Tahontáhsawen ahatirihwahserón:ni ahonwatinaktóthahse ne Tewa'kanhá:ka ne Parliamentary Precinct nón:we
Rotiia'taráhston ne CIRNAC.
Karì:wes rotirhá:rahkwe ne Ohiaríha 5, 2024 én:wawe ne Anishinabe Algonquin Nation. Wenhniseranó:ron né:'e nok wa'karì:warahste kató:ken taetewataterihwa'nikónrhen'se.
Crown-Indigenous Relations Minister Gary Anandasangaree wahshakotia'tárhahse ne Grand Chief Savanna McGregor, Chief Lisa Robinson, Chief Dylan Whiteduck táhnon Chief Greg Sarazin tsi nón:we wahontatshén:naren karihwahnirátshera ahatinonhsakétsko ne Algonquin rotináktote tsi nihononhwéntsiaien ne Anishinabe Algonquin Nation. Ne Algonquin enhotinaktó:take ákta ne rotináktote ne Onkwehón:we 100 Wellington Tiohá:te, Kanà:tsio nón:we.
É:so niiohserá:ke wahotiió'ten tsi niió:re wa'thatirihwaié:na ne Algonquin Anishinabe Nation táhnon ne Koráhne Kakoráhsera, táhnon tsi wahonhkwísron tsi wahotiio'ténion ahatikétsko karihwakátste akanonhsó:take Parliamentary Precinct né:ne Ottawa nón:we.
Satkáhtho ehtà:ke kaia'tarónnion ahsheiatia'tárhahse ne Anishinaabe Algonquin tsi ronte'nikonhrorià:tha kí:ken tsi niiawén:'on.
Kaia'tarónnion
Ioráhkote wenhniserá:te kanáthen tsi Tkanà:tsio, raoná:wen ohwentsià:ke ne Anishinabe Algonquin Nation, sénha ió:kenht ón:ton ne Algonquin tió:nakte akénhake. Grand Chief Kénhne Verna Polson ia'tié:ta'ne ne akaonkwè:ta raotirihwà:ke, 14 niwenhniserá:ke nikarì:wes wa'onterihwahténtia'te tsi ratirihowanáhta 2019 shiiohserò:ten. Ón:wa, iakoiéhshons tsi iakoterièn:tare tsi ó:nen ón:wawe ne wenhniserá:te ne ohén:ton iaióntkwi'te tsi iéhsa's nahò:ten iakotétshen ne ón:wa táhnon ne ohén:ton wenhniseratenióntie.
"Akwé:kon kén:ton ne Anishinabe Algonquin Nation aionkhiiatkáhtho tsi ionkwaientà:sere ne tió:nakte né:ne onkwá:wen onkwanakerahserá:kon. Kí:ken karihwahnirá:ton watena'tón:ni tsi Koráhne kaienteré:'on tsi niiohwentsiò:ten táhnon ok nikaié:ren aontontáhsawen taonsahontaterihwa'nikónrhen'se ne Onkwehón:we. Ohén:ton iakwatkáhthos ne 11 niiakwanakerahserá:ke aiakwarihwahserón:ni tsi neniohtónhake ne Algonquin tió:nakte. Tekhenonhwerá:tons ne Grand Chief Kénhne Verna Polson tsi niiakotié:ren ne onkwarihwà:ke - Anishinabe Algonquin - né:'e taionkwaia'ténhawe ó:nen tsi nítewe's."
- Grand Chief Savanna McGregor, Algonquin Anishinabeg Nation Tribal Council
"Khenorónhkwa akonkwè:ta. Kenorónhkwa tsi nitiwaké:non táhnon ón:wa, iakwakarón:nis kén:tho."
- Former Grand Chief Verna Polson, Algonquin Anishinabeg Nation Tribal Council
"Tsi kakwatákwen ne Algonquin tió:nakte né:ne Parliamentary Precinct nón:we ne Anishinabe Algonquin Nation né:'e karihwíson nahò:ten kakoráhsera iorharahstén:ni táhnon watena'tón:ni tsi tewatste'niá:ren tsi enwatehià:ron tsi teionkwarihwaienawà:kon. Kí:ken tió:nakte karihwakátste tsi enwatena'tonníhake tsi tetsionkwarihwaienawà:kon, tetewataterihwakweniénhstha, táhnon sha'tetewahskanekserò:tens."
- The Honourable Gary Anandasangaree, Minister of Crown-Indigenous Relations
Ne Algonquin enhotinaktó:take ákta ne rotináktote ne Onkwehón:we 100 Wellington Tiohá:te, Kanà:tsio nón:we.
Anishinabe Algonquin Nation enhontkennísa tsi shakoti'nikonhrí:saks ne kanakerahserakonhró:non tsi nenhatí:iere ne tió:nakte.
Nó:nen káhson tsi karihwahserón:ni tsi shakoti'nikonhrisá:kon, ió:kenht enkénhake ne tsi nikarì:wes enhonatié:nawahste ahatinonhsakétsko táhnon ó:ia naho'ténhshon.
"Kí:ken Algonquin tió:nakte tsi nón:we ne Parliamentary Precinct watena'tón:ni ne rotikarakaiòn:serons táhnon tsi nihotirihò:tens ne Anishinabe Algonquin Nation táhnon kaieronnítston tsi iorihowá:nen tsi nikaié:ren ne taetewataterihwa'nikónrhen'se. Iakwanién:te taetewaié:na ne Anishinabe Algonquin Nation aetewarihwahní:rate tsi raonatetshénhsera entkarónnia'te tsi ní:ioht tsi entkanonhsakétskwen táhnon takarihón:ni rononhwentsiá:ke nikarihwakátste tsi enkénhake."
- The Honourable Jean-Yves Duclos, Minister of Public Services and Procurement
Ioterihwahtentià:ton tsi wahontatshén:narahste né:'e tonhtóhtshia'te ne kaio'ténhsera entewatáhsawen táhnon ahonón:ni ne Algonquin tió:nakte.
Nó:nen enkáhson, Anishinabe Algonquin Nation rón:ton tsi Algonquin tió:nakte enkénhake ne tsi nón:we enhatitsienhaién:tahkwe ne 11 nihá:ti ohén:ton rón:nete ne Algonquin First Nation. Ionte'nikonhrorià:tha tió:nakte enkénhake táhnon enwatena'tónhahse ne Algonquin Nation tsi nihotirihò:ten tsi nonká:ti ne Koráhne táhnon tsi iohwentsiá:te.
Tekontátenonhkwe Ietsihkwahrékstha
- Tsi niieskahá:wis skakwatákwen: