ᐅᑭᐅᖅᑕᖅᑐᒥ ᐊᑐᐊᒐᖅ ᐊᕙᓗᒃᓴᖓᑕ ᑲᑎᒪᔪᓂᑦ ᐅᓂᒃᑳᖓ: ᓄᓇᒥᙶᖅᑐᓂᒃ, ᐃᓱᒪᒃᓴᖅᓯᐅᕈᑕᐅᓲᓂᒃ, ᐊᒻᒪᓗ ᐊᑐᖅᑕᐅᕙᒍᓯᖏᑦ ᖃᐅᔨᓴᐃᓂᒻᒪᕆᒃ, ᐋᑐᕚ, ᕕᕗᐊᕆ 8, 2018

ᑕᒪᒃᑭᖅᓯᒪᑦᑎᐊᖅᑐᒥᒃ ᐅᑭᐅᖅᑕᖅᑐᒥ ᓇᑉᐸᕆᐊᓕᑦ

ᐅᖃᖃᑎᒋᒍᑎᓴᓄᑦ ᐊᐱᖅᑯᑎᑦ:

1. ᑭᓲᕙᑦ ᐱᕐᔪᐊᖑᔪᑦ ᓇᑉᐸᕆᐊᓕᑦ ᐊᑐᖅᑕᐅᔭᕆᐊᓖᑦ ᓯᕗᓪᓕᐅᔾᔭᐅᔭᕆᐊᓖᑦ ᐅᑭᐅᖅᑕᖅᑐᕐᒧᑦ?
2. ᑭᓱᓪᓚᕆᑦ ᐱᕕᖃᕐᑎᑦᑎᔾᔪᑕᐅᕙ ᐱᓇᓱᐊᖃᑎᒌᓄᑦ ᐊᒻᒪᓗ ᖃᓄᐃᓕᐅᖃᑎᒌᒍᓯᐅᔪᓐᓇᖅᑐᑦ ᐆᒃᑐᖅᑕᐅᓪᓗᐊᖅᐸᑦ ᕿᓂᖅᑕᐅᓗᑎᒃ?

ᓯᑯ

• ᐃᓄᖕᓄᑦ, ᓯᑯ ᐱᕐᒧᐊᖑᓪᓗᓂ ᐱᑕᖃᕆᐊᓕᐅᔪᖁᑎᒋᔭᐅᕗᖅ, ᐃᖏᕐᕋᓂᕐᒧᑦ ᐊᑐᖅᑕᐅᕙᖕᓂᖓ ᐃᓚᒋᔭᐅᓪᓗᓂ
• ᐆᒃᑑᑎᒋᓪᓗᒍ, ᐅᒥᐊᕐᔪᐊᑦ ᓯᑯᒥᒃ ᐊᕕᒃᑎᑦᑎᓲᑦ ᓇᐅᑦᑎᖅᓱᖅᑕᐅᕙᖕᒪᑕ ᐅᓂᒃᑲᐅᓯᐅᕙᒃᖢᑎᒡᓗ ᓄᓇᖅᑲᑎᒌᓄᑦ

ᑐᓚᒃᓴᕐᕖᑦ ᑭᓴᕐᕕᒃ

• ᐃᓱᒪᒋᔭᐅᓪᓗᐊᖅᐳᖅ ᑭᓴᕐᕕᒃᑕᖃᕐᓗᓕ ᖃᐅᓱᐃᑦᑐᕐᒥ ᕿᑭᖅᑕᕐᔪᐊᕐᒥᓗ ᓄᓇᕗᒻᒥ, ᐊᒻᒪᓗ ᐊᓯᐊᓂ ᐅᐊᓕᓂᐊᓃᓐᓃᖅᓴᒥ
• ᐅᒥᐊᖃᕐᕖᑦ ᒪᑭᒪᔾᔪᑎᖃᕈᑕᐅᕙᒃᑐᓄᑦ ᖃᓄᐃᓕᐅᕐᕕᐅᕈᓘᔭᖅᐸᒍᐊᒃᐳᑦ, ᓄᓇᓕᖕᓄᑦ ᑎᑭᑦᑕᕐᕕᐅᕙᒃᖢᑎᒃ, ᐊᒻᒪ ᑐᐊᕕᕐᓇᖅᑐᖅᑕᖃᖅᑎᓪᓗᒍ ᐅᐸᓗᕆᐊᖃᖅᖢᓂ ᐊᑐᖅᑕᐅᔪᒃᓴᖃᑦᑎᐊᕐᓂᖅᓴᐅᒍᐊᒃᖢᑎᒃ
• ᐅᒥᐊᖃᕐᕖᑦ ᐊᒃᑐᐃᓯᒪᓂᖃᕈᓐᓇᕆᕗᑦ ᐊᕙᑎᒋᔭᕐᒧᑦ (ᓲᕐᓗ ᓇᒃᓴᐱᒃᑕᐅᔪᑦ ᐃᒪᕐᒥᐅᑕᐃᑦ), ᓇᐅᑦᑎᖅᓱᖅᑕᐅᖏᓐᓇᕆᐊᓖᑦ ᐊᑐᕐᓂᕐᓗᐃᔪᖃᖅᐸᓪᓗ ᑲᒪᒋᔭᐅᔪᓐᓇᕆᐊᖃᖅᖢᑎᒃ

ᐃᒡᓗᖃᕐᓂᖅ

• ᐊᖏᔪᕐᔪᐊᕌᓗᖕᒥᒃ ᐱᑕᖃᙱᓂᓐᓂᖅᑕᖃᖅᐳᖅ ᐃᒡᓗᖃᕐᓂᖅ ᐱᓪᓗᒍ, ᐃᓚᒋᔭᐅᓪᓗᓂ ᐃᒡᓗᑦ ᓴᓇᔭᐅᕌᓂᒃᓯᒪᔪᑦ (ᓲᕐᓗ ᐃᒡᓗᐃᑦ ᓄᓇᑦᓯᐊᕗᒻᒧᑦ ᓴᓇᔭᐅᓯᒪᔪᑦ ᓅᕙᐅᓐᓛᓐᒥᑦ ᑎᑭᐅᑎᔭᐅᔭᕆᐊᓖᑦ, ᑭᓯᐊᓂ ᓄᓇᐅᑉ ᕿᖁᒪᐃᓐᓇᐅᔭᕐᓂᖓᑕ ᐊᔾᔨᒋᔪᓐᓃᕐᓂᕆᔮᓄᑦ, ᐃᓚᖏᑦ ᐃᒡᓗᐃᑦ ᐋᖅᑭᒃᑕᐅᔭᕆᐊᖃᓲᖑᔪᑦ ᓄᑖᓂᒡᓘᓐᓃᑦ ᓴᓇᔭᕆᐊᖃᓕᓲᖑᓪᓗᑎᒃ ᐊᕐᕌᒍᑦ ᑕᓪᓕᒪᑦ ᐃᓗᐊᓂ)
• ᐳᕙᒡᓗᒃᑐᖅᑕᖃᐃᓐᓇᕐᓂᖅ ᐅᑭᐅᖅᑕᖅᑐᕐᒥ ᐃᓚᖓᒍᑦ ᑕᐃᒪᐃᑦᑐᖅ ᐸᖕᒥᐅᓗᐊᖃᑦᑕᕐᓂᕐᒧᑦ ᐃᒡᓗᓂ

ᐋᓐᓂᐊᕐᕖᑦ

• ᐅᑭᐅᖅᑕᖅᑐᕐᒥ ᐋᓐᓂᐊᕐᓂᓕᕆᔭᐅᔪᓐᓇᕐᓂᐊᓗᓂ ᓘᒃᑖᖅᑕᖃᕐᓂᖅᓴᐅᓪᓗᐊᖅᐳᖅ ᐋᓐᓂᐊᓯᐅᖅᑎᑕᖃᕐᓂᖅᓴᐅᓗᓂ, ᐊᔾᔨᓕᐅᕆᔨᑕᖃᕐᓂᖅᓴᐅᓗᓂ, ᑲᒪᒋᔭᖃᕈᑎᑦ ᐱᑕᖃᕐᓂᖅᓴᐅᓗᑎᒡᓗ ᐱᑕᖃᙱᓗᐊᕐᓂᑯᖏᓐᓄᑦ ᐋᓐᓂᐊᖅᑐᑦ ᐊᐅᓪᓚᖅᑎᑕᐅᓯᒪᑯᑖᒃᑐᐊᓘᕙᖕᒪᑕ
• ᐆᒃᑑᑎᒋᓪᓗᒍ, ᓯᖓᐃᔪᑦ ᓄᓇᑦᓯᐊᕗᒻᒥᐅᑦ ᐊᐅᓪᓚᖅᑎᑕᐅᕙᒃᑐᑦ ᑕᖅᑭᑦ 7ᒋᓕᖅᑕᖓᓂ ᐋᓐᓂᐊᕐᕕᖕᒧᑦ ᖃᓂᒃᓴᕈᓐᓇᖁᓪᓗᒋᑦ ᐃᕐᓂᓚᐅᙱᓐᓂᖏᓐᓂ; ᑕᒪᓐᓇ ᒥᑭᒡᓕᑎᕆᔪᓐᓇᕐᒪᑦ ᐃᒡᓗᒥᐅᖑᖃᑎᒌᑦ ᑮᓇᐅᔭᖅᑖᕐᓂᕆᔭᖏᓐᓂᒃ, ᐃᓅᓯᖃᖃᑎᒌᖕᓂᕆᔭᖓᓂᒡᓗ, ᐊᓯᖏᓪᓗ

ᒥᕝᕖᑦ

• ᒥᕝᕖᑦ ᓄᑖᕈᕆᐊᖅᑎᑕᐅᓪᓗᐊᖅᑐᑦ ᐊᖏᓂᖅᓴᓄᑦ ᖃᖓᑕᓲᕐᓄᑦ ᐊᑐᖅᑕᐅᔪᓐᓇᕐᓂᐊᕐᒪᑕ, ᑮᓇᐅᔭᓂᒃ ᐊᑐᙱᓐᓂᖅᓴᐅᓪᓗᑎᒃ ᐃᖏᕐᕋᔪᓕᕆᓂᕐᒧᑦ ᐊᑭᖃᖅᑐᓂᒃ ᐊᑭᒃᖠᒋᐊᖅᑎᑦᑎᔪᓐᓇᖅᖢᑎᒃ
• ᑮᓇᐅᔭᖃᖅᑎᑦᑎᓂᖅ ᓯᓚᒧᑦ ᓇᐅᒃᑰᕈᓐᓇᐅᑎᐅᔪᓂᒃ ᑐᓴᖅᑎᑦᑎᔾᔪᑎᓂᒃ ᐊᑐᖅᑕᐅᔪᓐᓇᖅᑐᓂᒡᓗ ᐃᓄᐃᓴᑭᖠᕚᓪᓕᐅᑕᐅᔪᓐᓇᖅᐳᖅ ᑎᖕᒥᓲᓄᑦ ᓯᕗᒧᒍᓐᓇᙱᑦᑐᓄᑦ ᓄᓇᓕᖕᓄᑦ ᓯᓚ ᐱᓪᓗᒍ, ᐊᓯᖏᓪᓗ

ᐃᑭᐊᖅᑭᕕᒃᑰᕈᑎᑦ ᐊᒻᒪᓗ ᓇᑉᐸᕆᐊᓕᑦ ᓅᑕᑦ ᓴᓇᓕᕆᔾᔪᓯᑦ

• ᑲᓱᖃᑦᑕᐅᑎᓂᖅᑕᖃᕈᓐᓇᖅᑑᒐᓗᐊᖅ ᑭᓯᐊᓂ ᐃᓗᖁᖅᑐᔪᓐᓇᕐᓂᕆᔭᖅ ᐱᑕᖃᐃᓐᓇᖅᐸᙱᒻᒪᑦ
• ᑲᓱᖃᑦᑕᐅᑎᓂᖅ ᓱᓇᓗᒃᑖᓂᒃ ᐊᒃᑐᐃᓯᓯᒪᖕᒪᑦ; ᐋᓐᓂᐊᖃᕐᓇᙱᑦᑐᓕᕆᓂᖅ, ᐃᓕᓐᓂᐊᕐᓂᖅ (ᓲᕐᓗ ᐅᖓᓯᒋᓪᓗᒍ ᐃᓕᓐᓂᐊᕐᓂᖅ), ᓂᐅᕐᕈᑎᖃᕐᓂᕐᒨᖓᔪᑦ (ᓲᕐᓗ ᐃᑭᐊᖅᑭᕕᒃᑯᑦ ᓂᐅᕕᐊᖃᕐᓂᖅ ᓂᐅᕐᕈᓯᕈᓐᓇᕐᓂᕐᓗ), ᐊᓯᖏᓪᓗ
  • ᑕᒪᓐᓇ ᓄᖅᑲᖓᑎᑦᑎᔾᔪᑕᐅᔪᓐᓇᕐᒪᑦ ᖃᐅᔨᒪᓕᖅᐹᓪᓕᕐᓂᕐᒧᑦ ᒪᑭᒪᔾᔪᑕᐅᕙᒃᑐᓂᒃ

ᓄᓇᒥ ᐆᒻᒪᖁᑎᖃᕈᑎᑦ

• ᐊᕕᒃᑐᖅᓯᒪᔪᑦ ᐅᑭᐅᖅᑕᖅᑐᕐᒥᓗ ᐊᕕᒃᑐᖅᓯᒪᔪᑦ ᐊᑐᐊᒐᖏᑦ ᓄᖅᑲᖓᑎᑦᑎᔾᔪᑕᐅᔪᓐᓇᕐᒪᑕ ᐊᑐᕈᓐᓇᖅᑎᑦᑎᔭᕆᐊᒃᓴᖅ ᐊᑐᓕᖅᑭᒃᑲᓐᓂᒐᒃᓴᐅᔪᓂᒃ ᐆᒻᒪᖅᑯᑎᓕᐅᕈᑎᓂᒃ (ᓲᕐᓗ ᐊᑐᐊᒐᐃᑦ ᐊᑐᕐᓂᕆᔭᕐᒧᑦ ᐊᑭᓕᖅᓱᐃᔪᓐᓇᐅᑎᖃᕈᑕᐅᔪᓐᓇᖅᑐᓂᒃ ᐊᔪᖅᑎᑦᑎᔪᑦ, ᓄᓇᓕᖕᓂ ᑲᒪᔨᐅᔪᓐᓇᙱᑎᑦᑎᓂᖅ ᐆᒻᒪᖅᑯᓯᐅᕈᑎᑦ ᓄᓇᖅᑲᕐᓂᕌᖓᑕ ᓯᓚ ᐱᓪᓗᒍ ᖃᒥᑦᑐᕕᓂᐅᓐᓂᖅᐸᑕ, ᐊᓯᖏᓪᓗ)
• ᐊᑐᖅᓯᔭᕆᐊᖃᕐᓂᖅ ᐆᒻᒪᖅᑯᑎᑦ ᐊᐅᓚᐅᑎᖏᑕ ᐅᖅᓱᐊᓗᖓᓂᒃ ᐊᑭᑭᒡᓕᒋᐊᕈᑕᐅᔪᓐᓇᖅᐳᖅ ᐆᒻᒪᖅᑯᓯᐅᕐᓂᕐᒧᑦ, ᐊᔪᖅᓴᕐᓇᕈᑎᑕᖃᕋᓗᐊᖅᑎᓪᓗᒍ ᖃᓄᑦᑎᐊᕙᒃ ᓄᓇᖅᑲᖅᑕᕐᓂᐅᕙᒃᑐᖅ ᑲᒪᒋᔭᐅᑦᑎᐊᕈᓐᓇᕐᒪᖔᑦ

ᐊᓯᖏᑦ ᓇᑉᐸᕆᐊᓕᑦ ᑭᖕᖑᒪᓇᖅᑐᑦ

• ᐱᑕᖃᙱᓗᐊᕐᓇ ᖃᐅᔨᓴᕐᓂᕐᒨᖓᔪᓂᒃ ᓇᑉᐸᕆᐊᓕᖕᓄᑦ ᐅᑭᐅᖅᑕᖅᑐᕐᒥ; ᐆᒃᑑᑎᒋᓪᓗᒍ, ᖃᐅᔨᓴᖅᑎᑦ ᐅᓄᖅᑐᑦ ᖁᑦᑎᒃᑑᑉ ᕿᑭᖅᑕᖏᓐᓂ ᐱᓕᕆᐊᖃᖅᑐᖅ ᐊᔪᖅᓴᕐᓇᕈᑎᖃᖅᐸᒃᐳᑦ ᐊᒥᒐᕐᓂᖏᓐᓂᒃ ᒪᕐᕈᓕᒃᑯᑦ ᑎᖕᒥᓲᒃᑯᑦ ᖃᖓᑕᔭᕋᕈᓐᓇᕐᓂᖅ, ᓯᑯᓯᐅᑎᒃᑯᑦ, ᐊᓯᖏᓪᓗ
  • ᐱᑕᖃᖅᑎᑦᑎᓂᖅᓴᐅᓂᖅ ᓇᑉᐸᕆᐊᓕᖕᓂ ᐊᑐᖅᑕᐅᔭᕆᐊᓕᒃᑕᖃᕋᔭᖅᐸᑦ ᖃᐅᔨᓴᕐᓂᕐᒨᖓᔪᓂᒃ ᐊᑑᑎᖃᕋᔭᖅᐳᖅ ᐅᑭᐅᖅᑕᖅᑐᕐᒥᐅᓂᒃ ᖃᐅᔨᓴᖅᑎᑕᖃᐃᓐᓇᓕᕋᔭᕆᐊᒃᓴᖓ ᐅᑭᐅᖅᑕᖅᑐᕐᒦᑦᑐᓂ ᐱᓕᕆᕝᕕᖕᓂ
• ᓂᐅᖅᑲᒐᒃᓴᐅᓪᓗᓂ ᐃᒪᑦᑎᐊᕙᒃ (ᓲᕐᓗ ᐃᒪᐅᑉ ᓴᓗᒻᒪᖅᓴᖅᑕᐅᓂᖓ, ᐊᓇᖅᑕᐅᑎᑦ) ᐊᒻᒪ ᓴᓂᕐᓄᑦ ᐊᒃᑕᕐᕕᒃᑕᖃᕐᓂᕐᒧᑦ ᓇᑉᐸᕆᐊᓕᖕᓂᒃ ᐊᑐᖅᑕᐅᔪᒃᓴᐅᑕᐅᔪᓄᑦ ᐱᑕᖃᓕᖅᑎᑕᐅᔭᕆᐊᖃᖅᐳᖅ ᐅᑭᐅᖅᑕᖅᑐᕐᒥ

ᓇᑉᐸᕆᐊᓕᑦ ᐃᒡᓗᑦ ᐊᑐᖅᑕᐅᔭᕆᐊᓖᑦ ᐊᑐᓕᖅᑎᑕᐅᓂᖏᑦ

• ᐱᓕᕆᖃᑎᒌᖕᓂᐅᔪᑦ ᐃᖅᑲᓇᐃᔮᖃᖅᑎᑦᑎᔨᐅᕙᒃᑐᓂᒃ ᒐᕙᒪᐅᔪᓂᒡᓗ ᓴᓇᔭᐅᔪᓐᓇᖅᑎᑦᑎᔾᔪᑕᐅᓲᖑᕗᖅ ᐱᕐᔪᐊᖑᓂᒃ ᐊᑐᖅᑕᐅᔭᕆᐊᓕᒃ, ᑭᓯᐊᓂ ᑮᓇᐅᔭᖅᑕᖃᐃᓐᓇᕈᑕᐅᙱᓚᖅ ᐊᐅᓚᑦᑐᓐᓇᕐᓂᕐᒧᑦ ᒥᐊᓂᕆᔭᖃᕐᓂᕐᒧᓪᓗ ᐱᓗᐊᖅᑐᒥᒃ ᑕᐃᒃᑯᐊ ᐃᖅᑲᓇᐃᔮᖃᖅᑎᑦᑎᔨᐅᔪᑦ ᐊᐅᓪᓚᕋᔭᖅᐸᑕ
• ᐅᑭᐅᖅᑕᖅᑐᖅ ᓇᐃᑦᑐᒻᒪᕆᑯᓗᖕᒥᒃ ᓴᓇᔭᖃᕐᓇᕐᓂᖃᖅᐸᒃᐳᖅ ᐱᕐᔪᐊᖑᔪᓂᒃ ᐊᑐᖅᑕᐅᔪᒃᓴᓕᐅᕐᓂᐊᕐᓗᓂ ᑕᐃᒪᐃᓐᓂᑯᐊᓄᓪᓗ ᐃᒪᖃᓯᐅᔾᔭᐅᕝᕕᒋᓯᒪᓪᓗᐊᖅᑐᖅ ᐊᑯᓂᐅᓂᖅᓴᖅ ᐱᓕᕆᐊᖑᔪᖃᖃᑦᑕᕆᐊᖃᕐᓂᖓᓂᒃ ᐆᒃᑑᑎᒋᓗᒍ ᓴᓇᕐᕈᑕᐅᓂᐊᖅᑐᑦ ᑎᑭᑎᑕᐅᑦᑕᖅᓵᓕᖃᑦᑕᓪᓗᐊᖅᑐᑦ
• ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐃᓱᒪᒋᖃᓯᐅᔾᔭᐅᓯᒪᓪᓗᐊᖅᑐᖅ ᐱᓕᕆᐊᒃᓴᖅᑖᖑᔪᓕᒫᓄᑦ (ᓲᕐᓗ ᓴᓇᔭᖃᕐᓂᖅ/ᐊᖅᑯᑎᑦ ᐃᒥᒍᐊᖕᓂᖏᑦ)
• ᐅᑭᐅᖅᑕᖅᑐᕐᒨᖓᔪᑦ ᑮᓇᐅᔭᕆᑎᑕᐅᔪᓐᓇᖅᑐᑦ ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᕆᔭᖏᓐᓄᑦ ᑐᕌᖓᑎᑕᐅᓲᖑᕗᑦ ᑕᐃᒪᐃᓐᓂᑯᐊᓄᑦ ᐅᑭᐅᖅᑕᖅᑑᑉ ᐃᓚᖓᓃᑦᑑᒐᓗᐊᑦ ᖃᓪᓗᓈᓃᑦᑐᓄᑦ ᑮᓇᐅᔭᓄᑦ ᐱᓇᔪᖃᑕᐅᓇᓱᒋᐊᖃᖅᐸᒃᐳᑦ ᐅᑭᐅᖅᑕᖅᑐᕐᒥᐅᑕᐅᓗᓂ ᐱᕐᔪᐊᖑᔪᑦ ᐊᑐᖅᑕᐅᔭᕆᐊᓕᖕᓂᒃ ᐃᖅᑲᒍᓱᒡᕕᐅᓐᓇᙱᑦᑐᒥ

ᐅᑭᐅᖅᑕᖅᑐᖅ ᐱᒡᒐᙱᑦᑎᐊᖅᑐᓂᒃ ᐃᓄᖃᕐᓂᖓ ᓄᓇᓕᖃᕐᓂᖓᓗ

ᐅᖃᐅᓯᒃᓴᖃᓕᖅᑎᑦᑎᓇᓱᒃᖢᓂ ᐊᐱᖅᑯᓯᑦ:

1. ᓯᕗᓪᓕᕐᒥ ᖃᓄᐃᓕᐅᓗᐊᕆᐊᖃᖅᐸᑦ ᐅᑭᐅᖅᑕᖅᑐᒥᐅᑕᐃᑦ ᓄᓇᓖᑦ ᖃᓄᖏᑦᑐᓐᓇᖅᓯᔪᓐᓇᕐᓂᐊᕐᒪᑕ?
2. ᖃᓄᐃᑦᑐᓂᒃ ᐱᕕᒃᓴᖃᕈᓐᓇᖅᐸᑦ ᐃᓚᒌᓕᕐᕕᐅᔪᓐᓇᖅᑐᓂᒃ ᑕᒪᐃᓐᓄᓪᓗ ᑲᑐᔾᔨᖃᑎᒌᒡᕕᐅᓕᕈᓐᓇᖅᑐᓂᒃ ᖃᐅᔨᒋᐊᖅᑕᐅᔪᓐᓇᖅᑐᓂᒃ?

ᑭᙴᒪᓇᓪᓗᐊᑕᓲᑦ

• ᑲᑎᒪᖃᑕᐅᔪᑦ ᐱᕕᒃᖢᑎᒃ ᓇᓗᓇᐃᖅᓯᓂᖃᓚᐅᖅᐳᖅ ᑭᓲᒪᓇᓪᓗᐊᕐᓇᓲᑦ (ᓲᕐᓗ ᐃᒡᓗᖃᕐᓂᖅ, ᓂᕿᒃᓴᖃᑦᑎᐊᕐᓂᖅ, ᑎᒥᐅᓪᓗ ᐃᓱᒪᐅᓪᓗ ᖃᓄᐃᙱᑦᑑᓂᖓ, ᐃᓐᓇᕐᓂᒃ ᐱᒻᒪᑐᒃᓯᓂᖅ) ᑐᙵᓂᕆᔭᐅᖕᒪᑕ ᐊᓯᖏᓐᓄᑦ ᓯᕗᓪᓕᐅᔾᔭᐅᓯᒪᔭᕆᐊᓕᖕᓄᑦ, ᐃᓚᒋᖃᐅᓯᑎᓪᓗᒋᑦ, ᐃᓕᓐᓂᐊᕐᓂᖅ, ᐃᖅᑲᓇᐃᔮᖃᕐᓂᖅ, ᐊᔪᙱᓐᓂᕆᔭᓂᒃ ᔭᒐᑎᑦᑎᑦᑕᐃᓕᓂᖅ (ᐃᒫᒃ ᓲᕐᓗ ᐊᐅᓪᓚᙱᑦᑎᓂᕐᒥᒃ "ᐃᓱᒪᓕᖕ"ᓂᒃ), ᐊᓯᖏᓪᓗ
• ᐃᒡᓗ, ᐆᒻᒪᖅᑯᑎᑖᕐᕖᑦ, ᐃᒪᖃᕐᓂᕐᒧᑦ ᐊᑐᖅᑕᐅᔭᕆᐊᓖᑦ ᐃᓱᒪᒋᔭᐅᙱᒻᒪᑕ "ᖁᕕᐊᓇᖅᑐᐊᓗᐃᑦ" ᐱᑕᖃᓕᖅᑎᑦᑎᑕᕆᐊᓖᑦ ᑕᐃᒪᐃᓐᓂᖓᓄᓪᓗ ᓂᕈᐊᖅᑕᐅᓯᒪᔪᓄᓪᓗ ᒐᕙᒪᒃᑯᓐᓄᓪᓗ ᑮᓇᐅᔭᖃᖅᑎᑕᐅᔪᐊᖅᐸᙱᓚᑦ
• ᓂᕿᒃᓴᖃᑦᑎᐊᕐᓂᖅ ᐅᖃᐅᓯᐅᓯᒪᓪᓚᕆᙱᑦᑐᖅ ᐊᑐᐊᒐᐅᑉ ᑲᒪᒋᔭᐅᔪᒃᓴᖁᑎᖏᓐᓂ
• ᓂᕿᒃᓴᖃᑦᑎᐊᕐᓂᕐᒨᖓᔪᑦ ᑕᒪᒃᑮᓯᒪᓪᓗᐊᕐᒪᑦ ᓂᕿᒋᔭᐅᕙᒃᑐᓂᒃ ᐱᓇᓱᒃᑕᖃᕐᓂᖅ (ᓲᕐᓗ ᖃᒧᑕᐅᔭᑦ ᐃᓚᒃᓴᖏᑦ ᐋᖅᑭᐅᒪᑎᑕᐅᓂᖏᓪᓗ) ᖃᓪᓗᓈᓂᙶᖅᑐᓪᓗ ᓂᕿᑦ (ᐱᕈᖅᑐᕕᓃᑦ ᓰᕐᓇᖅᑐᑦ ᓰᕐᓇᙱᑦᑐᓪᓗ)
  • ᐅᔾᔨᕐᓇᖅᓯᑎᑕᐅᓯᒪᓚᐅᖅᑐᖅ ᐅᑭᐅᖅᑕᖅᑐᕐᒧᑦ ᓂᕿᑦᑎᐊᕙᐃᑦ ᓱᓐᓂᐅᑎᓯᒪᓗᐊᙱᓐᓂᖓᓂᒃ ᓂᖀᑦ ᐊᑭᖏᓐᓄᑦ

"ᑭᒃᑯᑐᐃᓐᓇᐃᑦ ᐅᐃᕆᙵᔾᔪᑎᖃᕈᑎᒃ ᓄᖃᕈᓐᓇᐃᓕᔾᔪᑎᖃᕈᑎᒃ ᓯᕗᓕᕐᒥᓗ ᐊᒃᓱᕈᕈᑎᒋᓂᑯᒋᓯᒪᔭᖏᓐᓂᒃ ᐊᑐᖅᓯᒍᑎᒃ, ᐃᓕᑉᐸᓪᓕᐊᑦᑎᐊᕈᓐᓇᔾᔮᙱᓚᑦ. ᑐᙵᓂᕆᔭᐅᔪᓂᒃ ᐱᒋᐊᕈᑎᖃᓪᓗᐊᖅᑐᒍᑦ ᖁᕝᕙᓯᖕᓂᖅᓴᓂᒃ ᐃᓕᓐᓂᐊᕐᓂᐅᔪᓂᒃ ᑭᙴᒪᒋᔭᐅᔪᓂᒡᓗ ᐃᓱᒪᒋᔭᖃᓕᓚᐅᖅᑳᕋᑕ". - ᒥᐊᓕ-ᐊᓚᓐ ᑖᒪᔅ, ᓄᓇᕗᒻᒥ ᖃᐅᔨᓴᕐᕕᒃ

ᐃᖕᒥᖕᓂᒃ ᐊᐅᓚᓐᓂᖅ

• ᐃᓚᐅᔪᑦ ᐅᓄᖅᑐᑦ ᐅᔾᔨᕆᔭᖃᓚᐅᕐᒪᑕ ᒐᕙᒪᒃᑯᑦ ᐱᓕᕆᐊᖃᖃᑎᒋᔭᖏᑦ ᐃᑲᔪᖅᓱᐃᓂᖃᕆᐊᖃᕐᒪᑕ ᐅᑭᐅᖅᑕᖅᑐᕐᒥᐅᓂᒃ ᐅᑭᐅᖅᑕᖅᑐᕐᒥᐅᑦ ᓇᖕᒥᓂᖅ ᐋᖅᑭᒋᐊᕈᑎᒃᓴᓪᓗᐊᕆᔭᒥᖕᓂᒃ ᐊᑐᖅᓯᑎᑦᑎᔪᓐᓇᖁᓪᓗᒋᑦ ᐊᔪᖅᓴᕈᑕᐅᔪᓄᑦ (ᐅᑯᐊᖑᓗᓂ ᐃᑲᔪᖅᓱᐃᓗᑎᒃ ᐃᖕᒥᖕᓂᒃ ᐊᐅᓚᓐᓂᕐᒥᒃ), ᑮᓇᐅᔭᖃᙱᒐᔪᖕᒪᑕ ᐊᖓᔪᖅᑳᖑᓂᖃᕋᑎᒡᓗ ᖃᓄᐃᓕᐅᕈᓐᓇᕆᐊᒃᓴᖅ
• ᐱᔪᒥᒋᔭᐅᔪᖅ ᐅᑭᐅᖅᑕᖅᑐᕐᒥᐅᑦ ᓯᕗᓕᖅᑎᐅᓕᕐᓗᑎᒃ ᐃᑲᔪᖅᓱᐃᔨᐅᓗᑎᒡᓗ ᐅᑭᐅᖅᑕᖅᑐᕐᒧᑦ ᐱᔨᑦᑎᕋᐅᑎᓂᒃ (ᓲᕐᓗ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᑲᒪᓂᖅ, ᒪᓕᒃᑕᐅᑎᑦᑎᓂᖅ, ᐊᓯᖏᓪᓗ)

ᐃᓕᓐᓂᐊᕐᓂᖅ

• ᐃᓚᐅᔪᑦ ᐅᓄᖅᑐᑦ ᐊᖏᖃᑎᒌᒃᐳᑦ ᐃᓕᓐᓂᐊᕐᓂᖅ ᑲᓇᑕᐅᑉ ᐅᑭᐅᖅᑕᖅᑐᐊᓂ ᐊᒃᓱᕈᕈᑕᐅᕙᒋᐊᖓ
• ᐃᓕᓐᓂᐊᕐᓂᕐᒧᑦ ᐱᓕᕆᐊᒃᓴᑦ, ᐱᓗᐊᖅᑐᒥ ᖃᐅᔨᓴᕐᓂᕐᒧᑦ, ᓴᓇᔪᓕᕆᓂᕐᒧᑦ ᐊᒻᒪ ᓇᐃᓴᐅᓯᕆᓂᕐᒧᑦ (STEM) ᐱᓕᕆᐊᒃᓴᐅᔪᑦ ᓄᓇᓕᖕᓅᖓᓕᖅᑎᑕᐅᓪᓗᐊᕐᒪᑕ ᓄᓇᖃᖅᑳᖅᑐᖅᓯᐅᑎᓕᐊᕆᔭᐅᓗᑎᒡᓗ, ᐅᑭᐅᖅᑕᖅᑐᕐᒥ ᐱᑕᖃᓕᐅᓂᒃᑐᓂᒃ ᐊᑐᖅᓯᓗᑎᒃ (ᓲᕐᓗ ᓄᓇᒥᒃ ᖃᐅᔨᒪᓂᖅ), ᐊᑯᓂᐅᔪᒃᑰᖓᓂᐊᖅᑐᒧᓪᓗ ᑮᓇᐅᔭᖃᖅᑎᑕᐅᓗᑎᒃ
  • ᐅᑭᐅᖅᑕᖅᑐᕐᒥ ᐊᓂᒍᐃᓂᖅᑕᖃᕐᓂᖅᓴᐅᓕᕈᐊᒃᐳᖅ ᐃᓕᓐᓂᐊᕈᑎᒥᖕᓂᒃ ᐃᓱᓕᑦᑎᓯᒪᔪᑦ ᐱᑕᖃᕐᓂᖅᓴᐅᓕᖅᑐᑦ ᓄᖅᑲᑐᐃᓐᓇᖅᑐᖅᑕᖃᐅᙱᓐᓂᖅᓴᐅᓕᕈᐊᒃᖢᓂᓗ ᐃᓕᓐᓂᐊᕈᓯᑦ ᐅᑭᐅᖅᑕᖅᑐᕐᒧᑦ ᑐᕌᖓᓂᖅᓴᐅᓕᕌᖓᑕ ᖃᓪᓗᓈᓃᑦᑐᓄᑦ ᑐᕌᖓᙱᓐᓂᖅᓴᓪᓗᑎᒃ
  • ᑲᓛᖦᖠᑦ ᓄᓈᑦ ᓴᖅᑭᔮᖅᑎᑦᑎᑦᐊᖅᐳᖅ ᐅᑭᐅᖅᑕᖅᑐᕐᒥᐅᑦ ᐃᓕᖅᑯᓯᖓᑦ ᐃᓕᓐᓂᐊᖅᑕᐅᒐᓗᐊᖅᑎᓪᓗᒍ ᑲᑎᙵᓂᖃᖅᖢᓂ ᐃᓕᓐᓂᐊᖅᑕᒥᒃ ᐊᓂᖑᐃᓂᖅᑕᖃᑦᑎᐊᖃᑦᑕᕐᓂᖓᓂᒃ
• ᐃᓕᓐᓂᐊᕐᕕᐊᓘᑉ ᐅᖓᑖᓂ ᐃᓕᓐᓂᐊᖅᑕᐅᔪᒃᓴᑦ ᐱᑕᖃᕆᐊᖃᖅᐳᑦ ᐅᑭᐅᖅᑕᖅᑐᕐᒥ
  • ᔫᑳᓐ ᓯᓚᑦᑐᖅᓴᕐᕕᐊ ᓯᓚᑦᑐᖅᓴᕐᕕᒡᔪᐊᙳᖅᑎᑕᐅᕙᓪᓕᐊᓕᖅᑐᑦ
  • ᓄᓇᕘᑉ ᒐᕙᒪᖓᑦ ᕿᓂᖅᑐᖅ ᑲᓇᑕᒥ ᓯᓚᑦᑐᖅᓴᕐᕕᒡᔪᐊᕐᒥᒃ ᐱᓕᕆᐊᖃᖃᑎᒋᔭᐅᓂᐊᖅᑐᒥᒃ ᓄᓇᕗᒻᒥ ᐃᓕᓐᓂᐊᕐᕕᐊᓘᑉ ᐅᖓᑖᓂ ᐃᓕᓐᓂᐊᖅᑕᐅᔪᒃᓴᖅᑕᖃᖁᓪᓗᒍ
• ᑕᓯᓐᑕ ᖃᐅᔨᓴᕐᓂᕐᒧᑦ ᐃᓕᕝᕕᐅᓯᓐᓈᖅ ᓴᖅᑭᔮᖅᑎᑦᑎᕗᖅ ᐅᑭᐅᖅᑕᖅᑐᕐᒧᑦ ᐃᓕᓂᐊᕈᓯᕐᒥᒃ ᐅᑭᐅᖅᑕᖅᑐᕐᒥᐅᓂᑦ ᐅᑭᐅᖅᑕᖅᑐᕐᒥᐅᓄᑦ ᓴᓇᔭᐅᓯᒪᔪᒥᒃ ᐅᑯᐊᖑᓪᓗᑎᒃ ᐃᓱᒪᐅᑉ ᖃᓄᐃᙱᑦᑎᐊᕐᓂᖓ ᐃᓚᒋᔭᐅᕐᔪᐊᖅᖢᓂ ᐱᓕᕆᐊᒃᓴᕆᔭᐅᔪᒧᑦ, ᐱᓕᕆᐊᖃᖅᐸᒃᐳᑦ ᐊᐅᓪᓚᐅᒪᓪᓗᑎᒃ, ᐃᓚᐅᖃᑕᐅᔪᓪᓗ ᐅᑭᐅᖃᖃᑎᒌᒐᑎᒃ (ᐊᓈᓇᐅᔪᑦ ᓄᓇᕋᓛᓕᔭᖅᖢᑎᒃ ᐃᓐᓇᖅᑕᖃᐅᕆᓪᓗᓂ)
  • ᑕᓯᓐᑕ ᐃᓕᕝᕕᒃ ᐱᓕᕆᖃᑎᖃᕐᓂᑰᓯᒪᕗᖅ ᖃᓪᓗᓈᓃᑦᑐᓂᒃ ᓯᓚᑦᑐᖅᓴᕐᕕᒡᔪᐊᕐᓂᒃ ᐃᓐᓇᐃᑦ ᐃᓕᓴᕆᔭᐅᓯᒪᓂᖃᖁᓪᓗᒋᑦ ᐃᓕᓯᒪᕐᔪᐊᖅᑐᑦ ᐊᓂᒍᐃᓯᒪᓂᖅᑖᕆᕙᒃᑕᖓᓂᒃ ᐱᑎᑕᐅᔪᓐᓇᕐᓗᑎᒃ

ᖃᐅᔨᓴᕐᓂᖅ ᐅᑭᐅᖅᑕᖅᑐᕐᒥᐅᓄᑦ ᐊᐅᓚᑕᐅᓪᓗᓂ

• ᐃᓚᐅᔪᑦ ᐅᔾᔨᕆᔭᖃᓚᐅᖅᐳᖅ ᐅᖃᓚᐅᖅᑐᑦ ᐊᒥᓱᑦ ᐃᓱᒪᓕᕈᑎᒃᓴᐃᑦ ᖃᓄᖅ ᐅᑭᐅᖅᑕᖅᑐᕐᒥ ᖃᐅᔨᓴᕐᓂᖅ ᐋᖅᑭᒃᐹᓪᓕᕐᓂᖃᕈᓐᓇᕐᒪᖔᑦ ᑭᓯᐊᓂ ᑕᒪᒃᑯᐊ ᐊᑐᓕᖅᑎᑕᐅᓂᑰᓯᒪᙱᓚᑦ
• ᐅᑭᐅᖅᑕᖅᑐᕐᒥᐅᑦ ᓯᕗᓕᖅᑎᒋᔭᐅᓪᓗᐊᖅᐳᑦ ᓱᓇᑦ ᖃᐅᔨᓴᖅᑕᐅᓂᐊᕐᓗᑎᒃ ᓯᕗᓪᓕᐅᔾᔭᐅᓯᒪᓪᓗᐊᕐᒪᖔᑕ ᐃᒪᐃᙱᒑᕐᓗᓂ ᐃᓱᒪᓕᐊᕆᔭᑦ ᐅᑭᐅᖅᑕᖅᑐᕐᒥ ᖃᐅᔨᓴᕐᓂᐅᔫᑉ ᒥᒃᓵᓄᑦ ᐅᖓᓯᒃᑐᒥᑦ ᐋᖅᑭᒃᑕᐅᓗᑎᒃ ᐅᑭᐅᖅᑕᖅᑐᕐᒥᐅᑦ ᖃᐅᔨᔪᒪᓇᔭᖅᑕᖏᓐᓂᒃ ᓴᖅᑭᑦᑐᖃᕐᓇᓂ,
  • ᑕᒪᓐᓇ ᐃᓚᖓᒍᑦ ᐊᑐᖅᑎᑕᒃᓴᐅᔪᓐᓇᖅᐳᖅ, ᐃᓚᖓ, ᐅᑭᐅᖅᑕᖅᑐᕐᒥᐅᑦ ᓯᕗᓕᖅᑎᐅᑎᑕᐅᒃᐸᑕ ᒐᕙᒪᒃᑯᓐᓂ ᑎᒥᐅᔪᓂᓗ ᐱᓕᕆᐊᖃᖅᑐᓂᒃ ᐋᖅᑭᒃᓱᐃᓂᕐᒧᑦ, ᑮᓇᐅᔭᖃᖅᑎᑦᑎᓂᕐᒧᑦ, ᓂᕈᐊᕆᔭᖃᕐᓂᕐᒧᑦ ᖃᐅᔨᓴᕐᓂᕐᒧᓪᓗ
• ᐃᒪᑦᑐᖃᓪᓗᐊᙱᑦᑎᐊᖅᐳᖅ, ᖃᐅᔨᓴᖅᑕᖃᕐᓂᐊᕈᒪᔪᑦ ᖃᕋᓴᐅᔭᑎᒍᑦ ᑐᓴᖅᑎᑦᑎᓕᑕᐃᓐᓇᕐᓗᓂ ᓄᓇᖃᖅᑎᐅᔪᓂᒃ ᐊᒃᑐᖅᑕᐅᓯᒪᓂᐊᖅᑐᓂᒡᓘᓐᓃᑦ ᖃᐅᒃᐸᙳᖅᐸᑦ ᐃᑲᔪᖅᓱᐃᔾᔪᑎᒥᒃ ᑎᑎᕋᖅᑐᖃᕆᐊᖃᓕᕐᓗᓂ
• ᐅᑭᐅᖅᑕᖅᑐᕐᒥᐅᑦ ᐃᓚᐅᖃᑕᐅᓪᓗᐊᖅᐳᑦ ᑲᑎᒪᔨᐅᔪᓂ ᖃᐅᔨᓴᕐᓂᐅᔪᖅ ᓈᒻᒪᖕᓂᖃᑦᑎᐊᕋᓗᐊᕐᒪᖔᑦ
• ᐅᑭᐅᖅᑕᖅᑐᕐᒥᐅᑦ ᐅᑭᐅᖅᑕᖅᑐᕐᒥᓗ ᐃᖅᑲᓇᐃᔭᕐᕕᖃᖅᑎᑦᑎᔨᐅᔪᑦ ᓯᕗᓕᖅᑎᐅᔭᕆᐊᖃᖅᐳᑦ ᐊᐅᓚᑦᑎᔨᐅᓗᑎᒡᓗ ᐅᑭᐅᖅᑕᖅᑐᕐᒥ ᖃᐅᔨᓴᕐᓂᐅᔪᓂᒃ
  • ᐅᑭᐅᖅᑕᖅᑐᕐᒥ ᐃᓕᓐᓂᐊᕐᓂ, ᖃᐅᔨᓴᕐᓂᓕᕆᔨᐅᕙᒃᑐ ᓄᓇᓖᓪᓗ ᐱᖓᓱᐃᓕᖅᑲᖓᔪᓂᑦ ᑲᑎᒪᔨᓂᑦ ^{ᐅᖃᐅᓯᐅᔪᒥᒃ ᓇᓗᓇᐃᖅᑐᖅ 1} ᑮᓇᐅᔭᖅᑖᖅᑎᑕᐅᔪᓐᓇᕐᓗᑎᒃ
  • ᑮᓇᐅᔭᖃᖅᑎᑦᑎᓂᐅᔪᑦ ᓄᓇᓕᐅᔫᑉ ᐃᓕᖅᑯᓯᖏᓐᓂᒃ ᐊᑐᖅᓯᓪᓗᐊᖅᐳᑦ (ᓲᕐᓗ ᑕᕐᕋᖏᑦ ᐊᑭᓕᐅᑎᖏᑕ ᐱᑕᖃᓐᖏᑲᓗᐊᕈᑎᒃ ᖃᓄᐃᖏᑦᑐᖅ ᐊᐅᓪᓚᕈᔨᕙᒃᑐᑦ ᐊᑭᓕᐅᑕᐅᔪᓄᑦ ᖃᐅᑕᒫᖅᓯᐅᑎᖏᓐᓂ)
• ᐃᓚᖏᑦ ᖃᐅᔨᓴᖅᑎᑦ ᐃᓕᓴᕆᔭᐅᕙᙱᒻᒪᑕ ᐅᑭᐅᖅᑕᖅᑐᕐᒥᐅᑦ ᓄᓇᓕᖏᓐᓂ ᐱᓕᕆᖃᑦᑕᕆᐊᒃᓴᖏᓐᓂᒃ (ᓲᕐᓗ ᐱᓕᕆᓂᑯᒋᔭᖓᑦ ᐊᑑᑎᖃᖅᑎᑕᐅᔪᓐᓇᙱᑦᑐᖅ ᐊᑯᓂᐅᓂᕆᔭᕐᒧᑦ ᖃᐅᔨᓴᖅᑎᐅᓪᓗᓂ)
  • ᒪᓐᓇ ᐊᓯᔾᔨᕆᐊᖃᖅᐳᖅ, ᐅᑯᐊ ᐊᑑᑎᖃᖅᑐᖁᑎᖃᕐᓗᓂ ᓄᓇᓕᖕᓂᙶᖅᑐᓂᒃ ᖃᐅᔨᓴᕐᓂᖅᑕᖃᕐᓗᓂ , ᐱᓗᐊᖅᑐᒥᒃ ᐱᔭᖃᕋᓱᓛᖑᓐᓇᕐᒪᑦ ᐊᑯᓂᐅᓂᕆᔭᕐᒧᑦ ᖃᐅᔨᓴᖅᑎᐅᓪᓗᓂ
• ᒪᒃᑯᒃᑐᑦ ᖃᐅᔨᓴᖅᑎᑦ, ᐃᓚᒋᔭᐅᓪᓗᑎᒡᓗ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᑦ, ᐱᓕᒻᒪᒃᓴᖅᑎᑕᐅᑦᑎᐊᕋᔪᙱᑦᑐᑦ ᐱᓕᕆᖃᑎᖃᕆᐊᒃᓴᖅ ᐅᑭᐅᖅᑕᖅᑐᕐᒥ ᓄᓇᓕᖕᓂᒃ, ᐃᓄᑐᖃᕐᓂᒃ, ᐊᓯᖏᓐᓂᒡᓗ
  • ᑲᑎᒪᖃᑕᐅᔪᑦ ᐃᓚᖓᑦ ᐅᓂᒃᑲᐅᓯᖃᓚᐅᖅᐳᖅ ᑲᓇᑕᐅᑉ ᑭᒡᓕᓯᓂᐊᖅᑎᖏᓐᓂ ᐃᖅᑲᓇᐃᔭᖅᑎ ᓄᓇᓕᖕᓄᐊᕋᒥ ᐅᑭᐅᖅᑕᖅᑐᕐᒥ ᑐᓵᔨᖃᙱᓐᓇᒥ ᖃᓪᓗᓇᐅᔭᕈᓐᓇᖅᑐᓂᑐᐃᓐᓇ (ᓲᕐᓗ ᓄᓇᖃᖅᑳᑑᙱᑦᑑᑎᑦ) ᓄᓇᖃᖅᑎᐅᔪᓂᒃ
  • ᐅᔾᔨᕆᔭᐅᓪᓗᐊᖅᐳᖅ ᑐᓴᖅᑕᐅᓗᓂᓗ ᐅᑭᐅᖅᑕᖅᑐᕐᒥᐅᓂᒃ ᐱᓕᕆᖃᑎᖃᖅᖢᓂ ᖃᐅᔨᓴᕐᓂᖅᑕᖃᑦᑎᐊᕐᓂᖅᓴᐅᓐᓇᖅᐳᖅ
• ᖃᐅᔨᓴᕐᓂᕐᒧᑦ ᑮᓇᐅᔭᖅᑖᖑᔪᑦ ᐱᔭᕆᖃᖅᑎᑦᑎᖃᑦᑕᓪᓗᐊᖅᐳᑦ ᖃᐅᔨᓴᖅᑎᑦ ᐅᓂᒃᑳᖃᑦᑕᕆᐊᖃᕐᓗᑎᒃ ᖃᓄᑎᒋ ᓄᓇᓕᖕᓂᒃ ᐱᓕᕆᖃᑎᖃᖅᑐᕕᓂᐅᓐᓂᕐᒪᖔᕐᒥᒃ, ᖃᔅᓯᓂᒡᓗ ᓄᓇᖃᖅᑳᖅᑐᓂᒃ ᐅᑭᐅᖅᑕᖅᑐᕐᒥᐅᓂᒡᓗ ᐱᓕᕆᖃᑕᐅᔪᖃᕐᓂᕐᒪᖔᑦ ᖃᐅᔨᓴᖅᑎᓪᓗᒋᑦ
  • ᒫᓐᓇᒃᑯ ᓇᓗᓇᐃᖅᓯᔭᕆᐊᖃᕈᓯᕆᔭᖅ ᐊᕐᓇᑦ ᐊᖑᑎᑦ ᓇᓕᒧᒃᓲᑎᔭᕆᐊᖃᕐᓂᕆᔭᖓ ᐃᓚᒋᐊᖅᑕᐅᓪᓗᐊᓕᖅᑐᑦ ᐃᓚᐅᖃᑕᐅᓂᕆᔭᕐᓄᑦ ᐅᑭᐅᖅᑕᖅᑐᕐᒥᐅᑦ ᓄᓇᖃᖅᑳᖅᑐᓪᓗ
  • ᖃᓪᓗᓈᓂᙶᖅᑐᑦ ᖃᐅᔨᓴᖅᑎᑦ ᐱᕐᔪᐊᖑᓂᖃᕐᓂᖅᓴᐅᖕᒪᑕ ᑲᓇᑕᐅᑉ ᖃᐅᔨᓴᕈᓯᖏᓐᓂ (ᓲᕐᓗ ᑮᓇᐅᔭᖅᑖᕈᓐᓇᕐᓂᖅᓴᐅᓂᖅ) ᑕᒪᓐᓇ ᐱᕐᔪᐊᖑᓂᕆᔭᖅ ᐊᑐᖅᑎᑕᐅᓪᓗᐊᖅᐳᖅ ᐊᓯᔾᔨᖅᑎᑦᑎᓂᕐᒧᑦ
• ᐊᑑᑎᖃᕋᔭᖅᐳᖅ ᓇᓗᓇᐃᖅᓯᕙᖕᓂᖅ ᑐᓴᖅᑕᐅᑎᑦᑎᕙᖕᓂᕐᓗ ᐱᓕᕆᖃᑎᒌᖕᓂᕆᔭᕐᓂᑦ ᖃᐅᔨᓴᖅᑎᓄᑦ ᐅᑭᐅᖅᑕᖅᑐᕐᒥᐅᓄᓪᓗ, ᑕᒪᐃᓐᓄᑦ ᑐᕌᒐᕆᔭᐅᔪᑦ ᐃᓚᐅᖃᑕᐅᔪᓗᒃᑖᕐᓄᑦ ᐱᕚᓪᓕᕈᑎᒃᓴᖃᖅᑎᑦᑎᓇᓱᒡᓗᑎᒃ ᐱᓇᓱᐊᖅᑕᐅᔪᓂᒃ
  • Smart Ice, ᐱᓕᕆᐊᒃᓴᖅ ᖃᐅᔨᒪᓂᑐᖃᕆᔭᕐᒥᒃ ᐅᖓᓯᒋᓪᓗᒍᓗ ᒥᐊᓂᕆᔭᖃᐅᓯᖃᕐᓂᕐᒥᒃ ᐊᑐᖅᓯᕗᖅ ᓄᓇᓕᒋᔭᑦ ᖃᓂᒋᔮᑕ ᓯᑯᐊ ᖃᓄᐃᓐᓂᕆᔭᖓᓂᒃ ᖃᐅᔨᓇᓱᒧᑦ, ᐆᒃᑑᑕᐅᕗᖅ
• ᑮᓇᐅᔭᖅᑖᕆᑎᑕᐅᕙᒃᑐᑦ ᖃᖓᒃᑰᖅᑕᕐᓂᕆᕙᒃᑕᖏᑦ ᐅᑭᐅᖅᑕᖅᑑᑉ ᖃᓄᐃᑦᑑᓪᓚᕆᖕᓂᖓᓂᒃ ᐃᓱᒪᒋᔭᖃᕐᕕᐅᓯᒪᙱᓚᑦ (ᓲᕐᓗ ᐱᓕᕆᐊᖑᓂᐊᖅᑐᑦ ᐃᓚᖏᑦ ᐱᕕᑭᓐᓇᖅᐸᖕᒪᑕ)

"ᑕᐃᑲᓃᓕᕋᑦᑕ ᐅᖃᐅᓯᖃᑐᐃᓐᓇᕈᓐᓃᖅᖢᑕ "ᐃᓕᓐᓂᐊᕐᕕᑦ" ᐊᒻᒪᓗ "ᐅᑭᐅᖅᑕᖅᑐᒥᐅᑦ - ᐊᑕᐅᓯᐅᓕᖅᑐᑦ ᐊᒻᒪᓗ ᑖᒃᑯᐊᑦᑕᐃᓐᓇᐅᓕᖅᑐᑦ; ᑕᐃᑲᓂ ᐅᑭᐅᖅᑕᖅᑐᒥᐅᑦ ᓯᕗᓕᐅᖅᑎᐅᓗᑎᒃ ᖃᐅᔨᓴᕐᓂᕐᒧᑦ, ᐱᓇᓱᐊᖃᑎᒋᔭᑐᐃᓐᓇᖅᑎᒎᓐᖏᑦᑐᖅ ᐊᒻᒪᓗ ᐃᓚᐅᔪᑐᐃᓐᓇᖅᑎᒎᓐᖑᑦᑐᖅ."" – ᑯᕆᔅᑏᓐ ᒪᒃᑖᕕᔅ, ᓄᓇᑦᓯᐊᕗᑦ ᒐᕙᒪᖓᑦ

ᐅᖃᐅᓯᒃᓴᑦ ᐊᓯᖏᑦ

• ᐅᖃᐅᓯᖅᑕᖅ "ᓈᒻᒪᒋᔭᓂᒃ ᐱᕙᓪᓕᐊᑎᑦᑎᓂᖅ" ᐊᑑᑎᖃᕐᓂᖅᓴᐅᖅᑰᔨᕗᖅ "ᑲᔪᓯᑏᓐᓇᒐᒃᓴᖅ ᐱᕙᓪᓕᐊᓂᕐ"ᒥᑦ, ᖃᓪᓗᓈᑦ ᐊᕙᑎᒋᔭᕐᒥᒃ ᐃᓱᒪᖃᐅᓯᕆᒻᒪᔾᔪᒃ ᑖᓐᓇ
• ᓄᓇᖃᖅᑎᐅᔪᑦ ᖃᓄᐃᑦᑑᓂᖏᑦ ᕿᒥᕐᕈᓪᓗᒋᑦ ᒪᒃᑯᒃᑐᖅᑕᖃᕐᓂᖅᓴᐅᖕᒪᑲ ᐅᑭᐅᖅᑕᖅᑑᑉ ᑲᓇᖕᓇᖓᓂ, ᑕᐃᒪᐃᓐᓂᖓᓄᑦ ᐊᑐᐊᒐᖅᒧᑦ 2030 ᖄᖏᐅᑕᐅᓯᒪᓪᓗᐊᖅᐳᖅ

ᓴᖏᔫᓂᖅ, ᑲᔪᓯᑏᓐᓇᒐᒃᓴᐃᑦ ᐊᒻᒪᓗ ᐊᔾᔨᒋᖏᑑᑕᐅᓂᖏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᒃᓴᐃᑦ

ᐅᖃᖃᑎᒋᒍᑎᓴᓄᑦ ᐊᐱᖅᑯᑎᑦ:

1. ᖃᓄᐃᓕᐅᕈᓐᓇᖅᐸᑦ ᓯᕗᕙᕆᐊᖅᑎᑦᑎᔪᓐᓇᕐᓂᕐᒧᑦ ᑲᔪᓰᓐᓇᕈᓐᓇᖅᑐᓂᒃ ᑮᓇᐅᔭᓕᐅᕈᑎᒃᓴᓂᒃ ᐱᕙᓪᓕᐊᔪᓐᓇᕐᓂᖅ, ᐱᕈᖅᐸᓕᐊᔪᓐᓇᕐᓗᑎᒃ ᒥᑭᔫᑏᑦ ᐊᑯᓐᓂᖅᓱᖅᑐᓄᑦ ᓇᖕᒥᓂᖅ ᐅᑭᐅᖅᑕᖅᑐᒥ ᐱᓕᕆᕕᐅᔪᑦ ᐊᒻᒪᓗ ᐱᑕᖃᓕᕐᓗᑎᒃ ᐊᔾᔨᒋᖏᑦᑑᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᐅᔪᓐᓇᖅᑐᑦ?
2. ᖃᓄᐃᓕᐅᖅᑐᖃᕈᓐᓇᖅᐸ ᓴᕿᑎᑦᑎᕙᓪᓕᔪᓐᓇᕐᓂᖅ ᐊᔪᖏᓂᖏᓐᓂᒃ/ᖃᐅᔨᒪᓂᖃᕈᓐᓇᕐᓂᖏᑦ ᐊᒻᒪᓗ ᐃᓚᐅᑎᑕᐅᓂᖅᓴᐅᓗᑎᒃ ᐅᑭᐅᑕᖅᑐᒥ ᓄᓇᓕᑐᖃᐃᑦ ᓄᓇᖁᑎᖏᓐᓂ ᑮᓇᐅᔭᓕᐅᕐᕕᐅᔪᓐᓇᖅᑐᓂ?
3. ᖃᓄᐃᑦᑐᓪᓚᕆᖕᓂᒡᓕ ᐱᕕᒃᓴᓕᐅᕈᓐᓇᖅᐸᑦ ᐃᓚᒌᓕᕈᑎᒋᔪᓐᓇᖅᑕᖏᓐᓂᒃ ᐊᒻᒪᓗ ᑕᒪᐃᓐᓄᑦ ᐱᓕᕆᐊᓕᕈᓐᓇᖅᑐᓂᒃ, ᖃᐅᔨᒋᐊᖅᑕᐅᔪᓐᓇᖅᑐᓂᒃ?

ᓇᓗᓇᐃᖅᓯᓂᖅ ᐅᑭᐅᖅᑕᖅᑐᕐᒥ "ᒪᑭᒪᔾᔪᑎᒃᓴᑦ ᐱᕈᖅᐸᓪᓕᐊᓂᖏᑦ"

• ᐱᖃᕐᓂᕐᒥᒃ ᐃᓱᒪᒋᔭᖃᖅᖢᓂ ᒪᑭᒪᔾᔪᑎᑦ ᑕᐅᑐᒃᖢᒋ, ᐱᕈᖅᐸᓪᓕᐊᓂᖅᑕᖃᖅᑎᑦᑎᑦᑎᐊᖅᓯᒪᕗᑦ ᐅᑭᐅᖅᑕᖅᑐᕐᒥ (ᓲᕐᓗ ᓂᕿᒥᒃ ᑕᐅᖅᓰᖃᑎᒌᒃᑕᕐᓂᖅ, ᑕᑯᕋᓐᓂᖅᓯᑎᓯᒪᔪᑦ, ᓴᓇᙳᐊᖅᐸᖕᓂᖅ, ᐊᔾᔨᓕᐅᕆᑦᑕᕐᓂᖅ, ᖃᐅᔨᓴᖅᑕᖃᖅᐸᖕᓂ, ᐊᓯᖏᓪᓗ), ᑭᓯᐊᓂ ᕿᒥᕐᕈᓪᓗᒍ "ᓇᖕᒥᓂᖅ ᒪᑭᒪᔾᔪᑎᒃᓴᓂᒃ ᐊᐅᓚᑦᑎᑦᑕᕐᓂᖅ" ᑕᒪᒃᑯᐊ ᐱᕈᖅᐸᓪᓕᐊᓂᖅᑕᖃᖅᑎᑦᑎᔨᐅᔪᑦ ᓂᖃᐃᓱᖅᑎᐅᕙᒃᐳᑦ.
  • ᐅᖃᐅᓯᖅᑕᖅ "ᒪᑭᒪᔾᔪᑎᒃᓴᓂᒃ ᐱᕈᖅᐸᓪᓕᐊᑎᑦᑎᓂᖅ" ᓴᖅᑭᔮᖅᑎᑦᑎᓪᓗᐊᖅᐳᖅ ᐅᑭᐅᖅᑕᖅᑐᕐᒥᐅᑦ ᑕᐅᑐᙳᐊᖅᑕᖓᓂᒃ (ᓲᕐᓗ ᐃᑲᔪᖅᓱᖅᑕᐅᓗᑎᒃ ᒪᑭᒪᔾᔪᓯᑐᖃᐃᑦ)
• ᐅᑭᐅᖅᑕᖅᑐᕐᒥᐅᑦ ᐱᓕᕆᖃᑎᒋᔭᐅᔪᒃᓴᐅᑕᐅᕗᑦ ᐋᖅᑭᒃᓱᐃᑎᓪᓗᒋ ᓇᖕᒥᓂᖅ ᒪᑭᒪᔾᔪᑎᒃᓴᕆᔭᕐᒥᖕᓂᒃ
• ᐆᒃᑑᑎᒋᓪᓗᒍ, ᓄᓇᑦᓯᐊᑉ ᒐᕙᒪᖓᑦ ᓯᕗᓪᓕᐅᔾᔨᕙᓪᓕᐊᓕᖅᐳᑦ ᐱᒋᐊᖅᐸᓪᓕᐊᑎᑕᐅᓂᕆᔭᖓ ᖃᐅᔨᒪᓂᕐᒥᒃ ᒪᑭᒪᔾᔪᑎᖃᕐᓂᖅ (ᓲᕐᓗ ᐃᓐᓇᐃᑦ ᖃᐅᔨᒪᓂᕆᔭᖏ, ᐊᐅᓪᓚᐅᒪᓂᕐᒥᒃ ᓄᓇᒥ ᖃᐅᔨᒪᔭᖃᕐᓂᖅ, ᖃᐅᔨᓴᕐᓂᕐᒥᒃ ᖃᐅᔨᒪᔭᖃᕐᓂᖅ, ᐊᓯᖏᓪᓗ), ᐱᒋᐊᕈᑎᒋᓗᒍ ᑐᑭᓯᐊᓂᖃᕐᓂᖅᓴᐅᓕᖅᑎᑦᑎᓂᖅ ᑮᓇᐅᔭᖅᑖᖑᕙᒃᑐᑦ ᖃᐅᔨᓴᕐᓂᕐᒧᑦ ᐅᑭᐅᖅᑕᖅᑐᕐᒥ (ᓲᕐᓗ ᑲᑎᒪᕐᔪᐊᕐᓃᑦ, ᖃᐅᔨᒪᓂᑐᖃᖅ ᐱᔾᔪᑎᒋᓪᓗᒍ ᑲᑎᑦᑕᕐᓂᖅ, ᐊᓯᖏᓪᓗ)
• ᖃᓄᖅ ᖃᐅᔨᓴᕐᓂᖅ ᓄᓇᓕᖕᓂ ᐱᕈᖅᐹᓪᓕᖅᑎᑦᑎᔪᓐᓇᖅᐸᑦ ᒪᑭᒪᔾᔪᑎᒃᓴᐅᔪᓐᓇᖅᑐᓂᒃ? ᖃᓄᖅ ᖃᐅᔨᓴᕐᓂᖅ ᐃᑲᔪᕐᓂᖃᕈᓐᓇᖅᐸ ᐱᕈᖅᐸᓪᓕᐊᓂᕆᔭᕐᒧᑦ ᐃᓅᖃᑎᒌᒍᓯᕐᓅᖓᔪᓂᒃ ᐱᓕᕆᐊᓂᒃ?
  • ᑮᓇᐅᔭᖅᑕᖃᕆᐊᖃᖅᐳᖅ ᐅᑭᐅᖅᑕᖅᑐᕐᒥ ᖃᐅᔨᓴᕐᓂᕐᒧᑦ ᐱᕐᔪᐊᖑᔪᓄᑦ ᐊᑐᖅᑕᐅᔪᒃᓴᓂᒃ (ᓲᕐᓗ ᐅᑭᐅᖅᑕᖅᑐᕐᒦᑦᑐᓄᑦ ᑎᒥᐅᔪᓄᑦ)
• ᑯᐊᐸᐅᓪᓗᓂ ᑲᑐᔾᔨᖃᑎᒌᒍᓯᖅ ᐱᕈᖅᐹᓪᓕᖅᑎᑦᑎᕐᔪᐊᕐᓂᑰᓯᒪᔪᖅ ᐅᑭᐅᖅᑕᖅᑐᕐᒥ ᒪᑭᒪᔾᔪᓯᕐᓂᒃ 1970ᑦ ᐊᑐᖅᑎᓪᓗᒋᑦ

ᑲᒪᒋᓇᓱᒃᑕᖃᕐᓂᖅ ᓇᑉᐸᕆᐊᓕᑦ, ᐋᓐᓂᐊᖃᕐᓇᙱᓐᓂᕐᒧᑦ ᐊᒻᒪᓗ ᐃᓅᓯᖃᖃᑎᒌᖕᓂᖅ ᐃᖅᐸᖅᓯᒪᔪᑦ

• ᑲᒪᒋᔭᐅᓪᓗᐊᖅᐳᑦ ᐱᑕᖃᕐᕕᐅᙱᕐᔪᐊᕐᓂᕆᔭᖅ ᐋᓐᓂᐊᖃᕐᓇᙱᓐᓂᕐᒧᑦ ᐃᓅᓯᖃᖃᑎᒌᖕᓂᕐᒧᓪᓗ ᐱᕈᖅᐸᓪᓕᐊᓕᕈᓐᓇᕋᔭᖁᓪᓗᒋᑦ ᐅᑭᐅᖅᑕᖅᑐᕐᒥ ᒪᑭᒪᔾᔪᑎᒃᓴᑦ
• ᐃᓅᓇᓱᐊᕈᑎᑦ ᐊᑭᖏᑦ ᐊᒻᒪ ᒐᕙᒪᐅᔪᑦ ᐊᑐᐊᒐᓕᐊᕆᓯᒪᔭᖏᑕ ᐊᒃᑐᐃᓯᒪᓂᕆᕙᒃᑕᖏᑦ ᐅᑭᐅᖅᑕᖅᑐᕐᒥᐅᓂᒃ ᑐᑭᓯᐅᒪᔭᐅᓂᖅᓴᐅᔭᕆᐊᖃᖅᐳᑦ (ᓲᕐᓗ ᓂᖃᐃᓱᖅᑕᕐᓂᖅ, ᓄᖅᑲᕕᖕᓂᖅᓴᒧᑦ ᐱᕙᒌᔭᖅᓯᒪᓂᖅ, ᐊᓯᖏᓪᓗ)
• ᐆᒻᒪᖅᑯᑎᑦ ᐊᑭᑐᓂᖓ ᓄᖅᑲᖓᔾᔪᑕᐅᓐᓇᕆᔭᐅᕗᖅ ᓇᖕᒥᓂᕆᔭᒥᒃ ᐱᕈᖅᐸᓪᓕᐊᑎᑦᑎᓂᕐᒧᑦ; ᐊᓯᖏᓐᓂᒃ ᐆᒻᒪᖅᑯᑎᑖᕈᓐᓇᐅᑎᓂᒃ ᕿᒥᕐᕈᔭᐅᔪᖃᓪᓗᐊᖅᐳᖅ
• ᐅᑭᐅᖅᑕᖅᑑᑉ ᐱᕐᔪᐊᖑᓪᓗᒍ ᐊᑐᕆᐊᖃᖅᑕᖃᕐᕕᒋᔭᖓ ᐊᖏᓈᖅᓯᒪᔪᒥᒃ ᑮᓇᐅᔭᖅᑖᖅᑎᑕᐅᓯᒪᙱᓚᑦ ᑕᐃᒪᙵᑦ 1950ᓂᑦ; ᐊᓯᐊᓂᒃ "ᐅᓇᑕᕐᔪᐊᕐᓇᐅᑎᓪᓗᒍ" ᑮᓇᐅᔭᖅᑕᖃᓕᕈᑎᑕᖃᓪᓗᐊᖅᐳᖅ (ᓲᕐᓗ "ᑲᓇᑕᒥᐅᑕᐅᓐᖏᑦᑐᓄᑦ ᐸᕐᓇᐅᑎᖓᑦ" ᐅᓇᑕᕐᔪᐊᕐᓂᖅᑕᖃᓚᐅᖅᑎᓪᓗᒍ ᒥᐊᓕᒐᐃᑦ ᑮᓇᐅᔭᑎᒍᑦ ᐃᑲᔪᖅᓯᓂᑯᒋᔭᖓᑦ ᐅᓇᑕᕐᕕᐅᓚᖅᑐᑦ ᐱᕈᖅᐹᓕᒃᑲᓐᓂᖅᑎᑦᑎᕕᒃᓴᖓ)
• ᐱᕐᔪᐊᖑᔪᑦ ᐊᑐᖅᑕᐅᔪᒃᓴᑦ ᐱᕈᖅᐸᓪᓕᐊᑎᑕᐅᓂᕆᔭᖓ ᐅᑭᐅᖅᑕᖅᑐᕐᒥᐅᓂᙶᓪᓗᐊᖅᐳᖅ (ᓲᕐᓗ ᐃᔾᔪᖅᓯᒋᐊᖅᑎᑦᑎᓇᓱᖕᓂᖅ ᓯᑯᒥᒃ, ᐃᓕᓐᓂᐊᕈᑎᓕᐅᕐᓂᖅ ᓄᓇᒥᒃ ᐊᑐᖅᓯᓂᖅᓴᐅᔪᓂᒃ, ᓄᓇᖃᖅᑳᖅᑐᑦ ᖃᓄᐃᙱᑦᑑᔾᔪᓯᖏᑦ ᑎᒥᒃᑯᑦ ᐃᓱᒪᒃᑯᓪᓗ, ᐊᓯᖏᓪᓗ)

ᑲᓇᖕᓇᕐᒥᑦ ᐅᐊᓕᓂᕐᒧᑦ ᓄᒃᑕᕈᓐᓇᕐᓂᖅ

• ᑲᓇᖕᓇᕐᒥᑦ ᐅᐊᓕᓂᕐᒧᑦ ᓄᒃᑕᕈᓐᓇᕐᓂᖅ ᐃᑲᔪᖅᓱᖅᑕᐅᓯᒪᓪᓗᐊᖅᐳᖅ
  • ᐆᒃᑑᑎᒋᓪᓗᒍ, 1-ᐃᑲᕐᕋᖅ 20-ᒥᓂᓗ ᐃᓚᓪᓗᒍ ᓅᖕᒥᙶᕐᓇᖅᑑᒐᓗᐊᖅ ᑭᓯᐊᓂ ᑐᕋᐃᓐᓇᕐᓗᒍ ᖃᖓᑕᓐᓇᙱᑦᑐᖅ
• ᖃᖓᑕᔭᕋᕐᓂᕐᒧᑦ ᐱᓕᕆᐊᑦ ᓄᑖᙳᖅᐸᓪᓕᐊᕐᓇᓵᕐᔪᐊᖅᐳᖅ (ᐱᓕᕆᐊᖃᐅᓯᑦ ᓄᑖᑦ ᓲᕐᓗ ᐳᓪᓚᕐᒧᑦ ᖃᖓᑕᑎᑕᐅᕙᒃᑐᑦ ᐃᓱᒪᒋᔭᐅᓯᒪᙱᒻᒪᑕ)
  • ᒐᕙᒪᒃᑯᓐᓂᒃ ᑭᒡᒐᖅᑐᐃᔪᖅ ᐅᖃᐅᓯᖃᓚᐅᖅᐳᖅ ᐅᓪᓗᓂᒡᒎᖅ 120ᓂ ᑲᓇᑕᐅᑉ ᐃᖏᕐᕋᔪᓕᕆᔨᒃᑯᖏᑦ ᑐᓂᓯᔪᓐᓇᕋᔭᖅᑐᑦ ᓴᓇᑦ ᑲᑎᒪᔨᕋᓛᖏᓐᓄᑦ ᐱᔾᔪᑎᒋᓪᓗᒍ
• ᑲᓇᖕᓇᕐᒥᑦ ᐅᐊᓕᓂᕐᒧᑦ ᑲᑎᓐᓂᕆᔭᑦ ᐊᑐᖅᑎᑕᒃᓴᐅᔪᓐᓇᕆᕗᑦ ᐃᑭᐊᖅᑭᕕᒃᑯᑦ ᐅᖃᓪᓚᖃᑎᒌᒍᓯᑎᒍᓪᓗ ᐊᔾᔨᒌᙱᑦᑐᒃᑯᑦ

ᐅᑭᐅᖅᑕᖅᑐᕐᒥ ᖃᐅᔨᓴᖅᑐᓕᕆᓂᖅ ᐊᒻᒪᓗ ᓄᓇᖃᖅᑐᑐᖃᐃᑦ ᖃᐅᔨᒪᔭᑐᖃᖏᑦ

ᐅᖃᖃᑎᒋᒍᑎᓴᓄᑦ ᐊᐱᖅᑯᑎᑦ:

1. ᖃᓄᐃᓕᐅᖅᑎᐅᖃᕈᓐᓇᖅᐸ ᖃᓄᖅᑑᕈᑕᐅᔭᕆᐊᖃᖅᑐᓄᑦ ᐊᑑᑎᖃᑦᑎᐊᕐᓂᖅᓴᐅᔪᓐᓇᖅᑐᓂᒃ ᓄᓇᓕᖕᓄᑦ ᖃᐅᔨᒪᔭᐅᔭᕆᐊᖃᖅᑐᓂᒃ ᐃᑲᔫᑕᐅᔪᓐᓇᕐᓂᖅ?
2. ᖃᓄᐃᓕᐅᕈᓐᓇᖅᐸᑦ ᐅᑭᐅᖅᑕᖅᑐᒥᐅᑕᐃᑦ ᐃᓚᐅᓂᖅᓴᐅᓕᕈᓐᓇᕐᓂᐊᕐᒪᑕ ᐅᑭᐅᖅᑕᖅᑐᒥ ᖃᐅᔨᓴᖅᑕᐅᕙᒃᑐᑦ ᐱᔾᔪᑕᐅᓂᖏᓐᓂ ᐊᒻᒪᓗ ᐊᑐᖅᑕᐅᓂᖅᓴᐅᓕᕐᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᑦ ᐃᓱᒪᓕᐅᕈᑕᐅᔭᕆᐊᖃᖅᑐᓂ?
3. ᖃᓄᐃᑐᓪᓚᕆᖕᓂᒃ ᐱᑕᖃᖅᐸᑦ ᐱᕕᒃᓴᐅᓕᕈᓐᓇᖅᑐᓂᒃ ᐃᓚᒌᒃᓱᕐᕕᐅᓕᕈᓐᓇᖅᑐᓂᒃ ᐊᒻᒪᓗ ᑕᒪᐃᓐᓄᑦ ᑲᑐᔾᔨᖃᑎᒌᒍᑕᐅᓕᕈᓐᓇᖅᑐᑦ?

ᐅᖃᐅᓯᒃᓴᖃᓕᖅᑎᑦᑎᓇᓱᒃᖢᓂ ᐊᐱᖅᑯᓯᑦ: ᓄᑖᕈᕆᐊᖅᑎᑕᐅᓂᖏᑦ ᑕᐃᒎᓰᑦ

• ᐃᓚᐅᔪᑦ ᐊᒥᓱᑦ ᐊᖏᖃᑎᒌᓚᐅᖅᐳᑦ ᐅᖃᐅᓯᖅᑕᕆᔭᑦ ᐊᑐᐊᒐᐅᑉ ᐅᖃᐅᓯᒃᓴᖃᓕᖅᑎᑦᑎᓇᓱᒃᖢᓂ ᐊᐱᖅᑯᓯᓄᑦ ᒫᓐᓇᓕᓴᙳᖅᑎᑕᐅᒃᑲᓐᓂᐊᖃᕐᒪᑕ ᐃᓚᒋᔭᐅᓪᓗᑎᒃ:
  • ᐱᕚᓪᓕᖅᑎᑦᑎᓗᓂ ᐅᑭᐅᖅᑕᖅᑐᕐᒥᐅᑦ ᐱᔪᓐᓇᕐᓂᕆᔭᖏᓐᓂᒃ "ᓯᕗᓕᖅᑎᐅᕕᒋᔭᖃᕐᓂᕐᒥᒃ" ᐅᑭᐅᖅᑕᖅᑐᕐᒥ ᖃᐅᔨᓴᕐᓂᖅᑕᖃᕐᓂᕐᒧᑦ, "ᐃᓚᐅᑐᐃᓐᓇᖅᑎᐅᖃᑦᑕᓐᖏᓪᓗᑎᒃ"
  • ᓄᓇᖃᖅᑳᖅᑐᑦ ᖃᐅᔨᒪᓂᕆᔭᖏᑦ ᐊᒻᒪ "ᖃᓪᓗᓈᑦ" ᖃᐅᔨᓴᕐᓂᓕᕆᔾᔪᓯᖏᑦ ᐃᓛᒃᑰᖓᓪᓚᕆᒃᖢᑎᒃ ᖃᐅᔨᒪᓂᐅᖕᒪᑎᒃ; ᐱᖃᑖ "ᐃᓚᓕᐅᔾᔭᐅᓗᐊᙱᑉᐳᖅ" ᐱᖃᑖᓄᑦ, ᐃᖕᒥᒃᑯᑦ ᐅᐱᒋᔭᐅᓗᑎᒃ (ᓲᕐᓗ ᓄᓇᖃᖅᑳᖅᑐᑦ ᖃᐅᔨᒪᔭᖏᑦ ᐃᒪᐃᑦᑑᕘᖅᑕᐅᓇᓱᓪᓗᐊᙱᓚᖅ ᖃᓪᓗᓈᑦ ᖃᐅᓯᓴᕐᓂᓕᕆᔾᔪᓯᖏᓐᓄᑦ)

ᐱᖓᓱᐃᖑᔪᑦ ᖃᐅᔨᒪᓂᕐᒥᒃ ᖃᐅᔨᓴᕐᓂᖅ (ᖃᓄᐃᓐᓂᕆᔭᖏᑦ ᑕᑯᒃᓴᐅᙱᑦᑐᑦ), ᐊᓯᔾᔨᕐᓂᖏᑦ ᐅᔾᔨᕐᓇᖅᑐᑦ, ᐊᒻᒪ ᐃᓄᖕᓄᑦ ᐊᑐᖅᑕᐅᓂᑰᓯᒪᔪᑦ

• ᐱᖓᓱᐃᖑᔪᑦ ᖃᐅᔾᓴᕐᓂᒃᑯᑦ ᓄᓇᑲᖅᑳᖅᑐᓪᓗ ᖃᐅᔨᒪᔭᖏᑦ ᐅᑯᐊᖑᓪᓗᑎᒃ: (1) ᖃᐅᔨᒃᑲᐃᔾᔪᑎᑦ ᖃᐅᔨᔭᐅᔪᓐᓇᖅᑐᒃ ᑭᓯᐊᓂ ᖃᐅᔨᓴᕐᓂᑯᑦ, (2) ᐊᓯᔾᔨᖅᑐᑦ ᐆᒃᑐᖅᑕᐅᔪᓐᓇᖅᑐᒃ ᖃᐅᔨᓴᕐᓂᒃᑯᑦ ᐃᓄᖕᓄᓪᓗ ᐅᔾᔨᕆᔭᐅᔪᓐᓇᖅᖢᑎᒃ, ᐊᒻᒪᓗ (3) ᐃᓄᐃᑦ ᐊᑐᖃᑦᑕᖅᓯᒪᓂᑯᖏᑦ ᖃᐅᔨᒪᔭᖏᓪᓗ ᓄᓇᒥᒃ ᓱᓕ ᖃᐅᔨᔭᐅᔪᓐᓇᙱᖦᖢᑎᒃ ᖃᐅᔨᓴᖅᑐᓕᕆᓂᒃᑯᑦ
• ᐱᖓᔪᖓ, ᐃᓄᖕᓄᑦ ᐊᑐᖅᑕᐅᖃᑦᑕᕐᓂᑯᑦ ᖃᐅᔨᒪᐅᔪᓪᓗᑦ, ᐃᒃᐱᒋᔭᐅᑦᑎᐊᕐᓂᖅᓴᐅᔾᔫᒥᓪᓗᐊᖅᑐᑦ ᖃᐅᔨᓴᖅᑎᓄᑦ ᐊᒻᒪᓗ ᑎᒥᐅᔪᓄᑦ ᑮᓇᐅᔭᖅᑖᖅᑎᑦᑎᕙᒃᑐᓄᑦ
  • ᑕᒪᓐᓇ ᖃᐅᒪᓂᖅ ᐱᕚᓪᓕᕈᑎᒃᓴᖃᖅᑎᑕᐅᔭᕆᐊᖃᖅᐳᖅ ᑮᓇᐅᔭᑎᒍᓪᓗ ᐅᑎᕐᕕᐅᔭᕆᐊᖃᖅᖢᑎᒃ, ᖃᐅᔨᓴᕆᐊᖃᐃᓐᓇᕐᓂᖅᓴᒃᑰᕐᒪᑦ ᐊᓯᐊᓂᓗ ᐃᔾᔪᐊᖅᑕᐅᔪᓐᓇᙱᖦᖢᓂ
  • ᖃᐅᔨᓴᕐᓂᖅ ᑕᒪᑐᒪᓂ ᐊᑐᖅᑕᐅᓕᕈᓐᓇᖅᑐᖅ ᓄᓇᖃᖅᑳᖅᑐᑦ ᒪᒃᑯᒃᑐᓪᓗ ᐊᒃᑐᐊᖓᔪᓐᓇᖅᑎᑕᐅᓂᖏᓐᓄᑦ ᓄᓇᒧᑦ
• ᐃᓅᓯᕐᒥ ᐊᑐᖅᑕᐅᓯᒪᓂᑰᔪᓂᑦ ᐊᒻᒪᓗ ᖃᐅᔨᓴᒻᒪᕆᖕᓂᒃᑯᑦ ᖃᐅᔨᔭᐅᔪᑦ ᐊᔾᔨᒌᖏᓐᓇᖃᑦᑕᙱᒻᒪᑕ; ᐆᒃᑑᑎᒋᓪᓗᒍ, ᐊᑐᕐᓂᕐᒧᑦ ᑭᒡᓕᐊ (ᓲᕐᓗ ᐃᓄᒃ ᐃᖢᐊᕆᔪᓐᓃᕌᖓᒥᐅᒃ ᓄᓇ ᐊᑐᕆᐊᒃᓴᖅ) ᐊᒃᑐᐊᓂᖃᕐᔪᐊᖅᑐᖅ, ᓱᖁᑕᐅᓇᑎᒃ ᖃᐅᔨᓴᕐᓂᒃᑯᑦ ᐊᕙᑎᐅᑉ ᐊᒃᑯᖅᑕᐅᓂᖓᓂᒃ ᖃᐅᔨᔭᐅᔪᑦ

"ᓇᐅᒃᑯᑐᐃᓐᓇᑦᑎᐊᖅ ᖃᐅᔨᓴᕐᓂᖅᑕᖃᖅᑐᑦ, ᖃᐅᔨᓴᖅᑎᒻᒪᕇᑦ ᐊᑭᓕᖅᓱᖅᑕᐅᔭᕆᐊᖃᓪᓗᐊᕆᕙᖕᒪᑕ ᖃᐅᔨᓴᕐᓂᕆᔭᕐᒥᖕᓄᑦ. ᓄᓇᕗᒻᒥᐅᑦᑕᐅᖅ ᐊᑭᓕᖅᓱᖅᑕᐅᓪᓗᐊᕐᒥᖕᒪᑕ, ᑮᓇᐅᔭᖅᑐᕐᓂᕆᔭᕐᒥᓄᓪᓗ ᐅᑎᕐᕕᐅᕙᒡᓗᑎᒃ ᖃᐅᔨᓴᖅᑎᐅᓂᕐᒥᖕᓄᓪᓗ ᐅᐱᒋᔭᐅᓂᖃᕐᒥᓗᑎᒃ." - ᕆᑦᓱᑦ ᓇᔅᐱᑦ, ᕼᐊᑦᓯᓐᓴᓐ ᐊᕙᑎᒋᔭᕐᒧᑦ ᖃᐅᔨᓴᕐᓂᓕᕆᓂᕐᒧᑦ ᓕᒥᑎᑦ

ᐊᔪᕐᓇᕈᓐᓃᖅᑎᓪᓗᒋᑦ ᐅᑭᐅᖅᑕᖅᑐᕐᒥ/ᓄᓇᓕᖕᒥ ᑐᙵᕕᓖᑦ ᓇᐅᑦᑎᖅᓱᐊᖃᕈᓯᑦ ᒥᐊᓂᕆᔾᔪᓯᖅ ᐊᒻᒪᓗ ᖃᐅᔨᓴᕐᓂᒃᑯᑦ ᐊᐃᑦᑑᑎᒋᔭᑦ

• ᓄᓇᓖᑦ ᐃᓚᐅᖃᑦᑕᓪᓗᐊᖅᑐᑦ ᐋᖅᑭᒃᓱᖅᑕᐅᕙᓪᓕᐊᓕᓵᕌᖓᑕ ᖃᐅᔨᓴᕐᓂᕐᒧᑦ ᐱᓕᕆᐊᒃᓴᑦ (ᓲᕐᓗ ᑮᓇᐅᔭᖅᑖᖅᑎᑦᑎᔪᖃᓚᐅᖅᑎᓐᓇᒍ) ᐊᒻᒪᓗ/ᐅᕝᕙᓘᓐᓃᒃ ᖃᐅᔨᓴᕐᓂᕐᒥᒃ ᓯᕗᓪᓕᐅᑎᑕᐅᓂᐊᖅᑐᑦ ᐋᖅᑭᒃᓱᖅᑕᐅᓚᐅᖅᑎᓐᓇᒋᑦ (ᓲᕐᓗ ᖃᐅᔨᒪᑎᑦᑎᔪᒪᒧᑦ ᑐᒃᓯᕋᐅᓯᐅᖅᑎᑦᑎᓂᐊᕐᓗᓂ")
  • ᑖᒃᑯᐊ ᐱᓇᓱᐊᖅᑕᐅᔪᑦ ᐱᔪᓐᓇᖅᑎᑦᑎᓪᓗᐊᖅᑐᑦ ᐋᖅᑭᐅᒪᖃᑎᒌᖕᓂᕐᒧᑦ ᓇᖕᒥᓂᕐᓗ ᐊᐅᓚᔪᓐᓇᕐᓂᕐᒧᑦ ᖃᓄᐃᓕᐅᕈᑕᐅᓇᓱᒃᑐᓂᒃ
  • ᖃᐅᔨᓴᕐᕖᑦ ᐊᖏᖅᑕᐅᖅᑳᕆᐊᖃᓪᓗᐊᖅᑐᑦ ᐱᔪᓐᓇᕐᓂᖃᖅᑎᐅᔪᓄᑦ ᖃᐅᔨᓴᖅᑐᖃᓚᐅᖅᑎᓐᓇᒍ
  • ᑕᒪᐃᓐᓂ ᓄᓇᓖᑦ ᐃᓚᐅᖃᑕᐅᔪᓐᓇᓲᖑᙱᑦᑐᑦ ᓯᕗᓪᓕᐅᑎᑦᑎᔪᓐᓇᓲᖑᙱᖦᖢᑎᒡᓘᓐᓃᑦ ᖃᐅᔨᓴᕐᓂᕐᒥᒃ
  • ᐊᑐᓂ ᓄᓇᓕᒃ ᐊᔾᔨᒌᙱᑦᑐᓂᒃ ᐱᔭᕆᐊᖃᓲᖑᖕᒪᑕ ᐊᑕᐅᑦᑎᒃᑰᙱᑦᑐᓐᓇᖅᖢᑎᒡᓗ ᖃᑯᒍ ᖃᓄᐃᓕᐅᓲᖑᓂᖏᑦ
• ᖃᐅᔨᓴᖅᑕᐅᖃᑦᑕᖅᐸᒌᖅᑐᑦ ᓇᐅᑦᑎᖅᓱᖅᑕᐅᑦᑎᐊᕐᔫᒥᓂᖅᓴᐅᔭᕆᐊᖃᖅᐳᑦ ᐊᔾᔨᑦᑎᐊᖓᓂᒃ ᖃᐅᔨᓴᖅᑐᖃᕋᓱᔾᔮᙱᒻᒪᑦ
• ᐅᑭᐅᖅᑕᖅᑐᕐᒥᐅᑕᐃᑦ ᖃᓪᓗᓈᓄᙵᐅᑎᑕᐅᖃᑦᑕᓪᓗᐊᖅᑐᑦ ᐃᓕᓐᓂᐊᕐᕕᖕᓄᑦ ᐃᓕᓐᓂᐊᖅᑎᑦᑎᔭᖅᑐᕐᓗᑎᒃ ᖃᓄᖅ ᐱᐅᓛᖑᔪᒃᑯᑦ ᖃᐅᔨᓴᖃᑦᑕᓪᓗᐊᕐᒪᖔᑕ ᐅᑭᐅᖅᑕᖅᑐᕐᒥ ᓄᓇᓕᖕᓂ
• ᓄᓇᓖᑦ ᐱᓇᓱᐊᕈᓯᑦᑕᐃᓐᓇᑯᓗᖕᒥᒃ ᓇᐅᑦᑎᖅᓱᖁᔭᐅᖃᑦᑕᕈᒍᑎᒃ ᐊᕐᕌᒍᑕᒫᑦ, ᖃᐅᔨᔭᐅᔪᓂᒃ ᐆᒃᑐᕈᓐᓇᖃᑦᑕᓛᙱᑦᑐᑦ ᐃᓗᐃᑦᑑᓕᖅᑎᑦᑎᔪᓐᓇᓛᕋᑎᒡᓗ
  • ᐊᓯᐊᒍᖔᖅ, ᖃᐅᔨᓴᕐᓂᐅᑉ ᐱᔾᔪᑎᖓ ᐅᓂᒃᑲᐅᓯᕆᔭᐅᒃᐸᑦ ᐱᓕᒻᒪᒃᓴᖅᑎᑦᑎᔪᖃᑦᑎᐊᖅᐸᓪᓗ, ᖃᓄᐃᓪᓗᐊᙱᑦᑐᑦ ᖃᐅᔨᒃᑲᐃᔾᔪᑏᑦ ᐱᐅᑎᒋᓂᖏᑦ
  • ᑖᓐᓇ ᐃᒡᓗᒃᑑᖓᔪᖅ, ᓲᕐᓗ ᐊᐱᖅᑯᑕᐅᖃᑦᑕᕐᒪᑦ ᐅᒃᐱᕐᓇᖅᑎᒋᓂᖏᑦ ᓄᓇᓕᖕᒥ ᑐᙵᕕᖃᖅᑯᓂᑦ ᖃᐅᔨᒃᑲᐃᔾᔪᑎᑦ, ᑕᐃᒫᒃᑕᐅᖅ ᐅᑭᐅᖅᑕᖅᑐᕐᒥᐅᑦ ᐊᐱᖅᑯᑎᖃᓲᖑᒋᓪᓗᑎᒃᑕᐅᖅ ᓱᓕᑎᒋᓂᖏᓐᓂᑦ ᖃᐅᔨᓴᕐᓂᒃᑯᑦ ᖃᐅᔨᔭᐅᔪᑦ
• ᖃᐅᔨᓴᕐᓂᕐᒥᒃ ᖃᐅᔨᔭᐅᔪᑦ ᐊᓯᖏᓄᑐᑦ ᑐᓂᔭᐅᖃᑦᑕᓪᓗᐊᖅ ᐅᑭᐅᖅᑕᖅᑐᕐᒥᐅᓄᑦ ᐊᑐᖅᐸᒃᑕᖏᑎᒍᑦ

"ᑐᓴᖅᐸᒃᑲᑦᑕ ᓄᓇᓖᑦ ᐱᓕᒻᒪᒃᓴᖅᑎᑕᐅᕙᖕᓂᕆᔭᖏᓐᓂᒃ ᖃᐅᔨᓴᖅᑎᑦᑎᐊᕙᐅᓂᕐᒧᑦ. ᓱᒻᒪᓪᓕ ᓄᓇᓖᑦ ᐃᓕᑎᑦᓯᒍᓐᓇᙱᓚᑦ ᖃᐅᔨᓴᖅᑎᓂᒃ ᐅᑭᐅᖅᑕᖅᑐᕐᒥᐅᑕᑦᓯᐊᕙᐅᓂᕐᒥᒃ?" - ᐱᑦᓯᐅᓛᖅ ᐸᐃᐸ, ᑳᕐᑕᓐ ᓯᓚᑦᑐᖅᓴᕐᕕᒡᔪᐊᖓᓂᑦ

ᐃᑲᔪᖃᑎᒌᑦᑎᐊᖅᖢᑎᒃ ᓄᓇᓖᑦ ᖃᐅᔨᓴᖃᑎᒋᔭᐅᓂᖏᑦ

• ᐃᑲᔪᖃᑎᒌᑦᑎᐊᖅᖢᑎᒃ ᓄᓇᓖᑦ ᖃᐅᔨᓴᖃᑎᒋᔭᐅᓂᖏᑦ ᓄᓇᓕᖕᓂᒃ ᖃᐅᔨᒃᑲᐃᔾᔪᑎᓂᒃ ᐱᔾᔪᑎᖃᕈᓐᓇᕐᓂᖅᓴᐅᑎᑦᑎᓲᖑᕗᑦ ᐊᒻᒪᓗ ᓄᓇᓕᖕᓄᑦ ᐊᔾᔨᐅᙱᑦᑐᖅᓯᐊᖅᑕᐃᓕᑎᑦᑎᓲᖑᕗᑦ ᓇᓕᒧᖃᑎᒌᑦᑐᓄᑦ ᕿᒥᕐᕈᐊᖅᑕᐅᓯᒪᔪᒥᒃ ᓴᖅᑭᑦᑎᔪᖄᓂᒃᓯᒪᓕᖅᑎᓪᓗᒍ
• ᖃᐅᔨᓴᖃᑎᒌᖕᓂᖅ ᐊᑯᓂᐅᔪᒧᑦ ᑮᓇᐅᔭᖃᖅᑎᑦᑎᔭᕆᐊᖃᕐᓇᖅᐳᖅ ᐱᔪᓐᓇᖅᓯᕙᓪᓕᐊᑎᑦᑎᓂᕐᒧᓪᓗ ᐱᕚᓪᓕᕈᑎᒃᓴᖃᕆᐊᖃᕐᓇᖅᖢᓂ
• ᐆᒃᑑᑎᒋᓪᓗᒍ, ᓄᓇᑦᓯᐊᕗᒻᒥ ᐃᖃᓗᐃᑦ ᓇᐅᑦᑎᖅᓱᖅᑕᐅᖔᖃᑦᑕᓕᖅᑐᑦ ᐊᖑᓇᓱᒃᑎᓄᑦ ᓄᓇᓕᖕᒥᓗ ᒪᒃᑯᒃᑐᓄᑦ, ᐊᐅᓪᓚᖅᑎᑦᑎᕙᒃᖢᑎᒃ ᖃᐅᔨᓴᖅᑕᐅᔾᔪᑎᒃᓴᓂᒃ ᖃᓪᓗᓈᓄᑦ ᖃᐅᔨᓴᕐᕕᖕᓄᑦ, ᖃᐅᔨᔭᐅᔪᓪᓗ ᐅᑎᖅᑎᑕᐅᕙᒃᖢᑎᒃ ᓄᓇᑦᓯᐊᕗᑦ ᒐᕙᒪᖓᓄᑦ
  • ᓄᓇᓕᖕᒥ ᓇᐅᑦᑎᖅᓱᖅᑎᖃᕐᓂᖅ ᐊᑭᑭᓐᓂᖅᓴᐅᔪᖅ ᖃᓪᓗᓈᓂᙶᖅᑐᓂᒃ ᖃᐅᔨᓴᖅᑎᓂᒃ ᑎᑭᑎᑦᑎᔭᕆᐊᒃᓴᖅ ᖃᐅᔨᓴᕈᑎᒃᓴᓂᒋᐊᖅᑐᕐᓗᑎᒃ
  • ᑮᓇᐅᔭᑦ ᐊᑐᖅᑕᐅᙱᑦᑐᑦ ᐊᑐᖅᑕᐅᓕᖔᓲᖑᔪᑦ ᓄᓇᑦᓯᐊᕗᒻᒥᐅᑦ ᐱᓕᒻᒪᒃᓴᖅᑎᑕᐅᓂᖏᓐᓄᑦ (ᓲᕐᓗ ᓄᓇᑦᓯᐊᕗᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑏᑦ ᐴᓕᖕᑕᓐᓕᐊᖅᑎᑕᐅᓗᑎᒃ ᐃᓕᓐᓂᐊᕆᐊᖅᑐᖅᑎᑕᐅᓗᑎᒃ ᖃᐅᔨᓴᖅᐸᓪᓕᐊᓂᕐᒥᒃ ᐊᑐᖅᑕᐅᕙᒃᑐᒥᒃ)

ᓄᓇᕐᔪᐊᕐᒥᐅᖑᖃᑎᒌᑦ ᑲᑐᔾᔨᖃᑎᒌᖕᓂᖃᕐᓗᑎᒃ ᖃᐅᔨᓴᕐᓂᖅ

• ᓄᕕᐱᕆ 2017ᒥ, ᓯᓚᕐᔪᐊᒥ ᐃᓄᐃᑦ ᑲᑐᔾᔨᖃᑎᒌᖏᑦ ᐱᑭᐊᓚᓱᖅᓱᐊᖓ ᑐᒃᓯᕋᓚᐅᖅᐳᑦ ᐅᑭᐅᖅᑕᖅᑑᑉ ᐃᒪᖓᓂ ᐊᐅᒃᑲᕐᓂᖅ ᒥᐊᓂᕆᔭᖃᕐᕕᐅᖃᑎᒋᔭᐅᓗᓂ ᓴᐳᒻᒥᔭᐅᖁᔭᐅᓪᓗᓂ ᑲᓇᑕᒧᑦ ᑲᓛᖦᖠᓪᓗ ᓄᓈᓐᓄᑦ ᐅᑎᖅᑎᑕᐅᓗᓂᓗ ᐃᓄᐃᑦ ᐃᓱᒪᐃᓐᓇᖅ ᐊᕙᒻᒧᒐᕈᓐᓇᕐᓂᖓ; ᐱᓕᕆᖃᑎᒌᖕᒪᑕ ᐅᑭᐅᖅᑕᖅᑑᑉ ᐃᒪᖓ ᐱᔾᔪᑎᒋᓪᓗᒍ
• ᐅᑭᐅᖅᑕᖅᑐᕐᒥᒃ ᓇᐅᑦᑎᖅᓱᕐᓂᕐᒧᑦ ᒥᐊᓂᕆᓂᖅ ᐊᒻᒪᓗ ᓇᓗᓇᐃᔭᐃᓂᕐᒧᑦ ᖃᐅᔨᓇᓱᑦᑎᐊᕐᓂᖅ ᐱᓕᕆᐊᖅ (AMAP) ᐅᑭᐅᖅᑕᖅᑐᕐᒥ ᑲᑎᒪᔨᒃᑯᓐᓂ ᓇᐅᑦᑎᖅᓱᖅᐸᒃᐳᖅ ᓇᓗᓇᐃᔭᐃᕙᒃᖢᓂᓗ ᓱᕈᕐᓇᖅᑎᓄᑦ ᐅᕝᕙᓘᓐᓃᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐱᔾᔪᑕᐅᔪᓂᒃ ᐅᑭᐅᖅᑕᖅᑐᕐᒥ
  • ᐅᑭᐅᖅᑕᖅᑐᕐᒥᒃ ᓇᐅᑦᑎᖅᓱᕐᓂᕐᒧᑦ ᒥᐊᓂᕆᓂᖅ ᐊᒻᒪᓗ ᓇᓗᓇᐃᔭᐃᓂᕐᒧᑦ ᖃᐅᔨᓇᓱᑦᑎᐊᕐᓂᖅ ᐱᓕᕆᐊᖅ ᐱᐅᓛᖑᔪᒥᒃ ᐊᑐᕐᓂᖃᖅᐳᖅ ᖁᒻᒧᖔᖅ ᖃᐅᔨᒃᑲᐃᓂᕐᒥᒃ, ᑭᓯᐊᓂ ᖃᐅᔨᒃᑲᐃᔾᔪᑏᑦ ᐊᒻᒧᑦ ᐅᑎᖅᑎᑕᐅᖏᓐᓇᖅᐸᙱᑦᑐᑦ (ᓲᕐᓗ ᖃᐅᔨᒃᑲᐃᔾᔪᑏᑦ ᓄᓇᓕᖕᓄᑦ ᐅᓂᒃᑲᐅᓯᕆᔭᐅᕙᙱᑦᑐᑦ)
  • ᑭᒡᒐᖅᑐᐃᓪᓗᑎᒃ ᑎᒥᑕᖃᖅᑐᖅ ᐃᓚᒋᔭᐅᓪᓗᑎᒃ ᐅᑭᐅᖅᑕᖅᑐᕐᒥᒃ ᓇᐅᑦᑎᖅᓱᕐᓂᕐᒧᑦ ᒥᐊᓂᕆᓂᖅ ᐊᒻᒪᓗ ᓇᓗᓇᐃᔭᐃᓂᕐᒧᑦ ᖃᐅᔨᓇᓱᑦᑎᐊᕐᓂᖅ ᐱᓕᕆᐊᖅ ᑭᓯᐊᓂ ᖃᐅᔨᓴᖅᑎᒻᒪᕆᖃᙱᑦᑐᖅ ᐃᓚᐅᖃᑕᐅᓪᓚᕆᒋᐊᒃᓴᖅ.
• ᐊᑐᐊᒐᖅ ᑲᒪᒋᔭᖃᓪᓗᐊᖅᑐᖅ ᑐᓗᖅᑕᕈᑕᐅᕙᒃᑐᓂᒃ ᐃᓚᐅᖃᑕᐅᒻᒪᕆᖕᓂᕐᒧᑦ ᐹᓂ ᐱᒋᐊᖅᑎᑕᐅᔪᓄᑦ ᑎᑎᕋᐅᓯᕆᔭᐅᔪᓂᒃ

ᐅᖃᐅᓯᒃᓴᑦ ᐊᓯᖏᑦ

• ᐅᓄᖅᑐᑦ ᑮᓇᐅᔭᖃᕐᕕᒋᑎᑕᑦ ᐱᓕᕆᐊᒃᓴᕐᒧᑦ ᑐᕌᖓᓂᖃᖅᐸᖕᒪᑕ ᕿᓚᒻᒥᐅᑎᓯᒪᕙᒃᖢᑎᒡᓗ, ᐱᑕᖃᕆᐊᖃᖅᐳᖅ ᑲᔪᓯᑏᓐᓇᖅᑕᒥᒃ ᐊᑯᓂᐅᔪᒧᑦ ᑮᓇᐅᔭᖅᑕᖃᖅᑎᑕᐅᓗᓂ ᐅᑭᐅᖅᑕᖅᑐᕐᒥᐅᓄᑦ ᐊᑑᑎᖃᕐᓂᐊᕐᒪᑦ ᐊᑭᓂᐅᔪᒃᑯᑦ ᐊᓂᒍᐃᑎᑦᑎᓂᖃᕈᓐᓇᕐᓂᐊᕐᒪᑦ ᐅᑭᐅᖅᑕᖅᑐᕐᒥ

ᓴᐳᓐᓂᐊᖅᑕᐅᓂᖓ ᐊᕙᑎ ᐊᒻᒪᓗ ᓴᐳᓐᓂᐊᖅᑕᐅᓂᖏᑦ ᐅᑭᐅᖅᑕᖅᑐᒥ ᐊᔾᔨᒌᖏᑦᑑᑏᑦ ᐆᒪᔪᐃᑦ

ᐅᖃᖃᑎᒋᒍᑎᓴᓄᑦ ᐊᐱᖅᑯᑎᑦ:

1. ᖃᓄᖅ ᓄᓇᖃᖅᑳᖅᑐᑦ ᓄᓇᖃᖅᑎᐅᔪᓪᓗ ᖃᐅᔨᒪᓂᕆᔭᖏᑦ/ᐊᑐᖅᓯᒪᓂᑯᒋᔭᖏᓪᓗ ᐊᑐᖅᑕᐅᔪᓐᓇᖅᐸᑦ ᖃᓄᐃᓕᐅᕈᑕᐅᓕᕐᓂᐊᕐᓗᑎᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᔾᔨᒌᙱ?
2. ᑭᓱᓂᓪᓚᕇᑦ ᐊᑐᖅᑎᑕᐅᔪᓐᓇᖅᐸᑦ ᐱᕕᖃᕐᑎᑦᑎᔾᔪᑕᐅᔪᓐᓇᖅᐸᒃ ᐱᓕᕆᖃᑎᒌᖕᓂᐊᕐᓗᓂ ᖃᓄᐃᓕᐅᖅᑕᐅᑎᑦᑎᖃᑎᒌᖕᓂᐊᕐᓗᓂᓗ?

ᐊᑑᑎᖃᕐᓂᖅᓴᓂᒃ ᐊᑐᐊᒐᓕᐊᖑᓯᒪᔪᖃᕐᓗᓂ ᒪᓕᒃᑕᐅᑎᑦᑎᖃᑦᑕᕐᓂᖅᑕᖃᕐᓗᓂᓗ ᐊᕙᑎᒋᔭᖅ ᓴᐳᒻᒥᔭᐅᖁᓪᓗᒍ

• ᐊᑐᖅᑕᐅᔪᒃᓴᓕᐊᖑᔪᑦ ᐃᓕᓴᖅᓯᖃᓯᐅᔾᔨᓯᒪᓪᓗᐊᕐᒪᑕ ᓄᓇᖃᖅᑳᖅᑐᑦ ᖃᐅᔨᒪᓂᕆᔭᖏᓐᓂᒃ (ᓲᕐᓗ ᑐᙵᕕᒋᔭᐅᓂᐊᖅᑐᓂᒃ ᑲᑎᖅᓱᖅᑕᐅᕙᒃᑐᓄᑦ, ᐊᒃᑐᐃᓯᒪᓂᖃᑐᐃᓐᓇᕆᐊᓕᖕᓄᓪᓗ ᓇᐅᑦᑎᖅᓱᐊᖃᕈᓯᕐᓂᒡᓗ)
• ᖃᐅᔨᓴᕐᓂᖃᖃᑦᑕᕐᓂᒃᑯᑦ ᓴᖅᑭᑕᑦ ᐊᑐᖅᑕᐅᓪᓗᐊᖅᐳᑦ ᐊᑐᐊᒐᓕᐅᕐᓂᐊᕐᓗᑎᒃ ᐊᑐᖅᑕᐅᔪᒃᓴᓕᐅᕐᓂᐊᓗᑎᒡᓗ
• ᐊᑐᖅᑕᐅᔭᕆᐊᓖᑦ ᐅᑭᐅᖅᑕᖅᑐᕐᒥ ᐅᒥᐊᕐᔪᐊᒃᑰᖅᑕᕐᓂᕐᒧᑦ ᐊᑐᖅᑎᑕᐅᔪᓐᓇᖅᐳᑦ ᑭᓯᐊᓂ ᐊᖏᓂᖅᓴᓄᑦ ᐅᒥᐊᕐᔪᐊᕐᓄᑦ, ᐅᓄᕐᓂᖅᓴᐃᑦ ᑕᐃᒪᐃᑦᑑᙱᓐᓂᖅᓴᐅᕙᓪᓕᐊᑎᓪᓗᒋᑦ ᐅᑭᐅᖅᑕᖅᑐᕐᒧᐊᖅᐸᒃᑐᑦ (ᓲᕐᓗ ᐅᓚᕕᓴᕐᓂᒨᖓᔪᑦ ᐅᒥᐊᑦ)
• ᑭᓂᖅᑐᑦ ᐅᖅᓱᐊᓗᐃᑦ ᐊᑐᖅᑎᑕᐅᔪᓐᓃᑦᑎᐊᒻᒪᕆᒋᐊᖃᖅᐳᑦ ᐅᑭᐅᖅᑕᖅᑐᕐᒥ ᑕᐃᒪᐃᒻᒪᓪᓕ ᓇᓂᑐᐃᓐᓇᖅ
• ᐅᒥᐊᕐᔪᐊᒃᑯᑦ ᐃᖏᕐᕋᕕᒃᓴᐃᑦ ᐋᖅᑭᒃᑕᐅᓪᓗᐊᖅᐳᑦ ᐊᒃᑐᐃᕐᓗᖕᓂᖅᑕᖃᖁᓇᒍ ᐊᕙᑎᒋᔭᕐᒥᒃ
  • ᑲᓇᑕᐅᑉ ᓯᑯᓯᐅᑎᒃᑯᖏᑦᑕ ᑲᓇᑕᐅᓪᓗ ᐃᖏᕐᕋᔪᓕᕆᔨᒃᑯᖏᑦᑕ ᐃᖏᕐᕋᕕᒃᓴᓕᐊᕆᓯᒪᔭᖏᑦ ᐋᖅᑭᒃᑕᐅᓯᒪᕗᑦ ᓴᐳᒻᒥᔭᐅᖁᓪᓗᒋᑦ ᐃᒪᕐᒥᐅᑦᑕᑦ ᓯᕐᓈᖅᑎᐅᕙᒃᑐᑦ ᒥᐊᓂᕆᔭᐅᖁᕙᒃᑕᖏᓐᓂᒃ
• ᒥᐊᓂᕆᔭᖃᕐᓂᖅ ᒪᓕᒃᑕᐅᑎᑦᑎᓂᕆᔭᖏᓐᓂᒃ ᐊᑐᖅᑕᐅᔭᕆᐊᓖᑦ ᓴᙱᒃᑎᒋᐊᖅᑎᑕᐅᓪᓗᐊᖅᐳᑦ, ᐃᓚᓕᐅᔾᔭᐅᓯᒪᓗᑎᒃ:
  • ᒥᐊᓂᕆᔭᖃᖃᑦᑕᕐᓂᖅᓴᐅᓕᖅᑕᕐᓗᑎᒃ ᐅᒥᐊᕐᔪᐊᖃᕐᓇᖅᓯᔭᕌᖓᑦ
  • ᐊᑐᖅᓯᓗᑎᒃ ᓇᓗᓇᐃᖅᓯᑲᐅᑎᒋᔾᔪᑎ (AIS) ᐊᒻᒪ ᖃᓄᐃᓕᖓᔪᓂᒃ ᖃᐅᔨᒃᑲᐃᔾᔪᑎᑦ (SAS) ᓇᐅᑦᑎᖅᓱᕈᓐᓇᖃᑦᑕᕐᓂᐊᕐᒪᑕ ᓯᓚᐃᓐᓇᕐᒥᑦ
• ᓄᓇᓖᑦ ᐱᓕᕆᐊᖃᕐᓂᖅᓴᐅᓪᓗᐊᖅᐳᑦ ᑐᐊᕕᕐᓇᖅᑐᖃᖅᑎᓪᓗᒍ ᐅᐸᓗᕐᓂᕐᒧᑦ ᓇᐅᑦᑎᖅᓱᐊᖃᕐᓂᕐᒧᓪᓗ
• ᓄᓇᓄᒻᒥ ᒪᓕᒐᖅᑕᖃᐅᖅᐳᖅ ᓴᙱᓂᖃᑦᑎᐊᖅᑐᓂᒃ ᑕᑦᑎᓄᑦ ᑰᖕᓄᓪᓗ ᐅᔭᕋᖕᓂᐊᕐᕕᐅᔪᕐᔪᐊᓄᓪᓗ, ᐊᒃᑐᐃᓯᓂᖃᕐᓂᕆᓇᔭᖅᑕᑦ ᓇᓗᓇᐃᖅᑕᐅᓯᒪᑦᑎᐊᖅᖢᑎᒃ ᐊᒻᒪᓗ ᒥᐊᓂᔭᐅᕙᒡᖢᑎᒃ ᓇᐅᑦᑎᖅᓱᖅᑕᐅᕙᒃᖢᑎᒡᓗ ᐃᓄᓕᕆᔨᑐᖃᒃᑯᓐᓄᑦ, ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᒻᒪ ᓴᓇᔭᖃᖅᑎᑦᑎᔨᐅᔪᓄᑦ

ᓄᓇᐃᑦ ᓴᐳᒻᒥᔭᐅᔪᑦ

• ᓄᓇᐃᑦ ᓴᐳᒻᒥᔭᐅᔪᑦ ᓇᓗᓇᐃᖅᑲᐅᓪᓗᐊᖅᑐᑦ ᐅᑭᐅᖅᑕᖅᑐᕐᒥᐅᑦ ᐱᓕᕆᖃᑎᔭᐅᓗᑎᒃ
• ᐅᑭᐅᖅᑕᖅᑑᑉ ᐊᔾᔨᒌᙱᓐᓂᖃᐅᕐᓂᖓ ᐅᐱᓐᓇᒻᒪᕆᒃᐳᖅ, ᑕᐃᒫᑎᒋ "ᖃᓪᓗᓈᑦ ᓄᓇᖓᑦ" ᐊᔾᔨᒌᙱᓐᓂᖃᐅᖅᑎᒋᖕᒪᑦ, ᑕᒪᓐᓇᓗ ᐊᔾᔨᒌᙱᓐᓂᖃᐅᕐᓂᖅ ᐃᓱᒪᒋᔭᐅᓪᓗᐊᖅᐳᖅ ᒥᐊᓂᕆᔭᖃᕐᓂᒃᓴᒧᑦ ᐱᕙᒌᔭᐅᑎᒃᓴᓕᐅᖅᑎᓪᓗᒋᑦ
• ᒥᐊᓂᕆᔭᐅᕝᕕᒃᓴᐃᑦ ᓴᐳᔾᔨᓯᓯᒪᔪᓐᓇᙱᓚᑦ ᓱᕈᕈᑕᐅᔪᓐᓇᖅᑐᓂᑦ ᐅᑭᐅᖅᑕᖅᑐᕐᒥᑦ ᐊᓂᐊᕆᑎᑕᐅᕙᙱᑦᑐᓂᒃ (ᓲᕐᓗ ᑕᕆᐅᕐᒦᑦᑐᑦ ᐊᐅᒃᑕᔫᑦ) ᓄᖅᑲᖓᑎᑦᑎᔾᔪᑕᐅᔪᓐᓇᕋᓂᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ
• ᓴᐳᒻᒥᔭᐅᔪᒃᓴᖅᑕᖃᖅᑎᑦᑎᓂᖅ ᐊᑑᑎᖃᕐᓂᖅᓴᐅᔪᓐᓇᖅᑰᖅᑐᖅ ᖃᓪᓗᓈᓂ, ᑕᐅᓇᓂ ᓴᓇᕐᔪᐊᕐᓂᖅᑕᖃᕐᓂᖅᓴᐅᖕᒪᑦ

ᐱᑕᖃᙱᓗᐊᕐᓂᕆᔭᑦ ᑐᙵᕕᒃᓴᓂᒃ ᖃᐅᔨᒪᓂᕆᔭᓄᑦ ᐅᑭᐅᖅᑕᖅᑑᑉ ᐊᕙᑎᒋᔭᖓᓂᒃ

• ᐃᓚᐅᔪᑦ ᐅᓄᖅᑐᑦ ᐊᖏᖃᑎᒌᖕᓂᖃᓚᐅᖅᐳᑦ ᐱᑕᖃᙱᓗᐊᕐᓂᕆᔭᑦ ᑐᙵᓂᕆᓪᓗᒍ ᖃᐅᔨᒪᓂᕆᔭᑦ ᐅᑭᐅᖅᑕᖅᑑᑉ ᐊᕙᑎᒋᔭᖓᓂᒃ (ᓲᕐᓗ ᐆᒪᔪᑦ ᑲᔾᔮᕐᓇᕐᓂᖅᐹᕋᓗᒃ ᐊᖕᖏᓂᖅᐹᓂᒃ ᐆᒪᔪᖃᕐᕕᖃᖅᑐᑦ) ᖃᐅᔨᒪᔭᐅᓂᖅᓴᐅᖁᓪᓗᒋᑦ ᓱᕋᑕᒃᓴᕋᐃᓐᓂᓖᑦ ᐆᒻᒪᔪᓪᓗ ᐊᑦᑕᕐᓇᖅᑐᒦᑐᐃᓐᓇᕆᐊᓖᑦ
• ᐱᑕᖃᕈᓐᓃᑐᐃᓐᓇᕆᐊᖃᖅᐳᑦ ᑐᙵᓂᕆᓪᓗᒍ ᖃᐅᔨᒪᓂᕆᔭᑦ ᑭᖑᕚᕆᔭᑦ ᖃᐅᔨᕙᓪᓕᐊᙱᑉᐸᑕ ᓯᓚᐅᓪᓗ ᐊᓯᔾᔨᖅᐸᓪᓕᐊᓂᖓᑕ ᑭᓱᑐᐃᓐᓇᐃᑦ ᐊᓯᔾᔨᖅᐸᓪᓕᐊᑎᑕᐅᑎᓪᓗᒋᑦ
• ᐃᓚᒌᓕᖅᑎᖃᑦᑕᐅᑎᓗᒋᑦ ᐊᕕᒃᑐᖅᓯᒪᓂᕐᓂ ᐊᒃᑐᐃᓂᕆᔭᐅᑐᐃᓐᓇᕆᐊᖃᕐᓂᕆᔭᕐᓂᒃ ᖃᐅᔨᓴᕐᓂᐅᔪᑦ (ᓲᕐᓗ ᐊᑕᐅᑦᑎᒥᒃ ᐃᓱᒪᒋᔭᖃᕐᓂᒃᑯᑦ ᐊᕙᑎᒋᔭᕐᒥᒃ ᖃᐅᔨᓴᕐᓂᕆᔭᖅ) ᑕᐃᒪᐃᓕᐅᕐᓂᖅ ᐃᑲᔪᖅᓱᐃᓂᐅᔪᓐᓇᕋᔭᕐᒪᑦ ᑐᙵᓂᕆᓪᓗᒍ ᖃᐅᔨᒪᓂᕆᔭᑦ ᑲᑎᖅᓱᖅᑕᐅᓯᒪᔪᓂᒃ ᑲᑎᖅᓱᐃᓯᒪᙱᓗᐊᖅᑐᓄᑦ ᐊᒻᒪ ᐊᑐᖅᑕᐅᔪᓐᓇᕋᔭᕆᓪᓗᓂ ᐊᑐᐊᒐᒃᑯᒥᒋᔭᐅᔪᓄᑦ ᒪᓕᒐᓕᐊᒃᑯᒥᒋᔭᐅᓄᑦ ᐃᓗᓕᕆᔭᐅᓇᔭᖅᑐᓂᒃ
• ᐱᓕᕆᐊᖃᖃᑎᒌᖕᓃᑦ (ᐅᑯᐊᖑᓪᓗᑎᒃ., ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪ ᐊᕕᒃᑐᖅᓯᒪᓃᑦ/ᐅᑭᐅᖅᑕᖅᕐᒥ ᐊᕕᒃᑐᖅᓯᒪᓃᑦ, ᓄᓇᖃᖅᑳᖅᑐᑦ, ᐃᓕᓐᓂᐊᖅᓯᒪᖃᖅᑐᑦ) ᐱᑕᖃᙱᓗᐊᖅᑐᑦ ᖃᐅᔨᒪᓂᕆᔭᕐᓂ ᐅᑭᐅᖅᑕᖅᑑᑉ ᐊᕙᑎᒋᔭᖓᓂᒃ ᓴᙱᒃᑎᒋᐊᖅᑕᐅᓪᓗᐊᖅᖢᓂ, ᐆᒃᑑᑎᒋᓪᓗᒍ ᐊᕐᕌᒍᓄᑦ ᑕᓪᓕᒪᓄᑦ ᖃᐅᔨᓴᕐᓂᒃᓴᓪᓗᐊᕆᑎᑕᐅᔪᖅ ᐊᕿᓪᓗᖅᑲᖅ ᐊᒃᑐᐃᓯᒪᓂᖃᕐᓂᖓᓂᒃ ᒪᔅᑯᕌᑦ ᕚᓪ (Muskrat Falls) ᐱᓕᕆᖃᑎᒋᓪᓗᒋᑦ ᐃᑭᐊᖅᑭᕕᓕᕆᔩᑦ ᐅᑭᐅᖅᑕᖅᑐᒥ ᑐᑭᓯᓂᐊᕐᑏᑦ ᐊᓯᖏᓪᓗ ᒐᕙᒪᐃᑦ ᐱᓕᕆᖃᑎᒌᒃᑐᑦ

ᐅᑭᐅᖅᑕᖅᑐᕐᒨᖓᔪᑦ ᑲᑎᖅᓱᖅᑕᐅᔪᑦ ᒥᐊᓂᕆᔭᖃᕐᓂᕐᓗ ᑐᖅᑯᖅᑕᐅᓯᒪᔪᓂᒃ ᑎᑎᕋᖅᑕᐅᓯᒪᔪᓂᒃ

• ᐊᑯᓂᐅᔪᒧᑦ ᐅᑭᐅᖅᑕᖅᑐᕐᒥ ᖃᐅᔨᒪᔭᐅᔪᑦ ᑎᑎᕋᐅᓯᕆᔭᐅᕙᖕᓂᑯᖏᑦ ᐱᓗᐊᖅᑐᒥᒃ ᖃᓪᓗᓈᓃᑎᑕᐅᓯᒪᕗᑦ, ᖃᐅᔨᒃᑲᐃᔾᔪᑏᑦ ᓇᒧᙵᕈᓘᔭᖅᑕᐅᓯᒪᓪᓗᑎᒃ ᐊᔾᔨᒌᙱᖢᑎᒃ ᐋᖅᑭᒃᑕᐅᕙᖕᓂᖏᑦ
• ᑲᐅᔨᓴᖅᑎᑦ ᑲᑐᔾᔨᓪᓗᐊᖅᐳᑦ ᖃᐅᔨᔭᕐᒥᖕᓂᒃ ᑲᑎᖅᓱᖅᑕᐅᖃᑦᑕᕐᓗᑎᒃ ᖃᐅᔨᓴᕐᓂᒃᑯᑦ ᐊᑕᑕᐅᑦᑎᒧᑦ, ᐆᒃᑑᑎᒋᓗᒍ ᐅᑭᐅᖅᑕᖅᑐᕐᒧᑦ ᖃᐅᔨᒃᑲᐃᔾᔪᑎᑦ ᑎᑭᓴᐃᕝᕕᒃᓴᖅ, ᐅᑭᐅᖅᑕᖅᑐᕐᒦᓪᓗᐊᕋᓗᐊᖅᑎᓪᓗᒍ
  • ᐊᑐᖅᑕᐅᓂᑯᒋᔭᐅᔪᑦ ᑎᑎᕋᐅᓯᕆᓯᒪᔭᑦ ᓴᓇᔭᖃᖅᑎᑦᑎᓂᑰᕙᒃᓯᒪᔪᓂᑦ ᑲᑎᖅᓱᖅᑕᐅᓪᓗᐊᕐᒪᑕ ᓴᖅᑭᑎᑕᐅᓗᑎᒡᓗ
• ᐊᑐᖅᑕᐅᓂᑯᒋᔭᐅᔪᑦ ᑎᑎᕋᐅᓯᕆᓯᒪᔭᑦ ᓴᓇᔭᖃᖅᑎᑦᑎᓂᑰᕙᒃᓯᒪᔪᓂᑦ ᑲᑎᖅᓱᖅᑕᐅᓪᓗᐊᕐᒪᑕ ᓴᖅᑭᑎᑕᐅᓗᑎᒡᓗ
• ᓄᓇᖃᖅᑳᖅᑐᑦ ᖃᐅᔨᒪᔭᖏᑦ ᑐᖅᑯᖅᑕᐅᖃᑦᑕᓪᓗᐊᖅᑐᑦ ᐱᔭᐅᔪᓐᓇᖃᑦᑕᕐᓂᐊᕐᒪᑦ ᐅᑭᐅᖅᑕᖅᑐᕐᒥᐅᓄᑦ
• ᖃᐅᔨᒃᑲᐃᔾᔪᑎᑦ ᑲᑎᖅᓱᖅᑕᐅᔪᑦ ᑐᕌᕆᔭᖃᓪᓗᐊᖅᑐᑦ ᑕᒪᐃᓐᓂᒃ ᒫᓐᓇᐅᔪᖅ ᓯᕗᓂᒃᓴᒥᓗ ᐱᔭᐅᔭᕆᐊᖃᓛᕐᑐᓂᒃ (ᓲᕐᓗ ᐸᕐᓇᐃᓂᖅ ᐱᕙᓪᓕᐊᔪᓕᕆᓂᕐᒧᑦ ᓄᓇᒥᙶᖅᑐᓂᒃ)

ᐅᑭᐅᖅᑕᖅᑐᕐᒥ ᖃᐅᔨᓴᕐᓂᕐᒧᑦ ᑮᓇᐅᔭᑦ

• ᖃᐅᔨᓴᕐᓂᖅᑕᖃᕆᐊᖃᖅᐳᖅ ᐅᑭᐅᖅᑕᖅᑑᑉ ᐊᕙᑎᒋᔭᖓ ᖃᐅᔨᒪᔭᐅᑦᑎᐊᕐᓂᖅᓴᐅᖁᓪᓗᒍ ᐱᕚᓪᓕᖅᐸᓪᓕᐊᓂᖅᑕᖃᓕᓚᐅᖅᑎᓐᓇᒍ
• ᑮᓇᐅᔭᕆᑎᑕᑦ ᓈᒻᒪᓈᖅᓯᓯᒪᐃᓐᓇᖃᑦᑕᙱᒻᒪᑕ ᓄᓇᓖᑦ ᑭᙴᒪᓂᕆᔭᖏᓐᓄᑦ; ᑮᓇᐅᔭᖃᖅᑎᑦᑎᕙᖕᓂᖅ ᖃᓄᐃᓕᖓᔭᕆᐊᖃᖅᑎᑦᑎᓗᐊᕌᓗᓪᓗᐊᙱᑦᑐᑦ ᐊᒻᒪᓗ/ᐅᕝᕙᓘᓐᓃᑦ ᐅᑭᐅᖅᑕᖅᑐᕐᒥ ᓄᓇᓖᑦ ᖃᐅᔨᒋᐊᕐᕕᐅᖅᑳᕆᐊᖃᖅᑐᑦ ᐋᖅᑭᒃᓱᐃᔪᖃᓚᐅᖅᑎᓐᓇᒍ ᑮᓇᐅᔭᖃᖅᑎᑦᑎᓂᕐᒥᒃ ᓯᕗᓪᓕᐅᑎᑕᐅᔪᓂᒃ, ᓯᕗᓪᓕᐅᖅᑳᕋᔪᖕᒪᑕ ᐊᓯᔾᔨᐊᕐᔪᒃᑐᓂᒃ ᐆᒪᓂᓖᒃ ᐊᔾᔨᒌᙱᓐᓂᖏᓐᓂ ᐊᕙᑎᒥᓗ
• ᐅᑭᐅᖅᑕᖅᑐᕐᒧᑦ ᑐᕌᖓᔪᑦ ᖃᐅᔨᓴᕐᓂᕐᒧᑦ ᑮᓴᐅᔭᐃᑦ ᐅᓪᓗᒥᐅᔪᖅ ᒐᕙᒪᐅᔪᓄᑦ ᒥᑭᒡᓕᒋᐊᖅᑎᑕᐅᓯᒪᖕᒪᑕ (ᓲᕐᓗ ᐅᑭᐅᖅᑕᖅᑑᑉ ᖁᑦᑎᒃᑐᐊᓂ ᖃᐅᔨᓴᕐᕕᒃ ᒪᑐᔭᐅᓕᒐᓂᖓ)
• ᐊᑯᓂᐅᔪᒧᑦ ᐱᕚᓪᓕᖅᐸᓪᓕᐊᔾᔪᑎᒃᓴᖅᑕᖃᕆᐊᓕᒃ, ᐱᓗᐊᖅᑐᒥᒃ ᐊᒃᓱᕈᕐᓇᕐᓂᖅᓴᐅᔾᔪᑕᐅᔪᓐᓇᖅᑐᓄᑦ ᐅᑭᐅᖅᑕᖅᑐᓕᐊᕋᓱᒃᖢᓂ, ᐱᓕᕆᐊᒃᓴᓄᑦ ᑭᖑᕙᕈᑲᐅᕙᒃᖢᑎᒃ

ᒐᕙᒪᒃᑯᑦ, ᐃᓕᓐᓂᐊᖅᕕᑦ ᐊᒻᒪᓗ ᐅᑎᐅᖅᑕᖅᑐᕐᒥ ᑐᙵᕕᖃᖅᑐᑦ ᖃᐅᔨᓴᖅᑕᖏᑦ

• ᐱᓕᕆᖃᑎᒌᖕᓂᖏᑦ ᐊᕙᑖᓂᑦ ᒐᕙᒪᒃᑯᑦ, ᐃᓕᓐᓂᐊᖅᑐᓕᕆᔨᒃᑯᑦ, ᐊᒻᒪᓗ ᐅᑭᐅᖅᑕᖅᑐᕐᒥ ᑐᙵᕕᖃᖅᑐᑦ ᖃᐅᔨᓴᖅᑎᑦ ᑕᒪᐃᓐᓄᑦ ᐱᔭᐅᔪᒪᔪᓄᑦ ᓴᙱᒃᑎᒋᐊᖅᑎᑦᑎᓛᖅᑐᖅ ᑐᑭᓯᐅᒪᓂᑦᑎᓐᓂᒃ ᐅᑭᐅᖅᑕᖅᑑᑦ ᐊᕙᑎᖓᓂᒃ
  • ᐱᓕᕆᖃᑎᒋᔭᐅᓂᖏᑦ ᓄᓇᕐᔪᐊᕐᒥ ᑐᙵᕕᖃᖅᑐᑦ ᖃᐅᔨᓴᖅᑎᑦ ᐃᓱᒪᒃᓴᖅᓯᐅᕈᑕᐅᓪᓗᐊᕐᒥᔪᑦ
• ᑮᓇᐅᔭᖃᖅᑎᑦᑎᓂᖅ ᐅᑎᖅᑕᕋᐅᔭᕋᔪᒃᐳᖅ ᐃᑲᔪᖅᓱᖅᑕᐅᓂᖏᓐᓄᑦ ᒐᕙᒪᒃᑯᓐᓄᑦ ᖃᐅᔨᓴᖅᑕᐅᔪᓄᑦ ᐊᒻᒪᓗ ᐃᓕᓐᓂᐊᖅᑐᓕᕆᔨᓄᑦ ᖃᐅᔨᓴᖅᑕᐅᔪᓄᑦ
• ᖃᐅᔨᓴᕐᓂᕐᒧᑦ ᑮᓇᐅᔭᑦ ᐅᑭᐅᖅᑕᖅᑐᕐᒥ ᑐᙵᕕᖃᖅᑐᓂᒃ ᖃᐅᔨᓴᖅᑎᓄᐊᑲᐅᑎᒋᖃᑦᑕᓪᓗᐊᖅᑐᑦ ᒐᕙᒪᒃᑯᑎᒎᙶᙱᓪᓗᑎᒃ ᐃᓕᓐᓂᐊᖅᑐᓕᕆᔨᑎᒍᓪᓗ ᖃᓪᓗᓈᓂ ᑐᙵᕕᓕᖕᓂᒃ
  • ᐅᑭᐅᖅᑕᖅᑐᕐᒥ ᑐᙵᕕᖃᖅᑐᑦ ᖃᐅᔨᓴᕐᕖᑦ, ᓄᓇᖃᖅᑳᖅᑐᑦ ᑲᑎᒪᔨᖏᑦ, ᐊᓯᖏᓪᓗ ᐆᒃᑐᕈᓐᓇᕋᔪᙱᑦᑐᑦ ᖃᐅᔨᓴᕐᓂᕐᒧᑦ ᑭᓇᐅᔭᕐᓂᒃ
  • ᑐᖅᑯᐃᕕᒃᑕᖃᖅᐸᑦ ᑕᒪᐃᓐᓄᑦ ᐊᑐᖅᑕᐅᕙᒃᑐᒥᒃ ᓇᓗᓇᐃᖅᓯᔪᒥᒃ ᖃᐅᔨᓴᖅᑎᓂᒃ ᖃᓄᐃᓕᐅᖅᐸᖕᓂᖏᓐᓂᒡᓗ ᓄᓇᓖᑦ ᓇᓗᓇᐃᖅᓯᔪᓐᓇᖅᓯᑐᐃᓐᓇᕆᐊᖃᖅᑐᑦ ᖃᐅᔨᓴᖅᑎᓂᒃ ᐱᓕᕆᖃᑎᒋᔪᒪᓇᔭᖅᑕᒥᓂᒃ ᐊᑐᓕᖅᑎᑦᑎᓂᕐᒧᑦ ᓯᕗᓪᓕᐅᑎᑕᒥᓂᒃ
• ᐅᑭᐅᖅᑕᖅᑐᕐᒥᐅᑦ ᑲᑎᖅᓱᐃᕙᓪᓕᐊᖏᓐᓇᕐᓗᑎᐅᕙᒍᓐᓴᕐᒪᑕ ᐸᐅᕿᓂᖅᑕᙱᓐᓂᖅᓴᐅᓕᖅᑎᑦᑎᓂᐊᕐᒪᑕ ᖃᓪᓗᓛᓂᙵᖅᑐᑦ ᖃᐅᔨᓴᖅᑎᑦ ᐅᑭᐅᖅᑕᖅᑐᕐᒧᑦ ᑎᑭᑦᑕᐃᓐᓇᕐᓗᑎᒃ

ᐅᑭᐅᖅᑕᖅᑐᖅ ᓄᓇᕐᔪᐊᕐᒧᑦ ᖃᓄᐃᓕᖓᔫᓂᕆᔭᖓ

ᐅᖃᖃᑎᒋᒍᑎᓴᓄᑦ ᐊᐱᖅᑯᑎᑦ:

1. ᑭᓱᓂᒃ ᓄᓇᒥᖕᓄᑦ ᑲᓇᑕᐅᑉ ᒐᕙᒪᖓ ᓄᓇᖁᑎᒋᔭᕐᒥᓅᖓᔪᓂᒃ ᓯᕗᓪᓕᐅᔾᔨᓯᒪᔭᕆᐊᖃᖅᐸᑦ ᓄᓇᕐᔪᐊᕐᒥᐅᖑᖃᑎᒌᓄᑦ? ᖃᓄᐃᑦᑐᓂᒃ ᐃᓱᒪᒋᔭᖃᖅᐱᑦ ᐱᒻᒪᕆᐅᓂᖅᐹᖑᔪᓂᒃ ᐊᔪᕈᑕᐅᔪᓂᒃ ᐊᒻᒪᓗ ᐱᕕᒃᓴᐅᔪᓐᓇᖅᑐᓂᒃ ᑲᓇᑕᐅᑉ ᐅᑭᐅᖅᑕᖅᑐᓂᖓᓂ ᐊᓯᖏᓐᓄᑦ ᓄᓇᓕᒡᔪᐊᕐᓄᑦ ᐊᒻᒪᓗ ᓴᐳᓐᓂᐊᖅᑕᐅᔭᕆᐊᖃᓂᖓᓄᑦ?

ᓱᓪᓗᐊᓗᒃ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ (NWP) ᐃᖏᕐᕋᕙᖕᓂᖅ

• ᐱᕐᔪᐊᖑᕗᖅ ᓱᓪᓗᐊᓗᒃ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ ᐃᓕᓴᕆᔭᐅᓯᒪᔭᕆᐊᒃᓴᖓ ᐃᒪᖁᑎᒋᔭᐅᔪᑐᑦ (ᐅᑯᑎᑐᓇᖅ ᒥᐊᓂᕆᔭᐅᔪᖅ ᐊᐅᓚᑕᐅᔪᕐᓗ ᑲᓇᑕᐅᑉ ᒪᓕᒐᖏᑎᒍᑦ), ᐱᓗᐊᖅᑐᒥ ᐃᖏᕐᕋᕝᕕᐅ− ᕙᓕᕐᓂᖅᓴᐅᓕᖔᓂᖓᓄᑦ ᓯᕗᓂᕆᔭᕐᒥ
• ᐅᓄᖅᓯᕚᓪᓕᖅᓯᒪᓕᕐᒪᑕ ᐅᓚᕕᓴᕐᓂᕐᒧᑦ ᐳᓚᕋᕐᓂᕐᒧᓪᓗ ᐅᒥᐊᕐᔪᐊᓂᒃ ᑮᓇᐅᔾᔭᒃᓴᕐᓂᒨᖓᓇᑎᒃ; ᑕᒪᓐᓇ ᓄᓇᓕᖕᓂᒃ ᐊᒃᑐᐃᓯᒪᓂᖃᕐᔪᐊᕈᓐᓇᕐᒪᑦ (ᓲᕐᓗ ᐃᒥᐊᓗᒡᓗ ᓯᒡᓖᓪᓗ ᑕᐅᖅᓰᔾᔪᑎᒋᔭᐅᓗᑎᒃ ᑭᓱᑖᕆᔪᒪᔭᕐᓄᑦ)
• ᖃᐅᔨᓴᕐᓂᕐᒧᑦ ᐅᒥᐊᕐᔪᐊᑦ ᐊᑎᓕᐅᕆᐊᖃᓲᖑᕗᑦ ᐊᖏᕈᑎᒥᒃ ᑐᓂᓯᓛᕐᓂᕐᒥᓄᑦ ᖃᐅᔨᒃᑲᐃᔾᔪᑎᓂᒃ ᑲᑎᖅᓱᓚᐅᖅᑕᒥᓂᒃ ᓱᓪᓗᐊᓗᒃ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ ᐊᑐᖅᓯᕙᓪᓕᐊᑎᓪᓗᒋᑦ
  • ᓇᓗᓇᐃᖅᑕᐅᓯᒪᑦᑎᐊᙱᑦᑐᖅ ᖃᓄᖅ ᖃᐅᔨᒃᑲᐃᔾᔪᑎᑦ ᑲᑎᖅᓱᖅᑕᐅᔪᑦ ᓄᓇᓕᖕᓄᑦ ᑐᓂᔭᐅᓲᖑᖕᒪᖔᑕ

ᑐᐊᕕᕐᓇᖅᑐᖅᑕᖃᖅᑎᓪᓗᒍ ᐅᐸᓗᕈᓐᓇᕐᓂᖅ

• ᐅᑭᐅᖅᑕᖅᑐᑉ ᑲᑎᒪᔨᖏᑦᑕ ᐊᖏᖃᑎᒌᒍᑎᖓ ᐱᓕᕆᖃᑎᒌᖕᓂᖃᕐᓂᕐᒧᑦ ᑕᕆᐅᕐᒥ ᐅᖅᓱᐊᓘᑉ ᒥᒃᓵᓄᑦ ᐱᕙᒌᔭᖅᓯᒪᓂᕐᒧᑦ ᐅᐸᓗᖅᓯᓂᕐᒧᓪᓗ ᐅᑭᐅᖅᑕᖅᑐᕐᒥ ᓱᓕ ᐊᑐᓕᖅᑎᑕᐅᓯᒪᙱᒻᒪᑦ
• ᐱᓕᒻᒪᒃᓴᖅᓯᑕᐅᓯᒪᓂᖅᑕᖃᙱᓗᐊᖅᑐᖅ ᓄᓇᓕᖕᓃᑦᑐᑦ ᐅᐸᒃᓯᕐᖓᐅᑕᐅᕙᒃᑐᓄᑦ ᐊᒻᒪ ᑐᐊᕕᕐᓇᖅᑐᖅᑕᖃᖅᑎᓪᓗᒍ ᐅᐸᓗᖅᓯᓂᐊᕐᓗᓂ ᐊᑐᖅᑕᐅᔪᒃᓴᖅᑕᖃᙱᓗᐊᖅᖢᓂ

ᓄᓇᐅᑉ ᑭᒡᓕᖏᓐᓂᒃ ᓇᐅᑦᑎᖅᓱᐊᖃᕐᓂᖅ

• ᐊᒥᒐᕐᓂᖅᑕᓕᒃ ᓄᓇᐃᑦ ᑭᒡᓕᖏᓐᓂᒃ ᓇᐅᑦᑎᖅᓱᐊᖃᕐᓂᕐᒧᑦ ᐅᑭᐅᖅᑕᖅᑐᕐᒥ
• ᓄᓇᒥᖕᓂᑦ ᕿᒫᔪᑦ ᑲᓇᑕᒧᐊᕋᓱᖕᓂᑰᓯᒪᖕᒪᑕ ᑲᓛᖦᖠᑦ ᓄᓈᓐᓂᑦ ᖃᐅᓱᐃᑦᑐᒃᑯᑦ

ᐃᓅᓯᖃᖃᑎᒌᒍᓯ ᒪᑭᒪᔾᔪᑎᒃᓴᓪᓗ ᐱᕈᖅᐸᓪᓕᐊᑎᑕᐅᓂᖏᑦ ᑲᓇᑕᒥ ᐊᓯᖏᓐᓂᑦ ᐅᑭᐅᖅᑕᖅᑐᕐᒥᐅᖑᔪᓂᑦ ᑭᖑᕙᓯᖕᓂᖅᓴᐅᖕᒪᑕ

• ᐱᕚᓪᓕᕈᑎᖃᖅᑎᑕᐅᓪᓗᐊᖅᑐᑦ ᒥᑭᑦᑑᑕᐅᒐᓗᐊᓂᒃ ᓄᓇᓕᖕᓃᑦᑐᓂᑐᐃᓐᓇᐅᐸᓗᖃᓂᒡᓗ ᐃᓅᓯᖃᖃᑎᒌᖕᓂᕐᒨᖓᔪᓂᒃ ᐱᓕᕆᕝᕕᖁᑎᒋᔭᐅᔪᓂᒃ ᐅᑭᐅᖅᑕᖅᑐᕐᒥ
• ᐱᕚᓪᓕᕈᑎᖃᖅᑎᑕᐅᓪᓗᐊᖅᑐᑦ ᖃᐅᔨᒪᓕᖅᐹᓪᓕᕐᓂᕐᒧᑦ ᒪᑭᒪᔾᔪᑕᐅᕙᒃᑐᓂᒃ
• ᒪᑭᒪᔾᔪᑎᒃᓴᓄᑦ/ᑕᐅᖅᓰᖃᑎᒌᖕᓂᕐᒧᑦ ᓄᖅᑲᖓᔾᔪᑎᑦ (ᓲᕐᓗ ᕿᓯᖕᓂᒃ ᐊᐅᓪᓚᖅᑎᑦᑎᑦᑕᕐᓂᖅ ᓄᓇᐃᑦ ᐊᓯᖏᓐᓄᑦ) ᒥᑭᒡᓕᒋᐊᖅᑕᐅᓪᓗᐊᕐᒪᑕ
• ᐊᓂᒍᐃᑦᑎᐊᕐᓂᕆᔭᐅᔪᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ ᑐᓴᐅᒪᔭᐅᖃᑦᑕᕐᓂᖅᓴᐅᓪᓗᐊᖅᐳᑦ ᑐᓴᖅᑕᐅᑎᑕᐅᔾᔪᑕᐅᕙᖕᓂᖅᓴᐅᓗᑎᒡᓗ

ᓄᓇᕐᔪᐊᕐᒥᐅᖑᖃᑎᒌᑦ ᖃᐅᔨᓴᕐᓂᖃᕐᓂᕆᔭᖏᑦ

• ᑲᓇᑕᐅᑉ ᑮᓇᐅᔭᖅᑕᖃᖅᑎᑦᑎᓂᕆᔭᖓ ᖃᐅᔨᓴᕐᓂᕐᒧᑦ ᓄᖅᑳᕿᓯᒪᓂᖅᓴᐅᓕᖅᑐᑦ ᐊᓯᖏᓐᓂᑦ ᓄᓇᕐᔪᐊᕐᒥ ᐅᑭᐅᖅᑕᖅᑐᕐᒦᑦᑐᓂᑦ (ᓲᕐᓗ ᓴᐃᓃᓯᑦ 400ᓂᒃ ᐃᓅᓯᖃᖃᑎᒌᒍᓯᕐᓄᑦ ᖃᐅᔨᓴᖅᑎᖁᑎᖃᖅᐳᑦ ᐅᑭᐅᖅᑕᖅᑐᕐᒧᑦ ᑐᕌᖓᔪᓂᒃ, ᓄᓇᕗᐃᒥᐅᑦ ᓯᑯᓯᐅᑎᓕᐅᖅᐸᓪᓕᐊᓕᒑᕗᑦ ᐅᑭᐅᖅᑕᖅᑐᕐᒥᒃ ᖃᐅᔨᓴᕈᑕᐅᔪᒃᓴᒥᒃ, ᓄᓇᕗᒻᒥᐅᑦ ᐊᖑᓇᓱᒃᑎᑦ ᓄᐊᕗᐃᑉ ᓯᓚᓐᓂᐊᕈᑎᖏᓐᓂᒃ ᕿᒥᕐᕈᓯᖔᖅᐸᒃᐳᑦ, ᐃᓄᐃᓴᒃᖠᕚᓪᓕᖅᓯᒪᓕᖅᑐᑦ ᑲᓇᑕᒥᐅᑦ ᐊᓯᖏᓐᓂᓪᓗ ᓄᓇᕐᔪᐊᕐᒥᙶᖅᓯᒪᔪᑦ ᓄᓇᕘᒻᒧᑦ ᖃᐅᔨᓴᕆᐊᖅᑐᖅᑐᑦ, ᐊᓯᖏᓪᓗ)
• ᐋᖅᑭᐅᒪᓂᖃᖅᑐᒥᒃ ᐃᓕᐅᕈᓯᖅᑕᖃᕆᐊᖃᖅᐳᖅ ᓄᓇᐃᑦ ᐊᓯᐊᓂᙶᖅᑐᑦ ᑮᓇᐅᔭᕆᔭᖏᑦ ᐊᑐᕈᓐᓇᕈᒪᓪᓗᒋᑦ ᓄᓇᕐᔪᐊᕐᒥᐅᖑᖃᑎᒌᓂᙶᖅᑐᑦ ᖃᐅᔨᓴᖅᑎᑦ ᑲᓇᑕᒧᐊᖁᓪᓗᒋᑦ ᐱᓕᕆᖃᑎᖃᕐᓂᐊᕐᓗᑎᒃ ᑲᓇᑕᒥᐅᓂᒃ
  • ᑕᒪᓐᓇ ᐃᓕᐅᕈᓯᖅ ᐱᔪᓐᓇᖅᓯᑎᑦᑎᓯᒪᓪᓗᐊᖅᐳᖅ ᐅᑭᐅᖅᑕᖅᑐᕐᒥᐅᑦ ᐊᐅᓚᑦᑎᓂᖃᖅᑎᑕᐅᓗᑎᒃ ᐃᓚᐅᖃᑕᐅᓗᑎᒡᓗ ᓄᓇᕐᔪᐊᕐᒥᐅᖑᖃᑎᒌᑦ ᖃᐅᔨᓴᖅᑎᑦ ᖃᐅᔨᓴᕐᓂᕆᔭᖏᓐᓄᑦ
• ᐊᑐᓕᖅᑎᑦᑎᓂᕐᒧᑦ ᐱᕙᒌᔭᐅᑎᑕᖃᕆᐊᖃᖅᐳᖅ ᐅᑭᐅᖅᑕᖅᑐᕐᒥ ᑲᑎᒪᔨᑦ ᐊᖏᖃᑎᒌᒍᑎᓕᐊᕆᓯᒪᔭᖓᓐᓄᑦ ᐱᓕᕆᐊᖃᖃᑎᒌᖕᓂᐊᕐᓂᕐᒧᑦ ᖃᐅᔨᓴᕐᓂᖅ ᐱᔾᔪᑎᒋᓪᓗᒍ
• ᐅᑭᐅᖅᑕᖅᑐᕐᒥ ᖃᐅᔨᓴᕐᓂᕆᔭᐅᔪᑦ ᑕᐅᑐᒃᑕᐅᓂᖃᕆᐊᖃᖅᐳᑦ ᓴᐃᒻᒪᐅᓯᕐᓂᐊᕋᓱᖕᓂᖅ ᐱᓪᓗᒍ (ᐅᓇ ᐱᓪᓗᒍ 1950ᑦ, ᐊᑐᖅᑎᓪᓗᒋᑦ ᐱᓕᕆᐊᖑᒃᑲᓐᓂᖁᓇᒋᑦ, ᖃᐅᔨᓴᕐᓂᖅ ᑐᕌᖓᓂᖃᓪᓗᐊᑕᓚᐅᕐᒪᑦ ᐅᓇᑕᖅᑐᒃᓴᖅᑕᖃᕐᓂᕐᒧᑦ ᑲᑎᙵᓂᖃᖅᑎᑕᐅᓪᓗᓂ)
• ᐆᒃᑑᑎᒋᔭᒃᓴᐅᔪᑦ ᐊᓂᒍᐃᓂᖃᑦᑎᐊᖅᓯᒪᔪᑦ ᖃᐅᔨᓴᕐᓂᒃᑯᑦ ᐱᓕᕆᖃᑎᒌᖕᓂᐅᓂᑰᓯᒪᔪᓂᒃ ᐃᓚᖃᖅᐳᑦ:
  • ᑲᒪᒋᔭᖃᖅᑎᐅᓂᖅ ᓄᐊᑦᑎᓗᑎᒃ ᑲᑎᖅᓱᐃᓂᕐᒥᒃ ᖃᐅᔨᔭᐅᑎᑦᑎᓂᕐᒥᒡᓗ ᓯᓚᐅᑉ ᖃᓄᐃᓐᓂᕆᔭᖓᓄᑦ ᖃᓄᐃᑉᐸᓪᓕᐊᓂᕆᔭᖓᓄᓪᓗ ᑐᓴᐅᒪᑎᑦᑎᔨᐅᓂᖅ ᐱᓕᕆᐊᖑᓪᓗᐊᕐᒪᑦ ᐅᑭᐅᖅᑕᖅᑐᕐᒥᒃ ᓄᓇᖁᑎᖃᖅᑎᐅᔪᓄᑦ
  • ᐅᑭᐅᖅᑕᖅᑐᕐᒥ ᓯᓚᑦᑐᖅᓴᕐᕕᒡᔪᐊᖅ ᐊᐅᓚᑦᑎᔨᐅᓗᓂ ᐅᑭᐅᖅᑕᖅᑐᕐᒥᐅᑦ ᐅᑭᐅᖅᑕᖅᑐᕐᒥᐅᖑᑕᒥᖕᓄᑦ ᖃᓄᐃᓕᐅᖃᑎᒌᒍᓯᕆᔭᖏᓐᓂᒃ ᖃᐅᒪᓂᕆᔭᕐᓂᒡᓗ ᑐᓴᖅᑕᐅᑎᑦᑎᖃᐅᑦᑕᐅᑎᐅᓂᕐᒥᒃ ᐊᒻᒪ ᐊᔪᕐᓇᙱᑎᑦᑎᓗᑎᒃ ᐃᓕᓐᓂᐊᕈᑎᑦ ᐃᓱᓕᑦᑎᓂᕆᔭᓪᓗ ᓇᓕᒧᒃᓱᐃᓂᖃᕐᓗᑎᒃ ᐅᑭᐅᖅᑕᖅᑐᕐᒥ

ᐊᓯᖏᑦ ᓂᓪᓕᐅᑎᒋᔭᐅᔪᑦ

• ᐊᓯᔾᔨᖅᑕᕐᓂᕆᔭᖓ ᐅᑭᐅᖅᑕᖅᑐᕐᒧᑦ ᑲᑎᒪᔨᑦ ᐃᒃᓯᒪᕙᐅᑕᖓᑕ ᑐᕌᕋᓱᒃᑕᒥᒃ ᓴᖑᐃᖅᑎᑦᑎᔪᓐᓇᖅᑐᖅ
• ᐊᑐᐊᒐᖅ ᐊᕙᓗᒃᓴᖓ ᐃᓚᓕᐅᔾᔨᖃᓯᐅᔾᔨᓯᒪᓪᓗᐊᖅᐳᖅ ᓂᓪᓕᐅᑎᖃᕆᐊᒃᓴᖅ ᓄᓇᕐᔪᐊᕐᒥᐅᖑᖃᑎᒌᑦ ᐱᓕᕆᐊᖃᕐᖃᑎᒌᖕᓂᕆᔭᖓᓂᒃ ᑭᒡᓕᒋᔭᕐᒥᖕᓂᒃ ᖄᖏᐅᑎᖃᓯᐅᔾᔨᓯᒪᕙᒃᑐᓄᑦ (ᓲᕐᓗ ᐊᓂᐊᕆᑎᑕᐅᔪᑦ ᓄᓇᕐᔪᐊᕐᒥᒃ ᐆᓇᖅᓯᑎᑦᑎᕙᓪᓕᐊᔪᑦ)