Wiindamaagewin onji Ministers Marc Miller, Patty Hajdu, Daniel Vandal, miinwaa Pablo Rodriguez owi Gichi Kiing Giizhaa Agaa Yaajig Mewizh Agaa Zhiwebak Giizis

Ottawa, Ontario (Odemiini Giizis 1, 2022) – Owa Gichitwaa Marc Miller, Minister of Crown-Indigenous Relations; owa Gichitwaa Patty Hajdu, Minister of Indigenous Services; owa Gichitwaa Honourable Daniel Vandal, Minister of Northern Affairs; miinwaa owa Gichitwaa Honourable Pablo Rodriguez, Minister of Canadian Heritage, agii miigwenaa-aa maanda wiindamaagewin nongo giizhigad:

"Odemiini Giizis 1st maakibiigaademigad owi maajitaamigag Gichi Kiing Giizhaa Agaa Yaajig Mewizha Agaa Zhiwebak Giizis owi nisidwaabmdamaang miinwaa minaajitowaang owi mewizh aga zhiwebak, ondiziwiniwaa, agaa miigwewaad, miinwaa bebakaaniziwin gewe Ntam Inakaanewiziwinan, Eshkiimewi miinwaa Wiisaakode zhinda Gaanada.

"Maanda giizis moshkinemigad newen zhisewinan kina gwayaa awii wiijiiwed zhiwe Giizhaa Agaa Yaajig naagaanwidojig minajichige minendaagoziwinan miinwaa danakimigiziwinan. Ndo gagaandinaanaanig kina Canadians awii wiidokaaziwaad miinwaa woshme awii gikendamowaad owi Giizhaa Agaa Yaajig gikendamowiniwaa miinwaa owi bezhigwong mewizha agaa zhiwebak, inaadiziwinan miinwaa nagadendamowiniwaa gewe Ntam Inakaanewiziwinan, Eshkiimewi miinwaa Wiisaakode miziwe kamig maanda Gaanada. Nda Gikendan agezhi digokaaziyimiba gnowaabmdaman owi National Indigenous Peoples' Day activity guide.

"Ani naanaagodowendamaang aga bimisemigag biboon, ndo nisidwinaanaa newen gagwaanisagendaagwog agaa makamiwaad newen odenwinan aazhokamig, owi nigadimowin newen endinizing gikinomaage gamgoon miinwaa owi naaknigewin mazhisha agaa majidodaagaaziwaad inodewiziwinan niibna aanike bimaadizijig. Ninda gaawii agaa gikinwaachiji'gaadesinag ningwa-ikaanan miinwaa owi gegwaanisagendaagwog nigadimowin agaa nigajigaadeg gaagige ada aawon owi gagweji nigoinigowing agaa zhiwebak. Amii owi onji gdo ogimaawiwin enji mashkogaabiwiwod ado waawiindamaagewin nakiiwin owi debwewin miinwaa mina ginoondiwin, awii nakwechigaadeg pane maanaajidodaamowinan miinwaa aasgaabiwichigaadeg odenwinan ani niigaanwidowaad owi nakiiwin awii mokinigaadeg owi debwewin miinwaa aasgaabiwitaagaademigag noojimowin gewe bemaadizijig miinwaa odenwinan. Nongo giizis, ndo gagaandinaanaanig Canadians woshme gego awii gikendamowaad newen debwewinan owi e'maadinamaadiying aki miinwaa awii naanaagadowendamang newen nikiiyaa bebezhig yaawiying age azhi gigetinaamendamang owi mina ginoodiwin. Woshme gego awii gikendaman owi nikiiyaa agezh wiidokaaziyin miinwaa gikendaman, aga bigosenimigwo awii zhaawin odi virtual commemorations and educational resources portal.

"Ntam Inakaanewiziwinan, Eshkiimewi miinwaa Wiisaakodeg aabajitaawog awii zhitowaad myaamiikwendaagwog miinwaa gechi piitendaagwog miigwewin gdo maamowi gichi kiing nisidwinaagoziiwing, miinwaa epiichi aawong Gichi Kiing Giizhaa Agaa Yaajig Mewizha Agaa Zhiwebak Giizis miigwemigad zhisewin awii ishpaamijigaadeg ninda miigwewinan, Canadians maampii miziwe Gaanada adaa obenimog awii gikendamowaad miinwaa wiidokaaziwaad newen Giizhaa Agaa Yaajig inaadiziwiniwaan miinwaa izhitwaawiniwaan gabe biboon."