Gaa bi zhiwebag naadmaadwin wii dzhind'ming miijim baa'tiin'si'nok giiwedinong Manitoba miinwaa Ontario

Nda’zhich’gewin mii nend’wen’daagog wii miik’ming maanda miijim wii teg waan’kii’en’daawg’si’nook zhinda kitchi bgo’ja’ying. Mii go wiidok’daa’ding enji nishing miinwaa ji pkaming waa zhi nakii’yaad.

Naa’nam’ya, aki nang’shkaag nendmoowin gii zaagii’emgad miidash zhiwe gii maaj’taam’gag maanda Gaa’bi zhiwe’bag Naadmaadwin. Maanda dash zhin’kaa’de Wiiche’iwaymagon, bi dgosh’noo’waad gimaa kaanan miinwaa aanind Harvesters Support Grant edebnamwaad zhiwe giiwedinong Manitoba miinwaa Ontario, miijim maag’wedjig miinwaa yaabi go aanind gegoo maag’wedjig miinwaa Food Banks Canada, Breakfast Club Canada, Second Harvest, Harvest Manitoba, Feed Ontario miinwaa Regional Food Distribution Association oodi Thunder Bay, miinwaa Arctic Gateway Group, de’ben’dang miinwaa eminzhaan’dang Kinadaa Arctic seaport enji mibdeg shkode daabaan miikaning Port of Churchill.

"Nango ngii mko’waa’naa wiich’kii’we’yig, waa naad’maa’ge’jig gaabi gimaa’kaaz’jig miinwaa niinwi ezhi debwe’end’maang, gaawiin wiya daa bkade’sii maan’pii akiing temgag niibna gegoo.
Ne’yaab nda wii’jii’waa’naanig ezhi nawendaas’yaang maanpii Manitoba miinwaa Ontario nike’yaa nwiikaa’neyig miinwaa dawe’maa’naa’nig miinwaa nwii dgo’naa’naanig nwii’taaw’si’naanig oodi giiwedinong nike’yaa.
Maam’wi, nda daap’naa’naa ne’yaap wii naad’maad’za’aang miinwaa wii ta’maad’za’aang wii yaa’ang wiikaa go jiib’waa yaa’aat bek’dejig binoojiinhsag miinwaa gaawii wiya bek’de’jig getchi piit’zidjig da yaa’sii'"

- Tracey Willoughby, Director of Mawachintoon Anishnawbe Miijim (M.A.M.), Kiikenomaga Kikenjigewen Employment & Training Services

Pii zhiwe gii manidoo’keng, maanda debwetaadwin gii noozwin’kaa’daa’naa’waa Wiiche’iwaymagon nem’daab’jig wii mshkoo’sidoowaat ezh’gaab’wi’yaat wii zoong’too’waad wii maam’wi nakiit’moowaad maanda miijim waankii’win zhiwe giiwedinong Manitoba miinwaa Ontario.

Epiichi manidoo’ke’yaat, maanda debwe’taad’win gii mjim’sin meskwaandeg zen’baanhs, wii da’ming wii zhinooma’win owa Debenjiget aawang maanda emaad’ziim’gag mzinigan kina wiya waa bi’nang.

"…Gegoo nakii’win naawkni’geng zhinda Entamgaab’wijig gaawii da nishisno giishpin bwaa dbaat’tam’waad miijim waan’kiis’nog. Aabdig dash, maanda maamwi naadmaading kina go giish’naaj’ge’waat gonda ezhbii’gaazjig miinwaa gonda zhi’we nike’yaa miijim maag’wejig da miig’wen’na’aah geyaabi ooshmi miijim wii yaaming noonch niibna gegoo wii dbishkooseg."

- Dave Neegan, Executive Director, Kiikenomaga Kikenjigewen Employment & Training Services

Maanda debwetaadwin ni’saawk’inaan wii maaj’taam’gag giiwedinong miijim miinding naa’biis’ji’gan maanpii giiwedinong miijim miinding gamigon giiwedinong Manitoba miinwaa Ontario. Maanda naabiisjigan da aas’gaab’wit’waa zhinda NNC subsidy program giiwe emiig’we’aat naad’maage dbage’win zhiwe miijim miinding gamigon miinwaa enji miinding gegoo enaadmaa’gejig wii mibdeg miinwaa wii gwashk’ji’chi’gaa’deg zhiwe giiwedinong miinwaa kitchi bgwaja’ying oden’wisan. Edgobjig go ga’ye daa na’kaaz’naa’wa NNC’s Harvesters Support Grant miinwaa Community Food Programs Fund miijim nike’yaa nji miinwaa waana’kaaz’ang miinwaa go besha zhiwe miijim nakii’winan, enaap’kaaz’jig miinwaa miijim saweshkaag naap’kaaz’winan.

"Mii geniinwi ezhi maad’ziiyaang wii maatookiiyaang wiiyaas miinwaa giigoonh, ebkib’doo’waang miinwaa mshkikiwan. Gaa wiikaa nga boon’taa’sii mi maanda zhich’ge’yaang. Ndoo maa’too’kii’mi ezhi nawendaas’yaang, getchi piit’zidjig miinwaa giiwe ede’naad’maad’zaz’gwaa. Mii maanda yaaw’yaang miinwaa mii gwa pane maanda ge aaw’yaang."

- Clarence Mason, Asininew Okimawin

Maanda baam’ziwin zhiwe gonda gimaakaanan miinwaa aanind Harvesters Support Grant eden’nangig, miijim miinding, miinwaa gonda gegoo maagwejig, miinwaa Arctic Gateway Group da naad’maa’waa’an ninda ngodwaag shi mdaaswaag shi niishtana mdaaswaag zhiwe niimdana shi nswi ge debnam’waat zhiwe bgo’ja’iing miinwaa giiwedinong odenwisan wii debnamwaat miijim zhiwe Ontario miinwaa Manitoba.

"Mii gwa ezhi debwe’endmo’waat gonda enkii’taagejigwii sha’maa’aat niwe bek’denjin miinwaa wii zhwen’maa’aat giwe ede’naad’maad’zas’gwaa wiibwaa dbaawk’naa’waat maage gegoo wii ndad’moo’waa’aat. Miijim maagwejig debwe’en’daa’naa’waa gaawiin wiya da bkade’sii maanpii Kinadaa."

- Volker Kromm, Regional Food Distribution Association, Harvest Manitoba President

Maanda debwe’taad’win zhi’toon wii naad’maad’waad gonda enaap’kaaz’jig waazhi minab’deg wenpash miijim miinwaa noondaash nang’deg miinwaa deb’naming nend’wendaa’goog wii ani aandseg gegoo.

Dgosing dash ninda miijim enji miinding miinwaa zhiwe gegoo miinding wii toong NNC subsidy program wii naad’maa’gem’gad wii dbaa’ta’ming owe memaanji dawen’daagog menezwaat gonda edegshkit’maas’gwaa zhinda giiwedinong miinwaa kitchi bgo’ja’ying endaajig bekish NNC aabjitaa wii nakii’twaad ooden’wisan kitchi gbehying waa zhi kshkitoowaad wii nakiimgag maanda miijim waankiisnog zhinda Kinadaa giiwedinong.