓴᒥᒃ ᐅᔭᕋᖕᓂᐊᕐᕕᒃ ᐱᓕᕆᐊᖑᓂᖓ 2 | ᓄᓇᑦᓯᐊᖅ | 2024-2025 |
| Diavik ᖃᓄᐃᑦᑑᓂᖓ-ᐱ ᐃᒪᕐᒧᑦ ᓚᐃᓴᓐᓯᒥᒃ ᓄᑖᙳᕆᐊᖅᑎᑦᑎᓂᖅ | ᓄᓇᑦᓯᐊᖅ | 2024-2025 |
| ᒪᑲᓐᔨ ᕚᓕᒥ ᐊᖅᑯᑎᑯᑖᒧᑦ ᐱᓕᕆᔾᔪᑎᓄᑦ ᑲᑎᒪᓂᕐᒧᑦ ᐊᐃᑦᑑᑎᑦ | ᓄᓇᑦᓯᐊᖅ | 2024-2025 |
| ᐱᐃᓐ ᓄᕗᐊᓄᑦ ᓴᕕᕋᔭᒃᓴᖅ-ᓯᐊᕐᓇᖅ ᐅᔭᕋᖕᓂᐊᕐᕕᖕᒧᑦ ᐊᐃᑦᑑᑎᑦ | ᓄᓇᑦᓯᐊᖅ | 2024-2025 |
| ᕚᕉ ᐅᔭᕋᖕᓂᐊᕐᕕᖕᒥ ᓴᓗᒻᒪᖅᓴᖅᑕᐅᓂᖏᑦ | ᔫᑳᓐ | 2019-2020, 2020-2021, 2021-2022, 2022-2023 |
| ᑳᐱ ᐅᔭᕋᖕᓂᐊᕐᕕᒃ | ᔫᑳᓐ | 2019-2020, 2021-2022 |
| ᑯᑦᔅ ᓰ ᑲᔭ ᐅᔭᕋᖕᓂᐊᕐᕕᒃ | ᔫᑳᓐ | 2019-2020 |
| ᑲᓰᓄᒧᑦ ᐅᔭᕋᖕᓂᐊᕐᕕᖕᒧᑦ ᑲᑎᒪᔩᑦ ᕿᒥᕐᕈᔭᐅᓂᖏᑦ | ᔫᑳᓐ | 2022-2023 |
| ᖃᖅᑲᖅ ᓈᓐᓴᓐ ᓴᓗᒻᒪᖅᓴᖅᑕᐅᓂᖓ | ᔫᑳᓐ | 2022-2023, 2024-2025 |
| ᐄᒍᓪ ᒎᓗ ᐅᔭᕋᖕᓂᐊᕐᕕᐅᑉ ᐅᐃᒍᔭᐅᓂᖓ | ᔫᑳᓐ | 2022-2023 |
| ᐳᕉᕗᕆ ᑯᕆᒃ ᒎᓗᒧᑦ ᐅᔭᕋᖕᓂᐊᕐᕕᒃ | ᔫᑳᓐ | 2022-2023 |
| ᐱᔾᔪᑕᐅᔪᓂᒃ ᐱᔪᓐᓇᕐᓂᖅᑖᖅᐸᓪᓕᐊᑎᑦᑎᓂᖅ | ᐅᑭᐅᖅᑕᖅᑐᓕᒫᒥ | 2018-2019, 2019-2020, 2020-2021, 2021-2022, 2024-2025 |
ᖃᐅᔨᒋᐊᕐᕕᒋᑎᒍᑦ
ᐱᓕᕆᐊᖃᒻᒪᕆᒍᒪᕗᒍᑦ ᐱᐅᓯᒋᐊᖅᑎᑦᑎᔪᒪᓪᓗᑕ ᐱᓕᕆᐊᖑᔪᒥᒃ ᑐᙵᓱᒃᑎᑦᑎᕗᒍᓪᓗ ᐃᓱᒪᒋᔭᐅᔪᓂᒃ ᖃᓄᖅ ᑕᒪᓐᓇ ᐱᓕᕆᐊᖑᔪᖅ ᐱᐅᓛᒃᑯᑦ ᐱᔨᑦᑎᕋᕐᕕᖃᕈᓐᓇᕐᒪᖔᑦ ᓄᓇᖃᖅᑳᖅᑐᓂᒃ ᐅᑭᐅᖅᑕᖅᑐᒥᓗ ᐱᓕᕆᖃᑎᒋᕙᒃᑕᑦᑎᓐᓂᒃ
ᖃᓄᑐᐃᓐᓇᖅ ᐃᓱᒪᒋᔭᖃᕈᕕᑦ, ᖃᐅᔨᒋᐊᕐᕕᒋᓗᒋᑦ NPFP−ᑯᑦ ᐱᓕᕆᔨᖏᑦ aidefinanciereparticipants-participantfunding@rcaanc-cirnac.gc.ca
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: