Nbookaawin Mzin'chigan-Bezhig go Emaad'jii'ging, bezhig maamwi yaang

"Ngii bwaadaan maanda Nbookaawin mzin’chi’gan gaa’shkwaa giitaad’bii’ying wiid’bimaa’ying gonda Anishinaabe Gitchi 'aag miinwaa kanjgewin bem’wid’oojig. Gii maatoo’kii’naa’waa kinoo’maadwinan ga’ye’nwaa gaa be zhe’yaa’aat, aadzi’winan miinwaa kinoo’maad’winan kina goji akiing miinwaa maanda ezhi aankoob’za’ying miinwaa maa’den;mang Shkakmik’Kwe."

Niizhwaaswaag shi niishtana biboongag, Claudia gii maaj’taa mzin’bii’get zhinda kitchi mzinchigan waa aa’wit gaa zhinoo’wang aapiji kitchi piiten’daagog wii naasko’daad’ying miinwaa wii gi’noo’wen’maang shkak’mik’kwe.

Wen’big mzin’biigan maaba Nboo’kaa’win mzin’chi’gan gii naag’doo’waah’an gonda gaa mdaas’oo mad’bijig gaa dgob’jig aanind gii aaw’wag Entam’gaab’widjig, Kitchi Giiwedinong enjbaajig, Aab’too’ziinh’yig, miinwaa niizhwaaswe aanind Anishinaabeg kina goji akiing enj’baajig gaa bi dgobjig ge. Megwaach ngodwaasmidna giin chidgenag gaabi naad’maa’ge jig zhi’int maaba kitchi mzin’chi’gan.

"Claudia Salguero gii yaan maanda bwaaj’ge’win wii maawn’doo’naat ninda Kitchi Aan miinwaa Nboo’kaa’win ge’nend’gig wii zhich’gaa’zat maaba Nboo’kaawin mzhin’chigan. Gii debwe’endaan da bwaajge’win miidash gwa gii zhiwe’bag. Maanda gaa zhiwebag aapiji gii kitchi aawan miinwaa maanda maa’too’kii’win gii maa’miik’wen’daa’got. Maaba mzin’chigan aapiji ginaaj’wi miinwaa Kitchi piiten’daawg’zi." – – Nookmis Francine Pryer (Aki Songideye Ikwe), Mikinak ni dodem – Algonquin Nation dben’daawgizi, unceded Algonquin Territory Kinadaa.

Mzin’chigan giish’chi’gaa’zat miinwaa oden’winhs tis’geng gii aa’wan biit’wi’ying Manidoo Giizis miinwaa Waab’ba’gaa Giizis Niizhwaaswaag shi Niizhtana shi bezhig biboongad epiichi mibdeg maanda Covid.

Ngwa dwe’aan oode naang enjbaajig gii naadmaagewag zhi’int gonda niimdana shi nshwaaswi 48 (8'x4') psa’gaak’waag wii zhi’int maaba mzin’chigan.

"Maanda nakii’waanhs aapiji gii kitchi nakiim wii zhi’int gii da’wen’daag’wat kitchi nakii’win miinwaa wii aabdan’kiit maaba Claudia. Gii naaw’gwad dash go maaba mzin’chigan gaan’ngok’dew’zit miinwaa gaa zhi kitchi aaw’wang maanda nakii’win en’go’kwag miinwaa dash go enaang’goom’deg miinwaa zhinda tinow bemaad’zidjig gaa kshki’aajin wii bi naad’maa’god wii maa’too’kii’nit ga’ye nwaa ezhi waab’damwaad gegii’nwi ge naang’goomb’dii’ying. Aapiji go gii nishin tkwesh’koon’dwaa aanind Kitchi Aag miinwaa wii wii’jii’yeng maanpii" – Dr. Rongo H. Wetere, Officer New Zealand Order of Merit, Fellow New Zealand Institute of Management (FNZIM) Kitchi Aah Representative, New Zealand/Australasia Region.

Maaba Nbookaa’win Mzin’chi’gan aaw’wi zaa’gidwin niibna gii chi’gaadek miinwaa go niibna gonda gi zhi nakii’wag weweni miinwaa gii kitchi zhe’yaa’wag na’kaaz’waat doo tisgan shoo’bii’ga gan wii bi maad’ziim’gag maanda mzin’chi’gan.

"Maaba mzin’chigan gaanji zhich’gaa’zat gii kshkitch’gaa’de dash wiigwaa ooshmi wiigwa gaa zhi debwe’end’ma miinwaa maaba mzin’chi’gan noonch gii naabiig’ni’gaaza zhiwe kina wiya gaa naad’maaget." – Jaime Baquero, Indigenous giibinji’baa Colombia.

Maaba Nboo’kaawin Mzin’chigan temgad kitchi giizis waa’waaskone bi zaagii’yem’gag nbiing miinwaa niiwin nike’yaa kina dgo’gaab’wi’yaat Anishinaabeg ezhi dgo’gaab’wi’yaat zhiwe akiing miinwaa kina ezhwe’bag kina akiing, minwaa ezhi manidoo aad’ziimgag naag’dawen’mi’goo’ing.

Maaba mzin’chigan tem’gad mdaaswaag nangoonhsag zhi’gaab’wiwag wii aaw’waad gonda Anishinaabe binoojiinhyag gaa bi’gii’wes’gwa gii zhaa’aat zhinda gbeshii gamigong wanji kinoo’mwindwaa giiwenh. Kendaaswin genwendang, Iraq njibaa amez’ni’biiget Mowafak Alrasam, gii shoo’bii’gaan giizis wawaaskone.

Maanda Nboo’kaawin Mzin’chigan gii gwaak’waa zhiwe zhaawanong nike’yaa zhinda Ottawa Community Housing gaming miinwaa gii baa kiib nigaaza gii Miin Giizis mdaaswe shi niizh giizhgad, mdaaswaag shi niishtana shi bezhig biboongag.

Oodi goo’jin maaba kitchi mzin’chigan 1365 Bank Street, Ottawa, maaba Nboo’kaa’win Mzinchigan aawi wii maam’na’nend’mang aabdig wii minayaa’ying akiing, miinwaa go kina en’chii’ying miinwaa aabdeg kwii mnaa’jaa’naa Shkak’mik Kwe.