ᐆᒪᔪᕐᓯᐅᕐᓂᕐᒧᑦ ᐃᑲᔪᕈᑎᒃᓴᐃᑦ ᐃᓄᓐᓂᒃ ᐃᑲᔪᕈᑏᑦ ᐊᑐᕐᓂᑦᑎᓐᓂᒃ ᓄᕙᓐᓇᕐᔪᐊᒥ COVID-19,ᒥᒃ
ᓄᑖᑦ ᑐᓴᕋᒃᓴᐃᑦ
ᓴᖅᑭᑕᐅᑦᓴᐅᑎᒋᔪᑦ
ᔪᓚᐃ 23, 2020 — ᐋᑐᕗᐊ, ᐋᓐᑎᐊᕆᐅ — ᒐᕙᒪᑐᖃᒃᑯᑦ-ᓄᓇᖃᖅᑳᕐᓯᒪᔪᓪᓗ ᐱᓕᕆᖃᑎᒌᓐᓂᐊ ᐊᒻᒪ ᐃᓄᓕᕆᔨᑐᖃᒃᑯᑦ
ᐊᕐᕕᐊᓂ, ᓄᓇᕗᒻᒥ, ᐊᖑᓇᓱᑉᐸᑦᑐᓄᑦ ᑮᓇᐅᔭᐃᑦ ᐃᑲᔪᕈᑏᑦ ᐊᒻᒪ ᒪᒃᑯᑦᑐᑦ ᐆᒪᔪᕐᓯᐅᕐᐸᑦᑐᑦ ᐃᑲᔪᕐᑕᐅᔾᔪᑎᒃᓴᖏᑦ ᐋᖅᑭᒃᓱᕐᑕᐅᕙᓪᓕᐊᔪᑦ ᐊᑐᕐᓂᐊᕐᑎᓪᓗᒋᑦ ᐸᕐᓇᕐᓂᕐᒧᑦ ᓯᓚᐅᑉ ᐊᓯᔾᔨᕐᐸᓪᓕᐊᓂᐊᓄᑦ, ᐊᑲᐅᓯᑎᑦᓯᒋᐊᕐᓂᒃᑯᓪᓗ ᓂᕿᖃᑦᓯᐊᕆᐊᖃᓂᕐᒥᒃ ᐊᒻᒪ ᓄᓇᓖᑦ ᖃᓄᐃᖏᑦᓯᐊᕐᑐᒃᑰᕆᐊᖃᓂᖏᓐᓂᒃ ᐊᒻᒪ ᑐᓴᐅᒪᐅᑎᓂᒃᑯᑦ.
ᐅᓪᓗᒥ, ᓂᕈᐊᕐᑕᐅᓯᒪᔪᖅ ᑕᓂᐊᓪ ᕙᓐᑕᓪ, ᒥᓂᔅᑕ ᐃᓄᓕᕆᔨᑐᖃᒃᑯᓐᓄᑦ ᑲᑎᓯᒍᓐᓇᓚᐅᕐᒪᑦ ᐱᓕᕆᐊᒃᓴᓄᑦ ᐱᓕᕆᔪᓂᒃ, ᓄᓇᓕᓐᓂ ᐃᓄᑐᖃᕐᓂᒃ ᐊᒻᒪ ᑭᒡᒐᕐᑐᕐᑎᓂᒃ ᐋᖅᑭᐅᒪᕕᐅᑉ ᑲᑐᔾᔨᖃᑎᒌᖏᓐᓂᑦ, ᓄᓇᕗᑦ ᑐᓐᖓᕕᒃ, ᐃᓄᐃᑦ ᑕᐱᕇᑦ ᑲᓇᑕᒥ ᑐᓴᕐᑎᑕᐅᖁᓪᓗᒋᑦ ᑕᒪᒃᑯᐊ ᐱᓕᕆᐊᖑᔪᑦ ᐱᒻᒪᕆᐅᓂᖏᓐᓂᒃ ᓄᓇᓕᓐᓄᑦ ᐊᑐᕐᑕᐅᒐᓗᐊᕐᑎᓪᓗᒍ ᓄᕙᓐᓇᖅ, COVID-19.
ᑲᓇᑕᐅᑉ ᒐᕙᒪᖏᑦ ᐃᑲᔪᕐᓯᒻᒪᑕ ᓄᓇᓕᓐᓂ-ᑲᒪᒋᔭᐅᔪᓂᒃ ᐃᑲᔪᕈᑎᒃᓴᓂᒃ, ᐊᒻᒪ ᑕᒪᒃᑯᐊ ᐃᑲᔪᕐᓂᖃᕐᓱᑎᒃ ᐃᓄᓐᓄᑦ ᐆᒪᔪᕐᓯᐅᕐᑎᓄᑦ ᐊᑐᖏᓐᓇᖁᓪᓗᒋᑦ ᐱᖅᑯᓯᑐᖃᒥᓂᒃ ᓄᓇᒥ, ᐊᒻᒪ ᒪᒃᑯᑦᑐᓂᒃ ᐃᓕᓴᐃᓪᓗᑎᒃ ᐱᒋᐅᕐᓴᕐᓂᒃᑯᑦ ᐊᒻᒪ ᐱᒻᒪᕆᐅᔪᓂᒃ ᖃᐅᔨᒪᓂᖃᕐᓱᑎᒃ ᖃᓄᖅ ᓯᓚᐅᑉ ᐊᓯᔾᔨᕐᐸᓪᓕᐊᓂᐊ ᐊᒃᑐᐃᓂᖃᒪᖔᑦ.
ᑲᓇᑕᐅᑉ ᒐᕙᒪᖏᑕ ᐆᒪᔪᕐᓯᐅᕐᑎᓄᑦ ᑮᓇᐅᔭᑦ ᐃᑲᔪᕈᑎᖏᑦ, ᐅᖃᐅᓯᕆᔭᐅᓯᒪᔪᑦ ᐊᐃᕆᓕ 14, 2020,ᒥ, ᐋᖅᑭᒃᑕᐅᓯᒪᑎᓪᓗᒋᑦ ᐱᓕᕆᖃᑎᖃᓂᒃᑯᑦ ᐃᓄᓐᓂᒃ ᐊᑲᐅᓯᑎᑦᓯᒋᐊᕈᑕᐅᖁᓪᓗᒋᑦ ᓂᕿᖃᑦᓯᐊᕐᓂᕐᒧᑦ ᐊᒻᒪ ᐊᑭᑭᓐᓂᕐᓴᐅᑎᑦᓯᒋᐊᕐᓂᕐᒧᑦ ᐆᒪᔪᕐᓯᐅᕈᓯᕐᓂᒃ.
ᑕᒪᓐᓇ ᐱᓕᕆᖃᑎᒌᑦᓯᐊᕐᓂᖅ ᐊᑐᕐᓱᒍ, ᑮᓇᐅᔭᐃᑦ ᐊᑐᕐᑕᐅᔪᒃᓴᐃᑦ ᐆᒪᔪᕐᓯᐅᕐᓂᕐᒧᐊᖓᓗᑎᒃ, ᐊᒻᒪ ᓄᓇᓕᓐᓂ ᐃᓱᒪᒃᓴᕐᓯᐅᕈᑕᐅᓗᑎᒃ-ᐃᓱᒪᓕᐅᕈᑕᐅᓗᑎᒃ ᖁᕕᐊᑦᑕᐅᑎᖃᕈᓐᓇᕐᓂᕐᒧᑦ ᐆᒪᔪᕐᓯᐅᕐᓂᒃᑯᑦ. ᐃᒃᐱᒍᓱᑦᓯᐊᕈᑕᐅᔪᑦ ᐱᔪᓐᓇᐅᑎᖃᓂᖏᓐᓂᒃ ᐆᒪᔪᕐᓯᐅᕐᓂᕐᒧᑦ ᐃᓄᐃᑦ ᐊᒻᒪ ᐱᒻᒪᕆᐅᓂᐊᓂᒃ ᑲᔪᓯᑎᑦᓯᒋᐊᓪᓚᒋᐊᖅ ᐊᑲᐅᓈᕐᓂᕐᓴᐅᔪᒃᑯᑦ ᓂᕿᖃᑦᓯᐊᕈᓐᓇᕐᓂᕐᒧᑦ ᐊᒻᒪ ᐱᒻᒪᕆᐅᒻᒪᑦ ᑲᒪᒋᐊᓕᕐᓗᓂᒃ ᓂᕿᖃᑦᓯᐊᕆᐊᖃᓂᐊᓂᒃ ᐃᓄᐃᑦ ᓄᓇᖓᓂ.
ᐊᕐᕌᒍᒋᔭᕗᑦ ᐱᒋᐊᕐᓯᒪᓕᕐᑎᓪᓗᒍ, ᑲᓇᑕᐅᑉ ᒐᕙᒪᒃᑯᖏᑦ ᑐᓴᕐᑎᑦᓯᓚᐅᕐᑐᑦ ᐃᑲᔪᕐᓯᓂᕐᒥᓂᒃ ᐋᖅᑭᐅᒪᕕᒃᑯᓐᓂᒃ ᒪᒃᑯᑦᑐᑦ ᐃᓕᓴᕐᐸᓐᓂᖏᑎᒍᑦ ᐆᒪᔪᕐᓯᐅᕐᓂᕐᒥᒃ ᐃᑲᔪᕐᑕᐅᔾᔪᑎᖏᓐᓂᒃ. ᓄᓇᓕᓐᓂ-ᑲᔪᓯᑎᑕᐅᓪᓗᑎᒃ ᐱᓕᕆᐊᒃᓴᐃᑦ ᐱᓇᓱᐊᖃᑎᖃᓱᒃ ᐃᓄᑐᖃᓂᒃ ᑎᑎᕋᕐᐸᓪᓕᐊᔪᑦ ᖃᐅᔨᒪᔭᑐᖃᖏᓐᓂᒃ ᐊᒻᒪ ᐱᓕᒻᒪᒃᓴᐅᑎᒃᓴᓂᒃ ᒪᒃᑯᑦᑐᓄᑦ ᐆᒪᔪᕐᓯᐅᕐᑎᐅᑦᓯᐊᕐᓂᕐᒧᑦ. ᒪᒃᑯᑦᑐᓄᑦ ᐆᒪᔪᕐᓯᐅᕐᑎᓄᑦ ᐃᑲᔪᕈᑏᑦ ᐊᑐᕐᒪᑕ ᒪᒃᑯᑦᑐᓄᑦ, ᐊᕐᕌᒍᓕᓐᓄᑦ 8,ᓂᑦ 18,ᓄᑦ, ᐃᓕᓴᕐᑕᐅᓗᑎᒃ ᐃᓄᑐᖃᓄᑦ ᐱᒋᐅᕐᓴᕐᓂᕐᒥᒃ ᐊᒻᒪ ᐋᖅᑭᒃᓱᐃᓗᑎᒃ ᐃᓕᓴᐅᑎᒃᓴᓂᒃ ᐊᒻᒪ ᖃᐅᔨᒪᓂᕐᓂᒃ ᐅᖃᐅᓯᖃᓂᒃᑯᑦ ᖃᐅᔨᓴᕐᓂᒃᑯᑦ ᐊᒻᒪ ᐃᓕᓐᓂᐊᕐᓂᒃᑯᑦ ᓱᖏᐅᓴᕆᐊᖃᓂᕐᒧᑦ ᓯᓚᐅᑉ ᐊᓯᔾᔨᕐᐸᓪᓕᐊᓂᐊᓄᑦ.
ᑲᑐᔾᔨᓂᒃᑯᑦ, ᐆᒪᔪᕋᓱᑦᑎᐅᓂᕐᒧᑦ ᐃᑲᔪᕈᑏᑦ ᑮᓇᐅᔭᑦ ᐊᒻᒪ ᒪᒃᑯᑦᑐ ᐆᒪᔪᕐᓯᐅᕐᑎᐅᓂᕐᒧᑦ ᐃᑲᔪᕐᑕᐅᔾᔪᑎᒃᓴᖏᑦ ᐃᑲᔪᕐᓂᖃᒪᑕ ᐃᓄᓐᓂᒃ ᓄᓇᓕᓐᓂ. ᑲᓇᑕᒥ ᒐᕙᒪᐃᑦ ᓂᕆᐅᓐᓂᖃᕐᐳᑦ ᐃᑲᔪᕐᓯᖏᓐᓇᕆᐊᖅ ᑕᒪᒃᑯᓂᖓ ᐊᒻᒪ ᐊᓯᖏᓐᓂᒃ ᓄᓇᓕᓐᓂ-ᑲᔪᓯᑎᑕᐅᒍᓐᓇᕐᑐᓂᒃ ᐃᑲᔪᕈᑎᒃᓴᓂᒃ.
ᐅᖃᐅᓯᕕᓃᑦ
"ᐃᑲᔪᕈᑎᒃᓴᐃᑦ ᓲᕐᓗ ᐊᖑᓇᓱᑦᑎᓄᑦ ᑮᓇᐅᔭᐃᑦ ᐊᒻᒪ ᒪᒃᑯᑦᑐᓄᑦ ᐊᖑᓇᓱᑦᑎᓄᑦ ᐃᑲᔪᕈᑏᑦ ᑐᑭᓯᐊᒍᑕᐅᕙᓪᓕᐊᒻᒪᑕ ᓯᓚᐅᑉ ᐊᓯᔾᔨᕐᐸᓪᓕᐊᓂᐊᑕ ᒥᒃᓵᓄᑦ, ᐃᓕᓴᐃᓪᓗᑎᓪᓗ ᒪᒃᑯᑦᑐᓂᒃ ᐱᖅᑯᓯᑐᖃᐃᑦ ᐊᒻᒪ ᐃᓕᖅᑯᓯᖏᑕ ᒥᒃᓵᓄᑦ, ᐸᕐᓇᓐᓂᒃᑯᓪᓗ ᓄᓇᓕᓐᓂ, ᑲᔪᖏᕐᓱᐃᓂᒃᑯᓪᓗ ᐊᑲᐅᖏᓈᕐᑐᓂᒃ, ᐊᑲᐅᓂᕐᓴᒧᓪᓗ ᐊᓯᔾᔨᕐᓂᒃᑯᑦ. ᐅᓪᓗᒥ, ᐅᖃᓕᒪᖃᑎᖃᕈᓐᓇᖅᑲᐅᕗᖓ ᑭᒡᒐᕐᑐᕐᑎᓂᒃ ᑕᒪᐃᓐᓂᑦ ᐆᒪᔪᕐᓯᐅᕐᑏᑦ ᐃᑲᔪᓯᐊᖏᑕ ᒥᒃᓵᓄᑦ ᐊᒻᒪ ᒪᒃᑯᑦᑐᓄᑦ ᐆᒪᔪᕐᓯᐅᕐᑎᓄᑦ ᑐᕌᖓᔪᓂᒃ ᐱᔾᔪᑎᖃᕐᑐᓂᒃ ᖃᓄᖅ ᓄᓇᓖᑦ-ᑲᒪᒋᔭᖏᑦ ᐃᑲᔪᕈᑕᐅᓯᒪᒻᒪᖔᑕ ᐃᓄᓐᓄᑦ ᐊᒻᒪ ᐃᓚᒌᓄᑦ ᐊᑐᕐᑎᓪᓗᒍ ᓄᕙᓐᓇᖅ COVID-19 ᓇᓂᑐᐃᓐᓇᖅ."
"ᓂᕿᖃᑦᓯᐊᖏᓐᓂᖅ ᐊᕐᓱᕈᕈᑕᐅᓯᒪᕐᔪᐊᕐᒪᑦ ᐃᓅᓯᕐᒥ ᖃᓄᐃᖏᑦᓯᐊᕋᓱᐊᕐᓂᒃᑯᑦ ᐊᒻᒪ ᐱᕈᖅᐸᓪᓕᐊᓂᒃᑯᑦ, ᐊᒻᒪ ᐊᑦᑐᐃᓂᖃᒻᒪᕆᑦᓱᓂ ᐊᓯᖏᑎᒍᑦ ᐃᓅᓯᕐᒧᑦ ᐊᒻᒪ ᑮᓇᐅᔭᓕᐅᕐᓂᒃᑯᑦ ᐱᕕᒃᓴᖃᖏᓗᐊᕐᓂᖏᓐᓄᑦ ᐃᓄᐃᑦ. ᐊᖑᓇᓱᑦᑎᓄᑦ ᐃᑲᔪᕈᑎᒃᓴᐃᑦ ᑮᓇᐅᔭᐃᑦ ᐊᑲᐅᓈᕐᒪᑕ ᐊᒻᒪ ᑐᕌᖓᓪᓗᑎᒃ ᐃᓄᓐᓄᑦ ᐊᑐᕐᑕᐅᓂᐊᕐᑎᓪᓗᒋᑦ. ᐃᓄᐃᑦ, ᐊᖅᑯᑎᖃᕐᓱᑎᒃ ᐃᓄᐃᑦ ᑲᓇᑕᒥ ᑕᐱᕇᒃᑯᒃᑯᑦ ᐃᓄᓐᓄᑦ ᓂᕿᓕᕆᓂᕐᒧᑦ ᑲᑎᒪᔨᖏᓐᓂᒃ, ᐊᑯᓂᒻᒪᕆᒃ ᐋᖅᑭᒃᓱᐃᒋᐊᓪᓚᑦᓯᒪᔪᑦ ᐃᑲᔪᕈᑎᒃᓴᓂᒃ ᐊᒻᒪ ᑐᓐᖓᕕᒃᓴᓂᒃ ᓂᕿᓕᕆᓂᕐᒧᑦ. ᑮᓇᐅᔭᐃᑦ $28.6 ᒥᓕᐊᓐ ᑐᕌᖓᔪᖅ ᐊᕐᕌᒍᓄᑦ ᑕᓪᓕᒪᓄᑦ ᓴᖅᑭᑕᐅᓯᒪᔪᑦ ᑐᕌᖓᑎᓪᓗᒋᑦ ᐊᕕᑦᑐᕐᓯᒪᓂᑎᒍᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᓴᖅᑭᑎᑦᓯᒍᑎᒋᓂᐊᕐᓗᒋᑦ ᐱᓕᕆᐊᒃᓴᓂᒃ ᐃᑲᔪᕈᑕᐅᓂᐊᕐᓗᑎᒃ ᖃᓄᐃᖏᑦᓯᐊᕆᐊᖃᓂᖏᓐᓄᑦ ᐃᓚᒌᑦ ᐊᒻᒪ ᓄᓇᓖᑦ."
"ᐆᒪᔪᕐᓯᐅᕐᑎᓄᑦ ᐃᑲᔪᕈᑎᒃᓴᐃᑦ ᑮᓇᐅᔭᐃᑦ ᑎᒍᓯᒪᓕᑕᐃᓐᓇᕋᑦᑎᒍ ᐊᒻᒪ ᑐᓐᖓᓱᑦᑎᑦᓯᐊᕐᑕᕗᑦ. ᐆᒪᔪᕐᓯᐅᕐᑎᓄᑦ ᐃᑲᔪᕈᑎᒃᓴᐃᑦ ᑮᓇᐅᔭᐃᑦ ᑲᓇᑕᐅᑉ ᒐᕙᒪᖏᑕ ᐃᓕᑕᕐᓯᒍᑎᒋᒻᒪᒋᑦ ᐱᒻᒪᕆᐅᓂᖏᓐᓂᒃ ᐃᓄᓐᓄᑦ ᐊᖑᓇᓱᑦᑎᓄᑦ ᐊᒻᒪ ᐊᖑᓇᓱᑦᑏᑦ ᑲᔪᓯᑎᑦᓯᖏᓐᓇᕆᐊᖃᓂᖏᓐᓄᑦ ᐆᒪᔪᕐᓯᐅᕐᓂᕐᒥᒃ ᐃᓅᒐᓱᐊᕈᑎᒋᓗᒍ ᓄᓇᕗᒻᒥ. ᑭᓯᐊᓂ ᑕᒪᒃᑯᐊᖑᒐᓗᐊᕐᑎᓪᓗᒋᑦ ᐊᓯᖏᓐᓂᒃ ᐱᔭᒃᓴᖃᒥᔪᒍᑦ, ᐃᒫᖑᒻᒪᑦ ᑕᒪᕐᒥᑲᓴᑦᓯᐊᑦ ᐃᓪᓗᖃᕐᑐᑦ ᓂᕿᓂᒃ ᐊᔪᕐᓴᖃᑦᑕᕐᓯᒪᒻᒪᑕ."
"ᒪᒃᑯᑦᑐᓄᑦ ᐊᖑᓇᓱᑦᑎᓄᑦ ᐃᑲᔪᕈᑎᒃᓴᐃᑦ ᑲᒪᒍᑎᒋᕙᒻᒪᒋᑦ ᓯᓚᐅᑉ ᐊᓯᔾᔨᕐᐸᓪᓕᐊᓂᐊᓂᒃ ᐊᒻᒪ ᖃᓄᖅ ᐃᓄᐃᑦ ᐊᒃᑐᕐᑕᐅᓂᖃᒪᖔᑕ ᐊᓯᔾᔨᕐᐸᓪᓕᐊᓂᐊᓄᑦ; ᒪᒃᑐᑦᓄᑦ ᐊᖑᓇᓱᑦᑎᓄᑦ ᐃᑲᔪᕈᑏᑦ ᑐᓐᖓᕕᖃᕐᑐᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑐᓐᖓᕕᒋᓪᓗᒋᑦ ᐊᕙᑎᒥ ᑲᒪᑦᓯᐊᕐᓂᕐᒧᑦ, ᐱᓕᕆᖃᑎᒌᓐᓂᒃᑯᑦ, ᖃᓄᕐᑑᖃᑎᒌᓐᓂᒃᑯᑦ, ᐊᒻᒪ ᐱᔨᑦᕋᓂᒃᑯᑦ; ᐃᑲᔪᕐᓂᒃᑯᑦ ᐊᓯᒥᓂᒃ. ᐊᑐᕐᓗᒍ ᓂᕆᖃᑎᒌᓐᓂᖅ ᓂᕿᑐᐃᓐᓇᕐᓂᒃ ᐃᓕᓐᓂᐊᓯᖏᓐᓇᕐᓗᑎᒃ ᓄᓇᓕᓐᓂ ᓂᕿᓂᒃ ᐊᔪᕐᓇᖏᓐᓂᕐᓴᐅᓂᕐᒧᑦ ᐃᑲᔪᕐᓂᖃᒪ."
ᓱᓕᔪᑦ
- ᐃᐳᓪ 2020,ᒥ, ᑲᓇᑕᐅᑉ ᒐᕙᒪᖏᑦ ᓴᖅᑭᑦᓯᓚᐅᕐᑐᑦ $40 ᒥᓕᐊᓂᒃ ᑐᕌᖑᔪᓂᒃ ᑕᓪᓕᒪᓄᑦ ᐊᕐᕌᒍᓄᑦ, ᐊᒻᒪ $8 ᒥᓕᐊᓂᒃ ᐊᕐᕌᒍᑕᒫᒧᐊᖓᔪᓂᒃ, ᑐᓂᓪᓗᒋᑦ ᓄᓇᖃᖅᑳᕐᓯᒪᔪᑦ ᒐᕙᒪᖏᓐᓄᑦ ᐊᒻᒪ ᑲᑐᔾᔨᖃᑎᒌᖑᔪᓄᑦ ᑲᓇᑕᐅᑉ ᐅᑭᐅᕐᑕᕐᑐᐊᓂ ᐃᑲᔪᕈᑕᐅᓂᐊᕐᑎᓪᓗᒋᑦ ᐊᖑᓇᓱᑎᓄᑦ ᐃᑲᔪᕈᑎᒃᓴᐃᑦ ᑮᓇᐅᔭᑦ.
- ᐃᓕᑕᕐᓯᓯᒪᒐᒥᒃ ᐊᑐᓂᑦ ᓄᓇᓖᑦ ᐊᔾᔨᒌᓪᓚᕆᖏᑦᑐᓂᒃ ᑭᓐᖑᒪᔭᖃᒪᑕ ᐊᖑᓇᓱᓐᓂᕐᒧᑦ ᐃᑲᔪᕐᑕᐅᔾᔪᑎᒃᓴᓂᒃ ᐊᒻᒪ ᓯᕗᓪᓕᐅᔭᐅᖁᔭᖏᑦ ᐊᔾᔨᒌᓐᓇᑎᒃ, ᓄᓇᖃᖅᑳᕐᓯᒪᔪᑦ ᒐᕙᒪᖏᑦ ᐊᒻᒪ ᑎᒥᐅᔪᑦ ᐊᔪᖏᓐᓂᖃᕐᐳᑦ ᐃᓱᒪᓕᐅᕈᑎᖃᕆᐊᖅ ᐊᑲᐅᓂᕐᐸᐅᒋᐊᕐᑐᓂᒃ ᐃᑲᔪᕈᑎᒃᓴᓂᒃ ᓄᓇᓕᒥᒍᑦ ᑮᓇᐅᔭᑎᒍᑦ ᐃᑲᔪᕈᑎᒃᓴᓂᑦ.
- ᒪᒃᑯᑦᑐᓄᑦ ᐊᖑᓇᓱᑦᑎᓄᑦ ᐃᑲᔪᕈᑏᑦ ᑕᐃᔭᐅᔪᑦ ᐅᔾᔨᕐᓱᐃᓂᖅ ᑲᔪᓯᑎᑕᐅᒻᒪᑕ ᐋᖅᑭᐅᒪᕕᒻᒧᑦ ᐊᕐᕕᐊᓂ. ᑲᑐᑎᔭᐅᓪᓗᑎᒃ ᐃᑲᔪᕐᓯᔭᐅᔪᑦ ᓯᓚᐅᑉ ᐊᓯᔾᔨᕐᐸᓪᓕᐊᓂᐊᓄᑦ ᐸᕐᓇᐃᒍᑎᓕᕆᓂᕐᒧᑦ ᐅᑭᐅᕐᑕᕐᑐᒥ ᐊᒻᒪ ᓄᓇᓕᓐᓂ ᑲᔪᓯᑎᑕᐅᔪᓄᑦ ᓯᓚᓕᐱᕆᓂᕐᒧᑦ ᑐᓂᔭᐅᓯᒪᔪᑦ ᐃᓄᓕᕆᔨᑐᖃᖃᒃᑯᓐᓂᑦ ᑲᓇᑕᒥ, (CIRNAC), ᐊᒻᒪ ᓯᓚᐅᑉ ᐊᓯᔾᔨᕐᐸᓪᓕᐊᓂᐊᓄᑦ ᐊᒻᒪ ᓱᖏᐅᑎᒋᐊᖃᓂᕐᒧᑦ ᐱᓕᕆᐊᒃᓴᓄᑦ ᑲᓇᑕᐅᑉ ᐃᓄᓕᕆᔨᑐᖃᒃᑯᖏᓐᓂᖓᕐᑐᑦ.
- $412,062 ᐊᕐᕌᒍᓄᑦ ᐱᖓᓱᓄᐊᖓᔪᑦ 2018-2021 ᐊᑐᐃᓐᓇᕈᕐᑎᓯᒪᔭᖏᑦ ᐅᑯᐊ CIRNAC's ᓯᓚᐅᑉ ᐊᓯᔾᔨᕐᐸᓪᓕᐊᓂᐊᓄᑦ ᐸᕐᓇᐃᓂᕐᒧᑦ ᐅᑭᐅᕐᑕᕐᑐᒥ ᐱᓕᕆᐊᑎᒍᑦ.
- $375,000 ᐊᕐᕌᒍᓄᑦ ᐱᖓᓱᓄᐊᖓᔪᑦ 2018-2021 ᐊᑐᐃᓐᓇᕈᑎᑕᐅᓯᒪᔪᑦ ᐅᑯᑎᒍᓇ CIRNAC ᓄᓇᖃᖅᑳᕐᓯᒪᔪᑦ ᓄᓇᓕᓐᓂ ᑲᔪᓯᑎᑕᖏᓐᓄᑦ ᓯᓚᓕᕆᓂᐅᑉ ᒥᒃᓵᓄᑦ;
- $439,954.00 ᐅᖓᑖᓄᑦ ᐊᕐᕌᒍᑦ ᑎᓴᒪᑦ 2018-2022 ᐊᑐᐃᓐᓇᕈᕐᑎᑕᐅᔪᑦ ᓯᓚᓕᕆᓂᒃᑯᑦ ᐊᒻᒪ ᓱᖏᐅᑎᕙᓪᓕᐊᔪᒃᓴᐅᓂᕐᒧᑦ ᐱᓕᕆᐊᑎᒍᑦ.
ᐊᓯᖏᑦ
ᐱᑐᕕᐅᔪᓐᓇᕐᑐᑦ
ᑐᑭᓯᒋᐊᒃᑲᓐᓂᕈᒪᔪᖃᕈᓂ, ᐅᖃᕐᕕᒋᓗᒋᑦ ᐅᑯᐊ:
ᐊᓕᓴᓐ ᓴᐃᑦ ᔨᓐ, Allison St.Jean
ᑐᓴᒐᒃᓴᓂᐊᕐᑎ
ᐊᓪᓚᕕᐊ ᑕᓂᐊᓪ ᕙᓐᑕᓪ, Daniel Vandal
ᒥᓂᔅᑕ ᐅᑭᐅᕐᑕᕐᑐᒥᐅᑕᓕᕆᓂᕐᒧᑦ
819-953-1153
ᑐᓴᒐᒃᓴᓂᐊᕐᑏᑦ
ᒐᕙᒪᑐᖃᒃᑯᑦ-ᓄᓇᓕᑐᖃᑦᓴᔭᐃᓪᓗ ᐱᓕᕆᖃᑎᒌᓐᓂᐊᒍᑦ ᐊᒻᒪ ᐃᓄᓕᕆᔨᑐᖃᒃᑯᑦ
819-934-2302
RCAANC.media.CIRNAC@canada.ca
ᑐᓴᐅᒪᖃᑎᒌᑦᑐ
ᐃᓚᐅᒋᑦ ᐅᖃᖃᑎᒌᒍᑎᖃᓂᕐᒧᑦ ᐅᑭᐅᕐᑕᕐᑑᑉ ᒥᒃᓵᓄᑦ.
Twitter: GovCan_North
ᖃᕆᑕᐅᔭᒃᑯᑦ, Facebook: GovCan – North
ᑐᒃᓯᕋᕈᓐᓇᕆᕗᑎᑦ ᑐᓴᒐᒃᓴᓂᒃ ᐊᒻᒪ ᐅᖃᐅᓯᕕᓂᕐᓂᒃ ᐅᕘᓇ RSS feeds. ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐅᕝᕙᓘᓐᓃᑦ ᑐᒃᓯᕋᕈᒪᒍᕕᑦ, ᐅᓇ ᑕᑯᒋᐊᕐᓗᒍ www.cirnac.gc.ca/RSS
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: