Ogitchitaa Enaagdoowenj'gedjik: Makwa Doodem Enaagdoowenj'gedjik enaang'zhe'aat zhiwe Winnipeg oode'nah giiwedinong ni'ke'yaa
Enaad'maa'ge'jig wenpash naad'ma'waa'an ninda Winnipeg Makwaa Doodem Enaag'doo'wenj'gedjik.
Mzin'aaz'win Kevin Walker gii miigwe'nan
E'zhi'naad'maad'waat
Maanda mji'menj'gan'ing e'zhi aan ke'sing di'baaj'mo'win din'kii'taan oo'we tinow dibaaj'moo'win myaa'naa'dag w'daa maa'naad'dend'mi'gon go wiya. Giishpin psi'kaaw'gi'yin maanda Ew'nish'gig nji, Nech'gaaz'jig Anishinaab'e Kwe'wag nji, Kwe'zehsag miinwaa Eniizhoo'yaawi'jig miinwaa giiwe nend'wend'gig zheyaa'win naad'maad'win. Zhi giig'dan 1-844-413-6649. Gdaa deb'naan gegwa naadmaadwin kitchi gbe'ying (not available in Ojibway) waa zhaam'gag zhiwe mina maadziwin naadmaadwin dbishkoo nend'moo'win naad'maad'win,ooden'winhs mina maad'ziwin ginoondiwin, miinwaa miiin'go'wew'ziwin naadmaadwin miinwaa mib'zoo'win naadmaadwin wii waab'mind'waa Getchi Piit'zid'jik miinwaa giiwe Enaand'wech'ge'jig. Ezhi'ngo'dwe'aan'gizjig nend'waab'dam'waat gegoo wiinaadmaadwaat (not available in Ojibway) nji niwe gaa'naach'aa'jin daa zhi giig'doo'wag.
Zhiwe kitchi oodena, Winnipeg, Manitoba, yaa'wag Enaap'kaaz'jig enaad'ma'waa'jig zhiwe kina Anishinaaben eyaajig kitchi oodenaang minig Nshwaas' midna'we shi mdaaswaag nching. Gonda zhin'kaaz'wag Mkwa Doodem Enaag'doo'wenj'ge'jik (not available in Ojibway) gii bi nan'kii'wag maanda gii maaj'taa'waa'pa Mndaas'waag shi zhaangsmidna shi zhaangswi shi niizh biboon'gag'ba.
Gonda enaap'kaazjig gii maajii nsid'waab'ji'gaaz'wag kina goji Niizhwaaswaag shi mdaaswaag shi naanan biboongag kitchi zhiweb'zii'win nchi'gaazwaat miinwaa ew'nish'gig kwewag, gaa shkwaa ntchi'gaazat Entam'gaab'widjig shki'ni ig'kwenhs Tina Fontaine miidash zhiwe gii maajii kitchi baa'mend'ming gonda ewnish'gig minwaa enchigaazjig Anishnaabekwewag, kwezenhsag, Eniiw'zhi'aawjig miinwaa Noonch enaab'kaazjig bemaadzidjig maanpii Kinadaa (not available in Ojibway).
Gnoo'waab'am mzin'chi'gaanhsag wii kendman gonda ezhi'kitchi'naad'maa'ge'yaat Makwa Doodem Enaag'doo'wenj'ged'jik ezhi aab'ji'taa'aad.
Mzin'chi'gaa'sag Enji'gnoo'waabmin'dwaa
Gonda Makwa Doodem Enaad'maa'ge'jig gii maaj'taa'wag zhinda Winnipeg oo'de'na gii'we'dinong nike'yaa nzaam zhinda niibna gii nigaaz'wag, aawk'zi'wag, nen'mowining gii aawk'zi'wag miinwaa ga'ye goji waa'daa'aat. Zhinda ooden'wi'sing gii'nendmoog ji yaam'waa'pa waa naad'maag'waat wiiwiij'gaab'wi'too'waad niwe tkon'wew'ni'nwan zhi'we ooden'wi'sing wiinaad'maawg'zi'waat gonda Nshwaawaag shi mdaaswaag Anishinaabeg.
Gonda Mkwa Doodem Enaag'da'wenj'gedjig gii maaj'taa'wag gii Mdaas'waag shi Zhaangsmidna shizhaangs'wi shi niizh biboongag ba nango dash daa'waa'an Niizh'waag shi naanmidna enaadmaagejig bem'sed'jig oode'naang'naango naanwi giizhgad'oong minig wii naad'maage'aat Winipeg ezhnikaadeg wii waankiimgak. Gaawii go waan'sha'wemgag bimwedoosii'naa'wa da ka'waabdaanaawaa wiigwa kitchi miik'nan, shkwe'aang bem'maak'ma'gin miinwaa'zhiwe besha endaang wiika'waab'waat, wiib'zin'she'aat miinwaa wii naad'maa'ge'yaat nda'wendaawg'zi'waat.
"Enaang'zhe'yaang zhinda ooden'wi'sing wii miig'we'aang naadmaadwin zhiwe pii maask'aak'mi'gag wiinishing kina gegoo miinwaa wii miind'waa bemaad'zidjig nend'wend'moo'waat - zaa'gid'win.
Na'kwesh'kwaa'naanig bemaadzidjig yaa'aat miinwaa aapiji' goji nda'wen'mi'goo'waang."
- Kevin Walker, Bear Clan Project Director
Gonda Enaagda'wenj'gedjig gii maa'jiig'wag nzaam zhinda mji'menj'gan'ing enaabii'sing wiind'maa'ge'win, dibaajmoowin kidwin miinwaa go bi maaj'mang. Niibna gwa kinoomaage naap'kaaz'win, Maamwi naad'maadwin miinwaa gwa memaanjimchaagin naapkaazwinan wiijiiyewag miinwaa naadmaagewag miig'we'win miinwaa waa'na'kaaz'ang.
Waabmindwaa gonda Makwa Doodem Enaagdawenjgejig miigwa ezhi waankii endmowaat zhinda Winnipeg endaajig. Gonda baas'kam'waat gwiwnan kitchi nendmoog Anishnaabeg.
"Endsa biboon, ndoo naadmaagemi ngaas'doo'waang kitchi maas'kaa'win, wii miigwe'aang dash mina zheyaawin miinwaa miingo'wewziwin wii mshkoo'bi'deg. Zhi'web'at shgonaa, ngii mshkoo'too'naa wii mna'waam goom'mang'dwaa gonda Winnipeg Tko'nwe'niniwag, naadmoong'dwaa wii miik'ma'waat niwe ew'nish'na'jin nji. Nda waab'daa'naa dash nangwa Niizhwaaswe shi naanan dbagaanhs shi ngodwaag nishing wii mka'win bemaadzid zhiwe yaa'aang nji. Zhiwe enaap'kaaz'yaang giiwe yaa'wag be'maad'zidjig enji'baa'jig ooden'wising miinwaa dan'kii'taa'naa'waa owe ooden'winhs, miinwaa gwa nda'aa'mi gegoo wii naab'diz'yaang."
- Kevin Walker, Bear Clan Project Director
"Kina nda'na'wen'daawg'ni'naanig, ndaaw'mi: Enaan'dwe'chige'jig, ekwaab'jig, miinwaa mshkiki bemwidoojig. Nda pen'man'daa'goo'mi nzaam ndoo naa'naag'da'wen'daa'mi miinwaa ndoo mnaa'den'maa'naa'nig nda'na'wen'daawg'ni'naa'nig, miinwaa ngii'ken'daa'naa waa'zhi ngaas'doo'waang gegoo kitchi mji zha'we'bag miinwaa ndoo kitchi pii'ten'mi'goo'mi gaawiin ndoo mji gna'waab'maa'sii'naa'nig bemaad'zidjig."
- Kevin Walker, Bear Clan Project Director
Manj go iidig waa zhiweb'daa'gwenh, gonda Makwa Doodem Enaag'doo'wenj'gedjig go pa'ne yaa'wag wii naad'maa'ge'yaad. Nam'kaa'ge'wag, miigwe'naa'aah miijim, nbiish maage go naad'maa'ge'wag ezhi nda'wen'daag'wag. Miig'wa pa'ne mdaaswaag shi zhaangswaag shi zhaangsmidna shi niizh biboongag gonda Enaadmaage'jig ga'ye'nwaa yaa'wag oo'di Brandon, Portage la Prairie, Selkirk, miinwaa Opaskwayak Cree Entam'gaab'widjig zhiwe Pasnike'yaa. Oodi go ga'ye Thompson, Manitoba aanind da maaj'taa'wag.
- Agpii agaa aanjchigaadeg: