Naawk'nige'win maaj'taam'gad zhinda waan nji kitchi'twaasing gti'gaan'enhs Algonquin zhiwe nike'yaa Kitchi Gimaaw'naang
Mzinaazwin miigwen maaba CIRNAC.
Ode'min Giizis, Naanoo giizhgag, Niizhing mndaaswaag shi niish'tana shi niiwin biboongag gii baa'biichgaade kitchi gbe'ying zhinda, Anishinabe Algonquin Entam'gaab'widjig. Aapiji gii maa'miik'wen'daagot miinwaa aapiji gii'nen'daagot wii naasko'daa'ding.
Kitchi Gimaakaan Anishinaabe Enkii'taa'get Gary Anandasangaree gii dgobi zhiwe Anishinaabe Kitchi Gimaa Savanna McGregor, Gimaa Lisa Robinson, Gimaa Dylan Whiteduck miinwaa Gimaa Greg Sarazin zhiwe gii zhibii'ge'yaat maanda kitchi piiten'daagok debwetaad'win wii zhich'gaa'deg. Anishinaabe (Algonquin) Kitchi twaa gti'gaanenhs zhiwe na'wa'ying zhinda gaawii gaa bgidnigaades'noog aki zhiwe Anishinabe Algonquin Nation. Maanda Algonquin kitchi twaa gti'gaan'enhs da temgad oodi kitchi oode'naang Anishinaabeg nji oodi 100 Wellington Street, Ottawa Kitchi oodenaang ezhnikaadeg.
Maanda debwetaadwin wii dgosin zhiwe niibna nsa biboon gonda Algonquin Anishinabe Nation miinwaa Kitchi Gimaakaaning Kinadaa wii dgob'waad, miinwaa maanda getchi piitendag'wag minwaa debwe'end'daawg'gog waaa zhich'gaa'deg zhinda naw'wi'ying Kitchi Gimaa kaaning Kitchi oodena pane gwa ji ni temgag.
Gnoo'waab'am mzin'chi'gaanhsag wii aas'gaab'wi'tood'waa gonda Anishinabe Algonquin Nation wii mnaaj'too'waad maanda kitchi zhiwebag.
Mzin'chi'ga'nag zhi'noo'maa'ding
Goding gwa aapiji mna'giizhgag zhiwe na'wi'ying kitchi ooden'aang Ottawa ezhni'kaadeg, aapiji go na'wi'ying end'na'kii'yaat Anishinabe Algonquin Nation, gaa waab'ji'gaadeg ba wii temgag. Bezhig Gimaa gaa naa'niib'wi'pa zhaazhi Gimaa Verna Polson aapiji giim'shkoo'gaabwi ngoding gwa gii yaa'naa'waa'ba mdaas'wi shi niiw giizhgad'wan maawn'jiin'waad e Niizhwaaswaag shi mdaaswi shi zhaangswi biboongagba miidash nango maanda enji teg. Nango, kitchi zhoo'biing'gwe'ni kendang maanda giizhgad zhiwebag owe gaa waabdang'ba zhaazhi nzaam nango miinwaa waa'bi 'yaajig nji.
"Wii waab'dam'waat nda Anishinabe Algonquin Nation enaap'kaaz'jig deb'nam'aang kitchitwaa gti'gaan'enhs na'wi'ying zhinda aapiji go maamii'kwen'daa'god. Maanda debwe'taadwin waab'da'wen nsid'waab'ji'gaa'deg niigaan gaab'wi'yaang nji kina Anishinaabeg ooden'wi'san zhinda Kinadaa miinwaa dash naas'koon'dwaa kina Anishinaabeg. Nda gina'waab'maa'naanig gonda mdaaswi shi bezhig ooden'wi'san yaabi wii gina'waab'da'maang waa'ni naa'biis'ji'ge'yaang zhinda kitchi'twaa gti'gaan'enhs waa zhinaag'wag. Aapiji nmiigwech'wen'maa owa kwa gaa gimaa'wid, Kitchi Anishinaabe Gimaa Verna Polson gaa zhi kitchi naad'maa'get niinwi nji ayaaw'yaang Anishinabe Algonquin—mi nango zhinda enji yaa'ying."
- Grand Chief Savanna McGregor, Algonquin Anishinabeg Nation Tribal Council
"N'zaa'gaag nwiiji be'maad'ziig. Nzaag'toon oo'di enji'baa'yaan, nango dash kit'chi zhich'ge'mi enaa'biis'ji ge'ying maanpii"
- Former Grand Chief Verna Polson, Algonquin Anishinabeg Nation Tribal Council
"Wii zhich'gaadeg maanda gaa kitchi nakiit'ming wii temgag kitchi'twaa gti'gaan'enhs zhinda Kitchi Gimaa'naang nji Anishinabe Algonquin Nation miidash go ezhi debwe'endaa'gok maaba Kitchi Gimaa wii mnaw'dood maanda mnwaa'goom'di'win. Manda kitchi twaa gti'gaan'enhs da naaniib'wimgad wii mkwend'ming maanda naasko'daad'win, mnaaden'do'win miinwaa wiini aabiji wiiji'na'kiim'di'ying ni miseg."
- The Honourable Gary Anandasangaree, Minister of Crown-Indigenous Relations
Maanda waa bi teg kitchi twaa gti'gaan'enhs da temgad ga'ye zhe beshaa tegin aanind Anishbinaabe mnaach'chi'gaa'zad zhiwe 100 Wellington Street, Ottawa ezh'ni'kaa'deg.
Maanda Anishinabe Algonquin Nation da mnaaj'wi'we'wag da wiik'ge'wag ji dgo'bwaad ga'ye nwaa ooden'wi'sing end'na'kii'jig nji waani zhinaaw'gog maanda biin'ja'ying.
Pii maanda enaam'da'kwe'yaat miinwaa waa zhi'naaw'gog giizh'naaw'gog nji gii tkweshk'daad'waat gaa'naawk'ni'ge'yaad mii ji maajii zhige'waad, miinwaa go yaabi aanind waa zhin'aaw'gog wii kend'moo'waat.
"Maanda waa ni mnaach'chi'gaadeg Algonquin kitchi twaa gti'gaanenhs zhinoo'maa'gemgad epiich'gaab'wid miinwaa aadziwin maaba Anishinabe Algonquin Nation miinwaa dash aawan wii ani naask'ko'daading. Aapiji go nda kitchi wiiji'nakiin'dimi wii wek'wend'maang waa zhinaagog maanda miinwaa wii aabiji temgag maanda zhinda kitchi twaa gti'gaaning. Nda nendam'mi go wii aabiji aas'gaab'wi'too'waang gonda Anishinabe Algonquin."
- The Honourable Jean-Yves Duclos, Minister of Public Services and Procurement
Da temgad go maawn'jid'win wii zhibii'geng go wii shki maaj'taam'gag wii wiid'bin'ding, wii mzin'biim'ming, miinwaa wii zhitoong maanda kitchi twaa gti'gaanenhs.
Pii mi giish'chi'gaa'deg maanda, Anishinabe Algonquin Nation kid'wag maanda Kitchi twaa gti'gaan'enhs da aawan gonda mdaaswi shi bezhig Algonquin Entam gaabwidjig wanji tkweshk'daad'waat. Mii zhinda gen'ji maawn'jid'ing wii mnaach'chi'geng miinwaa wii zhi'noo'moo'wind Kinadaa miinwaa kina go Akiing eyaa'jig maanda Algonquin aadziwin.
Yaabi Enaap'kaadeg
- Agpii agaa aanjchigaadeg: