Anishinaabe Eshk'niig'jig daap'naa'naa'waa des'gaan zhiwe United Nations BCCCC
Niin giiwaadizid: GAC-PRMNY/Turnbull
Aab'too'ziinh Eshk'niig'jig E'wii'jii'yet Tracie Léost miinwaa Kitchi Giiwedinong enj'baat Sarah Jancke gii niigaan'iikaa'naa'waa maanda wiiwk'ge'win
Kina gwa Kinadaa, Anishinaabe Eshki'niig'jig da nii'gaan iika'naa'waa maanda kina goji akiing ezhwebag kojiing aandsem'gag ezh'we'bag. Pii Bok'waag'mi Giizis, Niizh'waas'waag shi niizhtana shi nswi biboon'gag, Anishinaabe Eshki'niig'jig miinwaa aanind Kitchi Aak gii zhaawag kitchi oo'dena New York City ezhni'kaadeg bekish maanda Kinadaa ewii'jii'edjig oodi United Nations Permanent Forum Anishinaabeg nji (UNPFII). Gii wiijii'ye'wag zhiwe dibaaj'ma'taa'ding miinwaa gii wind'maa'ge'wag esh'chige'waad ga'ye ode'n'wising enj'baa'aat miinwaa ge zhich'geng'ba wii miik'ming maanda kina goji kojiing aandsemgag ezh'we'bag.
Gdaa kendaan ooshmi yaabi maanda kina goji akiing ezhwebag kojiing aand'sem'gag ezhwe'bag ne'chew'toojig miinwaa gaa zhich'ge'yaat zhiwe UNPFII gonda mzin'chi'gaanhsag nii'sa'ying.
Kitchi Aaw, Claudette Commanda gii na'maah miigwech'wendang zhiwe kizheb. Gii wind'maa'ge enji kitchi pii'ten'daag'wag wii mina gnoo'waab'ding, kina wiya bizhaad wii zhich'ged gegoo waa naab'dag, gii dibaaj'maan ga'ye niwe mishoomisan William Commanda's ga'ye gaa zhi kendang United Nations.
Payel Laceese, Tsilhqot'in Cultural Ambassador, gii mnda'we'toon ge'te ngam'win wii gbaak'wang maanda Kinadaa gaa zhi wiiwk'get.
Kina'daa Anishinaabe Eshki'niig'jig kina goji akiing ezh'webag kojiing aand'semgag deb'aa'tang'gik gii bi kitchi zhaam'gaaz'wag miinwaa owa Kitchi Gimaa'naang Giiwedinong Enkii'taaget Dan Vandal, miinwaa Lisa Koperqualuk, President of Inuit Circumpolar Council Canada gii zhaa'wag.
Brian Pottle, Inuit Youth ewii'jii'yet gii dbaa'taan ezhi kitchi pii'ten'daa'gwak dgon'dwaa Anishinaabe Eshkiniig'jig giiwe'dinong enjbaajig wiiwk'mindwaa ga'ye wii dgob'waat. "Bi'zhaang zhinda UNPFII naa'got ezhweb'ziwaat Anishinaabeg kina go goji akiing miinwaa dash kina gda bezh'go'mi wii wiiwk'ji'too'ying maanda wii mna'gaab'wi'ying zhinda kina akiing."
Ga'yemaaba dan'kii'win zhiwe Yukon First Nations Climate Action Fellowship, Jennifer Mierau gii dbaa'taan ga'yenwaa waa zhi aanji miiwk'sach'ge'yaat: "Zhii'baa'aam'da'miong maanda enaap'kaa'deg wii naas'ko'daa'ding aabdeg kawaii naas'koon'daa'naa gda'nend'moo'ni'naa, g'wiiyow'naa, miinwaa gda jii'chaak'naa. Aabdig ge kwiinaaskoon'daa'naa maanda aki. Mii maanda ezhi biim'sko'bi'zat maaba det'bi'senh miinwaa waa zhi zgaa'biig'na'mying kina gegoo wii aanji kend'ming waa zhi maad'zii'yiong, waa zhi kendming minwaa waa zhi nakii'ying."
Tracie Léost, Métis Youth Delegate gii dbaa'taan wii zhitoong des'gaan ji noond'wind'waa miinwaa wii yaam'waat waazhi naad'maa'ge'aap'a. Gii dbaataan ga'ye gaa zhiweb'zit. "Giishpin wiya wiin'moo'pa gii gaa'chinh'yaa ngoding ji biindige'aamba UN New York ezhni'kaa'deg biisk'kamaanh moccasins miinwaa zenbaanh mji'goo'denh, end'gwenh go ji debwetog'banenh. Maanda aawan bwaaj'ge'win nzaam nookmis miinwaa nmishoomis miinwaa Kitchi Aag wii waab'dam'waat Esh'ki'niig jig daap'nam'waat wii naa'niib'wi'yaat miinwaa wii niigaan'nii'waat waa ni zhiwewbag."
Epiichi teg Anishinaabe Eshki'niig'jig Waaw'ye'dab'waat, Sarah Jancke, gaa aawit ko pabwin zhiwe Global Indigenous Youth Caucus, giig'noo'naan Minister Vandal miinwaa Bob Rae, Canadian Ambassador oodi United Nations, wii aas'gaab'wi'taa'ge'waat Anishinaabe Eshkniig'ninjin: "Ezhi waab'dam'ma genii Eshkiniigjig wii zhaa'aat ooshmi Eshkiniigjig Dbaaj'moowaat, zhiwe Eshkiniigjig ooshmi ji kinoomowin'dwaa ba. Genii nda nen'migoo zhaazhi niishtanansa biboon "getchi kendang Eshk'niigit" Aabiish ge zhaang gwaa ba ni miseg nji maanda international Indigenous rights na'kii'win? Nda kwe'we go gegoo edming miinwaa aas'gaab'w'taadwin gonda Anishinaabeg bemaad'zidjig nji miinwaa Eshk'niig'jig. Aabdig kawaii aab'ji'taami wii naankii'ying zhinda miizhashk jiib'keh'yin temgag, miinwaa go naad'maa'ge'ying kina goji akiing ezhwebag."
Métis Kitchi Aah Oliver Boulette gii naa'zhaa'bii'ga'ge gaa shkwaa na'maat wii baak'nang maawnjid'win.
Inuit Kitchi Aah Piita Irniq gii dbaa'taan ezhwebag oodi Kitchi giiwedinong maanda kina gegoo ezhwebag kojiing aandsemgag miinwaa nda'wen'daa'gwag kina goji akiing ooden'wisan wii mshko'aawk'ni'ge'yaat.
- Agpii agaa aanjchigaadeg: