En'gan'gaazjig Ke'ewin gii Bi'naa'naa'waa Kitchi Gimaa'Naang

The Survivors' Flag.

Kina go em’zin’sing zhiwe En’gan’gaaz’jig Ke’ewining weweni gii wen’aam’ji’gaa’de kina go ekoon’deg Kinadaa miinwaa kina go gii gnow’naa’wag owe ke’ewin wii zhich’gaadeg.

Maanda En’gan’gaaz’jig Ke’ewin gii zhich’gaa’dem’gad oodi National Centre of Truth and Reconciliation maam’wiz’waat bekish niiwe En’gan’gaaz’jig miinwaa Kina gwa National Anishinaabe Naap’kaaz’win’an wii mnaa’jin’dwaa gonda binoojiinhyag manj go naa iidig minig ngod’waag gaawii wiikaa gaa bi gii’yes’gwaa gii zhaa’aat oodi gbeshi gamigong wii kinoo’ma’windwaa gii’wenh.

Maanda pii, Miin Giizis, Niishtana shi zhaangswi giizhgad, Niizhwaaswaag shi niishtana shi niizh biboongag, Kinadaa Kitchi Gimaa Justin Trudeau miinwaa Stephanie Scott, Eg’maaw’wit zhiwe National Centre for Truth and Reconciliation gii wiijii’ye’wan niwe En’gan’gaaz’jig miinwaa aanind ewiik’min’jig zhiwe besha Kitchi gimaa’gamigong wii bin’ming owe En’gan’gaaz’jig Ke’ewin.

Maanda Ke’ewin niindaa’wen mshkoo kidwin wii saweshkaak kina Kinadaa. Aah’wan maanda owe bemaadzid’jig wii maam’na’nendming gaa zhiwebag miinwaa aabdeg wii nda zhich’geng.

Kinadaa Kitchi Gimaa Justin Trudeau wiijii’waan Stephanie Scott, Eg’maa’wit oodi National Centre of Truth and Reconciliation (NCTR), E’nin’ngan gaaz jig miinwaa aanind kitchi aag wii mnaach’toong maanda bin’ming En’nin ngaj’gaaz’jig Ke’ewin.
Ede’ge’jig ngam’wag miinwaa ode’ge’wag niigaan zhiwe Kitchi gimaa gamigong ntam maaj’taa’waad.
Mi’kmaq ede’e’ged’jig zhin’kaaz’wag Kitchi twaa Ma’ingan Neg’ma’jig( Sacred Wolf Singers) ngamwag owe Kitchitwaa ngamwin.
Kitchi Aah Claudette Commanda niigaan’gaab’wi wii giig’dat.
Gimaa Dylan Whiteduck enj’baad Kitigan Zibi kina wiya nam’ka’waan maanpii njida gwa da kiim’waa gonda Algonquin Anishinabeg Nation
NCTR Eg’maa’wit Stephanie Scott di’baataan maanda maawn’jid’win enji temgag miinwaa enji kitchi pii’ten’daa’gog.
Entamgaabwid’jik Gaani’ngaaj’gaa’zad giig’daa zhiwe niigaan.
Kitchi Giiwedinong Gaa’nin’gaj’gaazad Dr. Brown zgin’jii’naan Kinadaa Kitchi Gimaa Trudeau shkwaa giig’dat.
Aab’too’ziinh Gaa’nin’gaj’gaa’zad Jimmy Durocher giigda.
KInadaa Kitchi Gimaa Trudeau kida maanda bin’ming Ke’ewin da’mim Kinadaa wii aabiji aas’gaab’wi’tang Kinadaa nji naasko’daadwin miinwaa wii mnaaden’mind’waa gaaw nish’gig miinwaa gonda En’gan’gaaz’jig ep’taak’shkaaw’gwaad maanda gbeshi gaming wii kinoo mowin’dwaa giiwenh.
Daniel Vandal, Kitchi Gimaa naang Enj’gaab’wit Giiwedinong gen’wend’dang Marc Miller, Kitchi Gimaa’naang Anishinaaben Enkiit’waat naad’moowaan Kinadaa Kitchi Gimaan bin’moo’waat Ke’ewin.
Kinadaa Kitchi Gimaa wii’jii’we bin’mang ke’ewin maanda E’nin’ngaj’gaaz’jig nji wii naad’moo’waat Gbeshi Gamig Wii Kinoomaa’gaaz’waat gaa zhaab’wiit miinwaa Kitigan Zibi Kitchi Aaw Florence Cote.
Maanda E’nin’gaj’gaaz’jig Ke’ewin aawan kitchi mshkoo’ziim’gag kidwin kina Kinadaa bemaad’zidjig wiibi nbwaach’e’aat Kitchi Gimaa naang wii kend’moo’waat edming maanda ke’ewin.

Yaabi Enaa’bii’sing ge naab’gi’ba

Gegoo gegii gdaa nda zhich’ge

On social media

Facebook

X (formerly Twitter)

Agpii agaa aanjchigaadeg: