ᒪᒃᑯᒃᑐᐃᑦ ᐊᖑᓇᓱᒃᑏᑦ ᐱᓕᕆᐊᖑᔪᑦ ᐊᑐᐃᓐᓇᐅᑎᑦᑎᔪᖅ ᐱᔪᒥᓇᖅᑐᓂᑦ

ᑐᓴᒐᒃᓴᕈᖅᑎᑕᐅᓯᒪᔪᖅ

ᓴᖅᑭᑕᐅᑲᐅᑎᒋᔭᕆᐊᓕᒃ

ᕖᕝᕗᐊᕆ 13, 2020 — ᐊᕐᕕᐊᑦ, ᓄᓇᕗᑦ — ᒐᕙᒪᑐᖃᒃᑯᑦ ᑲᓇᑕᒥ

ᐅᑭᐅᖅᑕᖅᑐᒥ ᓄᓇᓖᑦ ᐊᒃᑐᖅᑕᐅᓯᒪᓪᓚᕆᓕᕐᒪᑕ ᓯᓚᐅᑉ ᐊᓯᔾᔨᕐᓂᖓᓐᓄᑦ ᖃᐅᑕᒫᑦ ᐃᓅᓯᕐᒥᓂᒃ ᐊᒻᒪᓗ ᐃᓄᐃᑦ ᒪᒃᑯᒃᑐᐃᑦ ᑕᒪᑐᒥᖓ ᓯᕗᒃᑲᖅᑕᐃᓂᐊᕐᒪᑕ ᓯᕗᓂᑦᑎᓐᓂ ᐊᒻᒪᓗ ᐊᕙᑎᑦᑎᓐᓂ. ᐊᕐᕕᐊᓂᑦ, ᓄᓇᕗᒻᒥ, ᐃᓄᐃᑦ ᐃᓄᒋᐊᖕᓂᖏᑦ 2500, 35%−ᖑᓗᐊᖅᖢᑎᑦ ᐅᑭᐅᓖᑦ 15 ᐊᑖᓂ, ᐊᔾᔨᐅᖏᑦᑐᓂᑦ ᖃᓄᐃᑦᑑᖓᓕᕐᒪᑦ.

ᐃᑲᔪᖅᑐᖅᑕᐅᓪᓗᑎᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ, ᐊᖅᑭᐅᒪᕝᕕᒃ ᓴᓴᐃᔭᑎᒃᑯᑦ ᐋᖅᑭᖅᑕᐅᓯᒪᔪᑦ ᐊᒻᒪᓗ ᐊᑐᐃᓐᓇᕈᖅᑎᑦᑎᓯᒪᓪᓗᑎᑦ ᐃᑲᔫᑎᒃᓴᓂᑦ ᐃᓄᖕᓄᑦ ᒪᒃᑯᒃᑐᓄᑦ ᖃᐅᔨᓴᕐᓗᑎᑦ ᓄᓇᓕᖕᓂ ᐊᑦᑐᖅᑕᐅᓯᒪᔪᓄᑦ ᓯᓚ ᐊᓯᔾᔨᖅᓯᒪᓂᖓᓐᓄᑦ, ᐃᑲᔪᕐᓗᒋᓪᓗ ᓄᓇᕗᒻᒥᐅᑦ ᐊᒃᑐᖅᑕᐅᓯᒪᓂᖏᓐᓄᑦ ᒫᓐᓇ ᐊᑐᖅᑕᐅᓕᕇᖅᖢᓂᑦ, ᐊᒻᒪᓗ ᓴᐳᒻᒥᓗᑎᑦ ᓯᕗᓂᑦᑎᓐᓄᑦ. ᓄᓇᓕᖕᓂᑦ ᑕᒪᓐᓇ ᐊᐅᓚᑕᐅᒐᔭᖅᑐᖅ ᐃᓄᖕᓄᑦ ᐱᒋᐊᖅᑎᑦᑎᓗᑎᑦ ᑕᒪᒃᑯᓄᖓ ᒪᒃᑯᒃᑐᓂᑦ ᐊᖑᓇᓱᒋᐊᕐᓂᕐᒧᑦ ᐃᑲᔫᑎᓂᑦ.

ᒪᒃᑯᒃᑐᑦ ᐊᖑᓇᓱᒃᑎᓄᑦ ᐃᑲᔫᑏᑦ ᐱᒋᐊᕐᓗᒍ ᐅᑭᐅᓕᖕᓄᑦ 8-ᓂᑦ 18−ᒧᑦ ᐃᓐᓇᕐᓂᑦ ᐱᓕᕆᖃᑎᖃᕐᓗᑎᑦ ᓴᐳᒻᒥᖁᔭᐅᓪᓗᑎᑦ ᐱᖅᑯᓯᖏᑦ, ᓄᓇᖃᑦᑎᐊᖅᑐᓕᕆᓂᕐᒥᑦ ᐊᒻᒪᓗ ᓂᕿᖃᕐᓂᕐᒥᑦ ᐱᖅᑯᓯᒃᑯᑦ ᐊᖑᓇᓱᖃᑦᑕᕐᓗᑎᑦ ᐊᓐᓇᐅᒪᓇᓱᐊᕐᓗᑎᓪᓗ − ᖃᐅᔨᓴᐃᓐᓇᕐᓗᑎᑦ ᑲᒪᖃᑦᑕᕐᓗᑎᓪᓗ ᓯᓚ ᐊᓯᔾᔨᖅᐸᓪᓕᐊᓂᖓᓐᓄᑦ ᐊᒃᑐᖅᑕᐅᓂᕐᒧᑦ.

ᐃᑲᔪᖅᑐᖅᑕᐅᓗᑎᑦ ᓄᓇᖃᖅᑳᖅᑐᕕᓂᕐᓄᑦ ᐊᐅᓚᑕᐅᓗᑎᑦ ᓯᓚ ᐊᓯᔾᔨᖅᐸᓪᓕᐊᓂᖓᓐᓄᑦ ᐱᒋᐊᕈᑎᓂᑦ ᑲᒪᓗᑎᑦ ᒪᒃᑯᒃᑐᐃᑦ ᓯᕗᓪᓕᖅᐸᐅᔾᔭᐅᓗᑎᑦ ᑕᒪᒃᑯᐊ ᑲᑐᔾᔨᖃᑎᒌᓐᓂᒃ ᓯᕗᓕᖅᑎᓂᓪᓗ ᐱᔪᓐᓇᐅᑎᖏᓐᓂ ᑲᓇᑕᒥ. ᑕᒪᒃᑯᐊ ᐃᑲᔫᑎᐅᔪᑦ ᑲᒪᒋᔭᐅᒋᐊᖃᕐᓂᖏᓐᓂ ᓄᓇᖃᑦᑎᐊᖅᑐᓕᕆᓂᕐᒧᑦ ᐋᓐᓂᐊᖅᑕᐃᓕᒪᓂᕐᒧᓪᓗ ᐃᓱᒪᒃᑯᑦ, ᐱᕕᖃᖅᑎᑕᐅᖏᓐᓇᕐᓗᑎᑦ ᒪᒃᑯᒃᑐᐃᑦ ᓄᓇᓕᖕᓂᑦ.

ᑮᓇᐅᔭᖅᑎᒍᑦ ᐃᑲᔪᖅᑕᐅᓗᑎᑦ ᑲᓇᑕᒥ ᓯᓚ ᐊᓯᔾᔨᖅᐸᓪᓕᐊᓂᖑᓐᓄᑦ ᐸᕐᓇᓂᕐᒥᑦ ᐅᑭᐅᖅᑕᖅᑐᒥ ᐃᑲᔫᑎᓂᑦ, ᓄᓇᖃᑦᑳᖅᑐᕕᓃᑦ ᓄᓇᓗᖕᓂ ᓯᓚ ᖃᐅᔨᓴᖅᑕᐅᖃᑦᑕᕐᓂᖓᓐᓄᑦ ᐱᓕᕆᐊᓂᑦ, ᐊᒻᒪᓗ ᓯᓚ ᐊᓯᔾᔨᖅᐸᓪᓕᐊᓂᖓᓐᓂ ᐊᒻᒪᓗ ᐋᓐᓂᐊᖅᑕᐃᓕᒪᓂᕐᒧᑦ ᐃᓕᑦᑐᕐᓂᕐᒧᑦ ᐱᓕᕆᐊᑦ, ᒪᒃᑯᒃᑐᓄᑦ ᐊᖑᓇᓱᒃᑎᑦᑎᓂᕐᒥᑦ ᐱᓕᕆᐊᑦ, ᐅᑭᐅᑉ ᐅᖓᑖᓄᕈᔪᒃ, ᐃᑲᔫᑎᖃᖅᑐᑦ ᓯᕗᒃᑲᖅᑕᐃᓪᓗᑎᑦ ᓄᓇᓕᖕᓂ ᐊᒻᒪᓗ ᐃᓄᖕᓂ ᓯᓚ ᐊᓯᔾᔨᖅᐸᓪᓕᐊᓂᖓᓐᓄᑦ ᐃᓕᑦᑐᕋᓱᐊᕐᓂᕐᒥᑦ. ᑕᒪᒃᑯᐊ ᐊᖏᕐᕋᖕᓂ ᐱᕈᕐᕕᐅᔪᓂᑦ ᒪᓕᒃᓴᓕᖅᑐᑦ ᐅᓂᒃᑳᖅᑐᐊᖑᔪᑦ.

ᐅᖃᐅᓯᐅᓯᒪᔪᑦ

"ᒪᒃᑯᒃᑐᓄᑦ ᐊᖑᓇᓱᒋᐊᕐᓂᕐᒧᑦ ᐃᑲᔫᑏᑦ ᐱᒋᐊᓚᐅᖅᓯᒪᔪᖅ ᓄᓇᓕᖕᓂ ᐃᓱᒪᒋᔭᐅᓪᓗᓂ ᓴᖅᑮᑲᓐᓂᖁᔨᓪᓗᑎᑦ ᐱᖅᑯᓯᖏᑎᒍᑦ ᓂᕆᒃᓴᖅᓯᐅᖃᑦᑕᕐᓗᑎᑦ ᐃᓚᒌᓪᓗ ᓂᕆᖃᑦᑕᕐᓗᑎᑦ ᒪᒃᑯᒃᑐᓂᓪᓗ ᐃᓕᓐᓂᐊᖅᑎᑦᑎᓗᑎᑦ, ᖃᐅᔨᕙᓪᓕᐊᖅᑎᑕᐅᓗᑎᑦ ᐊᒻᒪᓗ ᑐᑭᓯᐅᒪᑎᑕᐅᒃᑲᓂᕐᓗᑎᑦ ᓯᓚ ᐊᓯᔾᔨᖅᐸᓪᓕᐊᓂᖓᓐᓂ. ᐊᔾᔨᐅᖏᑦᑐᑦ ᑕᒪᓐᓇ ᐅᐱᒋᓪᓚᕆᒃᖢᒍᓪᓗ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐃᑲᔪᖅᑐᖅᑕᐅᓪᓗᑎᑦ. ᖁᔭᒋᓪᓚᕆᒃᑕᒃᑲ ᑕᐃᒃᑯᐊ ᐋᖅᑭᒃᓱᐃᕙᒃᑐᑦ ᐃᑲᔪᖅᑐᑦ ᒪᒃᑯᒃᑐᓂᑦ ᐱᓕᒻᒪᒃᓴᖅᑎᑦᑎᑲᓐᓂᕋᓱᐊᖅᖢᑎᑦ ᓄᑖᕐᓂᑦ, ᐱᖅᑯᓯᖏᓐᓂ ᑕᑯᑎᑦᑎᑲᓐᓂᖅᖢᓂᑦ ᐱᓕᕆᖃᑎᖃᖅᖢᑎᒡᓗ ᓄᓇᓕᖕᓂ ᐋᖅᑮᓇᕋᓱᕐᓗᑎᑦ ᐊᒃᑐᖅᑕᐅᓂᖏᓐᓂ ᓯᓚ ᐊᓯᔾᔨᖅᐸᓪᓕᐊᓂᖓᓐᓄᑦ."

ᒥᓂᔅᑕ ᑖᓐᔨᐅᓪ ᕚᓐᑐ, P.C., M.P.
ᒥᓂᔅᑕᕆᔭᖅ ᐃᓄᓕᕆᔨᑐᖃᒃᑯᓐᓄᑦ

"ᖁᕕᐊᑦᑐᖓ ᑲᓇᑕᐅᑉ ᒐᕙᒪᒃᑯᖏᑦ ᐃᑲᔪᖅᑐᐃᖏᓐᓇᕐᒪᑕ ᐃᓄᖕᓂᑦ ᓯᕗᒃᑲᑕᖅᑕᐅᔪᓂᑦ ᓯᓚ ᐊᓯᔾᔨᖅᐸᓪᓕᐊᓂᖓᓐᓄᑦ ᐱᒋᐊᕈᑕᐅᔪᓂᑦ, ᐃᑲᔪᖅᖢᑎᑦ ᓄᓇᓗᖕᓂ ᐊᒻᒪᓗ ᑲᒪᔪᓐᓇᖅᖢᑎᑦ ᐊᒃᑐᖅᑕᐅᓂᖏᓐᓄᑦ ᓯᓚ ᐊᓯᔾᔨᖅᐸᓪᓕᐊᓂᖓᓐᓄᑦ ᓂᕿᒃᓴᖃᕆᐊᖃᕐᓂᒥᓪᓗ, ᐋᓐᓂᐊᖅᑕᐃᓕᒪᓂᕐᒥᓪᓗ ᐊᒻᒪᓗ ᐱᖅᑯᓯᖏᑎᒍᑦ ᖃᓄᐃᓘᖅᑎᑕᐅᕙᒃᖢᑎᑦ."

ᒥᓂᔅᑕ ᒫᒃ ᒥᓗ
ᒥᓂᔅᑕᕆᔭᖅ ᓄᓇᖃᖅᑳᖅᑐᒥᓂᕐᓄᑦ ᐱᔨᑦᑎᕋᖅᑎᓄᑦ

"ᐅᔾᔨᖅᓱᕐᓂᖅ ᒪᒃᑯᒃᑐᐃᑦ ᐊᖑᓇᓱᖕᓂᖏᑦ ᐃᑲᔫᑎᐅᔪᖅ ᐃᓕᓐᓂᐊᑎᑦᑎᒐᓱᐊᖅᑐᓂ ᒪᒃᑯᒃᑐᓂᑦ ᐊᖑᓇᓱᕆᐅᖅᓴᓂᕐᒥᑦ -- ᐅᑎᖅᑎᑦᑎᓇᓱᐊᕐᓂᖅ ᐱᖅᑯᓯᖏᓐᓂ ᐊᒻᒪᓗ ᐱᔾᔪᑎᖃᕋᓱᐊᖅᑎᑕᐅᓪᓗᑎᑦ ᒪᒃᑯᒃᑐᐃᑦ. ᒪᒃᑯᒃᑐᐃᑦ ᐱᓕᒻᒪᒃᓴᖅᐸᓪᓕᐊᔪᑦ ᐊᕙᑎᑦᑎᓐᓂ ᖃᐅᔨᓴᕐᓗᑎᑦ ᐱᓕᕆᖃᑎᖃᕐᓗᑎᑦ ᓄᓇᓕᖕᓂᑦ ᑐᑭᑖᖅᑎᑕᐅᓇᓱᐊᕐᓗᓂ ᓯᓚ ᐊᓯᔾᔨᖅᐸᓪᓕᐊᓂᖓᓐᓂ. ᐊᖅᑭᐅᒪᕝᕕᒃ ᓴᓴᐃᔭᑎᒃᑯᑦ ᖁᕕᐊᓱᒃᑐᐊᓗᐃᑦ ᑕᐃᒪᐃᑦᑐᒥᑦ ᐊᑐᐃᓐᓇᖃᑦᑎᑦᑎᒻᒪᑕ ᐱᒻᒪᕆᐅᔪᓂᑦ ᐃᓕᓐᓂᐊᕈᑎᒃᓴᓂᑦ ᓄᓇᓗᖕᓂᑦ."

ᑯᑭᒃ ᐸᐃᑯ, ᐃᖅᑲᓇᐃᔭᖅᑎᓄᑦ ᓯᕗᓕᖅᑎ
ᐊᖅᑭᐅᒪᕝᕕ ᓴᓴᐃᔭᑎᒃᑯᖏᑦ

ᓱᓕᑦᑎᐊᖅᑐᑦ

• ᐊᕐᕕᐊᓂᑦ ᒪᒃᑯᒃᑐᓄᑦ ᐊᖑᓇᓱᒋᐊᕐᓂᕐᒧᑦ ᐃᑲᔫᑏᑦ ᐅᔾᔨᖅᓱᕐᓂᖅ ᐱᓕᕆᐊᖑᔪᖅ ᐊᐅᓚᑕᐅᓪᓗᓂ ᐊᖅᑭᐅᒪᕝᕕᒃ ᓴᓴᐃᔭᑎᒃᑯᓐᓄᑦ ᐊᕐᕕᐊᓂᑦ. ᐱᓕᕆᖃᑎᖃᖅᖢᑎᑦ ᓯᓚ ᐊᓯᔾᔨᖅᐸᓪᓕᐊᓂᖓᓐᓄᑦ ᐸᕐᓇᒐᓱᖕᓂᕐᒥᑦ ᐅᑭᐅᖅᑕᖅᑐᒥ ᓄᓇᖃᖅᑳᖅᖢᓂᓪᓗ ᓄᓇᓕᖕᓂ ᖃᐅᔨᓴᕐᓗᑎᑦ ᓯᓚ ᐊᓯᔨᖅᐸᓪᓕᐊᓂᖓᓐᓂ ᐃᑲᔫᑎᒥᑦ (CIRNAC), ᐊᒻᒪᓗ ᓯᓚ ᐊᓯᔾᔨᖅᐸᓪᓕᐊᓂᖓᓐᓂ ᐋᓐᓂᐊᖅᑕᐃᓕᒪᓂᕐᒧᓪᓗ ᐃᓕᑦᑐᖅᐸᓪᓕᐊᓂᕐᒧᑦ ᐃᑲᔫᑎᓂᑦ (ISC).
• $412,062 ᐅᑭᐅᓄᑦ ᐱᖓᓱᓄᑦ ᐱᒋᐊᕐᓗᒍ 2018-2021 ᐊᑐᐃᓐᓇᐅᑎᑕᐅᔪᑦ ᑖᒃᑯᑎᒎᓇ CIRNAC−ᑯᑦ Climate Change Preparedness in the North Program
• $375,000 ᐅᑭᐅᓄᑦ ᐱᖓᓱᓄᑦ ᐱᒋᐊᕐᓗᒍ 2018-2021 ᐊᑐᐃᓐᓇᐅᑎᑕᐅᔪᑦ ᑖᒃᑯᑎᒎᓇ CIRNAC−ᑯᑦ Indigenous Community-Based Climate Monitoring Program
• $439,954.00 ᐅᑭᐅᓄᑦ ᑎᓴᒪᓄᑦ ᐱᒋᐊᕐᓗᒍ 2018-2022 ᐊᑐᐃᓐᓇᐅᑎᑕᐅᔪᑦ ᑖᒃᑯᑎᒎᓇ ISC−ᑯᑦ Climate Change and Health Adaptation Program

ᐊᓯᖏᑦ ᖃᐅᔨᒋᐊᕐᕕᒃᓴᐃᑦ

• Climate Change in Indigenous and Northern Communities

ᐱᓕᕆᖃᑕᐅᔪᓄᑦ ᖃᐅᔨᒋᐊᕐᕕᒃᓴᐃᑦ

• ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᒪᒃᑯᒃᑐᐃᑦ ᐊᖑᓇᓱᒋᐊᑐᓂᑦ ᐃᑲᑕᔫᑏᑦ ᖃᐅᔨᒋᐊᕈᓐᓇᖅᖢᑎᑦ ᐅᕗᖓ Aqqiumavvik Arviat Wellness Society

ᑐᑭᓯᒋᐊᒃᑲᓐᓂᕈᒪᓐᓂᕈᔅᓯ, ᐱᕙᓪᓕᐊᔪᓕᕆᔨᒧᑦ ᖃᐅᔨᒋᐊᕈᓐᓇᖅᑐᑎᑦ:

ᐋᓕᓴᓐ ᓴᐃᓐᑦ ᔩᓐ
ᐱᕙᓪᓕᐊᔪᓕᕆᓂᕐᒧᑦ ᐊᓪᓚᑦᑎ
ᑎᑎᕋᕐᕕᖓᓂ ᒥᓂᔅᑕᐅᑉ ᑖᓐᔨᐅᓪ ᕙᓐᑐᓪ
ᒥᓂᔅᑕ ᒐᕙᒪᑐᒃᑯᓐᓂ
819-953-1153

ᐱᕙᓪᓕᐊᔪᓕᕆᔨᒃᑯᑦ
ᒐᕙᒪᑐᖃᒃᑯᓐᓂ
819-934-2302
RCAANC.media.CIRNAC@canada.ca

ᕙᓇᓴ ᐋᑕᒻᔅ
ᐊᖏᔪᖅᑳᖅ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐅᖃᐅᔾᔨᒋᐊᖅᑎ ᐱᕙᓪᓕᐊᔪᓕᕆᓂᕐᒧᑦ ᐊᓪᓚᑦᑎ
ᐊᓪᓚᕕᖓᓐᓂ ᒥᓂᔅᑑᑉ ᒫᒃ ᒥᓗ
ᒥᓂᔅᑕ ᓄᓇᖃᖅᑳᖅᑐᕕᓂᕐᓄᑦ ᐱᔨᑦᑎᕋᖅᑎᓄᑦ
343-543-7645

ᐱᕙᓪᓕᐊᔪᓕᕆᔨᒃᑯᑦ
ᓄᓇᖃᖅᑳᖅᑐᕕᓃᑦ ᐱᔨᑦᑎᕋᖅᑎᖏᓐᓂ ᑲᓇᑕ
819-953-1160
SAC.media.ISC@canada.ca

ᑯᑭᒃ ᐸᐃᑯ, ᐃᖅᑲᓇᐃᔭᖅᑎᓄᑦ ᓯᕗᓕᖅᑎ
ᐊᖅᑭᐅᒪᕝᕕ ᓴᓴᐃᔭᑎᒃᑯᖏᑦ