ᒋᐊᖅᑎᑕᐅᖁᔭᐅᔪᑦ ᐃᖅᑲᖅᑐᐃᕕᑎᒍᑦ 1.7 ᑭᖑᓪᓕᖅᐹᖅ ᐅᓂᒃᑳᖅ

ᑭᓲᓂᖓᓂ ᓇᓗᓇᐃᖅᓯᓂᖅ

ᑲᓇᑕᒥ ᖃᐅᔨᓴᕐᓂᖅ ᐊᓯᐅᓯᒪᔪᓂᒃ ᐃᓄᐊᖅᑕᐅᓯᒪᔪᓂᒃ ᓄᓇᖃᖅᑳᖅᑐᕕᓂᕐᓂᑦ ᐊᕐᓇᓂ ᓂᕕᐊᖅᓯᐊᓂᓪᓗ ᓴᖅᑮᓚᐅᖅᑐᑦ ᑭᖑᓪᓕᖅᐸᒥ ᐅᓂᒃᑳᕐᒥᑦ 2019−ᒥ, ᐃᓚᖃᖅᖢᑎᒃ ᐱᒋᐊᖅᑎᑕᐅᖁᔭᐅᔪᓂᒃ ᐃᖅᑲᖅᑐᐃᕕᑎᒍᑦ ᑲᒪᒋᔭᐅᔪᒫᖅᑐᑦ ᑐᙵᕕᒋᓯᒪᔭᖏᓐᓂ ᓂᖓᖅᑕᐅᓯᒪᓂᖏᓐᓂ ᐊᓪᓚᐃᑦ, ᐃᓄᐃᑦ, ᐊᓪᓚᖓᔪᑦ ᐊᕐᓇᐃᑦ, ᓂᕕᐊᖅᓯᐊᑦ, ᐊᕐᓇᐃᓕᖓᒧᖅ/ᐊᖑᑕᐃᓕᖓᔪᖅ (ᐊᓪᓚᐃᑦ) ᐊᒻᒪᓗ ᖃᓄᐃᑦᑑᒋᐊᖃᖅᖢᒋᓕᕐᓂᖓ ᐃᓄᖕᓂᑦ. ᑲᓇᑕᒥ ᖃᐅᔨᓴᕐᓂᐅᔪᒥᑦ ᑕᑯᓐᓇᓂᖅᓴᐅᒻᒪᑦ ᐃᒪᐃᑦᑐᓂᑦ, "ᐃᓱᓕᑎᑦᑎᑦᑎᒐᓱᐊᕐᓂᖅ ᑲᒪᒋᔭᐅᒃᑲᓂᕐᓗᑎᒡᓗ ᐅᕕᓂᖃᑎᒋᙱᑕᒥᓂᖅ ᑐᕈᕋᐃᓂᕐᒥᑦ ᐃᓕᓴᕆᔭᐅᑐᐃᓐᓇᕆᐊᖃᙱᑦᑐᖅ ᑭᓯᐊᓕ ᐃᓚᖃᕐᒥᔪᖅ ᐃᓕᖅᑯᓯᖏᓐᓂ ᐱᒋᐊᕈᑎᖏᓐᓂ ᐅᕕᓂᖃᑎᒋᙱᑕᖏᑦ ᐊᓯᔾᔩᓇᓱᐊᖅᑎᓪᓗᒋᑦ ᓂᖓᕐᓂᒃᑯᑦ ᑭᖑᕙᕇᒐᓛᓗᖕᓂᑦ." ᐊᓯᒋᒐᓗᐊᕐᒥᑎᓪᓗᒋᑦ, ᐱᒋᐊᖅᑎᑕᐅᖁᔭᐅᔪᑦ ᐃᖅᑲᖅᑐᐃᕕᑎᒍᑦ 1.7 ᑖᒃᑯᓂᖓ ᒐᕙᒪᑐᖃᒃᑯᓐᓂ, ᑲᓇᑕᒥ ᐊᕕᒃᑐᖅᓯᒪᔪᓂᒃ, ᐅᑭᐅᖅᑕᖅᑑᓪᓗ ᒐᕙᒪᒃᑯᖏᓐᓂ, ᐱᓕᕆᖃᑎᖃᕐᓗᑎᑦ ᓄᓇᖃᖅᑳᖅᓯᒪᔪᓂᒃ, ᐋᖅᑮᓗᑎᑦ ᑲᓇᑕᒥ ᓄᓇᖃᖅᑳᖅᓯᒪᔪᓄᑦ ᐊᒻᒪᓗ ᐃᓄᐃᑦ ᐱᔪᓐᓇᐅᑎᖏᓐᓂ ᖃᐅᔨᓴᖅᑎᓂᒃ/ᐋᖅᑮᔨᓂᑦ ᐱᔪᓐᓇᕐᓂᖃᕐᓗᑎᑦ ᓇᒥᑐᐃᓐᓇᑦᑎᐊᖅ ᑭᓪᓕᓕᒫᖃᕐᕕᐅᔪᓂᒃ, ᐊᒻᒪᓗ ᓴᖅᑮᓗᑎᑦ ᑲᓇᑕᒥ ᓄᓇᖃᖅᑳᖅᓯᒪᔪᓄᑦ ᐊᒻᒪᓗ ᐃᓄᐃᑦ ᐱᔪᓐᓇᐅᑎᖏᓐᓂ ᐃᖅᑲᖅᑐᐃᕕᑎᒍᑦ ᕿᒥᕐᕈᔨᐅᓂᐊᖅᑐᓂᒃ.

ᐱᒋᐊᖅᑎᑦᑎᖁᔭᐅᔪᖅ ᐃᖅᑲᖅᑐᐃᕕᑎᒍᑦ, ᐊᖏᔪᐊᓘᖕᒪᑦ, ᒪᓕᖕᓂᖅᓴᐅᒻᒪᑦ ᓄᓇᓕᕐᔪᐊᑉ ᐱᖁᔭᖏᓐᓂ ᐅᖃᐅᓯᐅᓯᒪᔪᓂᒃ ᑲᓇᑕᐅᑉ ᒐᕙᒪᒃᑯᖏᓐᓂ. ᑲᓇᑕᐅᑉ ᐊᖏᔪᖅᑳᖓ, ᒪᓕᒐᓕᐅᖅᑎᒻᒪᕆᒃ ᑲᓇᑕᒥ, ᒥᓂᔅᑕ ᔭᔅᑎᓐ ᑐᕉᑐ, ᐅᖃᓚᐅᖅᓯᒪᖕᒪᑦ ᑲᓇᑕᒥ ᓄᓇᖃᖅᑳᖅᑐᕕᓃᑦ ᐅᓪᓗᕆᓂᐊᓕᖅᑕᖓᓂ 2017−ᒥ. "ᐱᕆᓕᕆᖃᑎᒌᓐᓂᖅ ᐱᒻᒪᕆᐅᓂᖅᐹᖑᓕᖅᑐᖅ ᑲᓇᑕᒥ ᓄᓇᖃᖅᑳᖅᑐᕕᓂᕐᓂᑦ... ᐊᔾᔨᐅᖏᑦᑐᓕᒍᒪᓚᕆᒃᑲᖅᑕ ᐃᓅᓯᖏᓐᓂ ᓄᓇᖃᖅᑳᖅᑐᕕᓃᑦ − ᑕᒪᒃᑯᐊ ᐃᓄᓕᕆᓂᕐᒧᑦ − ᒪᑭᒪᔾᔪᑎᒃᓴᓄᑦ ᑭᙴᒪᔭᐃᑦ, ᐃᑲᔪᖅᑐᐃᓂᖅᓴᐅᒋᐊᖃᓕᕋᑦᑕ ᓇᖕᒥᓂᖅ ᐱᔪᒪᔪᓄᑦ, ᐱᓕᕆᖃᑎᒌᑦᑎᐊᕐᓗᑕᓗ ᓯᕗᓪᓕᖅᐸᐅᔾᔭᐅᒍᒪᔪᓂᒃ."

ᐊᒻᒪᓗᒃᑲᓐᓂᖅ, ᐱᓕᕆᐊᒃᓴᐃᑦ ᑎᑎᖅᑲᖅ^{ᑎᑎᖅᑲᖅ 1} ᐃᓄᓕᕆᔨᑐᖃᒃᑯᑦ ᑎᓕᓯᓯᒪᔪᑦ ᒥᓂᔅᑕᒥᑦ ᐊᑐᓕᖅᑎᑦᑎᓗᑎᑦ ᓯᓚᕐᔪᐊᓂ ᑲᑐᔾᔨᖃᑎᒌᑦ ᓇᓗᓇᐃᖅᑕᐅᓂᖓᓐᓂ ᐱᔪᓐᓇᐅᑎᖏᓐᓂ ᓄᓇᖃᖅᑳᖅᓯᒪᔪᑦ ᐊᒻᒪᓗ ᐱᓕᕆᖃᑎᖃᕐᓗᑎᑦ ᓄᓇᖃᖅᑳᖅᑐᕕᓂᕐᓂᑦ ᐱᔪᓐᓇᐅᑎᖏᑦ ᖁᕝᕙᕆᐊᖁᓪᓗᒋᑦ "ᓴᐃᒻᒪᖃᑎᒌᓐᓂᖅ ᑭᓯᐊᓂ ᓴᖅᑭᕈᓐᓇᕐᒪᑦ ᓱᓕᔪᑦᑕᖃᖅᑎᓪᓗᒍ ᐊᒻᒪᓗ ᒐᕙᒪᒃᑯᑦ ᐊᑐᐃᓐᓇᕋᓗᐊᕐᓗᑎᑦ ᓱᓕᓂᕐᒥᑦ." ᐱᑕᖃᙱᓪᓚᕆᒃᑐᖅ "ᐃᓗᓕᑐᔪᐊᓗᖕᓂ ᐃᓕᖅᑯᓯᖏᓐᓂ ᑕᐃᒪᐃᓪᓗᐊᓂᖅᑕᖃᙱᓪᓚᕆᒃᑐᖅ ᐱᐅᔪᓂᓪᓘᓐᓃᑦ ᐱᑕᖃᙱᑦᑐᖅ ᐃᓅᖃᑎᑦᑎᓂ, ᒪᑯᓂᖓᓗ ᑎᒥᐅᔪᓂᒃ," ᐱᓕᕆᐊᒃᓴᖓᓂ ᑎᑎᖅᑲᒥ ᓇᓗᓇᐃᖅᓯᓯᒪᖕᒪᑦ ᐊᑐᓕᖅᑎᑕᐅᒋᐊᖃᕐᓂᖏᓐᓂ 2021−ᒥ ᒐᕙᒪᑐᖃᒃᑯᑦ ᐊᖅᑯᑎᖏᑦ ᑲᒪᒋᐊᖃᕐᓂᖏᓐᓂ ᐊᓯᐅᓯᒪᔪᓂᒃ ᐃᓄᐊᖅᑕᐅᓯᒪᔪᓂᓪᓗ ᐊᕐᓇᓂᑦ, ᓂᕕᐊᖅᓯᐊᓂ ᐊᒻᒪᓗ^{ᑎᑎᖅᑲᖅ 2} ᑕᐃᒪᐃᑦᑑᖃᑎᕕᓂᓲᕐᓂᑦ (2SLGBTQQIA+) ᖁᕝᕙᕆᐊᕆᐊᖃᕐᒪᑦ 2021 ᑲᓇᑕᒥ ᐱᒋᐊᕈᑕᐅᓯᒪᔪᑦ ᐸᕐᓇᐅᑏᑦ ᑖᒃᑯᐊ ᓯᕗᓪᓕᖅᐸᐅᔾᔭᐅᒋᐊᖃᓪᓚᕆᖕᒪᑕ.

ᑕᒪᓐᓇ ᑲᔪᓯᑦᑎᐊᖁᓪᓗᒍ ᐱᓕᕆᐊᒃᓴᐅᔪᖅ, ᔮᓐᓂᐊᕆᒥ 2023−ᖑᑎᓪᓗᒍ, ᑲᓇᑕᐅᑉ ᒐᕙᒪᒃᑯᖏᑦ ᐋᖅᑮᓚᐅᖅᓯᒪᖕᒪᑕ ᓴᖅᑮᕚᓪᓗᒃᖢᑎᑦ ᑲᓇᑕᒥ ᑲᑐᔾᔨᓂᐊᖅᑐᓂᒃ ᑲᑎᒪᔨᓂᒃ^{ᑎᑎᖅᑲᖅ 3} ᓄᓇᖃᖅᑳᖅᑐᕕᓂᕐᓂᑦ ᓯᕗᓕᖅᑎᓂᑦ ᑭᒡᒐᖅᑐᐃᔨᓂᓪᓗ ᒐᕙᒪᑐᖃᒃᑯᓐᓂ ᑲᓇᑕᒥᓗ ᐊᕕᒃᑐᖅᓯᒪᔪᓂᒃ ᐅᑭᐅᖅᑕᖅᑐᒥᓪᓗ ᒥᓂᔅᑕᖏᓐᓂ ᑕᒪᑐᒥᖓ ᐊᓯᐅᓯᒪᔪᓂᒃ ᐃᓄᐊᖅᑕᓯᒪᔪᓂᒃ ᓄᓇᖃᖅᑳᖅᑐᕕᓂᕐᓂᑦ ᐊᕐᓇᓂᑦ, ᓂᕕᐊᖅᓯᐊᕐᓂᑦ ᐊᒻᒪᓗ ᑕᐃᒪᐃᑦᑑᖃᑎᕕᓃᓲᕐᓂᑦ (2SLGBTQI+) ᐃᓄᖕᓂᑦ. ᑕᐃᑲᓂ ᑲᑐᔾᔨᑎᓪᓗᒋᑦ ᑲᑎᒪᓪᓗᑎᑦ, ᒐᕙᒪᑐᖃᒃᑯᑦ ᒥᓂᔅᑕᖓ ᑲᓇᑕᒥ (CIRNAC) ᓇᓗᓇᐃᖅᓯᓚᐅᖅᑐᖅ ᑎᒃᑯᓯᐊᖅᓯᓂᖓᓐᓂ ᒥᓂᔅᑕᒥᑦ ᐊᔾᔨᐅᖏᑦᑐᓂᑦ ᑭᒡᒐᖅᑐᐃᓂᐊᕐᓗᓂ ᐅᖃᐅᔾᔨᒋᐊᕆᖃᑦᑕᕐᓗᓂ ᐊᑐᓕᖁᔭᕕᓂᓪᓗ ᑕᒪᒃᑯᓄᖓ ᐊᑐᓕᖁᔭᐅᓯᒪᔪᓂᑦ ᐱᒋᐊᖅᑎᑕᐅᖁᔭᐅᓪᓗᓂ ᐃᖅᑲᖅᑐᐃᕕᒃᑯᑎᒍᑦ 1.7, ᐱᓗᐊᖅᑐᒥᓪᓗ ᓴᖅᑮᒋᐊᖃᕐᓂᖏᓐᓂ ᓄᓇᖃᖅᑳᖅᑐᕕᓂᕐᓂᑦ ᐃᓄᐃᓪᓗ ᐱᔪᓐᓇᐅᑎᖏᑦᑕ ᖃᐅᔨᓴᖅᑎᖓᓐᓂ/ᐋᖅᑮᔨᒥᑦ.

ᒥᓂᔅᑕᕆᔭᖅ ᐊᔾᔨᐅᖏᑦᑐᒥᑦ ᑭᒡᒐᖅᑐᐃᓂᐊᖅᑐᖅ ᐃᓕᓴᖅᓯᓯᒪᔪᖅ ᓯᕗᓕᖅᑎᓂᑦ ᒥᓂᔅᑕᒥ ᒋᐅᓂ ᐊᓇᓐᑕᓴᖓᕆ, ᒥᓂᔅᑕᕆᔭᐅᔪᖅ ᒐᕙᒪᑐᖃᒃᑯᓐᓄᑦ, ᑲᒪᔪᖅ ᑕᒪᑐᒥᖓ ᐱᓕᕆᐊᖑᔪᒥᑦ ᐱᒋᐊᖅᑎᑕᐅᖁᔭᐅᓪᓗᓂ ᐃᖅᑲᖅᑐᐃᕕᒃᑯᑎᒍᑦ 1.7 ᓯᕗᒧᐊᕆᐊᓕᒃ. ᒥᓂᔅᑕᕆᔭᖅ ᐊᔾᔨᐅᖏᑦᑐᒥᑦ ᑭᒡᒐᖅᑐᐃᔨ ᐃᓕᓴᖅᓯᓯᒪᔪᖅᑕᐅ ᒥᓂᔅᑕᒥ ᒫᒃ ᒥᓗᒥᑦ, ᒥᓂᔅᑕᐅᓚᐅᖅᓯᒪᔪᖅ ᒐᕙᒪᑐᖃᒃᑯᓐᓄᑦ ᐊᒻᒪᓗ ᒫᓐᓇ ᒥᓂᔅᑕᐅᓕᖅᑐᖅ ᑲᓇᑕᒧᑦ ᐃᓯᖅᐸᑦᑐᓄᑦ ᓄᓇᓕᕐᔪᐊᓄᑦ, ᕿᒫᔪᓄᑦ ᑭᒃᑯᑐᐃᓐᓇᐃᓪᓗ, ᐃᓕᓴᕆᔭᐅᔪᑦ ᐱᒻᒪᕆᐅᓂᖓᓐᓂ ᐊᒻᒪᓗ ᐱᒋᐊᕈᑎᖃᕆᐊᖃᕐᓂᖏᓐᓂ ᑕᒪᑐᒥᖓ ᐱᒋᐊᖅᑎᑕᐅᖁᔭᐅᓪᓗᓂ ᐃᖅᑲᖅᑐᐃᕕᒃᑯᑎᒍᑦ 1.7. ᐃᑲᔪᖅᑐᐃᓂᖏᓐᓂ ᒥᓂᔅᑕ ᒐᕙᒪᑐᖃᒃᑯᓐᓂ ᐊᒻᒪᓗ ᐃᖅᑲᓇᐃᔭᕐᕕᖏᑦ ᖁᕕᐊᒋᔭᐅᑦᑎᐊᖅᑐᑦ ᐃᓕᓴᕆᔭᐅᓪᓗᑎᓪᓗ, ᐊᒻᒪᓗ ᐱᓕᕆᔪᒪᓂᐊᕐᓂᖏᓐᓂ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ (MMIWG) ᐊᓪᓚᕕᖓᓐᓂ.

ᒥᓂᔅᑕᕆᔭᖅ ᐊᔾᔨᐅᖏᑦᑐᒥᑦ ᑭᒡᒐᖅᑐᐃᔨ ᐊᖏᔪᖅᑳᖃᖅᑐᖅ ᒥᓂᔅᑕᒥᑦ ᐊᒻᒪᓗ ᐃᒻᒥᒃᑰᖅᑐᒥᑦ ᒐᕙᑐᒪᖃᒃᑯᑦ ᑲᑎᒪᔨᐅᕕᖏᓐᓂ, ᐱᓕᕆᐊᒃᓴᖏᓪᓗ ᑲᔪᓯᑎᑦᑎᒋᐊᖃᖅᖢᑎᑦ ᑲᓇᑕᒥ ᐊᒻᒪᓗ ᑲᓇᑕᒥ ᐊᕕᒃᑐᖅᓯᒪᔪᓂᒃ ᓄᓇᖃᖅᑳᖅᑐᕕᓂᕐᓂᑦ ᑲᑐᔾᔨᖃᑎᒌᓐᓂᒃ, ᐊᒻᒪᓗ ᒐᕙᒪᐅᒌᖅᑐᓂᒃ ᑕᑎᒋᔭᐅᕙᒃᑐᓂᒃ ᑎᒥᐅᔪᓂᒃ, ᒐᕙᒪᑐᖃᒃᑯᑦ ᐃᖅᑲᓇᐃᔭᕐᕕᖏᓐᓂ, ᐊᒻᒪᓗ ᑲᓇᑕᒥ ᐊᕕᒃᑐᖅᓯᒪᔪᓂᒃ ᐊᒻᒪᓗ ᐅᑭᐅᖅᑕᖅᑐᒥ ᓯᕗᒃᑲᖅᑕᐃᕙᒃᑐᓂᒃ ᐃᖅᑲᓇᐃᔭᕐᕕᓐᓂᑦ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ (MMIWG), ᐊᕐᓇᐃᓕᖓᒧᖅ/ᐊᖑᑕᐃᓕᖓᔪᖅ (ᐊᓪᓚᐃᑦ) ᐊᒻᒪᓗ ᖃᓄᐃᑦᑑᒋᐊᖃᖅᖢᒋᓕᕐᓂᖓ (MMIWG2S+) ᑐᑭᓯᒋᐊᕈᑎᓂᒃ ᓄᐊᑦᑎᓗᑎᑦ ᐅᖃᐅᔾᔨᒋᐊᕆᓗᓂᓗ ᐊᒻᒪᓗ ᐊᑐᓕᖁᔭᕕᓂᒃ ᑐᓂᓯᓗᑎᑦ.

ᑖᓐᓇ ᐅᓂᒃᑳᖅ ᐅᖃᐅᓯᖃᖅᑐᖅ ᑲᑎᒪᖃᑎᖃᕐᓂᐅᔪᓂᒃ, ᐱᓕᕆᖃᑎᖃᖃᑦᑕᖅᑐᓂᒃ ᓇᓗᓇᐃᖅᓯᔾᔪᑎᓂᒃ ᐊᓪᓚᓂᒃ, ᐃᓄᖕᓂᑦ ᐊᓪᓚᖓᔪᓂᓪᓗ ᑲᑐᔾᔨᖃᑎᒌᖏᓐᓂ ᐊᒻᒪᓗ ᒐᕙᒪᒃᑯᖏᓐᓂ, ᓄᓇᖃᖅᑳᖅᑐᕕᓃᑦ ᐊᕐᓇᓂᑦ ᑲᑐᔾᔨᖃᑎᒌᖏᓐᓂ, ᑕᐃᒃᑯᐊᓗ ᐱᓕᕆᐊᖃᖃᑦᑕᖅᑐᑦ ᑕᒪᑐᒥᖓ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ ᑕᐃᒪᐃᑦᑑᖃᑎᕕᓃᓱᓂᓪᓗ (MMIWG2S+), ᓄᓇᓕᐸᐅᔭᐅᑉ ᓯᓚᑖᓂ, ᐅᖓᓯᑦᑐᓂᑦ, ᐅᑭᐅᖅᑕᖅᑐᒥᓗ ᓄᓇᖃᖅᑳᖅᑐᕕᓃᑦ ᑲᑐᔾᔨᖃᑎᒌᖏᓐᓂ, ᒪᑯᓂᖓᓗ ᐃᓚᒌᓐᓂᒃ ᐊᓐᓇᔅᓯᒪᔪᓂᓪᓗ ᐱᖃᓯᐅᔾᔨᔪᓕᒫᑦ, ᕿᒥᕐᕈᑲᓐᓂᖁᓪᓗᒋᑦ ᑭᓱᓂᑦ ᐱᒃᑲᓐᓂᕆᐊᖃᕐᒪᖔᑕ, ᐅᖃᐅᓯᖃᖅᑐᓂᒃ ᐱᔭᐅᓯᒪᔪᓂᒃ ᑖᒃᑯᓂᖓ, ᐱᒋᐊᖅᑎᑕᐅᖁᔭᐅᓪᓗᓂ ᐃᖅᑲᖅᑐᐃᕕᒃᑯᑎᒍᑦ 1.7. ᐅᖃᐅᔾᔨᒋᐊᕆᓗᑎᑦ ᐊᑐᓕᖁᔭᕕᓂᓪᓗ ᓴᖅᑭᖅᑕᐅᓯᒪᓂᓐᓂ ᑲᓇᑕᒥ ᓄᓇᖃᖅᑳᖅᑐᕕᓂᕐᓂᑦ ᐊᒻᒪᓗ ᐃᓄᐃᑦ ᐱᔪᓐᓇᐅᑎᖏᓐᓂ ᐃᖅᑲᖅᑐᐃᕕᑎᒍᑦ ᕿᒥᕐᕈᔨᓂᒃ ᓯᓚᑖᓃᙶᖅᑐᓂᒃ ᑕᑯᓐᓇᕈᓐᓇᕐᓗᑎᑦ ᐱᓕᕆᐊᖑᔭᕆᐊᓕᖕᓂᒃ ᑖᒃᑯᓂᖓ ᒥᓂᔅᑕᕆᔭᖅ ᐊᔾᔨᐅᖏᑦᑐᒥᑦ ᑭᒡᒐᖅᑐᐃᔨ.

ᓇᓗᓇᙱᒻᒪᑦ ᐱᓕᕆᖃᑎᖃᕆᐊᖃᕐᓂᖏᓐᓂ, ᓄᑖᕐᓂᓪᓗ ᓄᓇᖃᖅᑳᖅᑐᒨᖓᔪᓂᒃ ᐃᓄᐃᑦ ᐱᔪᓐᓇᐅᑎᖏᓐᓂ ᑎᒥᐅᔪᓂᒃ ᓯᕗᕙᖅᑎᑦᑎᒋᐊᖃᕐᒪᑕ ᑲᔪᓯᑎᑦᑎᑦᑎᐊᕐᓗᑎᑦ ᐱᔪᓐᓇᐅᑎᖏᓐᓂ ᑖᒃᑯᓂᖓ ᐊᓪᓚᓂᒃ, ᐃᓄᖕᓂᑦ, ᐊᓪᓚᖓᔪᓂᒃ ᐱᓗᐊᖅᑐᒥᓪᓗ ᓄᓇᖃᖅᑳᖅᑐᕕᓂᕐᓂᑦ ᐊᕐᓇᓂᑦ, ᓂᕕᐊᖅᓯᐊᕐᓂᑦ ᐊᒻᒪᓗ ᑕᐃᒪᐃᑦᑑᖃᑎᕕᓃᓲᕐᓂᑦ (2SLGBTQI+) ᐃᓄᖕᓂᑦ (ᐊᕐᓇᐃᓕᖓᒧᖅ/ᐊᖑᑕᐃᓕᖓᔪᖅ (ᐊᓪᓚᐃᑦ), ᖃᐃᕋᔪᖏᑦᑑᒃ, ᒪᓃᓕᕇᒃ, ᑕᒪᒃᑮᓲᒃ, ᐊᕐᓇᐃᓕᖓᔪᖅ/ᐊᖑᑕᐃᓕᖓᔪᖅ, ᐊᐃᑉᐸᖃᕐᓂᕐᒧᑦ ᐃᓱᒪᖅᓲᑎᓕᒃ, ᖃᐅᔨᓇᓱᐊᖅᑐᖅ ᑭᓇᐅᓂᕐᒥᓂᒃ ᑭᓲᓂᕐᒥᓂᓪᓗ, ᐃᓂᖅᓯᒪᙱᑦᑐᖅ, ᑯᔭᒍᒪᓂᖃᙱᑦᑎᐊᖅᑐᖅ, ᐊᒻᒪᓗ ᐊᒥᓱᓂᒃ ᓇᓗᓇᐃᖅᓯᓯᒪᔪᓂᒃ ᓇᖕᒥᓂᖅ ᑭᓇᐅᓂᕋᕐᓂᒥᓂᑦ) ᐃᓄᖕᓂᑦ, ᓇᒥᒥᐅᑕᐅᓐᓂᕋᓗᐊᕈᑎᒃ ᖃᓄᐃᑦᑑᓐᓂᕋᓗᐊᕈᑎᓪᓘᓐᓃᑦ ᐃᓅᓂᖏᑦ. ᐱᒋᐊᖅᑎᑕᐅᑦᑕᐅᑎᒋᔭᕆᐊᖃᓕᖅᑐᖅ ᐊᒻᒪᓗ ᑲᒪᒋᔭᐅᒋᐊᖃᕐᓂᖏᑦ.

ᐱᒋᐊᖅᑎᑕᐅᑦᑕᐅᑎᒋᔭᕆᐊᖃᓕᖅᑐᖅ ᐊᒻᒪᓗ ᑲᒪᒋᔭᐅᒋᐊᖃᕐᓂᖏᑦ

ᐃᓚᒌᑦ ᐃᓚᐃᖅᓯᒪᔪᑦ ᓇᓪᓕᒋᔭᕕᓂᒃ ᐊᒻᒪᓗ ᓄᓇᖃᖅᑳᖅᑐᕕᓃᑦ ᓂᓪᓕᐊᖃᑦᑕᓲᑦ ᑐᑭᓯᔭᕐᓂᖅᑎᐊᖅᖢᑎᑦ ᑲᓇᑕᒥ ᖃᐅᔨᓴᕐᓂᕐᒥᑦ ᐊᒻᒪᓗ ᐱᓕᕆᖃᑎᖃᖃᑦᑕᖅᖢᑎᑦ ᐱᒋᐊᖅᑎᑕᐅᖁᔭᐅᓪᓗᓂ ᐃᖅᑲᖅᑐᐃᕕᒃᑯᑎᒍᑦ 1.7 ᐅᑉᐱᕆᔭᖃᕐᒪᑕ ᐱᒋᐊᕈᑕᐅᓯᒪᑦᑎᐊᖏᓪᓚᕆᒃᑐᑦ ᐊᒥᓱᑲᓪᓚᓐᓂᒃ ᐱᔾᔪᑎᖃᖅᖢᑎ ᑲᒪᒋᔭᐅᒋᐊᖃᕋᓗᐊᖅᖢᑎᑦ. ᐅᓂᒃᑳᖅᖢᑎᑦ ᑲᑎᒪᔨᕋᓛᖑᑲᐃᓐᓇᖅᑐᑦ ᐱᒋᐊᕈᑎᖃᓚᐅᖅᓯᒪᙱᒻᒪᑕ. ᑲᑎᒪᖃᑎᖃᐃᓐᓇᖏᑦᑎᐊᖅᖢᑎᓪᓗ ᐱᒋᐊᕈᑏᑦ ᒥᒃᓵᓄᑦ. ᐅᖃᐅᓰᑦ ᐱᔪᐊᓘᒐᓗᐊᖅᑎᓪᓗᒋᑦ ᑭᓯᐊᓂ ᐱᒋᐊᕈᑕᐅᓯᒪᙱᑦᑎᐊᖅᑐᑦ. ᒫᓐᓇᕈᓗᒃ ᓈᒪᑦᑎᐊᖅᑐᒥᑦ ᕿᒥᕐᕈᔭᐅᒻᒪᑕ ᐱᕙᓪᓕᐊᓂᖏᓐᓂ ᐱᒋᐊᖅᑎᑕᐅᖁᔭᐅᓪᓗᓂ ᐃᖅᑲᖅᑐᐃᕕᒃᑯᑎᒍᑦ ᑖᒃᑯᑎᒎᓇ ᓰᐲᓰ (CBC)^{ᑎᑎᖅᑲᖅ 4} ᖃᐅᔨᓚᐅᖅᑐᑦ ᒪᕐᕈᑐᐊᕐᓂᑦ 231-ᓂᒃ ᐱᒋᐊᕈᑎᖃᖅᓯᒪᔪᑦ ᐃᖅᑲᖅᑐᐃᕕᑎᒍᑦ ᐱᔭᕇᖅᓯᓯᒪᔪᑦ, ᐊᕝᕙᕆᓗᐊᖅᑖᓗᖏᓐᓂ 50%−ᒥᑦ ᓱᓕ ᐱᒋᐊᖅᑕᐅᓯᒪᙱᑦᑐᑦ. ᐊᓪᓚᐃᑦ, ᐃᓄᐃᑦ ᐊᓪᓚᖓᔪᓪᓗ ᓂᓪᓕᐊᓕᖅᑭᖃᑦᑕᖅᓯᒪᒐᓗᐊᕐᒪᑕ ᐱᓕᕆᐊᕆᔭᕆᐊᓕᖕᓂᒃ ᑖᒃᑯᓂᖓ ᐊᒥᐊᒃᑯᓂᑦ 231−ᓂᒃ ᐱᒋᐊᕈᑕᐅᒋᐊᓕᖕᓂᒃ ᐃᖅᑲᖅᑐᐃᕕᑎᒍᑦ ᐱᒋᐊᕆᐊᖃᓕᕐᒪᑕ, ᐅᑕᖅᑭᑐᐃᓐᓇᖏᓪᓗᑎᑦ ᐱᒋᐊᖅᑎᑕᐅᖁᔭᐅᓪᓗᓂ ᐃᖅᑲᖅᑐᐃᕕᒃᑯᑎᒍᑦ 1.7 ᐊᑐᓕᖅᑎᑕᐅᒋᐊᖃᕐᓂᖓᓐᓂ.

ᑖᓐᓇ ᕈᐊᔪᓪ ᑲᒥᓴᓇ ᓄᓇᖃᖅᑳᖅᑐᕕᓂᕐᓂᑦ,^{ᑎᑎᖅᑲᖅ 5} ᓄᓇᖃᖅᑳᖅᑐᕕᓂᑦ ᐃᖅᑲᖅᑐᐃᕕᓕᕆᓂᕐᒧᑦ ᖃᐅᔨᓴᕐᓂᖅ,^{ᑎᑎᖅᑲᖅ 6} ᓱᓕᔪᑦ ᓴᐃᒻᒪᖃᑎᒋᓐᓂᒧᓪᓗ ᑲᑎᒪᔨᖏᑦ ᑲᓇᑕᒥ,^{ᑎᑎᖅᑲᖅ 7} ᐊᒻᒪᓗ ᑲᓇᑕᒥ ᖃᐅᔨᓇᓱᐊᕐᓂᖅ^{ᑎᑎᖅᑲᖅ 8} ᐅᖃᐅᓯᖃᖅᑐᐃᓐᓇᐅᓯᒪᔪᑦ ᐃᓕᖅᑯᓯᐅᕙᒃᑐᑦ ᐊᓯᔾᔨᕆᐊᖃᕐᓂᖓᓐᓂ ᐃᓚᖏᓐᓂᓪᓗ, ᓇᓗᓇᐃᖅᓯᒪᑦᑎᐊᓂᖅᓴᓂᑦ ᐱᑕᖃᕆᐊᖃᕐᒪᑦ ᑕᑎᒋᔭᕆᐊᖃᖏᓂᖏᓐᓂ ᑲᒪᒋᔭᕆᐊᖃᕐᓂᖏᓐᓂ. ᓄᓇᖃᖅᑳᖅᑐᕕᓃᑦ ᐃᖅᑲᖅᑐᐃᕕᓕᕆᓂᒃᑯᑦ ᖃᐅᔨᓴᕐᓂᕐᒥᑦ ᒫᓂᑑᐸᒥ (AJI) ᓴᖅᑮᓚᐅᖅᓯᒪᔪᑦ 1988−ᒥ ᖃᐅᔨᒐᓱᐊᖅᖢᑎᑦ ᑕᒪᔅᓱᒥᖓ ᐃᓄᐊᖅᑕᒥᓂᕐᒥᑦ ᕼᐊᓚᓐ ᐸᑎ ᐋᔅᐳᐊᓐ ᐊᒻᒪᓗ ᖁᑭᐊᔪᖃᓚᐅᖅᑎᓪᓗᒍ ᔭᐃᔭᐃ (J.J.) ᕼᐊᐳ ᐅᐃᓂᐹᒻᒥ ᐸᓖᓯᒃᑯᓐᓂ ᐱᔨᑦᑎᕋᐅᑎᓂᒃ. ᑕᒪᑐᒥᖓ ᑕᑎᖃᕐᓂᕐᒥᑦ ᑲᒪᒋᔭᐅᒋᐊᓕᖕᓂᒃ, ᓄᓇᖃᖅᑳᖅᑐᕕᓂᑦ ᐃᖅᑲᖅᑐᐃᕕᓕᕆᓂᒃᑯᑦ ᖃᐅᔨᓴᕐᓂᕐᒥᑦ ᒪᓂᑑᐸᒥ (AJI) ᐅᖃᖅᓯᒪᔪᑦ ᐃᖅᑲᖅᑐᐃᕕᒃᑯᒡᒎ ᑲᔪᓯᑎᑦᑎᔪᒥᓂᐅᙱᑦᑐᑦ ᓄᓇᖃᖅᑳᖅᑐᕕᓂᕐᓂᑦ − ᑭᓯᐊᓂᓕ ᐊᖏᖅᑕᐅᓯᒪᙱᑦᑎᐊᒻᒪᕆᒃᑐᑦ ᐃᖅᑲᖅᑐᐃᕕᓕᒫᓂᒃ. ᑕᐃᑲᓂ ᓄᓇᖃᖅᑳᖅᑐᕕᓂᓕᕆᓂᕐᒧᑦ ᑭᓪᓕᓯᓂᐊᖅᑏᑦ ᓄᓇᖃᖅᑳᖅᑐᕕᓂᕐᓂᑦ (RCAP), ᐅᓂᒃᑳᓕᐅᓚᐅᖅᓯᒪᔪᑦ 1996−ᒥ, ᑲᑎᒪᔨᖏᑦ ᐅᖃᖅᖢᑎᑦ ᐱᒻᒪᕆᐅᒋᐊᖃᕐᒪᑦ ᑕᐃᒪᐃᓪᓗᐊᑎᑦᑎᓇᓱᐊᕐᓂᖅ ᑲᑎᒪᔨᖏᓐᓂ ᒪᑭᒪᔾᔪᑎᒃᓴᓂᓪᓗ ᓴᙱᓂᖏᓐᓂ ᓱᕋᒃᓯᒪᔪᓂᒃ ᐃᑲᔪᖅᑐᐃᓗᓂ ᑕᑎᒋᔭᐅᓂᐊᕐᓗᓂᓗ. ᐅᖓᑖᓅᓗᐊᖅᑐᖅ 25 ᐅᑭᐅᑦ ᑕᐃᒪᙵᓂ ᓄᓇᖃᖅᑳᖅᑐᕕᓂᓕᕆᓂᕐᒧᑦ ᑭᓪᓕᓯᓂᐊᖅᑏᑦ ᓄᓇᖃᖅᑳᖅᑐᕕᓂᕐᓂᑦ (RCAP) ᐅᓂᒃᑳᕐᒥᓂᑦ ᓴᖅᑮᓚᐅᖅᓯᒪᖕᒪᑕ, ᐱᒋᐊᕈᑎᖃᖅᓯᒪᓕᖅᑐᑦ ᐃᓚᒃᑰᖓᔪᓂᑦ ᑕᒻᒪᖅᓯᒪᔪᖅᓯᑎᒃᑯᓐᓂ ᑲᒪᕙᒃᑐᓂᒃ ᓄᓇᖃᖅᑳᖅᑐᕕᓂᕐᓂᑦ ᓱᓕ ᑲᔪᓯᑎᑕᐅᓯᒪᙱᑦᑐᑦ.

ᐃᓱᒪᒋᔭᐅᔪᓐᓇᐃᕐᕕᐅᓂᖏᑦ ᓯᓚᕐᔪᐊᒥ 2004−ᒥ ᐅᓂᒃᑳᖅ ᓄᑲᕇᑦ ᐊᕐᓇᐃᑦ ᑎᓪᓕᒑᖑᓯᒪᔪᑦ: ᐃᓄᖕᓄᑦ ᐱᔪᓐᓇᐅᑎ ᑲᒪᔪᑦ ᓂᖓᖅᑕᐅᓯᒪᔪᓂᒃ ᐊᒻᒪᓗ ᑕᐃᒪᐃᓪᓗᐊᖅᑎᑕᐅᓯᒪᙱᑦᑐᓂᒃ ᓄᓇᖃᖅᑳᖅᑐᕕᓂᕐᓂᑦ ᐊᕐᓇᓂᑦ ᑲᓇᑕᒥ,^{ᑎᑎᖅᑲᖅ 9} ᐊᒻᒪᓗ ᐳᕆᑎᔅ ᑲᓚᒻᐱᐅᒥ 2012 ᕿᒪᐃᓐᓇᖅᑕᐅᓯᒪᔪᑦ - ᐅᓕᒃᑳᖅ ᐊᓯᐅᓯᒪᔪᓂᒃ ᐊᕐᓇᓂᑦ ᑎᓕᔭᐅᓯᒪᔪᑦ ᖃᔨᐅᓴᖁᔭᐅᓪᓗᑎᑦ,^{ᑎᑎᖅᑲᖅ 10} ᒪᕐᕉᓐᓂᒃ ᐅᓂᒃᑳᓕᐅᖅᓯᒪᔪᑦ ᐱᔾᔪᑎᖏᓐᓂ ᐅᖃᐅᓯᓖᑦ ᐅᔾᔨᕆᔭᐅᒋᐊᓕᖕᓂᓪᓗ ᐱᔪᓐᓇᐅᑎᖏᑦ ᓯᖁᒥᑦᑕᕕᓃᑦ, ᑕᐃᒪᐃᓪᓗᐊᖅᑎᑕᐅᙱᓐᓂᖏᑦ, ᐊᒻᒪᓗ ᓂᖓᖅᑕᐅᖃᑦᑕᕐᓂᖏᑦ ᑐᕌᓕᖅᑐᓂ ᐊᓯᐅᓯᒪᔪᓂᒃ ᐃᓄᐊᖅᑕᒥᓂᕐᓂᓪᓗ ᓄᓇᖃᖅᑳᖅᑐᕕᓂᕐᓂᑦ ᐊᕐᓇᓂᑦ, ᓂᕕᐊᖅᓯᐊᕐᓂᑦ ᐊᒻᒪᓗ ᑕᐃᒪᐃᑦᑑᖃᑎᕕᓃᓲᕐᓂᑦ (2SLGBTQI+) ᐃᓄᖕᓂᑦ. ᑕᐃᑲᓂ ᑭᖑᓪᓕᖅᐹᒥ ᐅᓂᒃᑳᕐᒥ ᓱᓕᔪᓂᑦ ᓴᐃᒻᒪᖃᑎᒌᓐᓂᒧᓪᓗ ᑲᑎᒪᔨᖏᓐᓂ ᑲᓇᑕᒥ (TRC),^{ᑎᑎᖅᑲᖅ 11} ᐅᖃᓕᒫᒐᖅ ᓴᖅᑭᖅᑕᐅᓪᓗᓂ 2015−ᒥ, ᐊᓐᓇᔅᓯᒪᔪᑦ ᑲᒪᒋᔭᐅᔪᒪᓪᓗᑎᑦ ᓴᖅᑭᖅᑕᐅᓗᓂᓗ 94 ᐱᒋᐊᕈᑎᒃᓴᐅᔪᑦ^{ᑎᑎᖅᑲᖅ 12} – ᐊᑕᖏᖅᐸᓗᒃᖢᑎᑦ, ᓯᓚᑖᓂ ᐅᓂᒃᑳᓕᖑᓯᒪᔪᑦ ᖃᐅᔨᓴᖅᑕᐅᓪᓗᑎᓪᓗ, ᐊᒻᒪᓗ ᑲᔪᓯᑎᑕᐅᓯᒪᙱᑦᑐᑦ .^{ᑎᑎᖅᑲᖅ 13} ᑕᐃᓐᓇᓕ ᐅᓂᒃᑳᓕᐊᕕᓂᖅ^{ᑎᑎᖅᑲᖅ 14} ᔭᓗᕼᐃᐊᑦᑯᓐᓂ (Yellowhead) ᑎᒥᐅᔪᒥᑦ ᐅᖃᖅᓯᒪᔪᑦ, "ᒪᒥᓴᕈᓐᓇᖅᓯᒐᔭᕐᒪᑕ ᑭᓯᐊᓂᒎᖅ ᓱᓕᔪᒥᑦ, ᐃᖅᑲᖅᑐᐃᕕᒃᑯᓪᓗ ᑕᑎᒋᔭᐅᓂᒃᑯᓪᓗ ᖃᓄᐃᑕᒥᓂᐅᑎᓪᓗᒋᑦ ᓱᕈᓰᑦ ᐱᒋᐊᕈᓐᓇᕐᒪᑕ ᐱᒻᒪᕆᐅᓪᓗᑎᓪᓗ" (ᒪᑉᐱᒐᖅ 39).

ᑕᒪᒃᑯᐊᓕᒫᑦ ᐅᓂᒃᑳ, ᐅᖃᖅᓯᒪᔪᑦ ᑲᓇᑕᒥ ᖃᐅᔨᓴᖅᑕᐅᓯᒪᔪᓂᒃ ᐅᓂᒃᑳᓕᐅᑲᐃᓐᓇᖅᓯᒪᔪᓂᒃ, ᐱᔭᕇᖅᓯᒪᔪᑦ ᐋᖅᑭᐅᒪᔾᔪᑎᒃᓴᓂᒃ ᓂᖓᖅᑕᐅᓯᒪᔪᓂᒃ ᐃᓱᓕᒋᐊᓕᒃ ᐃᒫᒃ ᑲᒪᒋᔭᐅᓗᑎᑦ ᑕᐃᒃᑯᓂᖓ ᐱᓕᕆᔪᒪᑦᑎᐊᖅᑐᓂᒃ ᓄᓇᖃᖅᑳᖅᑐᕕᓂᕐᓂᑦ, ᓄᓇᓕᖕᓂᑦ, ᑲᓇᑕᒥᐅᑕᕐᓂᑦ, ᐃᓚᓕᐅᑎᓗᒋᑦ ᐃᓚᒌᑦ^{ᑎᑎᖅᑲᖅ 15} ᐊᓐᓇᐅᒪᓯᒪᔪᓪᓗ. ᓱᓕᔪᓂᒃ ᑖᒃᑯᓂᖓ ᐅᓂᒃᑳᕐᓂᑦ, ᑭᖑᓪᓕᖅᐹᕐᓗ ᐅᓂᒃᑳᓕᐊᖑᓯᒪᔪᖅ ᑯᐸᒻᒥ ᕙᐃᓐᔅ ᑲᒥᓴᓐ,^{ᑎᑎᖅᑲᖅ 16} ᒪᓕᒐᖅᑎᒋᑦ ᑲᒪᒋᔭᐅᒋᐊᖃᕐᓂᖓᓐᓂ ᐊᓯᔾᔨᕆᐊᖃᕐᒪᑦ – ᐊᓯᔾᔨᕐᓂᑐᐃᓐᓇᐅᙱᑦᑐᖅ – ᑭᓯᐊᓂᑦᑕᐅ ᐋᖅᑭᒃᓯᒪᓂᖏᑦ ᐃᑲᔪᖅᑐᐃᔾᔪᑎᓂᒃ ᑕᑎᒋᔭᐅᒋᐊᖃᕐᓂᖏᓐᓂ.

ᐃᓗᓕᖏᑦ ᐱᒋᐊᖅᑎᑕᐅᖁᔭᐅᔪᑦ ᐃᖅᑲᖅᑐᐃᕕᑎᒍᑦ 1.7

ᐱᒋᐊᖅᑎᑕᐅᖁᔭᐅᔪᑦ ᐃᖅᑲᖅᑐᐃᕕᑎᒍᑦ 1.7:

ᑎᑎᕋᖅᑕᐅᑦᑎᐊᖅᓯᒪᓗᑎᑦ ᑭᙴᒪᔭᐃᑦ^{ᑎᑎᖅᑲᖅ 17} ᐃᓅᓯᕐᒥᑦ ᐱᑕᖃᕆᐊᓕᑦ, ᐋᓐᓂᐊᖅᑕᐃᓕᒪᓂᕐᒧᑦ ᓴᖅᑭᖅᑐᑦ, ᐃᓕᖕᓂᐊᖅᑐᓕᕆᓂᖅ, ᑮᓇᐅᔾᔭᔅᓵᑦ ᐊᓯᖏᓪᓗ ᑭᓱᑐᐃᓐᓇᑦᑎᐊᑦ ᐱᑕᓖᑦ ᐃᓄᖕᓂᑦ ᐱᔪᓐᓇᐅᑎᖏᓐᓂ ᐸᖅᑭᔭᐅᒋᐊᓕᖕᓂᒃ ᐸᖅᑭᔭᐅᔾᔪᑎᖃᑦᑎᐊᖏᓪᓚᕆᒃᑐᓂᒃ ᐱᔪᓐᓇᐅᑎᖏᑦ ᒪᓕᒃᖢᒋᑦ ᐊᓪᓚᐃᑦ, ᐃᓄᐃᑦ ᐊᓪᓚᖓᔪᓪᓗ, ᐱᓗᐊᖅᑐᒥᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ ᑕᐃᒪᐃᑦᑑᖃᑎᕕᓃᓲᕐᓂᑦ (2SLGBTQQIA+) ᐃᓄᖕᓂᑦ.^{ᑎᑎᖅᑲᖅ 18} ᑕᒪᒃᑯᐊ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ ᑕᐃᒪᐃᑦᑑᖃᑎᕕᓃᓱᓂᓪᓗ (MMIWG2S+), ᓴᖅᑭᖅᑕᐅᑲᓐᓂᕐᒪᑕ ᑭᓪᓕᓯᓂᐊᖅᓯᒪᔪᓂᒃ ᑕᐃᑲᙵᑦ ᑲᓇᑕᒥ ᐊᕐᓇᓂᑦ ᐃᓄᐊᖅᑕᐅᔪᓂᒃ ᐅᔾᔨᖅᓱᓲᕐᓂᑦ ᐃᖅᑲᖅᑐᐃᕕᓕᕆᓂᑦᑎᒍᑦ ᑕᑎᒋᔭᒃᓴᐅᓂᒧᓪᓗ^{ᑎᑎᖅᑲᖅ 19} ᓯᓚᑦᑐᖅᓴᕐᕕᔾᔪᐊᖓᓐᓂ ᒍᐊᓪᕝ (Guelph) ᐊᓯᖏᓐᓂᓪᓗ, ᑕᐃᒪᐃᓪᓗᐊᖅᑎᑕᐅᙱᑦᑐᖅᐹᓘᓪᓗᓂ ᓂᖓᖅᑕᐅᕙᒃᑐᓂᑦ. ᑕᒪᒃᑯᐊ ᓇᓗᓇᙱᑦᑎᐊᖅᑐᖅ, ᑕᑯᒃᓴᐃᑦ ᑕᐃᑲᓂ ᑲᓇᑕᒥ ᖃᐅᔨᓴᕐᓂᐅᔪᑦ ᔭᒐᒪᔪᓂᒃ ᐃᓄᐊᖅᑕᐅᓯᒪᔪᓂᓪᓗ ᓄᓇᖃᖅᑳᖅᓯᒪᔪᓂᒃ ᐊᕐᓇᓂᑦ ᓂᕕᐊᖅᓯᐊᓂᓪᓗ,^{ᑎᑎᖅᑲᖅ 20} ᐅᕕᓂᖃᑎᒋᔭᐅᙱᑦᑐᓂᑦ ᐃᓚᐃᓐᓈᖅᑕᐅᓂᖏᑦ, ᐊᖑᑏᑦ ᐊᖏᔪᖅᑳᖑᓇᓱᓐᓂᖏᑦ, ᐃᓚᐃᓐᓈᕐᓂᐊᓗᒃ, ᐊᒻᒪᓗ ᑕᐃᒪᐃᓪᓗᐊᑎᑦᑎᖏᓐᓂᖏᑦ ᐃᓕᐅᖅᑲᖅᑕᐅᓯᒪᖕᒪᑕ ᐃᓕᖅᑯᓯᕆᕙᒃᑕᑎᓐᓄᑦ ᓴᓇᓯᒪᓂᖏᓐᓄᓪᓗ, ᐊᒻᒪᓗ ᖁᕝᕙᓯᕆᐊᖅᑕᐅᓪᓗᓂ ᐊᒃᑐᐃᓂᖃᕐᓂᖏᓐᓂ ᐃᓄᐊᖅᓯᖃᑦᑕᕐᓂᐅᔪᑦ ᐅᕕᓂᖃᑎᒋᙱᑕᒥᓂᒃ ᓲᕐᓗ ᓄᖑᒐᓱᐊᖅᑐᓂᒋᑦ.

ᑲᓇᑕᒥ  ᑐᓴᕋᓱᖕᓂᖅ ᐊᓯᐅᔪᓄᑦ  ᑐᖁᑕᐅᔪᓄᓪᓗ ᓄᓇᖃᖅᑳᖅᑐᓄᑦ  ᐊᕐᓇᓄᑦ  ᓂᕕᐊᖅᓵᓄᓪᓗ ᐱᓕᕆᐊᒥᓂᒃ ᐱᒋᐊᓯᓚᐅᖅᑐᑦ 2016ᒥ,, ᒪᓕᒃᖢᒋᑦ ᓱᓕᔪᓂᒃ ᓴᐃᒻᒪᖃᑎᒌᓐᓂᕐᒧᑦ ᑎᓕᓯᔾᔪᑎᒥᑦ (TRC) ᐱᒋᐊᕈᑕᐅᓯᒪᔪᖅ 41.2, ᑎᓕᓯᓚᐅᖅᓯᒪᔪᑦ ᒐᕙᒪᑐᖃᒃᑯᓐᓂ ᓴᖅᑮᖁᔨᓪᓗᑦ ᑭᒃᑯᑐᐃᓐᓇᕐᓄᑦ ᖃᐅᔨᓇᓱᐊᕐᓂᕐᒥᑦ "ᐱᔾᔪᑕᐅᔪᓂᒃ, ᐊᖅᑭᐅᒪᔾᔪᑎᒃᓴᓂᓪᓗ, ᑕᐃᒪᐃᓪᓕᐅᖅᑎᑦᑎᖃᑦᑕᖏᓐᓂᑰᔪᓂᒃ ᓄᓇᖃᖅᑳᖅᓯᒪᔪᓂᒃ ᓂᕕᐊᖅᓯᐊᓂᓪᓗ" ᐊᒻᒪᓗ "ᐅᐊᑦᑎᐊᕈᕐᓂᓴᕐᓂᑦ ᐲᖅᓯᓇᓱᑦᑑᔮᖅᑐᓂᒃ" ᓂᖓᖅᑕᐅᖃᑦᑕᕐᓂᑯᓐᓂ ᐅᖃᖅᓯᒪᔪᑦ ᓱᓕᔪᓂᒃ ᓴᐃᒻᒪᖃᑎᒌᓐᓂᕐᒧᑦ ᑎᓕᓯᔾᔪᑎᒥᑦ (TRC) ᐊᔾᔨᐅᖏᑦᑐᓕᔪᑦ ᑎᑎᕋᖅᓯᒪᔪᑦ. ᐊᖅᑯᑖᓂ, ᐅᑭᐅᓄᑦ ᖁᓕᓄᑦ ᐱᓕᕆᐊᖑᔪᓄᑦ ᐃᓚᒌᓐᓄᑦ ᐊᓐᓇᔅᓯᒪᔪᓪᓗ ᓱᓕ ᕿᓂᕐᒪᑕ ᐃᖅᑲᖅᑐᐃᓂᒃᑯᑦ ᑕᒪᓐᓇ ᑲᒪᒋᔭᐅᖁᔭᐅᓪᓗᓂ. ᐱᓕᕆᐊᖏᑦ ᑲᓇᑕᒥ ᖃᐅᔨᓴᕐᓂᕐᒧ ᐊᖏᔪᐊᓗᒻᒥ ᐃᓗᓕᓕᒃ ᐱᔭᕆᐊᑐᔪᐊᓘᓪᓗᓂᓗ, ᒪᑯᐊᓗ ᐅᓂᒃᑳᓕᐅᖃᑦᑕᕆᐊᖃᕐᓂᔪᐅᑦ ᐱᔾᔪᑕᐅᔪᓂᒃ ᖃᓄᐃᑦᑐᑐᐃᓐᓇᓗᖕᓂ ᓂᖓᖅᑕᐅᓯᒪᔪᓂᑦ ᓄᓇᖃᖅᑳᖅᑐᕕᓂᕐᓂᑦ ᐊᕐᓇᓂ ᓂᕕᐊᖅᓯᐊᓂᓪᓗ, ᒪᑯᓂᖓᓗ ᖁᓄᔪᓐᓂᐊᓂᕐᒥᑦ, ᕿᒥᕐᕈᔭᐅᓗᑎᑦ ᑭᓪᓕᖃᖅᑎᑕᐅᔪᑦ ᐃᓄᓕᕆᓂᕐᒨᖓᔪᑦ, ᒪᑭᒪᔾᔪᑎᒃᓴᐃᑦ, ᐱᖅᑯᓯᖏᑦ, ᑎᒥᐅᔪᓪᓗ, ᐅᐊᑦᑎᐊᕈᓪᓗ ᐱᔾᔪᑕᐅᖃᑦᑕᖅᑐᒥᓃᑦ ᐅᓪᓗᒥᒧᑦ ᓂᖓᖅᑕᐅᓯᒪᓂᖏᓐᓂᑦ ᐊᑐᖅᓯᒪᔪᑦ ᐊᓪᓚᐃᑦ, ᐃᓄᐃᑦ ᐊᓪᓚᖓᔪᓪᓗ ᐊᕐᓇᐃᑦ ᓂᕕᐊᖅᓯᐊᓪᓗ ᑲᓇᑕᒥ.

ᒪᓕᒃᖢᒋᑦ ᓱᓕᔪᓂᑦ ᐱᔾᔪᑎᖃᖅᖢᑎᑦ ᑲᑎᖃᑦᑕᖅᓯᒪᔪᑦ, ᒪᑯᐊᓗ ᑕᒪᓂᖃᐃ 3,000 ᐃᓄᐃᑦ ᐅᓂᒃᑳᖅᓯᒪᔪᑦ ᓂᓪᓕᐊᔾᔪᑎᖃᖅᓯᒪᓪᓗᑎᑦ ᐊᑐᖅᓯᒪᔭᒻᒥᓂᒃ ᓄᓇᓕᖕᓂᑦ ᓈᓚᑦᑎᑦᑎᔪᖃᖅᑎᓪᓗᒍ, ᐅᓂᒃᑳᖅᑐᖃᖅᑎᓪᓗᒍ, ᐊᑐᐊᖅᓯᔾᔪᑕᐅᓪᓗᑎᑦ ᐅᖃᖃᑎᖃᕐᓂᐅᔪᓂᒃ, ᐅᐊᑦᑎᐊᕈᕐᓂᓴᕐᓂᑦ ᑐᖅᑯᐃᓪᓗᑎᑦ, ᑎᒥᐅᔪᓂᑦ ᑲᒪᖃᑦᑕᖅᖢᑎᑦ, ᐊᒻᒪᓗ ᐃᓕᖕᓂᐊᑎᑦᑎᕙᒃᖢᑎᑦ ᐋᖅᑭᔅᓱᐃᖃᑎᖃᖅᖢᑎᑦ ᐱᒋᐊᕈᑎᒃᓴᐅᔪᓂᑦ ᐃᖅᑲᖅᑐᐃᕕᓕᕆᓂᒃᑯᑦ ᐊᑦᑐᖅᑕᐅᓯᒪᔪᓄᑦ, ᑲᓇᑕᒥ ᖃᐅᔨᓇᓱᐊᕐᓂᕐᒧᑦ ᐊᓯᐅᓯᒪᔪᓂᒃ ᐃᓄᐊᖅᑕᐅᓯᒪᔪᓂᓪᓗ ᓄᓇᖃᖅᑳᖅᑐᕕᓂᕐᓂᑦ ᐊᕐᓇᓂᑦ ᓂᕕᐊᖅᓯᐊᓂᓪᓗ ᐋᖅᑮᓚᐅᖅᓯᒪᔪᑦ ᐱᒋᐊᖅᑎᑕᐅᖁᔭᐅᓪᓗᓂ ᐃᖅᑲᖅᑐᐃᕕᒃᑯᑎᒍᑦ 1.7−ᒥᑦ ᐅᐱᓐᓇᕋᓂ ᐃᓚᒌᑦ ᐊᓐᓇᐅᒪᓯᒪᔪᓪᓗ ᐅᖃᐅᔾᔨᓯᒪᔪᑦ ᖃᐅᔨᓴᖅᑐᓂᑦ ᐱᔭᕆᐊᑭᑦᑐᑯᓗᑦᑕᖃᓚᐅᙱᑦᑐᖅ ᑕᐃᔅᓱᒪᒥ, ᐊᐳᖅᑕᕈᑎᖃᖅᖢᑎᑦ, ᖁᐊᖅᓴᓇᖅᑐᒃᑯᓪᓗ ᑐᓴᖅᖢᑎᑦ ᑕᒪᒃᑯᓂᖓᓗ ᓈᒻᒪᓂᖏᑦᑎᐊᖅᑐᓂᒃ ᒐᕙᒪᒃᑯᓐᓂ ᐃᑲᔫᑎᑕᖃᕐᓇᑎᑦ ᐱᔨᑦᑎᕋᐅᑎᓂᓪᓗ ᐱᔪᓐᓇᐅᑎᖏᑦ ᐊᓱᐃᓪᓛᒃ ᓯᖁᒥᑦᑕᐅᓕᖅᖢᑎᑦ.

ᑲᒪᒋᔭᐅᓂᖏᓐᓂ ᑲᓇᑕᒥ ᖃᐅᔨᓴᕐᓂᕐᒧᑦ ᑭᖑᓪᓕᖅᐹᒥ ᐅᓂᒃᑳᓕᐅᖅᖢᑎᑦ, ᑲᓇᑕᒥ ᒐᕙᒪᒃᑯᖏᑦ ᑭᐅᔾᔪᑎᒃᓴᓕᐅᖅᖢᑎᑦ ᓇᖕᒥᓂᖅ: ᒐᕙᒪᑐᖃᒃᑯᑦ ᐊᖅᑯᑎᖏᑦ,^{ᑎᑎᖅᑲᖅ 21} ᑲᓇᑕᐅᑉ ᒐᕙᒪᒃᑯᖏᑦ ᐃᑲᔪᕐᓂᖏᓐᓂ ᑲᓇᑕᒥ ᐱᒋᐊᕈᑎᓄᑦ ᐸᕐᓇᐅᑎᓄᑦ. ᐱᔭᕇᖅᑐᑦ ᒐᕙᒪᒃᑯᑦ ᐱᓕᕆᓂᐊᕐᓂᖏᓐᓂ ᐃᓱᓕᑦᑎᓗᑎᑦ ᓂᖓᕐᓂᖏᓐᓂ ᓄᓇᖃᖅᑳᖅᓯᒪᔪᓂᒃ ᐊᕐᓇᓂ, ᓂᕕᐊᖅᓯᐊᓂᒃ ᐊᒻᒪᓗ ᑕᐃᒪᐃᑦᑑᖃᑎᕕᓃᓲᕐᓂᑦ (2SLGBTQQIA+) ᐃᓄᖕᓂᑦ. ᓇᓗᓇᐃᖅᓯᓯᒪᔪᑦ ᑕᑎᒋᔭᐅᔪᓐᓇᕐᓂᖏᓐᓂ ᓯᕗᓪᓕᖅᐸᐅᔾᔭᐅᓗᑎᑦ ᐋᓐᓂᐊᖅᑐᓕᕆᔨᒃᑯᑎᒍᑦ ᐃᖅᑲᖅᑐᐃᕕᓕᕆᓂᒃᑯᓪᓗ.

ᐃᓚᒋᖃᓯᐅᔾᔭᐅᒻᒪᑦ ᐊᖏᔪᐊᓗᒻᒧᑦ, ᒐᕙᒪᑐᖃᒃᑯᑦ ᐊᖅᑯᑎᖓ ᐱᔾᔪᑎᖃᖅᑐᖅ ᐃᑲᔪᕐᓂᖃᕐᓗᓂ 2021 ᒐᕙᓯᒪᔪᓂᒃ ᐃᓄᐊᖅᑕᐅᓯᒪᔪᓂᑦ ᓄᓇᖃᖅᑳᖅᑐᕕᓂᕐᓂᑦ ᐊᕐᓇᓂᒃ, ᓂᕕᐊᖅᓯᐊᓂᒃ ᐊᒻᒪᓗ ᑕᐃᒪᐃᑦᑑᖃᑎᖏᓐᓂᓲᕐᓂᑦ (2SLGBTQQIA+) ᐃᓄᖕᓂᑦ ᑲᓇᑕᒥ ᐱᒋᐊᕈᑎᒃᓴᓄᑦ ᐸᕐᓇᐅᑎᒥᑦ, ᐱᓕᕆᖃᑎᖃᕐᓗᑎᑦ ᑲᓇᑕᒥ ᐃᓚᒌᓐᓂᒃ ᐊᒻᒪᓗ ᐊᓐᓇᐅᒪᓇᓱᐊᕐᓂᕐᒧᑦ ᐱᓕᕆᔨᓄᒃ ᐃᑲᔪᖅᑎᒌᓪᓗᑎᒃ ᐱᓇᓱᐊᖅᑐᑦ. ᑖᓐᓇ ᐸᕐᓇᐅᑎ ᑲᒪᒋᔭᖃᖅᑐᖅ ᐱᒻᒪᕆᐅᔪᓂᒃ ᐱᒋᐊᖅᑎᑕᐅᖁᔭᐅᓪᓗᓂ ᐃᖅᑲᖅᑐᐃᕕᒃᑯᑎᒍᑦ 1.7 ᐊᒻᒪᓗ ᑕᑎᒋᔭᐅᓗᑎᑦ ᑲᒪᒋᔭᐅᓂᖏᓐ. ᐊᑑᑎᒋᓪᓗᒍ, ᑐᙵᕕᐅᓗᓂ ᑲᓇᑕᒥ ᐃᓚᒌᓐᓄᑦ ᐊᒻᒪᓗ ᐊᓐᓇᐅᒪᔪᓄᑦ ᐱᓕᕆᔨᓄᑦ ᑕᑎᒋᔭᐅᓗᓂ ᑕᐃᒫᒃ ᐊᑐᓕᖁᔭᐅᔪᓂᒃ ᐱᒋᐊᖅᑕᐅᖁᔭᐅᔪᓂᓪᓗ ᓴᖅᑭᖅᑕᒥᓂᕐᓂᑦ ᖁᓕᐅᓗᐊᖅᑐᓂᒃ ᐅᑭᐅᓂᒃ ᐊᒻᒪᓗ ᑲᓇᑕᒥ ᖃᐅᔨᓴᕐᓂᕐᒧᑦ ᐊᑐᓕᖅᑎᑕᐅᑦᑎᐊᕐᓗᑎᑦ ᓈᒻᒪᓗᑎᑦ. ᑕᐃᒫᒃ ᐅᖃᖅᓯᒪᖕᒪᑦ ᑭᓲᓂᖏᓐᓂ ᓇᓗᓇᐃᖅᑕᐅᖕᒪᑦ ᑕᕝᕙᓂ ᑎᑎᕋᖅᓯᒪᔪᓂᒃ, "ᐊᐅᓚᓂᖏᓐᓂ ᐱᔭᕇᕐᓂᖏᓐᓂᓪᓗ ᑕᑎᒋᔭᐅᔪᓐᓇᕐᓗᑎᑦ ᐋᖅᑭᒃᓯᒪᓗᑎᑦ ᖃᐅᔨᔪᓐᓇᕐᒪᑕ ᐊᓯᔾᔨᐸᓪᓕᐊᓕᕋᓗᐊᕐᒪᖔᑕ ᑕᒪᒃᑯᐊ."^{ᑎᑎᖅᑲᖅ 22} ᐊᒻᒪᓗ, ᑐᕌᒐᕆᓪᓗᐊᖅᑕᖓᑦᑕᐅ ᑲᓇᑕᒥ ᐱᒋᐊᕈᑎᓂᒃ ᐸᕐᓇᐅᑎᒥᑦ, ᐊᒻᒪᓗ ᑎᑎᕋᖅᓯᒪᔪᓂᒃ ᕿᓚᒥᐅᓂᖅᓴᓂᒃ ᓯᕗᓪᓕᖅᐸᐅᑎᒋᐊᓕᖕᓂᒃ, ᐱᖃᓯᐅᔾᔨᔪᑦ ᐱᕙᓪᓕᐊᓂᖏᓐᓂ ᑲᓇᑕᒥ ᓄᓇᖃᖅᑳᖅᑐᕕᓂᕐᓂᑦ ᐃᓄᖕᓂᑦ ᐱᔪᓐᓇᐅᑎᖏᓐᓂ ᑕᑎᒋᔭᐅᔪᓐᓇᕐᓗᑎᑦ ᑕᑯᓐᓇᕐᓗᑎᑦ ᓄᓇᖃᖅᑳᖅᑐᕕᓂᕐᓂᑦ ᐃᓄᐃᑦ ᐱᔪᓐᓇᐅᑎᖏᓐᓂ ᐃᓚᖃᕐᓗᑎᑦ ᓇᑭᙶᖅᓯᒪᓂᖏᓐᓂ, ᐊᖏᕈᑎᖏᓐᓂ, ᐊᒻᒪᓗ ᒪᓕᒐᕐᔪᐊᑎᒍᑦ ᐱᔪᓐᓇᐅᑎᖏᓐᓂ, ᐊᒃᑐᐊᓂᖃᕐᒥᔪᑦ ᐱᒋᐊᖅᑎᑕᐅᖁᔭᐅᓪᓗᓂ ᐃᖅᑲᖅᑐᐃᕕᒃᑯᑎᒍᑦ 1.7. ᑲᓇᑕᒥ ᐱᒋᐊᕈᑎᓄᑦ ᐸᕐᓇᐅᑏᑦ ᐱᖃᓯᐅᔾᔨᓯᒪᙱᒻᒪᑕ ᑎᒥᐅᔪᓂᒃ, ᓲᕐᓗ ᓄᓇᖃᖅᑳᖅᓯᒪᔪᓂᒃ ᖃᐅᔨᓴᖅᑎᓂᒃ/ᐋᖅᑮᔨᓂᒃ, ᐃᓄᖕᓄᑦ ᐱᓐᓇᐅᑎᓂᒃ ᐃᖅᑲᖅᑐᐃᕕᑎᒍᑦ ᕿᒥᕐᕈᔨᓂᒃ, ᐅᕝᕙᓗᓐᓃᑦ ᐃᓄᑐᐃᓐᓇᕐᓂᑦ ᐸᓖᓯᓂᒃ ᑎᒥᐅᔪᓂᒃ ᑭᒡᒐᖅᑐᐃᒋᐊᓕᖕᓂᒃ ᐱᖃᑕᐅᔪᒪᒐᔭᖅᑐᓂᒃ ᐃᓚᒌᓐᓂᒃ, ᐊᓐᓇᐅᒪᔪᓂᒃ ᓄᓇᓕᖕᓂᓪᓗ ᐱᓇᓱᐊᕐᓗᑎᑦ ᑲᒪᒋᔭᖃᕐᓗᑎᓪᓗ ᐅᓐᓂᕐᓘᑎᓂᒃ ᐊᐅᓚᑕᐅᑦᑎᐊᖏᑦᑐᓂᑦ ᐅᕝᕙᓘᓐᓃᑦ ᓯᖁᒥᑦᑕᐅᓂᖏᓐᓂ ᐱᔪᓐᓇᐅᑏᑦ.

ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ ᑕᐃᒪᐃᑦᑑᖃᑎᕕᓃᓲᓂᓪᓗ (MMIWG2S+), ᓯᑎᐅᑉ ᓯᓚᑖᓂ ᓄᓇᖃᖅᑳᖅᑐᕕᓂᕐᓄᑦ ᐱᒋᐊᕈᑏᑦ ᑲᑐᔾᔨᔩᑦ ᐊᒻᒪᓗ ᑕᐃᒪᐃᑦᑑᖃᑎᕕᓃᓲᓂᓪᓗ (2SLGBTQQIA+) ᑲᑎᒪᔨᕋᓛᖏᑦ ᑲᓇᑕᒥ ᐱᒋᐊᕈᑎᒃᓴᓄᑦ ᐸᕐᓇᐅᑎᓂᑦ ᐅᖃᖅᓯᒪᔪᑦ ᐊᔨᐅᖏᑦᑐᓂᒃ ᑭᓪᓕᖃᕐᕕᐅᔪᓂᒃ ᐊᒃᓱᕈᑎᖃᖃᑦᑕᕐᒪᑕ ᒪᑯᓂᖓᓗ ᐲᖅᑕᐅᖃᑦᑕᕐᓂᖏᑦ ᐱᔪᓐᓇᐅᑏᑦ, ᐊᒻᒪᓗ ᐱᕕᖃᖅᑎᑕᐅᓪᓗᑎᑦ ᐋᖅᑭᑦᑕᐅᓇᓱᐊᖅᖢᑎᓪᓗ ᓯᓚᑖᓃᑦᑐᓂᒃ ᓯᑎᐅᑉ, ᐃᓱᒪᒋᔭᐅᒋᐊᖃᖅᑐᑦ ᑕᒪᒃᑯᐊ ᐱᓕᕆᐊᖏᓐᓂ ᖃᐅᔨᓴᖅᑎᓂᒃ/ᐋᖅᑮᔨᓂᒃ.

ᐱᓕᕆᐊᖑᓚᐅᖅᑐᒥᑦ ᓇᓗᓇᙱᑦᑎᐊᖅᑐᖅ ᐱᓕᕆᐊᖑᓂᕋᐃᓪᓗᑎᑦ, ᑕᒪᑐᒥᖓ ᑕᑎᒋᔭᕆᐊᓕᖕᓂᒃ ᐊᒻᒪᓗ ᑖᒃᑯᓂᖓ ᓄᓇᖃᖅᑳᖅᓯᒪᔪᓂᒃ ᐊᒻᒪᓗ ᐃᓄᖕᓂᑦ ᐱᔪᐅᑎᖏᓐᓂ ᐅᖃᐅᓯᓖᑦ. ᐃᓄᓕᒪᑦᑎᐊᑦ ᐆᒪᔪᑦ ᐃᓅᓪᓗᑎᑦ ᐱᔪᓐᓇᐅᑎᖃᕐᒪᑕ. ᐊᓪᓚᐃᑦ, ᐃᓄᐃᑦ ᐊᓪᓚᖓᔪᓪᓗ ᑎᒍᓯᓯᒪᖕᒪᑕ ᓯᕗᓕᒥᓂᖏᓐᓂ, ᑎᒍᒥᐊᖅᑎᐅᒻᒪᑕ ᓄᓇᖃᖅᑳᖅᓯᒪᓂᕐᒥᑦ ᐱᔪᓐᓇᐅᑎᖏᓐᓂ ᐃᖏᕐᕋᔪᓂᒃ ᐃᓄᖕᓂᑦ ᓯᕗᓕᒥᓂᑦᑎᓐᓂ ᓄᓇᓂᑦ ᑕᐃᔭᐅᔪᒥᑦ ᑲᓇᑕᒥ, ᐊᒻᒪᓗ ᑎᒍᓯᓯᒪᓂᒃᑯᑦ ᐱᔪᓐᓇᐅᑎᖏᓐᓂ ᐱᖃᓯᐅᔾᔨᒻᒪᑕ ᒪᓕᒐᖅᑎᒍᑦ ᐃᓕᓴᕆᔭᐅᒋᐊᖃᕐᓂᖏᓐᓂ ᓄᓇᖃᖅᑳᖅᓯᒪᓂᖏᓐᓂ ᐊᕐᓇᐃᑦ ᐃᒻᒥᒃᑰᖅᑐᓪᓗ ᐱᔪᓐᓇᐅᑎᖃᖅᑐᐃᓐᓇᐅᒻᒪᑕ ᑎᒍᒥᐊᖅᑏᑦ. ᑕᒪᒃᑯᐊ ᐱᖃᓯᐅᔾᔨᔪᑦ ᐱᔪᓐᓇᐅᑎᓂᒃ ᐃᒻᒥᒃᑰᖅᑐᓂᒃ ᓇᖕᒥᓂᖅ ᐱᓇᓱᐊᖅᑐᓂᒃ ᓲᕐᓗ ᐊᐅᓚᑦᑎᔾᔪᑎᖃᕐᓂᕐᒥᑦ, ᓄᓇᒥᑦ, ᑭᓱᑐᐃᓐᓇᕐᓂᑦ ᐊᑐᐃᓐᓇᕐᓂᑦ, ᐱᖅᑯᓯᐅᔪᓂᓪᓗ. ᓄᓇᖃᖅᑳᖅᑐᕕᓂᓂᑦ ᐱᔪᓐᓇᐅᑎᖏᑦ, ᒪᓕᒐᖏᑦ, ᒪᓕᒐᖅᑎᒍᓪᓗ ᐱᖅᑯᓯᖏᑦ ᐃᓕᓴᕆᔭᐅᓯᒪᖕᒪᑕ ᐃᓚᖓᓐᓂ 35 ᐱᖁᔭᕐᔪᐊᓕᕆᓂᕐᒥᑦ ᒪᓕᒐᕐᓂᑦ, 1982^{ᑎᑎᖅᑲᖅ 23} ᐊᒻᒪᓗ ᓇᓗᓇᐃᖅᑕᐅᓕᖅᑭᑦᑖᓯᒪᖕᒪᑕ ᑕᒪᒃᑯᐊ ᐃᖅᑲᖅᑐᐃᕕᓕᕆᔨᕐᔪᐊᒃᑯᖏᓐᓂ ᑲᓇᑕᒥ, ᑕᒪᒃᑯᐊ ᐊᖏᕈᑎᐅᓯᒪᖕᒪᑕ ᐱᔪᓐᓇᐅᑏᑦ.

ᓄᑖᕐᓂᑦ ᐱᑕᖃᕋᓗᐊᖅᑎᓪᓗᒍ ᐊᖏᔪᐊᓗᒻᒥᓪᓗ ᐃᓗᓕᖃᖅᑐᓂᑦ ᐱᓕᕆᐊᒃᓴᖏᑦ ᓲᕐᓗ ᑲᑐᔾᔨᔨᓂᒃ ᓯᓚᕐᔪᐊᒥ ᓇᓗᓇᐃᖅᑕᐅᓯᒪᓂᖏᓐᓂ ᐱᔪᓐᓇᐅᑎᖏᑦ ᓄᓇᖃᖅᑳᖅᓯᒪᔪᑦ ᐱᖁᔭᖏᑦ (UNDA),^{ᑎᑎᖅᑲᖅ 24} ᒪᓕᒐᖅᑎᒍ ᐃᓕᓴᕆᔭᐅᓯᒪᔪᖅ ᑐᑭᖃᖅᑐᖅ ᓯᓚᕐᔪᐊᒥ ᑲᑐᔾᔨᔩᑦ ᓇᓗᓇᐃᖅᓯᓯᒪᔪᑦ ᐱᔪᓐᓇᐅᑎᖏᓐᓂ ᓄᓇᖃᖅᑳᖅᓯᒪᔪᑦ ᐃᓗᐊᓂ ᑲᓇᑕᐅᑉ ᒪᓕᒐᖏᑎᒍᑦ, ᐱᔪᓐᓇᐅᑎᖏᑦ ᓄᓇᖃᖅᑳᖅᓯᒪᔪᑦ ᐃᓕᓴᕆᔭᐅᖏᓐᓇᕈᓐᓇᖏᒻᒪᑕ ᐅᕝᕙᓘᓐᓃᑦ ᐃᒃᐱᒋᔭᐅᑦᑎᐊᖃᑦᑕᖅᓯᒪᙱᒻᒪᑕ ᒐᕙᒪᒃᑯᓐᓄᑦ ᐊᓪᓛᒃ ᐊᑭᑐᔪᐊᓘᒐᓗᐊᖅᑎᓪᓗᒋᑦ, ᐊᑯᓂᐊᓗᓪᓗ ᐱᓇᓱᐊᕋᓗᐊᖅᑎᓪᓗᒋᑦ, ᒪᓕᒐᖅᑎᒍᑦ ᐱᒋᐊᕈᑕᐅᓯᒪᔪᓂᒃ. ᐃᓚᖏᓐᓂᑦ  ᐱᕕᓕᐅᖅᓯᒪᔪᓂᑦ, UNDA ᐊᖏᖅᑎᑦᑎᔪᖅ  ᑲᓇᑕᒥᒃ  ᖃᐅᔨᓇᓱᖕᓂᕐᓄᑦ,  ᑐᓴᕋᓱᖕᓂᕐᓄᓪᓗ, ᑲᑎᒪᖃᑎᖃᕐᓗᑎᑦ ᐱᓕᕆᖃᑎᖃᕐᓗᑎᓪᓗ ᐊᓪᓚᓂᑦ, ᐃᓄᖕᓂᑦ, ᐊᓪᓚᖓᔪᓂᓪᓗ, ᒪᑯᓂᖓᓗ ᖃᐅᔨᓴᖅᑕᐅᔪᓂᑦ ᐆᑦᑐᖅᑕᐅᓗᑎᑦ, ᑲᒪᒋᔭᐅᓯᒪᙱᑦᑐᑦ, ᐊᑐᐃᓐᓇᐅᔪᑦ ᑭᓱᑐᐃᓐᓇᑦ, ᐅᕝᕙᓘᓐᓃᑦ ᐋᖅᑭᐅᒪᔾᔪᑎᒃᓴᐃᑦ ᐅᕝᕙᓘᓐᓃᑦ ᐊᓯᖏᓐᓂ ᑕᑎᖃᕈᓐᓇᕐᓂᖏᓐᓂ ᖃᐅᔨᓴᖅᑕᐅᓗᑎᑦ ᐃᑲᔪᕐᓂᖃᕋᔭᖅᑐᒃ ᑲᔪᓯᑦᑎᐊᖅᓯᒪᖕᒪᖔᑕ ᑕᒪᒃᑯᐊ ᑐᕌᒐᕆᔭᐅᔪᑦ.

ᐱᒻᒪᕆᐅᔪᑦ ᑲᑎᒪᖃᑎᖃᕐᓂᖏᓐᓂ ᐱᓕᕆᖃᑎᖃᕐᓂᖏᓐᓂᓪᓗ

ᑲᑎᒪᖃᑎᖃᕆᐊᓯᓚᐅᖅᓯᒪᔪᑦ ᐱᓕᕆᖃᑎᖃᖅᖢᑎᓪᓗ ᒥᓂᔅᑕᒧᑦ  ᐊᑐᐃᓐᓇᖏᑦᑐᓄᑦ  ᑭᒡᒐᖅᑐᐃᔨᖓᓄᑦ  ᐱᒋᐊᓚᐅᖅᑐᑦ  ᐊᐃᕐᕆᓕ 3, 2023ᒥ, ᖃᕋᓴᐅᔭᒃᑯᓪᓗ ᑲᑎᒪᒐᔪᒃᖢᑎᑦ 600-ᖑᓗᐊᖅᑐᓂᒃ ᑭᒡᒐᖅᑐᐃᔨᖃᖅᖢᑎᑦ 125-ᓂᑦ ᑲᑐᔾᔨᖃᑎᒌᓐᓂᒃ ᒐᕙᒪᐅᔪᓂᓪᓗ ᐱᖃᓯᐅᑎᓪᓗᒋᑦ ᑲᓇᑕᒥ ᐊᒻᒪᓗ ᐊᕕᒃᑐᖅᓯᒪᔪᓂ ᓄᓇᖃᖅᑳᖅᓯᒪᔪᓂᒃ ᑲᑐᔾᔨᖃᑎᒌᓐᓂᒃ, ᐊᒻᒪᓗ ᒐᕙᒪᐅᒌᖅᑐᓂᒃ ᑕᑎᒋᔭᐅᔪᓐᓇᖅᑐᓂᑦ ᑎᒥᐅᔪᒃᓂ, ᐊᒻᒪᓗ ᒐᕙᒪᑐᖃᒃᑯᑦ ᐃᖅᑲᓇᐃᔭᕐᕕᖏᓐᓂ, ᑲᓇᑕᒥ ᐊᕕᒃᑐᖅᓯᒪᔪᓂᒃ ᐅᑭᐅᖅᑕᖅᑐᒥᓗ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ ᑕᐃᒪᐃᑦᑑᖃᑎᕕᓃᓲᓂᓪᓗ (MMIWG2S+) ᐱᓕᕆᔨᒻᒪᕆᐅᓪᓗᑎᑦ. ᖃᐅᔨᒋᐊᕐᕕᐅᓪᓗᐊᓐᖑᐊᐸᑦᑐᖅ ᑎᑎᕋᖅᓯᒪᔪᒃ ᐃᓄᓕᕆᔨᑐᖃᒃᑯᑦ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ (MMIWG) ᐊᓪᓚᑦᑎᖏᓐᓂ, ᐊᒻᒪᓗ ᐃᒻᒥᒃᑰᖅᑐᓂᒃ ᑲᑐᔾᔨᖃᑎᒌᓐᓂᓪᓗ ᐱᖃᑕᐅᖁᔭᐅᓪᓗᑎᑦ, ᐱᕕᒃᓴᑭᒃᖢᑎᓪᓗ ᐱᓕᕆᐊᒃᓴᖏᓐᓂ. ᐊᒥᓱᐊᖅᑎᐅᓂᖅᓴ ᑲᑎᒪᓂᖏᓐᓂ ᐱᓕᕆᖃᑎᖏᓐᓂᓪᓗ ᐃᓄᐃᓴᓐᓂᖅᓴᐅᖃᑦᑕᖅᖢᑎᑦ ᑕᐃᒫᒃ ᐅᖃᖃᑎᒌᑦᑎᓪᓗᒋᑦ ᐅᐃᒻᒪᓇᙱᓐᓂᖅᓴᐅᓂᐊᕐᒪᑕ ᐃᑲᕐᕌᓐᓄᒃ ᒪᕐᕉᓐᓄᒃ ᐊᕙᓂᑦ ᐃᓚᖃᖅᑐᓂ. ᑲᑎᒪᒋᐊᕐᒪᓚᐅᖅᓯᒪᔪ ᐱᓕᕆᖃᑎᖃᖅᖢᑎᓪᓗ ᓇᓗᓇᐃᖅᓯᓇᓱᐊᖅᖢᑎᑦ ᓄᓇᖃᖅᑳᖅᑐᕕᓂᕐᓂᑦ ᑲᑐᔾᔨᖃᑎᒌᓐᓂᒃ ᐊᒻᒪᓗ ᒐᕙᒪᐅᔪᓂᒃ ᓇᓗᓇᐃᖅᓯᒐᓱᐊᖅᖢᑎᑦ ᐱᕙᓪᓕᐊᓪᓗᑎᓪᓗ ᐋᖅᑭᔅᓱᐃᓂᖏᓐᓂ ᐊᑐᓕᖁᔭᖏᓐᓂ. ᑲᑎᒪᖃᑎᖃᖃᑦᑕᖅᖢᑎᑦ ᓄᓇᖃᖅᑳᖅᓯᒪᔪᓂᒃ ᑲᑐᔾᔨᖃᑎᒌᓐᓂ ᐊᒻᒪᓗ ᒐᕙᒪᐅᔪᓂᒃ ᐊᑦᑐᖅᑕᐅᓯᒪᔪᓂᒃ ᐃᓚᒌᓐᓄᑦ.

ᐅᖃᐅᓯᓕᒫᑦ ᑕᕝᕙᓂ ᐅᓂᒃᑳᕐᒥ ᐊᑐᐊᖅᓯᔾᔪᑕᐅᔪᓂᒃ ᐅᖃᐅᔾᔨᒋᐊᕐᓂᐅᔪᓂᓪᓗ ᐃᓚᒌᓐᓂᒃ ᐊᓐᓇᐅᒪᓯᒪᔪᓂᓪᓗ, ᐊᒻᒪᓗ ᐊᓪᓚᓂᑦ, ᐃᓄᖕᓂᑦ ᐊᓪᓚᖓᔪᓂᓪᓗ ᓯᕗᓕᖅᑎᓂᒃ ᐃᓄᑐᐃᓐᓇᓂᓪᓗ ᐅᓂᒃᑳᓚᐅᖅᑐᓂᒃ, ᓱᓕᔪᓂᒃ, ᓂᕆᐅᒋᔭᖏᓐᓂᓪᓗ ᖃᓄᖅ ᑲᑎᖃᑦᑕᕐᓂᐊᕐᒪᖔᑕ ᐊᓯᔾᔨᕐᓗᑎᓪᓗ.

ᐊᒻᒪᓗᒃᑲᓐᓂᖅ, ᐊᒥᓱᑦ ᐃᓄᐃᑦ ᓄᓇᖃᖅᑳᖅᓯᒪᙱᑦᑐᑦ ᑕᑎᒋᔭᐅᒻᒥᔪᑦ ᑎᒥᐅᔪᑦ ᐊᒻᒪᓗ ᒐᕙᒪᒃᑯᓐᓂ ᐅᓂᒃᑳᖃᓚᐅᕐᒥᔪᑦ ᐃᓱᒪᒋᔭᕕᓂᒃ. ᓇᖕᒥᓂᖅ ᐅᓂᒃᑳᕆᔭᕕᓂᒃ, ᓱᓕᓪᓗᑎᑦ, ᐃᑲᔪᕈᒪᓪᓗᑎᑦ ᐊᓯᔾᔩᖃᑕᐅᔪᒪᓪᓗᑎᑦ ᖁᕕᐊᒋᔭᐅᑦᑎᐊᖅᑐᑦ ᐅᓂᒃᑳᕈᓐᓇᓚᐅᕐᒪᑕ.

ᑲᓇᑕᒥ ᓄᓇᖃᖅᑳᖅᑐᓄᑦ ᑎᒦᑦ

• ᑲᑎᒪᔨᖏᑦ  ᒐᕙᒪᐅᖅᑳᖅᑐᓄᑦ  - ᐊᕐᓇᐃᑦ  ᑲᑎᒪᔨᖏᑦ
• ᐃᓄᐃᑦ  ᑕᐱᕇᑦ  ᑲᓇᑕᒥ
• ᒪᐃᑏ  ᑲᓇᑕᒥ  ᑲᑎᒪᔨᖏᑦ
• ᓄᓇᖃᖅᑳᖅᑐᑦ  ᐊᕐᓇᐃᑦ  ᑲᑎᒪᔨᖏᑦ  ᑲᓇᑕᒥ  ᐃᓚᒋᔭᐅᔪᓪᓗ  ᐊᕐᓇᓄᑦ  ᑎᒦᑦ
• ᐸᐅᒃᑑᑏᑦ  ᐃᓄᐃᑦ ᐊᕐᓇᐃᑦ  ᑲᑎᒪᔨᖏᑦ
• ᐃᓐFᐃᓂᑎ  ᐊᕐᓇᓄᑦ  ᐱᓕᕆᔩᑦ
• ᑲᓇᑕᒥ  ᑲᑎᒪᔨᖏᑦ  ᐱᖃᓐᓇᕇᒃᑐᓄᑦ  ᐃᓂᓄᑦ  ᐱᖃᓯᖦᖢᒋᑦ  ᑭᒡᒐᖅᑐᖅᑎᖏᑦ ᐱᖃᓐᓇᕇᒃᑐᓄᑦ   ᑲᑐᔾᔨᔪᓄᑦ ᐃᓂᓂᑦ   ᐊᕕᒃᓯᒪᔪᓂᓪᓗ  ᑲᑎᒪᔨᓂᑦ
• ᑲᑎᒪᔨᖏᑦ ᓄᓇᖃᖅᑳᖅᑐᑦ  ᐃᓄᐃᑦ
• 2  ᑕᕐᓃᒃ  ᐊᐅᓚᔪᓄᑦ  ᓴᓴᐃᐊᑎᖓᑦ
• ᐊᓯᐅᔪᓄᑦ  ᑐᖁᑕᐅᔪᓄᓪᓗ   ᓄᓇᖃᖅᑳᖅᑐᓄᑦ  ᐊᕐᓇᓄᑦ  ᓂᕕᐊᖅᓵᓄᓪᓗ  ᐃᓄᒋᐊᒃᑐᒥᐅᓂ  ᖃᓄᐃᒋᐊᕐᓂᕐᓄᑦ  ᑲᑐᔾᔨᔪᑦ - ᑲᓇᑕᒥ  ᖃᓄᐃᒋᐊᕐᓂᕐᓄᑦ  ᐸᕐᓇᐅᑎ
• ᑲᓇᑕᒥ ᐃᓚᒌᓄᑦ  ᐊᓐᓇᐅᒪᔪᓄᓪᓗ  ᐊᖕᒪᓗᖅᓯᓯᒪᔪᑦ  - ᑲᓇᑕᒥ  ᖃᓄᐃᒋᐊᕐᓂᕐᓄᑦ  ᐸᕐᓇᐅᑎ
• 2SLGBTQQIA+ ᑲᑎᒪᔨᖏᑦ- ᑲᓇᑕᒥ  ᖃᓄᐃᒋᐊᕐᓂᕐᓄᑦ  ᐸᕐᓇᐅᑎ
• ᓕ Fᐃᒻᔅ  ᒥᓯf  ᐅᑎᐱᒥᓯᕙᒃ *ᐱᒋᐊᕈᑎᓄᑦ  ᑲᑎᒪᓂᖏᑦ

ᐊᕕᒃᓯᒪᔪᓂ ᓄᓇᖃᖅᑳᖅᑐᓄᑦ ᑎᒦᑦ*ᐄᐆᐋᑎᑐᑦ

• ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᑲᑐᔾᔨᖃᑎᒌᖏᑦ PEI
• ᐊᒪᐅᑏᑦ ᓄᓇᕗᑦ ᐃᓄᐃᑦ ᐊᕐᓇᓄᑦ ᑲᑐᔾᔨᖃᑎᒌᑦ
• ᑲᑎᒪᔨᖏᑦ ᐊᓪᓚᐃᑦ ᑯᐸᒻᒥ – ᓛᐸᑐᐊ
• ᐳᕆᑎᔅ ᑲᓚᒻᐱᐊ (BC) ᐊᓪᓚᐃᑦ ᓯᕗᓕᖅᑏᑦ ᑲᑎᒪᔨᖏᑦ - ᐳᕆᑎᔅ ᑲᓚᒻᐱᐊ (BC) ᑲᑎᒪᔨᖏᑦ ᐊᓪᓚᓄᑦ, ᐊᓪᓚᐃᑦ ᑲᑎᒪᕕᔾᔪᐊᕐᓂᖏᑦ, ᑲᑎᔾᔨᔩᑦ ᐳᕆᑎᔅ ᑲᓚᒻᐱᐊ (BC) ᐊᓪᓚᐃᑦ ᐊᖏᔪᖅᑲᐅᑎᖏᑦ
• ᐳᕆᑎᔅ ᑲᓚᒻᐱᐊ (BC) ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ ᑕᐃᒪᐃᑦᑑᖃᑎᕕᓃᓲᓂᓪᓗ (MMIWG2S+) ᑲᑎᒪᔨᖏᑦ ᐱᖃᓯᐅᔾᔨᔪᑦ ᑭᒡᒐᖅᑐᐃᔨᓂᒃ ᐃᓚᒌᓐᓂᒃ, ᐃᓱᒪᒋᔭᐅᔪᓐᓇᐃᕝᕕᐅᓂᖏᑦ ᓯᓚᕐᔪᐊᒥ, ᐳᕆᑎᔅ ᑲᓚᒻᐱᐊ (BC) ᑲᑎᒪᔨᖏᑦ ᐊᓪᓚᐃᑦ, ᐳᕆᑎᔅ ᑲᓚᒻᐱᐊ (BC)  ᓯᔾᔭᖅᐸᓯᖕᒦᑦᑐᑦ ᐋᓐᓂᐊᖅᑕᐃᓕᒪᔪᓕᕆᓂᖅ, ᐳᕆᑎᔅ ᑲᓚᒻᐱᐊ (BC) ᐃᓚᒌᑦ ᐱᔨᑦᑎᕋᖅᑎᖏᑦ, ᐳᕆᑎᔅ ᑲᓚᒻᐱᐊ (BC)  ᑐᙵᕕᐅᔪᑦ ᐃᖅᑲᓇᐃᔭᖅᑎᓄᑦ, ᐳᕆᑎᔅ ᑲᓚᒻᐱᐊ (BC) ᐊᓪᓚᐃᑦ ᐃᖅᑲᖅᑐᐃᕕᓕᕆᖃᑦᑕᖅᑐᑦ, ᐳᕆᑎᔅ ᑲᓚᒻᐱᐊ (BC) ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᑲᑐᔾᔨᖃᑎᒌᖏᑦ, ᐃᓄᒋᐊᓐᓃᑦᑐᑦ ᐅᐊᓐᓇᖅᐸᓯᖓᓐᓂ ᐊᕐᓇᐃᑦ ᑐᑦᑕᕐᕕᖓ, ᐊᓪᓚᐃᑦ ᑲᑎᒪᓂᖏᑦ, ᓄᓇᖃᖅᑳᖅᓯᒪᔪᑦ ᐃᖅᑲᖅᑐᐃᕕᖕᒥ ᐃᑲᔪᖅᑏᑦ ᐃᓅᓯᓕᕆᔩᓪᓗ ᑲᑐᔾᔨᖃᑎᒌᖏᑦ ᐳᕆᑎᔅ ᑲᓚᒻᐱᐊ (BC), ᓂᕆᐅᒋᔭᓖᑦ ᓴᓴᐃᔭᑎᒃᑯᖏᑦ (Tears to Hope), ᑲᑐᔾᔨᔩᑦ ᐳᕆᑎᔅ ᑲᓚᒻᐱᐊ (BC) ᐊᓪᓚᐃᑦ ᐊᖏᔪᖅᑳᖏᓐᓄᑦ, ᕚᓐᑰᕗ ᓄᓇᓕᖕᓂ ᐸᓖᒃᑯᖏᑦ, ᐊᒻᒪᓗ ᐅᐊᓕᓂᕐᒥ ᓯᔾᔭᖅᐸᓯᕐᒥᐅᑦ (West Coast Leaf)
• ᐃᓄᒋᐊᓐᓃᑦᑐᑦ ᐅᐊᓐᓇᖅᐸᓯᖓᓐᓂ ᐊᕐᓇᐃᑦ ᑐᑦᑕᕐᕕᖓ
• ᒋᒐᓇᐅᐃᓂᒫᓈᓂᒡ (Giganawenimaanaanig) ᒫᓂᑑᐸ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ ᑕᐃᒪᐃᑦᑑᖃᑎᕕᓃᓲᓂᓪᓗ (MMIWG2S+) ᐊᑐᓕᑎᖅᑎᑦᑎᔩᑦ ᑲᑎᒪᔨᕋᓛᖏᑦ ᑭᒡᒐᖅᑐᐃᔩᓪᓗ ᐃᓚᒌᓐᓂᒃ, ᓯᑎᒃᑯᑦ ᐅᐃᓂᐹᒻᒥ, ᐃᓱᖃᙱᑦᑐᒧᑦ ᐊᕐᓇᓄᑦ ᐊᓪᓚᕝᕕᒃ, ᑲ ᓂ ᑲᓂᑦᓯᒃ (Ka Ni Kanichihk), ᒪ ᒪᐃ ᐅᐃ ᑦᓯ ᐃᓚᑕ (Ma Mawi Wi Chi Itata) ᐅᐸᑲᑦᑕᕐᕕᒃ, ᒫᓂᑑᐸ ᑮᐅᐊᑎᓄᐅᐃ ᐅᑭᒪᑲᓇᒃ (Keewatinowi Okimakanak), ᒫᓂᑑᐸ ᑕᖅᑮᑦ (Moon) ᓂᐱᖏᑦ, ᒫᓂᑑᐸᒥ, ᓂᒋᐊᓂ ᐊᓪᓚᐃᑦ ᐊᖏᔪᖅᑳᖏᑦᑕ ᑲᑐᔾᔨᖃᑎᒌᖏᑦ, ᐸᔅ (Pas) ᐃᓚᒌᑦ ᑐᑦᑕᕐᕕᖓ, ᑐᙵᓱᒋᑦ, ᓯᑦᑐᖅᓴᕐᕕᔾᔪᐊᖅ ᒫᓂᑑᐸᒥ, ᐊᒻᒪᓗ ᐅᐊᐸᖕ ᐊᐱᓐᓅᓂᔨᐊᒡ (Wahbung Abinoonjiiag)
• ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᐅᐊᐸᓇᑭ (Wabanaki)
• ᑎᒥᐅᔪᑦ ᖁᕝᕙᓯᓐᓂᖅᓴᐅᔪᒥᑦᑐᓄᑦ ᓄᓇᖃᖅᑳᖅᑐᕕᓂᕐᓄᑦ ᐊᕐᓇᓄᑦ
• ᐃᓅᕕᐊᓗᐃᑦ ᑯᐊᐳᕇᓴᒃᑯᖏᑦ
• ᒫᓂᑑᐸ ᑕᖅᑮᑦ (Moon) ᓂᐱᖏᑦ
• ᐊᓪᓚᖓᔪᑦ ᐊᐅᐴᑕᒥ
• ᐊᓚᖓᔪᑦ ᐳᕆᑎᔅ ᑲᓚᒻᐱᐊᒥ (BC)
• ᓄᓇᖃᖅᑳᖅᓯᔪᑦ ᐊᕐᓇᓄᑦ ᕿᒫᕕᒃ ᒪᓐᑐᕆᐊᒥ
• ᓅ ᐳᕌᓐᓱᐃᒃ ᓄᓇᖃᖅᑳᖅᓯᒪᔪᑦ ᑲᑎᒪᔨᖏᑦ
• ᓅᐸᓪᓛᑦ ᓛᐸᑐᐊᓗ ᐊᒻᒪᓗ ᓄᓇᑦᓯᐊᕗᑦ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ ᑕᐃᒪᐃᑦᑑᖃᑎᕕᓃᓲᓂᓪᓗ (MMIWG2S+) ᓯᕗᓕᖅᑎᖏᑦ ᑭᒡᒐᖅᑐᐃᔩᓪᓗ ᐃᓚᖏᓐᓂ, ᐊᓈᓇᐅᖃᑎᒌᑦ ᑐᒥᖏᑦ (AnânauKatiget Tumingit) ᐃᓄᐃᑦ ᐊᕐᓇᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᓅᐸᓪᓛᒥ ᓄᓇᖃᖅᑳᖅᓯᒪᔪᑦ ᐊᕐᓇᓄᑦ ᑐᑭᓯᒋᐊᕐᕖᑦ
• ᓄᓇᑦᑎᐊᖅ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᑲᑐᔾᔨᖃᑎᒌᖏᑦ
• ᐊᓐᑎᐅᕆᔪ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᑲᑐᔾᔨᖃᑎᒌᖏᑦ
• ᐳᕆᓐᔅ ᐃᐊᑦᕗᑦ ᐊᐃᓚᓐ (Prince Edward Island) ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ ᑕᐃᒪᐃᑦᑑᖃᑎᕕᓃᓲᓂᓪᓗ (MMIWG2S+) ᓯᕗᓕᖅᑏᑦ ᑭᒡᒐᖅᑐᐃᔩᓪᓗ ᒥᒃᒫᒃ ᑲᑎᒪᔨᖏᑦ ᐳᕆᓐᔅ ᐃᐊᑦᕗᑦ ᐊᐃᓚᓐ (Prince Edward Island)  ᐊᒻᒪᓗ ᓄᓇᖃᖅᑳᖅᓯᒪᔪᑦ ᑲᑎᒪᔨᖏᑦ ᐳᕆᓐᔅ ᐃᐊᑦᕗᑦ ᐊᐃᓚᓐ (Prince Edward Island)
• ᑯᐸᒃᒥ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ / Femmes Autochtones du Quebec
• ᓴᔅᑳᑦᓱᐊᓐ ᓄᓇᖃᖅᑳᖅᓯᒪᔪᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ ᑕᐃᒪᐃᑦᑑᖃᑎᕕᓃᓲᓂᓪᓗ (MMIWG2S+) ᓯᕗᓕᖅᑏᑦ ᑭᒡᒐᖅᑐᐃᔩᓪᓗ ᐃᓚᒌᓐᓂᒃ, ᓄᓇᖄᖅᑳᖅᓯᒪᔪᑦ ᑭᒃᑯᑐᐃᓐᓇᕐᓄᑦ ᑐᑦᑕᕐᕕᖓᓐᓂ ᓴᔅᑳᑦᓱᐊᒥ, ᑐᑦᑕᕐᕕᒃ ᓯᑎᐅᑉ ᓯᓚᑖᓂ ᐊᓪᓚᖓᔪᓄᑦ, ᑎᒥᐅᔪᑦ ᓴᔅᑳᑦᓱᐊᒥ ᐊᓪᓚᐃᑦ, ᓴᔅᑳᑦᓱᐊᒥ ᐊᓪᓚᐃᑦ ᐊᕐᓇᓄᑦ ᑲᑎᒪᔩᑦ ᐊᒻᒪᓗ  ᐊᕐᓇᐃᓕᖓᔪᖅ/ᐊᖑᑕᐃᓕᖓᔪᖅ (ᐊᓪᓚᐃᑦ)
• ᐊᕐᓇᐃᑦ  ᓱᒃᑲᔪᒥᒃ  ᑰᒃᑐᒥᒃ  ᑰᖕᒥ  ᐃᓕᖅᑯᓯᑐᖃᓄᑦ  ᑲᑐᔾᔨᔪᑦ  ᐃᓐᑯᐊᐳᕇᑕᑦ
• ᔫᑳᓐ ᑐᑦᑕᕐᕕᒃ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ ᑕᐃᒪᐃᑦᑑᖃᑎᕕᓃᓲᓂᓪᓗ (MMIWG2S+) ᓯᕗᓕᖅᑏᑦ ᑭᒡᒐᖅᑐᐃᔩᓪᓗ ᐃᓚᒌᓐᓄᑦ, ᐊᖏᔪᖅᑲᐅᑏᑦ ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ ᓴᓴᐃᔭᑎᖓ, ᔫᑳᓐ ᐅᖃᐅᔾᔨᒋᐊᖅᑏᑦ ᑲᑎᒪᔨᖏᑦ ᐊᕐᓇᓕᕆᓂᕐᒧᑦ, ᐊᒻᒪᓗ ᐅᐃᑦᕼᐅᐊᔅ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᑲᑐᔾᔨᖃᑎᒌᖏᑦ
• ᑕᐃᒪᐃᑦᑑᖃᑎᒥᓐᓃᓲᑦ (2SLGBTQQIA+) ᑐᑦᑕᕐᕕᒃ ᑲᑐᔾᔨᖃᑎᒌᖓ

ᑕᑎᒋᔭᐅᔪᓐᓇᖅᑐᑦ ᑎᒥᐅᔪᑦ *ᐄᐆᐋᑎᑐᑦ

• ᐳᕆᑎᔅ ᑲᓚᒻᐱᐊ (BC) ᖃᐅᔨᓴᖅᑏᑦ/ᐋᖅᑮᔩᑦ
• ᑲᓇᑕᒥ ᑲᑐᔾᔨᖃᑎᒌᑦ ᒪᓕᒐᓕᕆᓂᕐᒥᑦ ᐃᓄᐃᑦ ᐱᔪᓐᓇᐅᑎᓂᖏᓐᓂ (ᐃᓄᐃᑦ ᐱᔪᓐᓇᐅᑎᖏᓐᓂ ᑲᒥᓴᓇᐃᑦ ᐊᒻᒪᓗ ᑲᑎᒪᔨᖏᑦ 12 ᑲᓇᑕᒥ ᐊᕕᒃᑐᖅᓯᒪᔪᓂᒃ ᐅᑭᐅᖅᑕᖅᑐᒥᓗ)
• ᑲᓇᑕᒥ ᑲᑎᒪᔨᖏᑦ ᒪᓕᒐᓕᐅᕐᕕᔾᔪᐊᒥ ᖃᐅᔨᓴᖅᑏᑦ/ᐋᖅᑮᔩᑦ (ᖃᐅᔨᓴᖅᑏᑦ/ᐋᖅᑮᔩᑦ 12−ᓂᒃ ᑲᓇᑕᒥ ᐊᕕᒃᑐᖅᓯᒪᔪᓂᒃ ᐅᑭᐅᖅᑕᖅᑐᒥᓗ)
• ᑲᓇᑕᒥ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔩᑦ
• ᐊᖏᔪᖅᑳᑦ ᑐᖁᖓᔪᓕᕆᔨᒃᑯᓐᓄᑦ ᐊᒻᒪᓗ ᓘᑦᑖᑦ ᑐᖁᖓᔪᓂᒃ ᖃᐅᔨᓴᖅᑏᑦ ᑲᓇᑕᒥ
• ᑭᒃᑯᑐᐃᓐᓇᐃᑦ ᐅᓐᓂᓗᖅᓴᕐᕕᖓ ᕿᒥᕐᕈᔨᖏᓪᓗ ᐸᓖᓯᒃᑯᓐᓄᑦ
• ᒐᕙᒪᑐᖃᒃᑯᑦ ᖃᐅᔨᓴᖅᑏᑦ/ᐋᖅᑮᔩᑦ ᐊᑦᑐᖅᑕᐅᓯᒪᔪᓄᑦ ᐱᕋᔭᓐᓂᕐᒧᑦ
• ᑲᑎᒪᔩᑦ ᑲᓇᑕᒥ ᖃᐅᔨᓴᖅᑏᑦ/ᐋᖅᑮᔩᑦ (ᐃᓚᒋᔭᐅᔪᑦ ᓇᑭᑐᐃᓐᓈᖅᓯᒪᔪᑦ ᖃᐅᔨᓴᖅᑏᑦ/ᐋᖅᑮᔩᑦ ᑲᓇᑕᒥ)
• ᓄᓇᖃᖅᑳᖅᓯᒪᔪᓂᒃ ᐱᔨᑦᑎᕋᖅᑏᑦ ᑲᓇᑕᒥ ᐃᓗᐊᓂ ᖃᐅᔨᓴᖅᑏᑦ/ᐋᖅᑮᔩᑦ
• ᒫᓂᑑᐸᒥ ᖃᐅᔨᓴᖅᑏᑦ/ᐋᖅᑮᔩᑦ
• ᑕᒻᒪᖅᓯᒪᔪᖅᓯᐅᖅᑎᒃᑯᑦ ᐊᓪᓚᕕᖓ
• ᐊᓐᑎᐅᕆᔪᒥ ᑐᖁᖓᔪᓕᕆᔨᒃᑯᑦ ᐊᖏᔪᖅᑳᖏᑦ

ᒐᕙᒪᑐᖃᒃᑯᑦ ᐃᖅᑲᓇᐃᔭᕐᕕᖏᑦ ᐃᓄᖏᓪᓗ *ᐄᐆᐋᑎᑐᑦ

• ᒥᓂᔅᑕᐅᑉ ᑐᖏᓕᖓᑕ ᐃᑲᔪᖅᑎᖓ ᑲᑎᒪᔨᕋᓛᑦ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ (MMIWG) ᑕᐃᒪᐃᑦᑑᖃᑎᕕᓃᓲᕐᓂᑦ (2SLGBTQQIA+)
• ᐊᓄᓪᓚᔅᓰᕕᓐᓂᑦ ᐱᔨᑦᑎᕋᖅᑏᑦ ᑲᓇᑕᒥ - ᓄᓇᖃᖅᑳᖅᑐᕕᓃᑦ ᐊᓄᓪᓚᔅᓰᕕᖏᑦ
• ᒐᕙᒪᑐᖃᒃᑯᑦ ᑲᓇᑕᒥ
• ᓄᓇᖃᖅᑳᖅᓯᒪᔪᓂᒃ ᐱᔨᑦᑎᕋᖅᑏᑦ ᑲᓇᑕᒥ
• ᐃᖅᑲᖅᑐᐃᕕᓕᕆᔨᒃᑯᑦ ᑲᓇᑕᒥ - ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᑦ ᓴᐃᒻᒪᑎᒌᓇᓱᐊᕐᓂᕐᓗ
• ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ ᑕᐃᒪᐃᑦᑑᖃᑎᕕᓃᓲᓂᓪᓗ (MMIWG2S+) ᒐᕙᒪᑐᖃᒃᑯᑦ ᑲᓇᑕᒥ ᐊᕕᒃᑐᖅᓯᒪᔪᓂᒃ ᐅᑭᐅᖅᑕᖅᑐᒥᓗ ᐸᕐᓇᑦᑎᖏᑦ
• ᑭᒃᑯᑐᐃᓐᓇᕐᓂᑦ ᐊᑦᑕᓇᖅᑐᒦᖁᓇᒋᑦ ᑲᓇᑕᒥ
• ᐸᓖᓯᒃᑯᑦ ᓄᓇᖃᖅᑳᖅᓯᒪᔪᑦ ᐸᓖᓯᓕᕆᓂᖏᑦ ᐊᒻᒪᓗ ᐱᕋᔭᑦᑕᐃᓕᒪᑎᑦᑎᓇᓱᐊᕐᓂᕐᒧᑦ

ᑲᓇᑕᒥ ᐊᕕᒃᑐᖅᓯᒪᔪᓂᒃ ᐅᑭᐅᖅᑕᖅᑐᒥᓗ ᒐᕙᒪᒃᑯᖏᓐᓂ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ ᑕᐃᒪᐃᑦᑑᖃᑎᕕᓃᓲᓂᓪᓗ (MMIWG2S+) ᐃᖅᑲᓇᐃᔭᖅᑎᖏᑦ ᓯᕗᒃᑲᖅᑕᐃᔪᑦ ᐊᒻᒪᓗ ᑲᑎᒪᔨᖏᑦ (ᑕᐃᒫᒃ ᓇᓗᓇᐃᖅᓯᒪᖕᒪᑕ ᑲᓇᑕᒥ ᐊᕕᒃᑐᖅᓯᒪᔪᓂᒃ ᐅᑭᐅᖅᑕᖅᑐᒥᓗ) *ᐄᐆᐋᑎᑐᑦ

• ᐊᐅᐴᑕ – ᒥᓂᔅᑕ ᓄᓇᖃᖅᑳᖅᑐᕕᓂᓕᕆᔨ ᐊᐅᓚᑦᑎᔨᐅᓪᓗᓂᓗ ᓄᓇᖃᖅᑳᖅᑐᕕᓂᓕᕆᓂᕐᒧᑦ
• ᐊᐅᐴᑕ ᐊᖏᔪᖅᑳᒻᒪᕆᖓ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ ᑕᐃᒪᐃᑦᑑᖃᑎᕕᓃᓲᓂᓪᓗ (MMIWG2S+) ᐅᖃᐅᔾᔨᒋᐊᖅᑏᑦ ᑲᑎᒪᔨᖏᑦ
• ᐳᕆᑎᔅ ᑲᓚᒻᐱᐊ (BC) – ᒥᓂᔅᑕᐅᑉ ᑐᖏᓕᖓᑕ ᐃᑲᔪᖅᑎᖓ ᓄᓇᓕᖕᓂ ᐊᑦᑕᓇᖅᑕᐃᓕᒪᓂᕐᒧᑦ ᐊᒻᒪᓗ ᒥᓂᔅᑕᐅᑉ ᑐᖏᓕᖓᑕ ᐃᑲᔪᖅᑎᖓ ᐱᕋᔭᑦᑕᐃᓕᒪᑎᑦᑎᓇᓱᐊᕐᓂᕐᒧᑦ ᐊᒻᒪᓗ ᐃᖅᑲᖅᑐᐃᕕᓕᕆᓂᕐᒧᑦ ᐱᔨᑦᑎᕋᕐᓂᕐᒥᑦ
• ᒫᓂᑑᐸ – ᒥᓂᔅᑕ ᐃᓚᒋᓐᓄᑦ, ᒥᓂᔅᑕ ᐃᓪᓗᓕᕆᓂᕐᒧᑦ, ᐊᔪᓕᖅᓯᒪᔪᓂᒃ (ᐋᖏᔮᕐᓇᖅᑐᓂᒃ ᐃᒥᐊᓗᖕᓂᑦ) ᐊᖏᕐᕋᖃᙱᓂᕐᓗ, ᒥᓂᔅᑕᐅᑉ ᑐᖏᓕᖓ ᓄᓇᖃᖅᑳᖅᑐᕕᓂᓕᕆᓂᕐᒥᑦ ᓴᐃᒻᒪᖃᑎᒌᓐᓂᒧᓪᓗ ᐅᑭᐅᖅᑕᖅᑐᓕᕆᓂᕐᒧᓪᓗ
• ᓅ ᐳᕌᓐᓱᐃᒃ – ᒥᓂᔅᑕᐅᑉ ᑐᖏᓕᖓᑕ ᐃᑲᔪᖅᑎᒋᑲᐃᓐᓇᖅᑕᖓ ᑕᐃᒪᐃᓪᓗᐊᑎᑦᑎᓂᕐᒥᑦ ᐊᕐᓇᓄᑦ
• ᓅ ᐳᕌᓐᓱᐃᒃ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᑦ ᓂᖓᖅᑕᐅᖃᑦᑕᖅᑐᓂ ᓄᓇᖃᖅᑳᖅᓯᒪᔪᓂᒃ ᐊᕐᓇᓂᒃ, ᓂᕕᐊᖅᓯᐊᓂᒃ ᑕᐃᒪᐃᑦᑑᖃᑎᕕᓃᓲᓂᓪᓗ (2S+) ᐃᓄᖕᓄᑦ
• ᓅᐸᓪᓛᑦ ᓛᐸᑐᐊᓗ – ᒥᓂᔅᑕᐅᑉ ᑐᖏᓕᖓᑕ ᐃᑲᔪᖅᑎᖓ ᐃᖅᑲᖅᑐᐃᕕᓕᕆᓂᕐᒧᑦ ᑭᒃᑯᑐᐃᓐᓇᓄᓪᓗ ᐊᑦᑕᓇᖅᑕᐃᓕᒪᓂᕐᒧᑦ
• ᓄᓇᑦᑎᐊᖅ – ᐊᓪᓚᑦᑎᐅᑉ ᑐᖏᓕᖓ ᒥᓂᔅᑕᓄᑦ
• ᓅᕙ ᓯᑰᓴᓐ – ᐊᓪᓚᕕᐊ (L'nu) ᐱᓕᕆᔩᑦ ᒐᕙᒪᒃᑯᑦ ᐃᓗᐊᓂ ᐱᓕᕆᔩᑦ
• ᓄᓇᕗᑦ – ᒥᓂᔅᑕ ᐃᓚᒌᓐᓄᑦ ᐱᔨᑦᑎᕋᖅᑏᑦ, ᖃᓄᐃᓕᖓᓕᕐᓂᖏᑦ ᐊᕐᓇᐃᑦ, ᐊᖏᕐᕋᖃᙱᓐᓂᖅ ᐊᔪᖅᓴᖅᑐᓂᓪᓗ ᐃᑲᔫᓂᖅ
• ᐊᓐᑎᐅᕆᔪ – ᒥᓂᔅᑕ ᓄᓇᓕᖕᓂ ᓱᕈᓯᕐᓄᓪᓗ ᒥᓂᔅᑕᐅᑉ ᐃᑲᔪᖅᑎᖓ ᐊᕐᓇᓕᕆᓂᕐᒧᑦ ᒪᑭᒪᔾᔪᑎᒃᓴᓄᓪᓗ, ᒥᓂᔅᑕᐅᑉ ᑐᖏᓕᖓᑕ ᐃᑲᔪᖅᑎᖓ ᓄᓇᖃᖅᑳᖅᓯᒪᔪᓄᑦ ᑲᒪᔨᓂᒃ ᐃᖅᑲᓇᐃᔭᖅᑎᓂᓪᓗ
• ᐊᓐᑎᐅᕆᔪ ᓄᓇᖃᖅᑳᖅᓯᒪᔪᑦ ᐊᕐᓇᓄᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᖏᑦ − ᐊᓂᓯᓇᐸᒃ (Anishinabek) ᐊᓪᓚᐃᑦ, ᑲᑐᔾᔨᖃᑎᒌᖏᑦ ᐃᕈᖁᐃ (Iroquois) ᐊᒻᒪᓗ ᐊᓕᑦ (Allied) ᐊᓪᓚᐃᑦ, ᐊᖏᔪᖅᑳᖏᑦ ᐊᓪᓚᐃᑦ ᐊᓐᑎᐅᕆᔪᒥ, ᐃᒻᒥᒃᑰᖅᑐᑦ ᐊᓪᓚᐃᑦ, ᓂᔅᓇᐱ ᐊᔅᑭ (Nishnawbe Aski) ᐊᓪᓚᐃᑦ, ᐊᓐᑎᐅᕆᔪᒥ ᑎᒥᐅᔪᑦ ᓄᓇᖃᖅᑳᖅᓯᒪᔪᓄᑦ ᑐᑦᑕᕐᕕᒻᒥᑦ, ᐊᓐᑎᐅᕆᔪ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᑲᑐᔾᔨᖃᑎᒌᖏᑦ, ᐊᓐᑎᐅᕆᔪᒥ ᐊᕐᓇᐃᑦ ᐱᕙᓪᓕᐊᓂᕐᒧᓪᓗ ᐊᓐᑎᐅᕆᔪᒥᑦ, ᐱᖓᓲᔪᖅᑐᓪᓗ ᐊᓪᓚᐃᑦ ᑰᕌᓗᒻᒥ (Grand River)
• ᐳᕆᓐᔅ ᐃᐊᑦᕗᑦ ᐊᐃᓚᓐ (Prince Edward Island) – ᓯᕗᓕᖅᑎᑦ ᑲᑎᒪᔨᖏᑦ ᓄᓇᖃᖅᑳᖅᑐᕕᓂᓕᕆᓂᕐᒥᑦ ᐊᓪᓚᑦᑎᑦ
• ᑯᐸᒃ – ᓄᓇᖃᖅᑳᖅᓯᒪᔪᑦ ᐊᓪᓚᑦᑎᑦ ᐊᒻᒪᓗ ᒥᓂᔅᑕ ᑲᒪᔪᑦ ᐊᓪᓚᓂᒃ ᐃᓄᖕᓂᓪᓗ
• ᓴᔅᑳᑦᓱᐊᓐ – ᐊᖏᔪᖅᑳᕐᔪᐊᑉ (Attorney General) ᑐᖏᓕᖓ, ᒥᓂᔅᑕᐅᑉ ᑐᖏᓕᖓᑕ ᐃᑲᔪᖅᑎᖓ ᐊᓪᓚᓄᑦ ᐊᓪᓚᖓᔪᓄᑦ, ᐅᑭᐅᖅᑕᖅᑐᒥᐅᑕᕐᓄᑦ, ᐊᒻᒪᓗ ᐃᖅᑲᓇᐃᔭᖅᑎᓄ ᓯᕗᓕᖅᑎ ᖃᓄᐃᓕᖓᓕᕐᓂᖏᓐᓂ ᐊᕐᓇᐃᑦ
• ᔫᑳᓐ - ᒥᓂᔅᑕ ᑲᒪᔪᖅ ᐊᕐᓇᓂᑦ ᐊᖑᑎᒃᓂ ᐊᕐᓇᓂᓪᓗ ᑕᐃᒪᐃᓪᓗᐊᖅᑎᑕᓂᖏᑦ ᐊᒻᒪᓗ ᐊᕐᓇᓂᑦ ᐊᖑᑎᓂᓪᓗ ᑕᐃᒪᐃᓪᓗᐊᖅᑎᑕᐅᓂᖏᓐᓄᑦ ᑲᑎᒪᔨᖏᑦ
• ᔪᑲᓐᒧᑦ  ᑎᓕᐅᕆᔨᖏᑕ  ᑲᑎᒪᔨᖏᑕ  ᓵᑕᐅᓂᕐᓄᑦ  ᑲᑎᓐᓂᖓᑦ  ᐊᓯᐅᔪᓄᑦ  ᑐᖁᑕᐅᔪᓄᓪᓗ   ᓄᓇᖃᖅᑳᖅᑐᓄᑦ  ᐊᕐᓇᓄᑦ  ᓂᕕᐊᖅᓵᓄᓪᓗ  2S+ᓄᓪᓗ (MMIWG2S+)
• ᔫᑳᓐ ᐅᖃᐅᔾᔨᒋᐊᖅᑎᖏᑦ ᑲᑎᒪᔩᑦ ᐊᕐᓇᓕᕆᓂᕐᒧᑦ - ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ ᑕᐃᒪᐃᑦᑑᖃᑎᕕᓃᓲᓂᓪᓗ (MMIWG2S+) ᐃᓚᒌᑦ ᑭᒡᒐᖅᑐᖅᑕᐅᓂᖏᑦ, ᐊᖏᔪᖅᑳᒻᒪᕇᑦ ᓄᓇᖃᖅᑳᖅᑐᓂᑦ ᓴᓴᐃᔭᑎᖏᒃᑯᖏᑦ, ᒥᓂᔅᑕ ᑲᒪᔪᖅ ᐊᕐᓇᓂᑦ ᐊᖑᑎᓂᓪᓗ ᑕᐃᒪᐃᓪᓗᐊᖅᑎᑕᐅᒋᐊᖃᕐᓂᖏᓐᓂ, ᔫᑳᓐ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᑲᑎᒪᔨᖏᑦ, ᔫᑳᒥ ᐊᓪᓚᐃᑦ, ᐊᒻᒪᓗ ᐅᐃᑦᕼᐅᐊᔅ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᑲᑐᔾᔨᔩᑦ

ᒪᓕᒐᓕᕆᓂᖅ ᐱᔪᓐᓇᐅᑎᓂᓪᓗ ᐱᓕᕆᔨᒻᒪᕇᑦ

• ᓲᐱ ᒪᕐᑦᓯᓪᑕᓐ, LLB., LLM, ᐊᓪᓚᕕᓕᕆᓂᕐᒥᑦ ᐃᖅᑲᖅᑐᐃᔨ ᐃᑲᔪᖅᑎ ᑲᓇᑕᒥ ᐃᓄᖕᓄᑦ ᐱᔪᓐᓇᐅᑎᓂᑦ ᐃᖅᑲᖅᑐᐃᕕᑎᒍᑦ ᕿᒥᕐᕈᔨ
• ᓄᓇᖃᖅᑳᖅᑐᕕᓂᕐᓂᑦ ᒪᓕᒐᓕᕆᓂᕐᒧᑦ ᖃᐅᔨᓴᖅᑏᑦ

ᐊᓯᖏᑦ

• ᓴᖅᑮᓂᖏᑦ ᐃᑦᑐᐃᑦ (Senate) ᑲᑎᒪᔨᕋᓛᖏᑦ ᓄᓇᖃᖅᑳᖅᓯᒪᔪᓂᒃ (APPA)
• ᑲᓇᑕᒥ ᑲᑎᒪᔨᖏᑦ ᐊᕐᓇᓄᑦ

*ᐊᒥᓲᓗᐊᙱᑦᑐᑦ ᑲᑐᔾᔨᖃᑎᒌᑦ ᑭᐅᓚᐅᙱᒻᒪᑕ ᐱᖃᑕᐅᖁᒐᓗᐊᕋᑦᑎᒍ ᑲᑎᒪᖃᑎᒋᔪᒪᓪᓗᑎᒍ

ᓇᓗᓇᐃᖅᓯᑦᑎᐊᓚᐅᖅᑐᑦ ᑕᒪᒃᑯᐊ ᐱᓕᕆᖃᑕᐅᔪᑦ, ᓄᓇᖃᖅᑳᖅᓯᒪᔪᑦ ᑲᓇᑕᒥ, ᐊᒻᒪᓗ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ, ᓂᕕᐊᖅᓯᐊᓪᓗ ᐊᒻᒪᓗ ᑕᐃᒪᐃᑦᑑᖃᑎᒥᓐᓃᓲᑦ (2SLGBTQQIA+) ᐃᓄᑦ ᐃᓅᒻᒪᑕ ᑐᐊᕕᐊᕆᔭᐅᒋᐊᖃᓕᖅᖢᑎᑦ. ᓄᓇᖃᖅᑳᖅᓯᒪᔪᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᕐᓇᐃᓕᖓᔪᖅ/ᐊᖑᑕᐃᓕᖓᔪᖅ, ᐊᒻᒪᓗ ᖃᓄᐃᑦᑑᒋᐊᖃᖅᖢᒋᓕᕐᓂᖓ ᐃᓄᐃᑦ ᓱᓕ ᔭᒐᖃᑦᑕᕐᒪᑕ ᐃᓄᐊᖅᑕᐅᕙᒃᖢᑎᓪᓗ ᐊᓯᔾᔨᖅᓯᒪᙱᑦᑎᐊᕐᒪᑦ ᑕᒪᓐᓇ ᓂᖓᖅᑕᐅᖃᑦᑕᕐᓂᐊᓗᒃ. ᑐᙵᕕᖓ ᑕᒪᒃᑯᐊ ᐃᓄᐊᖅᑕᐅᖃᑦᑕᕐᓂᐅᔪᑦ ᔭᒐᖃᑦᑕᑐᓪᓗ, ᓇᓗᓇᐃᖅᑕᐅᓯᒪᖕᒪᑕ ᑭᖑᓪᓕᖅᐹᓂ ᐅᓂᒃᑳᕐᓂᑦ ᑲᓇᑕᒥ ᖃᐅᔨᓴᕐᓂᕐᒥᑦ ᐊᓯᐅᓯᒪᔪᓄᑦ ᐃᓄᐊᖅᑕᐅᓯᒪᔪᓄᓪᓗ ᓄᓇᖃᖅᑳᖅᑐᕕᓂᕐᓂᑦ ᐊᕐᓇᓂᑦ ᓂᕕᐊᖅᓯᐊᓂᑦ, ᒪᑯᐊᓗ ᐱᔭᕇᖅᑕᐅᓯᒪᙱᑦᑐᑦ ᖃᐅᔨᔭᐅᓯᒪᓂᖏᑦᑐᑦ ᑭᖑᕚᕆᔭᐅᔪᑦ ᐊᔾᔨᒌᙱᑦᑐᓪᓗ ᑭᖑᕚᕇᑦ ᖁᐊᖅᓵᖅᓯᒪᖃᑦᑕᕐᓂᖏᑦ, ᐃᓄᓕᕆᓂᒃᑯᑦ ᐱᕙᓪᓕᐊᓇᓱᐊᕐᓂᑯᓪᓗ, ᒐᕙᒪᒃᑯᓪᓗ ᖃᓄᐃᓕᖓᓕᕐᓂᖏᓐᓂ ᓇᓗᓇᐃᖅᓯᔪᓐᓇᕐᓇᑎᑦ ᐊᒻᒪᓗ ᐃᓚᐃᓐᓈᖅᑕᐅᔪᑦ ᐅᕕᓂᖃᑎᒋᙱᑕᒥᓄᑦ ᐱᐅᙱᑦᑐᐊᓗᒃᑯᓪᓗ, ᐊᒻᒪᓗ ᐊᖏᖅᑕᐅᓯᒪᙱᓂᒃᑯᑦ ᐱᓕᕆᔨᒻᒪᕆᓐᓄᑦ ᐊᒻᒪᓗ ᑎᒥᐅᔪᓄᑦ ᓄᓇᖃᖅᑳᖅᓯᒪᔪᓂᒃ ᐊᕐᓇᓂᑦ, ᓂᕕᐊᖅᓯᐊᓂᓪᓗ ᐊᒻᒪᓗ ᑕᐃᒪᐃᑦᑑᖃᑎᒥᓐᓃᓲᑦ (2SLGBTQQIA+) ᐃᓄᐃᑦ ᐱᖃᑦᑕᕐᒪᑕ. ᑕᐃᒪᐃᓐᓂᒥᖓᓐᓄᑦ, ᐱᐅᓂᖅᓴᒃᑯᑦ ᐃᑲᔪᖅᑐᖅᑕᐅᑦᑎᐊᕐᓗᑎᑦ ᐊᑦᑕᓇᖅᑐᒦᙱᓪᓗᑎᑦ ᐱᔪᓐᓇᐅᑏᑦ ᓯᖁᒥᑕᐅᖃᑦᑕᑎᓪᓗᒋᑦ ᑐᐊᕕᕐᓇᓯᒻᒪᑦ.

ᑐᑭᓯᔭᐅᓪᓗᐊᑕᖅᑐᑦ: ᐱᒋᐊᕐᓂᖓ  ᐊᑑᑎᖓᓗ  ᐅᖃᕆᐊᖅᑐᕐᕕᒃᓴᐅᑉ

ᐅᖃᕆᐊᖅᑐᕐᕕᒃᓴᖅ,  ᐃᓛᓐᓂ  ᑕᐃᔭᐅᔪᖅ  ᐅᖃᕆᐊᖅᑐᕐᕕᒃᓴᒥᒃ,  ᓄᓇᓕᖕᒥᐅᓂᒃ  ᑭᒡᒐᖅᑐᐃᔨ  ᓴᐳᔾᔨᔨᓘᓐᓃᑦ  ᓄᓇᓕᖕᒥᐅᓂᒃ, ᐱᖃᓲᖅ, ᖃᐅᔨᓴᓲᖅ, ᐅᓂᒃᑳᓕᐅᓲᖅ ᐃᑲᔪᖅᑐᓂᓗ ᐅᓐᓂᕐᓘᑎᓂᒃ ᐋᖅᑮᓇᓱᐊᖅᑐᓂ ᐊᒻᒪᓗ ᒪᓕᒃᑎᐊᕋᓗᐊᕐᒪᖔᑕ ᒪᓕᒐᕐᓂᑦ ᑕᐃᒫᑦᑎᐊᖅ ᐱᑦᑎᐊᖅᑕᐅᑦᑎᐊᕋᓗᐊᕐᒪᖔᑕᓗ ᑎᓕᓯᔾᔪᑎᖏᑎᒍᑦ ᒐᕙᒪᒃᑯᓪᓂ ᒪᑯᓂᖓᓗ ᒪᓕᒃᑎᐊᕋᓗᐊᕐᒪᖔᑕ ᐃᓄᖕᓄᑦ ᐱᔪᓐᓇᐅᑎᖏᑦᑕ ᐱᖁᔭᖏᓐᓂ.

ᑕᒪᓐᓇ ᐅᖃᐅᓯᖅ ᓴᖅᑭᖅᓯᒪᔪᖅ ᓱᐄᑕᒥ (Sweden) ᐅᑭᐅᓄᑦ 200−ᓚᐅᓗᐊᖅᑐᓄᑦ ᐊᒻᒪᓗ ᖃᐅᔨᓴᓲᖅ/ᐋᖅᑮᔨ^{ᑎᑎᖅᑲᖅ 25} ᒪᓕᒐᖃᕐᒪᑕ ᐱᓕᕆᐊᖃᖅᖢᑎᓪᓗ ᑲᓇᑕᒥᐅᑕᓕᒫᓂᒃ ᐊᕕᒃᑐᖅᓯᒪᔪᓂᒃ ᒪᕐᕉᓂᓪᓗ ᐅᑭᐅᖅᑕᖅᑐᒥ, ᐃᓚᖏᑦ ᓯᑎᓂᒃ, ᐃᓚᖏᑦ ᒐᕙᒪᑐᖃᒃᑯᓐᓄᑦ ᑲᒪᒋᔭᐅᓪᓗᑎᑦ. ᐊᒻᒪᓗᒃᑲᓐᓂᖅ, ᒪᓕᒐᖅᑎᒎᙱᓂᖅᓴᖅᑕᖃᕐᒥᔪᖅ ᖃᐅᔨᓴᖅᑎ/ᐋᖅᑮᔨᓂᒃ ᐃᓚᖏᑦ ᑮᓇᐅᔭᒃᑯᕖᑦ, ᐃᓚᖏᑦ ᓯᓚᑦᑐᖅᓴᕐᕖᑦ ᐊᒻᒪᓗ ᓯᓚᑦᑐᖅᓴᕐᕕᔾᔪᐊᓪᓗ, ᐊᓯᖏᓪᓗ ᑲᑐᔾᔨᖃᑎᒌᑦ ᐊᒥᓱᐊᓘᙱᑦᑑᒐᓗᐊᑦ. ᐊᖏᓂᖏᑦ ᑖᒃᑯᐊ ᖃᐅᔨᓴᖅᑎ/ᐋᖅᑮᔨ ᐊᓪᓚᕕᖏᑦ ᐊᔾᔨᒌᖃᑦᑕᖏᑦᑐᑦ, ᐃᒪᐃᒐᔪᑦᑑᒐᓗᐊᑦ ᖃᐅᔨᓴᖅᑎ/ᐋᖅᑮᔨ ᐃᓕᖕᓂᐊᖅᓯᒪᓪᓗᑎᒃ ᐃᖅᑲᓇᐃᔭᖃᑎᖃᖅᐸᒃᖢᑎᑦ, ᒪᑯᓂᖓᓗ ᐱᓕᕆᔨᒻᒪᕆᓐᓂᒃ, ᖃᐅᔨᓴᖅᑎᓂᒃ, ᕿᒥᕐᕈᔨᓂᒃ, ᑲᑎᒪᑎᑦᑎᔨᓂᒃ ᑐᑭᓯᑦᑎᐊᕋᓱᐊᖅᑐᓂᒃ, ᐊᒻᒪᓗ ᒪᓕᒐᓕᕆᔨᓂᒃ.

ᒫᓐᓇᐅᔪᖅ ᐱᑕᖃᙱᑦᑐᖅ ᖃᐅᔨᓴᖅᑎᓂᒃ/ᐋᖅᑮᔨᓂᒃ ᓄᓇᖃᖅᑳᖅᑐᓅᖓᔪᓄᑦ ᐱᓕᕆᐊᒃᓴᖏᓐᓂ ᐊᑦᑕᓇᐃᖅᓯᖁᔨᓪᓗᑎᑦ ᓄᓇᖃᖅᑳᖅᑐᕕᓃᑦ ᐱᔪᓐᓇᐅᑎᖏᓐᓂ, ᑕᒪᒃᑯᐊ ᑎᑎᕋᖅᓯᒪᑦᑎᐊᖅᑐᐊᓘᒐᓗᐊᕐᒪᑕ ᓈᒻᒪᖃᑦᑕᖏᑦᑐᑦ ᓄᓇᖃᖅᑳᖅᑐᕕᓂᕐᓂᑦ ᓄᓇᖃᖅᑳᖅᓯᒪᙱᑦᑐᓂᓪᓗ ᑲᓇᑕᒥ ᐱᑕᖃᙱᒻᒥᔪᑦ.

ᐱᓕᕆᖃᑎᖃᕐᓂᕐᒥᑦ ᓇᓗᓇᐃᖅᓯᒪᓪᓚᕆᖕᒪᑦ ᑐᑭᓯᓇᖅᑐᓂᓗ, ᖃᐅᔨᓴᖅᑎ/ᐋᖅᑮᔨ ᓄᓇᖃᖅᑳᖅᓯᒪᔫᙱᒻᒪᑦ ᐃᓱᒪᒍᓐᓇᕐᓇᓂᓗ ᑕᐃᒫᒃ ᐊᒻᒪᓗ ᐱᓕᕆᖃᑎᖃᕆᐊᖃᕋᔭᖅᑐᓂᓗ ᐱᔪᒪᔭᖏᓐᓂ ᐊᓪᓚᐃᑦ, ᐃᓄᐃᑦ, ᐊᓪᓚᖓᔪᓪᓗ ᐊᒻᒪᓗ ᓯᕗᓪᓕᖅᐸᐅᑎᒋᐊᓕᖏᑦ, ᓯᓚᑖᓃᙶᖅᓯᒪᑐᐃᓐᓇᖏᒻᒥᓗᑎᑦ ᑕᐃᒪᐃᖃᑦᑕᖅᓯᒪᖕᒪ ᐊᐅᓚᑦᑎᒍᒪᑐᐃᓐᓇᖅᖢᑎᑦ. ᑕᒪᓐᓇ ᑲᒪᒋᔭᐅᑦᑎᐊᑐᐊᖅᑲᑦ, ᐊᒥᓱᑦ ᐊᓪᓚᐃᑦ, ᐃᓄᐃᑦ ᐊᓪᓚᖓᔪᓪᓗ ᐱᓕᕆᖃᑎᒌᑦᑎᐊᕋᔭᖅᑐᑦ ᐊᒻᒪᓗ ᓄᓇᖃᖅᑳᖅᓯᒪᔪᒥᑦ ᐃᓄᐃᓪᓗ ᐱᔪᓇᐅᑎᖏᓐᓂ ᖃᐅᔨᓴᖅᑎ/ᐋᖅᑮᔨ ᐃᓕᖅᑯᓯᖏᑦ ᐊᓯᔾᔨᒍᓐᓇᖅᓯᒐᔭᕐᒪᑕ.

ᓯᕗᓂᑦᑎᓐᓂ ᐱᓕᕆᖃᑎᒌᓐᓂᐅᓯᒪᔪᓂᒃ, ᖃᐅᔨᓴᔩᑦ ᓂᓪᓕᐊᓪᓗᑎᑦ ᐳᔫᖅᑎᑕᐅᓲᓂᑦ ᐃᕕᔅᓱᒐᕐᓂᑦ ᐱᕐᕋᐃᓯᒪᔪᓂᒃ. ᐱᕐᕋᐃᓐᓂᑐᐃᓐᓇᐅᖏᒻᒪᑦ ᑕᖏᖃᖅᑎᑦᑎᔪᑦ, ᑭᓯᐊᓂᓕ ᐱᔭᕇᖅᓯᒪᓂᖓ, ᐱᕐᕋᐃᓯᒪᔪᖅ ᐊᑦᑐᖏᖅᓯᒪᑦᑎᐊᙱᑐᐊᖅᑲᑦ, ᐱᕐᕋᐃᔮᖅᑎᕋᔭᖅᑐᖅ ᓱᕋᐃᔭᕐᓗᓂ.

ᐊᓪᓚᐃᑦ, ᐃᓄᐃᑦ ᐊᓪᓚᖓᔪᓪᓗ ᐱᓕᕆᖃᑎᒌᓐᓂᖏᑦ ᐊᒻᒪᓗ ᓇᓗᓇᐃᖅᓯᕙᓪᓕᐊᓂᖏᑦ ᐱᓕᕆᐊᖏᓐᓂ ᑲᒪᒋᔭᕆᐊᓕᖏᓐᓂᓪᓗ ᑲᑎᒃᖢᑎᑦ ᐱᓕᕆᐊᕆᔭᕆᐊᓕᖕᓂᑦ ᐱᔭᕇᖅᓯᑦᑎᐊᕋᓱᓚᐅᖅᑐᑦ ᐱᐅᔪᒃᑯᑦ, ᑕᑎᒋᔭᐅᔪᓐᓇᖅᑐᒃᑯᑦ, ᐃᖅᑲᖅᑐᐃᕕᓕᕆᓂᒃᑯᑦ, ᐊᑦᑕᓇᐃᖅᓯᒪᓂᒃᑯᑦ, ᒪᒥᓴᕐᓂᒃᑯᑦ ᓴᐃᓕᑦᑎᐊᓂᖅᐹᖑᓇᓱᐊᕐᓂᑯᓪᓗ. ᑕᒪᒃᑯᐊ ᐱᑕᖃᕆᐊᖃᓪᓚᕆᖕᒪᑕ ᒐᕙᒪᒃᑯᓐᓂ ᑕᑎᒋᔭᐅᓂᐊᖅᑎᓪᓗᒋᑦ ᑭᒃᑯᓪᓗ ᖃᓄᐃᑦᑐᓂᑦ ᐱᓕᕆᔭᕆᐊᖃᕐᒪᖔᑕ ᒐᕙᒪᒃᑯᓐᓂᓕᒫᖅ ᐱᒋᐊᕈᑕᐅᓯᒪᔪᑦ ᐱᓪᓗᒋᑦ ᐃᖅᑲᖅᑐᐃᕕᓕᕆᓂᕐᒥᑦ. ᐱᐅᔪᐊᓗᒻᒥᑦ ᐱᓇᓱᐊᕐᓂᐅᒻᒪᑦ, ᐱᓕᕆᖃᑎᒌᓐᓂᖅ ᐃᓱᒪᕗᑦ ᑲᑎᑎᓪᓗᑎᒍᓪᓗ ᑲᔪᓯᑦᑎᐊᕐᓂᐊᕋᑦᑕ.

ᑕᑯᓐᓇᖅᑕᐅᓪᓚᕆᓐᓂᖏᑦ: ᐅᖃᐅᓯᕆᔭᑦ ᐱᔪᓐᓇᐅᑎᖏᑦ ᓯᖁᒥᑦᑕᐅᑎᓪᓗᒋᑦ

ᑕᐃᒫᒃ ᐅᖃᖅᓯᒪᖕᒪᑦ ᑲᓇᑕᒥ ᖃᐅᔨᓴᕐᓂᕐᒥᑦ ᒪᓕᒐᕐᓂᑦ ᐊᓯᔾᔩᖁᔨᓂᕐᒧᑦ, ᐱᒋᐊᖅᑎᑦᑎᖁᔭᐅᔪᑦ ᐃᖅᑲᖅᑐᐃᕕᑎᒍᑦ ᑐᑭᓯᓇᖅᓯᑎᑕᐅᑦᑎᐊᕆᐊᓕᒃ, ᓄᓇᖃᖅᑳᖅᓯᒪᔪᑦ ᐊᕐᓇᐃᑦ, ᓂᕕᐊᖅᓯᐊᑦ, ᐊᒻᒪᓗ ᑕᐃᒪᑦᑑᖃᑎᕕᓃᓲᕐᓂᑦ (2SLGBTQQIA+) ᑎᒥᒍᒥᐊᖅᑎᐅᓂᐊᕐᒪᑕ ᑎᒍᓯᒪᔭᖏᓐᓂ ᓯᕗᓕᖏᓐᓂ ᓄᓇᖃᖅᑳᖅᓯᒪᔫᓪᓗᑎᑦ ᐱᔪᓐᓇᐅᑎᖃᖅᖢᑎᑦ, ᒪᓕᒐᖅᑎᒍᑦ ᐱᔪᓐᓇᐅᑎᖃᖅᖢᑎᑦ, ᓯᓚᕐᔪᐊᒥᓗ ᐃᓄᑐᐃᓐᓇᐃᓪᓗ ᐱᔪᓐᓇᐅᑎᖏᑦ, ᐊᒥᓱᓪᓗ ᓄᓇᖃᖅᑳᖅᓯᒪᔪᑦ ᑲᓇᑕᒥ ᑎᒍᒥᐊᕈᓐᓇᕐᒥᔪᑦ ᐊᔾᔨᒌᙱᑦᑐᓂᑦ ᐊᖏᕈᑕᐅᓯᒪᔪᓂᒃ ᒪᓕᒐᕐᓂᑦ, ᓄᓇᑖᕈᑎᓂᒃ ᓄᓇᓕᓐᓄᑦ ᐊᖏᕈᑕᐅᓯᒪᔪᓂᒃ. ᐃᓄᐃᑦ ᓄᓇᖃᖅᑳᖅᓯᒪᔪᓪᓗ ᐱᔪᓐᓇᐅᑎᖏᑦ ᐱᔭᕆᐊᓕᖏᑦ ᓴᖅᑭᖅᓯᒪᖕᒪᑕ ᓯᓚᕐᔪᐊᒥ ᐃᓄᑐᐃᓐᓇᓂᓪᓗ ᐊᒻᒪᓗ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᑦᑕ ᒪᓕᒐᖏᓐᓂ, ᒪᑯᓂᖓᓗ ᒪᓕᒐᕐᔪᓂᑦ, ᐱᖁᔭᕐᔪᐊᓂ, ᐅᑉᐱᕆᔭᕆᐊᖃᕐᓂᖏᓐᓂ ᑭᖕ ᑭᒡᒐᖅᑐᐃᔨᖓ.

ᑕᐃᒪᐃᒻᒪᑦ, ᐅᖃᖅᑕᐅᓂᖓᓗ  ᒪᓕᒃᖢᒍ  ᐃᓗᐊᓂ  ᑲᓇᑕᒥ ᑐᓴᕋᓱᒃᑐᓄᒃ  ᑭᖑᓪᓕᖅᐹᒧᒃ  ᐅᓂᒃᑳᒥ,  "ᐱᒋᐊᕈᑎᓕᒫᑦ ᐋᖅᑭᒪᔾᔪᑎᒃᓴᓕᒫᓪᓗ ᑲᒪᒋᔭᐅᒋᐊᓖᑦ ᓇᑭᙶᖅᓯᒪᓂᖏᓐᓂ ᓂᖓᖅᑕᐅᖃᑦᑕᕐᓂᒥᓂᖏᑦ ᐃᓄᖕᓃᙶᓗᑎᑦ ᓄᓇᖃᖅᑳᖅᑐᕕᓂᕐᓄᓪᓗ ᑕᐃᒪᐃᓪᓗᐊᖅᑎᑕᐅᒋᐊᖃᓪᓚᕆᒃᖢᑎᓪᓗ ᓄᓇᖃᖅᑳᖅᑐᕕᓃᑦ." ᐊᒻᒪᓗᒃᑲᓐᓂᖅ, ᐊᓪᓚᐃᑦ, ᐃᓄᐃᑦ, ᐊᓪᓚᖓᔪᑦ ᐊᕐᓇᐃᑦ ᑕᐃᒪᐃᑦᑑᖃᑎᕕᓃᓲᓪᓗ (2SLGBTQQIA+) ᐃᓄᐃᑦ ᐊᒃᓱᕈᖃᑦᑕᖅᓯᒪᔪᑦ ᐊᖏᔪᐊᓗᖕᓂᑦ ᐃᓚᐃᓐᓈᓂᕐᒥᑦ, ᐊᐅᓚᑦᑎᓂᕐᒥᑦ, ᐊᒻᒪᓗ ᐊᕐᓇᓂᑦ ᐊᖑᑎᓂᒃ ᑕᐃᒪᐃᓪᓗᐊᑎᑦᑎᖏᓐᓂᐅᔪᑦ ᐊᒃᓱᕉᑎᕐᔪᐊᖑᖃᑦᑕᖅᓯᒪᖕᒪᑕ, ᑕᒪᒃᑯᐊ ᐱᖃᓯᐅᔾᔭᐅᒋᐊᓖᑦ ᐃᓱᒪᒋᖃᓯᐅᑎᓗᒋᑦ ᑕᐃᒪᐃᓪᓗᐊᑎᑦᑎᒐᓱᐊᕐᓂᕐᒥᑦ.

ᐱᔪᓐᓇᐅᑎᓄᑦ  ᐃᓱᒫᓘᑏᑦ  ᓴᖅᑭᑕᐅᖏᓐᓇᑲᑕᓚᐅᖅᑐᑦ ᒐᕙᒪᐅᖅᑳᖅᑐᓄᑦ, ᐃᓄᖕᓄᑦ,  ᒪᐃᑏᓄᓪᓗ  ᐃᓚᐅᔪᓄᑦ  ᑲᑎᓐᓂᓕᒫᒥ  ᑎᓕᐅᕆᔪᓄᑦ  ᐱᖁᔭᑎᒍᑦ  ᐱᑦᑎᐊᖅᑕᐅᓂᕐᓄᑦ 1.7ᒧᑦ, ᐃᓱᒪᓂᐊᖅᑎᓪᓗᒋᑦ ᑕᑯᓐᓇᖅᑕᐅᒍᓐᓇᖅᑐᓂᒃ ᐊᐅᓚᑦᑎᒍᓐᓇᖅᑐᒥᓪᓗ ᖃᐅᔨᓴᖅᑎᒥᑦ/ᐋᖅᑮᔨᒥᑦ ᐊᓪᓚᕕᔅᓴᖓᓐᓂ. ᐱᖃᑕᐅᔪᑦ ᐅᓂᒃᑳᖅᖢᑎᑦ, ᑐᔅᓯᕋᖅᖢᑎᓪᓗ ᑕᒪᒃᑯᐊ ᐃᓱᒫᓘᑎᐅᔪᑦ ᓯᕗᓪᓕᖅᐸᐅᔾᔭᐅᖃᑦᑕᖁᔭᐅᓪᓗᑎᑦ ᖃᐅᔨᓴᖅᑎᒧᑦ/ᐋᖅᑮᔨᒧᑦ ᐊᓪᓚᕕᖏᓐᓂ.

ᑕᑯᓐᓇᖅᑕᐅᓪᓚᕆᓐᓂᖏᑦ: ᑕᑯᓐᓇᕐᓂᖏᑦ ᐱᒻᒪᕇᑦ ᑭᙴᒪᔭᐅᔪᑦ ᐊᒃᓱᕉᑕᐅᕙᒃᑐᓪᓗ

ᐱᓕᕆᖃᑎᖃᖅᑎᓪᓗᑕ, ᐊᓪᓚᓂᑦ, ᐃᓄᖕᓂᑦ ᐊᓪᓚᖓᔪᓂᓪᓗ ᓇᓗᓇᐃᖅᓯᓗᑎᑦ ᑭᙴᒪᔭᖏᓐᓂ ᐊᒃᓱᕉᑎᒋᖃᑦᑕᖅᑕᖏᓐᓂᓪᓗ ᓴᐳᓐᓂᐊᖅᑕᐅᑎᓪᓗᒋᑦ ᐱᔪᓐᓇᐅᑎᖏᓐᓂ ᑲᓇᑕᒥ. ᐅᑯᐊᖑᓪᓗᑎᑦ:

• ᐱᑕᖃᙱᒻᒪᑦ ᓇᓗᓇᐃᖅᓯᔾᔪᑎᒃᓂ ᐱᔪᓐᓇᐅᑎᖏᓐᓂ ᐅᓐᓂᕐᓗᒍᓐᓇᕐᓗᑎᑦ ᓄᓇᖃᖅᑳᖅᑐᕕᓂᑦ  ᑲᓇᑕᒥ. ᑕᒪᓐᓇ ᐃᓕᓴᕆᔭᐅᓯᒪᙱᒻᒪᑦ ᐊᓪᓚᓂᑦ, ᐃᓄᖕᓂᑦ, ᐊᓪᓚᖓᔪᓐᓂᑦ ᓇᓗᓇᐃᖅᓯᓯᒪᙱᑦᑐᑦ ᑐᙵᕕᐅᓂᐊᖅᑐᓂᑦ ᐃᓄᖕᓄᑦ ᐱᔪᓐᓇᐅᑎᖏᓐᓂ ᐅᓐᓂᕐᓘᑎᓂᒃ, ᐃᓛᖑᒻᒥᔪᖅᑕᐅ ᐃᓚᒃᑲᓐᓂᖏᓐᓂ ᑲᒪᒋᔭᐅᓯᒪᙱᑦᑐᓂᒃ ᓇᓗᓇᐃᖅᓯᓇᓱᐊᖅᑎᓪᓗᒋᑦ ᐊᕐᓇᓂᑦ ᐊᒻᒪᓗ ᓄᓇᖃᖅᑳᖅᑐᕕᓂᕐᓂᑦ, ᐊᕐᓇᐃᓕᖓᔪᑦ/ᐊᖑᑕᐃᓕᖓᔪᑦ (ᐊᓪᓚᑦ) ᐊᒻᒪᓗ ᓄᓇᖃᖅᑳᖅᓯᒪᔪᑦ, ᐅᕝᕙᓘᓐᓃᑦ ᐊᕐᓇᐃᓕᖓᔪᑦ/ᐊᖑᑕᐅᓕᖓᔪᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ.
• ᐃᒻᒥᒃᑰᖅᑐᓂᒃ ᐱᑕᖃᙱᒻᒪᑦ ᐅᓐᓂᕐᓗᕐᕕᐅᒐᔭᖅᑐᓂᒃ ᒐᕙᒪᑐᖃᒃᑯᓪᓕ ᐱᔨᑦᑎᕋᓲᑦ ᒪᓕᒐᖅᑕᓕᐅᓗᓂ ᐱᑕᖃᙱᒻᒪᑦ ᒐᕙᒪᑐᖃᒃᑯᓐᓂ ᖃᐅᔨᓴᖅᑎᓂᒃ/ᐋᖅᑮᔨᓂᒃ ᑭᓪᓕᖃᖅᑐᓂᒃ ᒐᕙᒪᑐᖃᒃᑯᑦ ᐱᔨᑦᑎᕋᕐᓂᖏᑦ. ᐃᒻᒥᒃᑰᖅᑐᓂᒃ ᐱᑕᖃᙱᒻᒪᑦ ᓄᓇᖃᖅᑳᖅᑐᕕᓂᕐᓄᑦ ᐱᔨᑦᑎᕋᐅᑎᓂᒃ ᑲᓇᑕᒥ ᐊᒻᒪᓗ ᒐᕙᒪᑐᖃᒃᑯᓐᓂ, ᒪᕐᕉᓐᓂᒃ ᐃᖅᑲᓇᐃᔭᕐᕕᑕᓕᐅᒐᓗᐊᖅ ᐱᔨᑦᑎᖃᑦᑕᖅᑐᓂᒃ ᓄᓇᖃᖅᑳᖅᓯᒪᔪᓂᒃ. ᐊᒥᓱᑲᓪᓚᓐᓂᒃ ᑕᑎᒋᔭᒃᓴᓂᒃ ᐱᑕᓕᐅᒐᓗᐊᖅ ᑲᓇᑕᒥ, ᒪᑯᐊᓗ ᐃᓄᖕᓄᑦ ᐱᔪᓐᓇᐅᑏᑦ ᐊᒻᒪᓗ ᐃᖅᑲᖅᑐᐃᕕᑎᒍᑦ ᕿᒥᕐᕈᔭᐅᓗᑎᑦ, ᑲᓇᑕᒥ ᐊᕕᒃᓯᒪᔪᓂ  ᐅᖃᕆᐊᖅᑐᕐᕕᒃᓴᑦ  ᐊᓰᓪᓗ  ᑭᓱᓪᓗᐊᑕᓄᑦ  ᐱᕕᑭᑦᑐᓄᓪᓘᓐᓃᑦ  ᐱᓕᕆᐊᒃᓴᓖᑦ,  ᖃᐅᔨᒪᔭᐅᑦᑎᐊᖏᖦᖢᑎᒃ  ᐊᑐᐃᓐᓇᐅᓇᑎᒡᓘᓐᓃᑦ  ᐊᑕᖏᑲᓴᒃᑐᓄᑦ  ᒐᕙᒪᐅᖅᑳᖅᑐᓄᑦ , ᐃᓄᖕᓄᑦ  ᒪᐃᑏᓄᓪᓗ  ᖃᐅᔨᒪᔭᐅᓗᐊᕋᑎᒡᓗ, ᐊᔪᖏᓪᓚᒃᑐᖃᑦᑎᐊᕋᓂᓗ  ᓄᓇᖃᖅᑳᑦᑐᓄᑦ  ᐱᔪᓐᓇᐅᑎᓄᑦ  ᐱᖁᔭᕐᔪᐊᓄᓪᓘᓐᓃᑦ   ᐱᖃᓯᐅᔾᓪᓗᒋᑦ  ᓄᓇᓄᑦ  ᐊᖏᕈᑏᑦ  ᐃᓗᐊᓂ  ᐊᑐᖅᑐᓂ  ᐊᐅᓚᔾᔪᓯᕐᓂ.
• ᐅᒃᐱᕈᓱᖏᓐᓂᖅᑕᖃᓪᓚᖕᒪᑦ  ᒐᕙᒪᓂ  ᐃᓚᐅᔪᓂᓗ  ᐊᖓᔪᖅᑳᓂ.  ᑐᑭᓯᓇᖅᑐᖅ ᐅᑉᐱᕆᔭᖃᑦᑎᐊᖏᒻᒪᑕ ᐱᓕᕆᔨᒻᒪᕆᓐᓂᒃ ᐅᐱᓐᓇᕋᓂ ᐃᑲᔪᖅᑐᐃᓂᖏᑦ ᓄᓇᖃᖅᑳᖅᑐᕕᓂᕐᓂᑦ ᐊᒻᒪᓗ ᐃᓄᐃᑦ ᐱᔪᓐᓇᐅᑎᖏᓐᓂ, ᒪᑯᓂᖓ ᐃᓕᖕᓂᐊᕆᐊᖅᑎᑕᐅᓚᖅᓯᒪᔪᓂᒃ ᐊᒻᒪᓗ ᐅᓪᓗᒃᑯᑦ ᐃᓕᖕᓂᐊᖅᓯᒪᔪᓂᒃ, 1960−ᖏᓐᓂᑦᑐᓂᒃ ᑲᒪᒋᔭᕕᓂᕐᓂᑦ, ᐊᒻᒪᓗ ᓱᕈᓰᑦ ᐃᓄᓕᕆᔨᑦᑕᐅᖃᑦᑕᖅᑐ ᐊᒻᒪᓗ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᕕᓃᑦ ᐊᕐᓇᐃᑦ ᓂᕕᐊᖅᓯᐊᓪᓗ ᑕᐃᒪᐃᑦᑑᖃᑎᕕᓃᓲᓂᓪᓗ (MMIWG2S+) ᐊᒃᓱᕈᓐᓇᕐᓂᐅᔪᑦ.
• ᐱᑕᓕᒃ ᐃᓕᖅᑯᓯᐅᔪᖅ ᒪᓕᒃᑎᐊᖏᓪᓚᕆᒃᑐᖅ ᓄᓇᖃᖅᑳᖅᑐᕕᓂᕐᓄᑦ ᐃᓗᐊᓂ ᑲᑐᔾᔨᖃᑎᒌᖏᑕ ᐊᒻᒪᓗ ᐊᖏᔪᖅᑲᐅᑏᑦ ᑭᒡᒐᖅᑐᐃᑦᑎᐊᖏᓪᓚᕆᒃᑐᑦ. ᑲᑐᔾᔨᖃᑎᒌᑦ ᐊᑐᓂ ᐊᔾᔨᒌᙱᑦᑐᓂᒃ ᑲᒪᓇᓱᖃᑦᑕᖅᑑᒐᓗᐊᑦ, ᐃᓚᖏᑦ ᑎᒍᓯᓯᒪᙱᑦᑎᐊᒻᒪᕆᒃᑐᑦ ᖁᐊᖅᓴᖅᓯᒪᓂᕐᒥᑦ ᑲᒪᓇᓱᐊᕐᓂᖅ, ᐊᓯᖏᓐᓂ ᐃᓐᓇᕐᓂᑦ ᖃᐅᔨᒪᔨᑕᓂᓪᓗ ᐃᑲᔪᕋᓱᖃᑦᑕᖅᓯᒪᔫᒐᓗᐊᖅ, ᐊᒥᓱᓪᓗ ᐱᖅᑯᓯᕐᒥᑎᒎᙱᑦᑎᐊᖅᑐᑦ. ᑕᒪᒃᑯᑦ ᖃᐅᔨᒪᔪᖃᓗᐊᙱᑦᑎᐊᕐᒪᑕ ᐊᓪᓚᓂᒃ, ᐃᓄᖕᓂᑦ ᐊᓪᓚᖓᔪᓂᓪᓗ ᐊᒻᒪᓗ ᑲᓇᑕᒥ ᐊᓯᔾᔩᓇᓱᑦᑐᐊᓗᑐᐃᓐᓇᐅᓯᒪᖕᒪᑕ, ᐊᒻᒪᓗ ᐃᓅᓇᓱᔅᓯᒪᔪᓂᒃ ᐊᑐᖅᓯᒪᔪᖃᙱᒻᒪᑦ ᐃᖅᑲᓇᐃᔭᖅᑎᓂᒃ ᒐᕙᒪᒃᑯᑦ ᐃᓗᐊᓂ ᐊᒃᑐᐊᔪᓄᓪᓗ ᐱᓕᕆᔨᒻᒪᕆᓐᓄᑦ. ᓴᓇᒋᐊᖃᕋᓗᐊᕐᒪᑕ ᐃᑲᔪᖅᑐᐃᔪᓐᓇᕐᓗᑎᓪᓗ ᐱᑕᖃᕇᖅᑐᓂᒃ ᓄᓇᖃᖅᑳᖅᓯᒪᙱᑦᑐᓂᑦ ᑎᒥᐅᔪᓂᒃ ᐊᒻᒪᓗ ᐊᓯᖏᓐᓂ, ᐃᓕᖅᑯᓯᕆᔭᖏᑦ ᐋᖅᑭᒃᓯᒪᓂᕆᔭᖏᓪᓗ ᐃᓱᒫᓗᓇᕐᒪᑕ ᐋᖅᑭᓱᖅᓯᒪᑦᑕᐅᑎᒋᔪᓂᓪᓗ ᐃᓕᖅᑯᓯᖃᖅᖢᑎᑦ ᑎᒥᐅᔪᑦ ᐱᔪᓇᐅᑎᖏᑦ ᒪᓕᒃᑕᐅᑦᑎᐊᕐᓂᐊᕋᓗᐊᕐᒪᖔᑕ ᓇᓗᓇᖅᑐᖅ ᑖᒃᑯᓄᙵᖓᔪᓂᒃ ᐊᓪᓚᓄᑦ, ᐃᓄᖕᓄᑦ, ᐊᓪᓚᖓᔪᓄᓪᓗ.
• ᐱᑕᖃᑦᑎᐊᖏᓪᓚᕆᖕᒪᑦ ᖃᖓᒃᑰᓂᖏᓐᓂ ᐅᐊᑦᑎᓗᑎᒃ ᐃᓚᖏᑦ ᑕᑎᖃᕋᓱᐊᖅᑐᑦ ᐃᓕᖅᑯᓯᐅᔪᑦ, ᑭᖑᕙᖅᓯᒪᑦᑎᐊᕐᒪᑕ ᑕᐃᒪᐃᓐᓂᖓᓐᓄᑦ ᐅᓐᓂᕐᓗᔅᓴᕋᓱᒃᑲᓗᐊᖅᑐᓂᑦ ᓱᕙᓕᑭᐊᖑᔮᖅᑐᖅ ᐅᓪᓗᒐᓚᑐᐃᓐᓇᐅᙱᑦᑐᓄᑦ ᑲᒪᒋᔭᐅᒐᓱᓲᑦ ᑭᓯᐊᓂᓕ ᐱᓇᓱᐊᕈᓯᒐᓚᓐᓄᑦ ᐅᕝᕙᓘᓐᓃᑦ ᑕᖅᑭᒐᓚᓐᓄᑦ ᐊᓪᓛᒃ ᐅᑭᐅᒐᓵᓗᓐᓄᑦ. ᐃᓚᖏᓪᓗ ᐱᒻᒪᕆᐅᔪᓂᒃ ᐊᑐᐃᓐᓇᕐᓂᑦ − ᑲᒪᒋᔭᐅᓇᓱᐊᕐᓂᖏᑦ ᑮᓇᐅᔭᖅᑐᕐᓂᖏᓪᓗ − ᓲᕐᓗ ᐃᖅᑲᓇᐃᔭᖅᑎᑖᕆᐊᖃᕐᓂᖅ ᒪᓕᒐᓕᕆᔨᒥᑦ, ᑲᔪᓯᑦᑎᐊᕐᓂᐊᖅᑲᑕ ᐱᖃᑕᐅᓂᐊᕐᓂᖏᓐᓂ ᐊᐳᖅᑕᕈᑕᐅᕙᒪᑕ ᐱᔭᐅᒐᓱᒃᑲᓕᖅᑎᓪᓗᒋᑦ ᐊᓪᓚᓄᑦ, ᐃᓄᖕᓄᑦ ᐊᓪᓚᖓᔪᓄᓪᓗ.
• ᐊᒥᓱᐊᓘᖕᒪᑕ ᑲᒪᒋᔭᐅᔪᑦ ᐅᔾᔨᓱᖅᑕᐅᕙᙱᑦᑎᐊᒻᒪᕆᒻᒪᑕ, ᖃᐅᔨᓴᖅᑕᐅᓗᑎᑦ ᐊᔭᐅᖅᑐᖅᑕᐅᓗᑎᓪᓘᓐᓃᑦ. ᐊᒻᒪᓗ ᐊᒥᓱᐊᖅᑎ ᑭᖑᕙᓕᖅᖢᑎᑦ ᑭᓱᑕᖃᑦᑎᐊᖏᓐᓂᖓᓐᓄᑦ, ᐱᑕᖃᕇᖅᑐᓂᑦ ᐃᓕᖅᑯᓯᐅᔪᓂᒃ ᓴᖅᑭᖅᑕᐅᑐᐃᓐᓇᖅᑐᓂᑦ ᑭᓯᐊᓂ ᑲᒪᒋᔭᐅᙱᑦᑎᐊᖅᑐᓂ.
• ᐱᑕᖃᕐᒥᔪᖅ ᑭᓪᓕᖃᕐᓂᖏᓐᓄᑦ ᐃᓱᒫᓘᑕᐅᕙᒃᑐᑦ. ᐃᓕᖅᑯᓯᐅᔪᑦ ᐱᑕᖃᕆᐊᖃᕋᓗᐊᕐᒪᑕ ᑲᒪᒋᔭᐅᒋᐊᖃᕐᓂᖏᓐᓂ ᐱᔪᓐᓇᐅᑏᑦ ᓯᖁᒥᑦᑕᐅᓯᒪᔪᑦ ᑕᐃᒪᐃᓕᖅᑎᓪᓗᒋᑦ ᑲᒪᒋᔭᐅᒋᐊᖃᕋᓗᐊᕐᒪᑕ − ᑲᓇᑕᒥ ᑐᓴᕋᓱᖕᓂᖅ  ᓴᖅᑭᔮᖅᑎᑦᑎᓚᐅᖅᑐᖅ  ᑲᓇᑕᒥᒃ  ᐊᕕᒃᓯᒪᔪᓂᒡᓗ  ᑲᑎᑦᑐᓂᒃ  ᐊᖏᖅᑕᐅᔪᒧᑦ  ᐊᒃᓱᕉᑕᐅᔪᒧᑦ.

ᑕᑯᓐᓇᖅᑕᐅᓪᓚᕆᓐᓂᖏᑦ: ᐱᐅᓯᕚᓪᓕᖅᑎᓪᓗᒋᑦ ᐱᑕᖃᕇᖅᑐᖅ ᑲᒪᒋᔭᐅᒋᐊᓕᓐᓄᑦ ᐃᓕᖅᑯᓯᐅᔪᑦ

ᐱᖃᑕᐅᔪᑦ ᐅᓂᒃᑳᖏᓐᓇᓚᐅᖅᑐᑦ ᐱᑕᖃᕆᐊᖃᕐᓂᖏᓐᓂ ᓄᓇᖃᖅᑳᖅᑐᓂᑦ ᑕᑯᓐᓇᕐᓗᑎᑦ ᐃᓕᖅᑯᓯᐅᒐᔭᖅᑐᓂᒃ, ᐱᒻᒪᕆᐅᓂᕋᐃᓪᓗᑎᓪᓗ ᐱᐅᓯᕚᓪᓕᑲᓐᓂᕆᐊᖃᕐᓂᖏᓐᓂ ᑕᒪᒃᑯᐊ ᐱᑕᖃᕇᖅᑐᑦ, ᑭᓯᐊᓂ ᐅᑉᐱᕆᔭᐅᒍᓐᓇᖅᓯᕙᓪᓕᐊᓗᑎᑦ ᐱᔭᐅᒋᐊᓕᓪᓗ ᐱᓇᓱᐊᕐᓂᖅᓴᕆᓗᒋᑦ ᐊᒻᒪᓗ ᒪᓕᔾᔫᒥᓗᑎᒃ ᐊᔾᔨᐅᖏᓐᓂᖏᓐᓂ ᐊᓪᓚᐃᑦ, ᐃᓄᐃᑦ ᐊᓪᓚᖓᔪᓪᓗ ᓄᓇᓖᓪᓗ. ᐅᖃᖅᖢᑎᓪᓗ ᑲᓇᑕᒥ ᓄᓇᖃᖅᑳᖅᓯᒪᔪᑦ ᐊᒻᒪᓗ ᐃᓄᐃᑦ ᐱᔪᓐᓇᐅᑎᖏᓐᓂ ᖃᐅᔨᓴᖅᑏᑦ/ᐋᖅᑮᔩᑦ ᐊᓪᓚᕕᖓᓐᓂ ᐃᓕᖕᓂᐊᑎᑦᑎᖃᑦᑕᕈᓐᓇᕋᔭᕐᒥᒻᒪᑕ ᐊᓯᖏᓐᓂ ᑕᑎᒋᔭᐅᒍᓐᓇᕋᔭᖅᑐᓂᑦ ᐱᔨᑦᑎᕋᑦᑎᐊᓂᖅᓴᐅᓂᐊᕐᒪᑕ ᓄᓇᖃᖅᑳᖅᓯᒪᔪᓂᒃ. ᑎᓕᐅᕈᑕᐅᔪᑦ  ᒪᓐᓇᒥ  ᓵᑕᐅᑎᑦᑎᔨᓄᑦ  ᑎᒥᓄᑦ  ᐱᖃᓯᔾᔨᓚᐅᖅᑐᑦ  ᐅᑯᓂᖓ:

1. ᐃᓚᒋᔭᐅᔪᓕᒫᑦ ᖃᓂᒋᔫᒥᖃᑦᑕᕐᓗᒋᑦ ᐱᓕᕆᐊᖑᑎᓪᓗᒋᑦ ᐊᑐᐃᓐᓇᖃᕐᕕᐅᓗᑎᓪᓗ ᐃᓚᒌᑦ ᓄᓇᓕᓪᓗ ᐱᖃᑕᐅᑦᑎᐊᖃᑦᑕᕐᓂᐊᕐᒪᑕ ᐊᐅᓚᓂᐅᔪᓂᒃ, ᓲᕐᓗ ᐃᖅᑲᖅᑐᐃᕕᑎᒍᑦ ᖃᐅᔨᓴᕐᓂᕐᒥᑦ;
2. ᓯᕗᓪᓕᖅᐸᐅᔾᔨᖃᑦᑕᕐᓗᑎᑦ ᐊᑦᑕᓇᖅᑐᒦᒋᐊᖃᙱᓐᓂᖏᓐᓂ ᓄᓇᖃᖅᑳᖅᑐᕕᓂᕐᓂᑦ ᐊᕐᓇᓂᑦ, ᓂᕕᐊᖅᓯᐊᓂᑦ, ᐊᒻᒪᓗ ᑕᐃᒪᐃᑦᑑᖃᑎᕕᓃᓲᕐᓂᑦ (2SLGBTQQIA+) ᐃᓄᖕᓂᑦ ᐊᒻᒪᓗ ᐱᖅᑯᓯᖏᑎᒍᑦ ᑐᙵᕕᖃᑦᑎᐊᕐᓗᑎᑦ ᐃᑲᔪᖅᑐᖅᑕᐅᓗᑎᑦ ᐱᔨᑦᑎᕋᖅᑕᐅᓗᑎᓪᓗ ᒪᒥᓴᕆᐊᓕᑦ ᐅᕝᕙᓘᓐᓃᑦ ᓯᕗᓂᔅᓴᑎᓐᓂ ᐃᓅᓯᕐᒥᑦ ᐊᓐᓇᐃᑦᑕᐃᓕᒪᓇᓱᐊᕐᓂᕐᒧᑦ;
3. ᓴᖅᑮᓗᑎᑦ ᐊᑦᑕᓇᙱᔾᔪᑎᒃᓴᓂᒃ ᐊᒻᒪᓗ ᕿᒥᕐᕈᔪᓐᓇᕐᓗᒋᑦ ᐊᓪᓚᕕᐅᑉ ᐃᓗᐊᓂ ᐊᐅᓚᔪᑦ ᖁᐊᖅᓴᓇᖅᑐᒃᑰᖃᑦᑕᖁᓇᒋᑦ;
4. ᐱᑕᖃᑦᑕᐃᓕᓇᓱᐊᕐᓗᒋᑦ ᑲᑎᒪᔨᐅᓂᐊᓗᓐᓄᑦ ᐊᑐᖅᑕᐅᕙᒃᑐᑦ ᐊᐳᖅᑕᕈᑕᐅᕙᒃᑐᓪᓗ, ᒪᑯᐊᓗ ᑭᓱᑐᐃᓐᓇᕐᓂᑦ ᐊᑐᖃᑦᑕᖅᑐᑦ ᐅᐊᔭᒨᖅᑐᓂᒃ ᓲᕐᓗ ᐅᖃᐅᓚᐅᑏᑦ, ᐃᕐᖐᕐᓈᖅᑕᐅᑎᒃᑯᑦ, ᐅᖄᓚᐅᑎᕋᓛᒃᑯᑦ ᑎᑎᕋᖃᑦᑕᕐᓂᖅ, ᐊᒻᒪᓗ ᐃᑲᕐᕋᑖᒃᑲᓐᓂᕋᓱᐊᕐᓂᖅ ᐱᓇᓱᐊᕈᓯᐅᑉ ᓄᓐᖑᐊᓂ ᐅᓐᓄᑯᓪᓘᓐᓃᑦ ᐸᐃᑉᐹᓕᕆᒋᐊᑐᙱᑦᑐᓂᑦ ᐱᓇᓱᐊᙱᓪᓗᓂ;
5. ᐃᖅᑲᓇᐃᔭᖅᑎᑖᖅᑐᑲᓐᓂᕐᓗᓂ ᑭᖑᕙᖅᓯᒪᔪᑦ ᑲᒪᒋᔭᐅᑦᑕᐅᑎᒋᖁᓪᓗᒋᑦ ᑲᒪᒋᔭᕆᐊᓖᑦ ᑭᖑᕙᕐᓂᐅᕙᒃᑐᓪᓗ ᐱᐅᓯᕚᓪᓕᕐᓗᒋᑦ ᑲᒪᑦᑕᐅᑎᒋᖃᑦᑕᕐᓂᐅᔪᑦ, ᐊᒻᒪᓗ ᑭᒡᒐᖅᑐᖅᑕᐅᑦᑎᐊᕋᓱᐊᕐᓗᑎᑦ ᑖᒃᑯᐊ ᐊᓪᓚᐃᑦ, ᐃᓄᐃᑦ ᐊᓪᓚᖓᔪᓪᓗ ᑭᒡᒐᖅᑐᖅᑕᐅᑦᑎᐊᕐᓗᑎᑦ ᑎᒥᔪᓄᑦ ᑲᒪᒋᔭᐅᔪᓐᓇᖅᑐᓄᑦ, ᑲᑐᔾᔨᑎᒌᓐᓄᑦ, ᒐᕙᒪᐃᑦ ᐃᖅᑲᓇᐃᔭᕐᕕᖏᓐᓄᑦ ᐊᒥᓲᔫᒥᓗᑎᑦ ᐃᖅᑲᓇᐃᔭᕐᕕᓐᓂ ᐃᖅᑲᓇᔭᖅᑎᖏᑦ ᓄᓇᖃᖅᑳᖅᓯᒪᔪᑦ ᕿᒪᐃᑎᑕᐅᖃᑦᑕᖏᓪᓗᑎᑦ ᓄᓇᖃᖅᑳᖅᑐᕕᓂᐅᔾᔪᑎᖏᓐᓂ ᐹᒥ ᐊᓂᑎᓪᓗᒋᑦ;
6. ᐱᓕᕆᐊᒃᓴᐃᑦ ᐊᒻᒪᓗ ᐊᑐᐃᓐᓇᐅᔪᑦ ᑕᖅᑲᐅᖓ ᐃᓕᖕᓂᐊᑎᑦᑎᖃᑦᑕᕐᓂᐅᔪᑦ ᐅᔾᔨᕈᓱᖅᐹᓪᓕᑎᑦᑎᓂᐅᔪᓪᓗ ᓄᓇᖃᖅᑳᖅᑐᕕᓂᑦ ᐃᓄᐃᓪᓗ ᐱᔪᓐᓇᐅᑎᖏᑦᑕ ᒥᒃᓵᓄᑦ ᐊᒻᒪᓗ ᐅᔾᔨᕈᓱᖅᐹᓪᓕᑎᑦᑎᑲᓐᓂᕐᓗᑎᑦ ᐱᑕᖃᕐᓂᖏᓐᓂ ᑕᑎᒋᔭᒃᓴᕐᓂᑦ ᑎᒥᐅᔪᓂᒃ;

7. ᐱᐅᓯᕚᓪᓕᑎᑦᑎᑲᓐᓂᕋᓱᐊᕐᓗᑎᑦ ᓄᐊᑦᑎᓂᕐᒥᑦ ᐃᓚᐃᓐᓈᓂᕐᒥᑦ ᐱᑕᖃᙱᓪᓗᓂ ᑐᑭᓯᒋᐊᕈᑎᓂᒃ ᐊᓪᓚᓂᒃ, ᐃᓄᖕᓂᑦ ᐊᓪᓚᖓᔪᐃᓪᓗ ᑭᓇᐅᓂᖏᓐᓂ ᐊᒻᒪᓗ ᐊᕐᓇᐃᑦ ᐊᖑᑏᓪᓗ ᑭᓇᐅᓂᖏᓐᓂ ᑎᒍᓯᓂᖅ ᑕᐃᑯᙵᐅᔾᔨᓇᓱᐊᕐᓗᓂ ᓲᕐᓗ, ᓇᓗᓇᙱᑦᑐᒥᑦ ᐱᑕᖃᕇᖅᑐᓂᑦ ᐊᑐᕐᓗᑎᑦ, ᐱᔭᐅᒋᐊᓖᓪᓗ ᐊᑐᐃᓐᓇᐅᑎᑕᐅᓗᑎᑦ ᐊᓯᔾᔨᐸᓪᓕᐊᖑᔮᕐᔪᓪᓗᑎᑦ, ᐃᑲᔪᖅᑐᐃᖏᓐᓇᕋᓱᐊᕐᓗᓂ ᓄᓇᖃᖅᑳᖅᓯᒪᔪᓂᒃ ᐊᐅᓚᑕᐅᔪᓂᒃ ᓄᐊᑦᑎᓗᑎᑦ  ᕿᒥᕐᕈᓗᑎᓪᓗ ᐃᓗᓕᖏᓐᓂ ᓄᓇᖃᖅᑳᖅᑐᕕᓃᑦ ᓇᔪᖅᑕᖏᓐᓂ ᓄᓇᒥ, ᑮᓇᐅᔭᖅᑎᒍᓪᓗ ᐃᑲᔪᖅᑐᖅᑕᐅᓗᑎᓪᓗ ᐊᓪᓚᐃᑦ, ᐃᓄᐃᑦ ᐊᓪᓚᖓᔪᓪᓗ ᑭᓪᓕᓯᓂᐊᖅᑕᐅᑦᑎᐊᖃᑦᑕᕐᓗᑎᑦ;
8. ᖃᐅᔨᒪᔭᐅᓕᒃᑲᓂᕐᓗᑎᑦ ᐊᓪᓚᐃᑦ, ᐃᓄᐃᑦ ᐊᓪᓚᖓᔪᓪᓗ ᒪᓕᒐᖏᑦ, ᑐᑭᓯᔭᐅᑦᑎᐊᕐᓗᑎᓪᓗ ᑲᓇᑕᒥ ᒪᓕᒐᖏᓐᓂ ᑲᑐᔾᔨᔪᓂᒃ ᓯᓚᕐᔪᐊᒥ ᓇᓗᓇᐃᖅᓯᔾᔪᑎᓂᒃ ᐱᔪᓐᓇᐅᑎᖏᓐᓂ ᓄᓇᖃᖅᑳᖅᓯᒪᔪᑦ, ᐃᒪᐃᑦᑐᒥᑦ ᐅᖃᐅᓯᖃᓗᐊᖅᑐᖅ:
   • ᒪᓕᒐᖅ 22
     1. ᑕᑯᓐᓇᓗᐊᓐᖑᐊᖅᑐᖅ ᐱᔪᓐᓇᐅᑏᑦ ᐊᔾᔨᐅᖏᑦᑐᓂᓪᓗ ᐱᔭᕆᐊᖃᕐᓂᖏᓐᓂ ᓄᓇᖃᖅᑳᖅᑐᕕᓃᑦ ᐃᓐᓇᖏᑦ, ᒪᒃᑯᒃᑐᖏᑦ, ᓱᕈᓯᖏᑦ ᐃᓄᐃᓪᓗ ᑎᒥᒥᑎᒍᑦ ᐊᔪᕈᑎᓕᖕᓂᒃ ᐊᑐᓕᖅᑎᑕᐅᓗᓂ ᑖᓐᓇ ᓇᓗᓇᐃᖅᑕᐅᓯᒪᔪᖅ.
     2. ᑎᒥᐅᔪᑦ ᖃᐅᔨᓴᕆᐊᖃᕐᓂᐊᖅᑐᑦ, ᐱᓕᕆᖃᑎᖃᕐᓗᑎᑦ ᓄᓇᖃᖅᑳᖅᓯᒪᔪᓂᒃ, ᑕᒪᒃᑯᐊ ᐸᖅᑭᔭᐅᑦᑎᐊᖁᓪᓗᒋᑦ ᖃᓄᓕᒫᑦᑎᐊᖅ ᓄᓇᖃᖅᑳᖅᓯᒪᔪᑦ ᐊᕐᓇᖏᑦ ᓱᕈᓯᖏᓪᓗ ᓂᖓᖅᑕᐅᖏᑦᑎᐊᖁᓪᓗᒋᑦ ᖃᓄᓕᒫᖅ ᑕᐃᒪᐃᓪᓗᐊᖅᑎᑕᐅᖏᓐᓇᕐᓗᑎᓪᓗ.
9. ᐱᓕᕆᖃᑎᒌᓐᓇᑦᑎᐊᕐᓗᑎᑦ, ᐅᑉᐱᕆᔭᒃᓴᐅᓗᑎᒃ ᓱᓕᓂᖏᓐᓂᓪᓗ, ᐃᖅᑲᓇᐃᔭᕐᓗᑎᑦ ᐱᔨᑦᑎᕋᑦᑎᐊᕐᓗᑎᑦ, ᐃᓕᓴᕆᓗᒋᓪᓗ ᐃᓚᐃᓐᓈᕐᓂᐅᖃᑦᑕᖅᑐᑦ ᐅᕕᓂᖃᑎᒋᙱᒪᔾᔪᒃ ᖃᓄᓕᒫᑦᑎᐊ ᐱᕕᒃᓴᖅᓯᐅᕐᓗᓂ, ᐋᖅᑭᔅᓱᐃᖃᑎᖃᕐᓗᓂ ᐋᖅᑭᐅᒪᔾᔪᑎᒃᓴᓂᒃ ᓱᓕᑦᑎᐊᖅᑐᒃᑯᑦ ᐱᓕᕆᖃᑎᖃᕐᓗᓂ ᐊᓪᓚᓂᒃ, ᐃᓄᖕᓂᑦ, ᐊᓪᓚᖓᔪᓂᓪᓗ ᐊᒻᒪᓗ ᐃᓛᒌᓐᓂᑦ; ᐊᒻᒪᓗ
10. ᐃᓕᓴᕆᓗᒋᑦ ᐊᓯᔾᔨᕆᐊᖃᕐᓂᖏᓐᓂ ᑲᑐᔾᔨᖃᑎᒌᓪᓗ ᓯᕗᓪᓕᖅᐸᐅᑎᓗᓂᒋᑦ ᐊᓯᔾᔨᐸᓪᓕᐊᓂᖏᓐᓂ, ᒪᑐᐃᖓᑦᑎᐊᕐᓗᑎᑦ ᐃᓕᖕᓂᐊᕐᓗᑎᓪᓗ, ᐊᑐᓕᒻᒪᓴᕋᓱᐊᕐᓗᑎᓪᓗ ᐱᖅᑯᓯᖏᓐᓂ ᕿᓄᐃᓵᕈᓐᓇᑦᑎᐊᕐᓂᕐᒥᑦ.

ᐅᑎᖅᑎᓪᓗᒍ  ᐱᔪᓐᓇᕐᓂᖅ ᐃᓂᓗ: ᑎᓕᐅᕈᑏᑦ  ᑐᑭᓯᑦᑎᐊᕐᓗᒋᑦ  ᐱᕐᔪᐊᕆᔭᐅᔪᑦ  ᐱᔪᓐᓇᐅᑎᓕᖕᓄᑦ

ᑭᓇᐅᓂᖓᓐᓂ ᐅᖃᙱᑦᑐᖅ, ᓄᓇᖃᖅᑳᖅᓯᒪᔪᑦ ᐱᖃᑕᐅᔪᑦ ᐅᖃᐅᓯᖃᓚᐅᕐᒪᑕ ᐱᒋᐊᖅᑕᐅᖁᔭᐅᔪᒥᑦ ᐃᖅᑲᖅᑐᐃᕕᑎᒍᑦ 1.7 ᐅᖃᖅᖢᑎᓪᓗ ᐱᑕᖃᒃᑲᓐᓂᕆᐊᖃᕐᓂᖓᓐᓂ ᑲᑎᒋᔭᒃᓴᐅᔪᓂᒃ. ᑭᓯᐊᓂᓕ, ᐱᖃᑕᐅᔪᓕᒫᑦ ᐅᖃᖅᑐᐃᓐᓇᐅᓪᓗᑎᑦ ᑕᒪᒃᑯᐊ ᓇᓗᓇᐃᔭᖅᓯᒪᓂᑦ ᐊᑐᓕᖁᔨᓂᕐᒥᑦ ᐱᒋᐊᕈᑕᐅᖁᔭᐅᔪᒥᑦ ᐃᖅᑲᖅᑐᐃᕕᑎᒍᑦ 1.7 ᓇᓗᓇᕈᓐᓃᕋᔭᖅᑐᖅ ᑲᔪᓯᑦᑎᑦᑎᑦᑎᐊᕐᓂᖅᑲᑦ ᖃᐅᔨᓴᖅᑎ/ᐋᖅᑮᔨ ᐊᓪᓚᕕᖏᓪᓗ. ᓴᖅᑭᖅᑕᐅᓂᖏᑦ ᑖᒃᑯᐊ ᑲᓇᑕᒥ ᐊᕕᒃᑐᖅᓯᒪᔪᓂᓪᓗ ᓄᓇᖃᖅᑳᖅᓯᒪᔪᓄᑦ ᐊᒻᒪᓗ ᐃᓄᐃᑦ ᐱᔪᓐᓇᐅᑎᖏᓐᓂ ᖃᐅᔨᓴᖅᑎ/ᐋᖅᑮᔨᒥᑦ ᐱᑕᖃᕆᐊᖃᕐᒪᑦ ᓄᓇᖃᖅᑳᖅᑐᕕᓂᕐᓄᑦ ᐊᐅᓚᑕᐅᓗᓂ ᑐᙵᕕᖃᑦᑎᐊᕐᓗᓂᓗ ᐱᔪᓐᓇᐅᑎᓕᕆᓂᕐᒥᑦ ᓯᕗᓪᓕᖅᐸᐅᑎᒋᐊᖃᕐᓂᖏᓐᓂᓪᓗ ᐊᓪᓚᐃᑦ, ᐃᓄᐃᑦ, ᐊᓪᓚᖓᔪᓪᓗ.

ᐱᖃᑕᐅᔪᑦ ᐅᖃᓚᐅᖅᑐᑦ ᑲᓇᑕ ᐱᕕᖃᕐᒪᑦ ᐱᒋᐊᕈᑎᓂᒃ ᐃᖅᑲᖅᑐᐃᕕᑎᒍᑦ 1.7 ᐆᒻᒪᑎᓪᓗᒍ ᐱᐅᔪᕐᔪᐊᖑᓗᓂ, ᓴᙱᔪᐊᓘᓗᓂ ᑲᒪᒋᔭᐅᑦᑎᐊᕈᓐᓇᕐᓗᓂᓗ. ᐅᑯᐊ ᐊᑐᖁᓕᖁᔭᐅᓯᒪᔪᑦ ᐅᖃᐅᓯᓖᑦ ᐱᓕᕆᖃᑎᒌᓚᐅᖅᑎᓪᓗᒋᑦ ᑕᒪᒃᑯᐊ ᐊᐅᓚᑦᑎᓇᓱᐊᕐᓂᐊᓗᒻᒥᑦ ᐱᑕᖃᙱᓗᓂ ᐊᐅᓚᓂᖏᓐᓂ ᓄᑖᕐᓂᑦ ᐊᓪᓚᕕᐅᔪᓂᒃ.

ᑭᓯᐊᓂᓕ, ᑲᒥᓴᓇ ᐃᒻᒥᒃᑰᖅᑐᓂᑦ ᖃᐅᔨᓴᖃᑦᑕᖅᑎᐅᔪᑦ ᐅᖃᓚᐅᖅᑐᖅ ᑕᐃᑲᓂ ᑎᑎᕋᖅᓯᒪᔪᒥᑦ 6−ᒥ ᑭᖑᓪᓕᖅᐹᖏᓐᓂ ᐅᓂᒃᑳᖏᓐᓂ^{ᑎᑎᖅᑲᖅ 26} ᐅᖃᐅᓯᓕᒃ ᐊᑐᓕᖅᑎᑕᐅᒋᐊᓖᑦ ᐊᐳᖅᑕᕈᑎᖃᖃᑦᑕᕐᓂᖏᓐᓂ, "ᐱᑕᖃᙱᓗᐊᕐᓂᙱᓐᓂ ᐅᖃᐅᓯᐅᒐᔪᑦᑐᓂᒃ ᐊᑐᓕᖁᐅᔪᓂᒃ ᐊᓯᔾᔩᖁᔨᓪᓗᑎᑦ ᐱᒋᐊᕈᑎᖃᕐᓗᑎᓪᓗ ᐊᓯᔾᔩᖁᔨᓪᓗᑎᑦ ᑕᒪᒃᑯᓂᖓ ᐅᖃᐅᓯᕐᒥᑦ ᐊᑐᖅᖢᑎᑦ "ᐊᑐᓕᖁᔭᐅᔪᑦ" ᑕᕝᕙᑦᑕᐅᑎᒋ ᑲᒪᒋᔭᐅᖁᔭᐅᒻᒪᑕ, ᐱᑕᖃᕆᐊᖃᖅᖢᑎᓪᓗ, ᐅᕝᕙᓘᓐᓃᑦ ᒪᓕᔅᓴᐃᓐᓇᕆᐊᓖᑦ." ᑕᐃᒪᐃᓐᓂᖓᓐᓄᑦ, ᐅᑯᐊ ᐊᑐᓕᖁᔭᐅᓯᒪᔪᑦ ᑐᑭᓯᔭᐅᒋᐊᓖᑦ ᑐᐊᕕᕐᓇᖅᑑᓕᕐᓂᖏᓐᓂ ᐱᒋᐊᕈᑕᐅᒋᐊᓖᑦ, ᐱᒋᐊᕈᑕᐅᓂᖅᐹᖑᖁᔭᐅᓯᒪᔪᖅ ᓯᕗᒧᐊᑉᐸᓪᓕᐊᖁᔨᓪᓗᑎᑦ ᑐᐊᕕᕐᓗᑎᑦ ᓴᖅᑮᓗᑎᑦ ᓄᑖᕐᒥᑦ ᓄᓇᖃᖅᑳᖅᑐᕕᓂᕐᓂᑦ ᐊᒻᒪᓗ ᐃᓄᐃᑦ ᐱᔪᓐᓇᐅᑎᖏᓐᓂ ᑕᑎᒋᔭᐅᔅᓴᐅᔪᒥᑦ ᑎᒥᐅᔪᒥᑦ.

ᑭᖑᓪᓕᕐᒥᑦ ᑲᒪᒋᔭᐅᓂᐊᓕᕐᒥᔪᑦ: 'ᐅᕙᒍᑦ ᑕᒪᒃᑯᐊ ᐱᓕᕆᔭᓕᒫᕗᑦ'

2024−ᒥ ᑕᓪᓕᒪᒋᓂᐊᓕᖅᑕᖓ ᓇᓪᓕᐅᓂᖅᓯᐅᕐᓂᖅ ᑲᓇᑕᒥ ᖃᐅᔨᓴᕐᓂᖅ ᑭᖑᓪᓕᖅᐹᓂ ᐅᓂᒃᑳᖅ ᐊᒻᒪᓗ ᐱᒋᐊᕈᑕᐅᖁᔭᐅᓯᒪᔪᓂᒃ ᐃᖅᑲᖅᑐᐃᕕᒃᑯᑎᒋᑦ, ᐊᒻᒪᓗ 9−ᖑᓪᑎᑦ ᐅᑭᐅᑦ ᑕᐃᒪᖓᓐᓂ ᓴᖅᑭᓚᐅᖅᓯᒪᖕᒪᑦ ᓱᓕᔪᓂᒃ ᓴᐃᒻᒪᖃᑎᒌᓐᓂᒧᓪᓗ ᑭᓪᓕᓯᓂᐊᖅᑐᑦ ᑲᓇᑕᒥ ᑭᒃᑯᑐᐃᓐᓇᕐᓂᑦ ᑲᑎᒪᑎᑦᑎᓗᑎᑦ ᐱᔾᔪᑎᖃᕐᓗᑎᑦ, ᐋᖅᑭᐅᒪᔾᔪᑎᒃᓴᖏᓐᓂᓪᓗ, ᑕᐃᒪᐃᓪᓗᐊᖅᑎᑕᐅᓯᒪᖏᓐᓂᖏᑦ ᐊᑦᑐᖅᑕᐅᓯᒪᔪᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓂᕕᐊᖅᓯᐊᓪᓗ ᐱᒋᐊᕈᑕᐅᓯᒪᔪᖅ ᑖᓐᓇ 41. ᐱᒋᐊᕈᑕᐅᓯᒪᔪᖅ ᐃᖅᑲᖅᑐᐃᕕᒃᑯᑦ 1.7 ᐋᖅᑭᐅᒪᔾᔪᑕᐅᓇᓱᐊᕐᒪᑦ, ᐃᓕᓴᕆᓗᒋᑦ ᐃᓚᒌᑦ ᐊᓐᓇᐅᒪᓯᒪᔪᓪᓗ ᐊᑐᓕᖁᔭᐅᓪᓗᑎᑦ ᐊᕐᕌᒍᓂᑦ ᖄᖐᒃᑲᓐᓂᓚᐅᙱᓐᓂᖏᓐᓂ.

ᐱᓕᕆᖃᑎᒌᓐᓂᒃᑯᑦ ᑕᒪᑐᒥᖓ ᐱᒋᐊᕈᑕᐅᖁᔭᐅᔪᒥᑦ ᐃᖅᑲᖅᑐᐃᕕᒃᑯᑦ 1.7, ᐊᓪᓚᐃᑦ, ᐃᓄᐃᑦ ᐊᓪᓚᖓᔪᓪᓗ ᐱᓕᕆᖃᑎᒌᓪᓗᑎᑦ ᐊᒃᓱᕉᑕᐅᔪᓂᒃ ᐃᓕᖅᑯᓯᐅᔪᓂᒃ ᑲᒪᖁᔭᐅᓕᕐᓗᑎᑦ ᑲᓇᑕᒥ ᑲᔪᓯᖃᑦᑕᖅᓯᒪᙱᑦᑎᐊᕐᒪᑕ ᐊᓯᖏᑦ ᐋᖅᑭᓱᖅᓯᒪᔫᒐᓗᐊᑦ ᓄᓇᖃᖅᑳᖅᑐᕕᓂᓕᕆᑎᓪᓗᒋᑦ. ᑕᒪᓐᓇ ᐱᒋᐊᕈᑕᐅᖁᔭᐅᔪᖅ ᐃᖅᑲᖅᑐᐃᕕᒃᑯᑎᒍᑦ 1.7 ᐊᑐᓕᖅᑎᑕᐅᕙᓪᓕᐊᓕᕐᒪᑦ, ᐱᓕᕆᖃᑎᖃᕐᓗᑎᑦ ᐊᓯᖏᓐᓂᑦ ᑲᔪᓯᖃᑎᖃᕐᓗᓂ ᐱᒋᐊᕈᑎᖃᕐᓗᑎᑦ ᐃᖅᑲᖅᑐᐃᕕᓕᕆᓂᕐᒥᑦ. ᐱᓕᕆᔪᒪᓂᖏᓐᓂ ᐊᑐᓕᖅᑎᓪᓗᒋᑦ ᐱᒋᐊᕈᑕᐅᔪᒪᔪᓂᒃ ᐃᖅᑲᖅᑐᐃᕕᑎᒋᑦ ᒪᓕᒃᑎᐊᕆᐊᖃᕐᒪᑕ ᒐᕙᒪᑐᖃᒃᑯᓐᓂ, ᑲᓇᑕᒥ ᐊᕕᒃᑐᖅᓯᒪᔪᓂᒃ, ᐅᑭᐅᖅᑕᖅᑐᒥᓗ ᒫᓇᐅᔪᖅ ᖃᓂᒪᓐᓈᓘᓚᐅᖅᑐᒥᑦ, ᑕᕝᕙᐅᑦᑕᐅᑎᒋᐅᔫᒥᔪᖅ, ᓱᒃᑲᓕᔪᒥᑦ ᑐᐊᕕᕐᓇᖅᑐᒥᓪᓗ.