ᑲᓇᑕ ᐊᒻᒪᓗ ᐃᓄᐃᑦ ᑕᐱᕇᑦ ᑲᓇᑕᒥ - ᐃᓄᐃᑦ ᓂᐱᖏᑦ ᑐᓴᖅᑕᐅᓂᐊᖅᑐᑦ ᒐᕙᒪᑐᖃᒃᑯᑦ ᐃᓱᒪᒃᓴᖅᓯᐅᕈᑎᖏᓐᓄᑦ
ᑐᓴᒐᒃᓴᖅ
ᕕᕗᐊᕆ 6, 2025 — ᐃᖃᓗᐃᑦ, ᓄᓇᕗᑦ - ᐃᓄᓕᕆᔨᑐᖃᒃᑯᑦ ᐊᒻᒪᓗ ᐃᓄᐃᑦ ᑕᐱᕇᑦ ᑲᓇᑕᒥ
ᐅᓪᓗᒥ, ᒥᓂᔅᑕ ᒋᐅᓕ ᐊᓇᓐᑕᓴᓐᖓᕇ, ᒥᓂᔅᑕᖓᑦ ᐃᓄᓕᕆᔨᑐᖃᒃᑯᑦ ᐊᒻᒪᓗ ᒥᓂᔅᑕᖓ ᑲᓇᑕᐅᑉ ᐅᑭᐅᖅᑕᖅᑐᐊᓂ ᒪᑭᒪᓇᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖁᑖ, ᐊᒻᒪᓗ ᓇᐃᑕᓐ ᐅᐱᑦ, ᐃᓄᐃᑦ ᑕᐱᕇᑦ ᑲᓇᑕᒥ, ᑐᓴᖅᑎᑦᑎᕗᑦ ᓄᑖᓂᒃ ᒥᓂᔅᑕᐃᑦ ᑲᑎᒪᔨᐅᕕᖏᑦ ᒪᓕᒃᑕᐅᖁᔭᖏᓐᓂᒃ ᐊᑐᓕᖅᑎᑕᐅᔪᓄᑦ ᐃᓄᐃᑦ ᓄᓇᖓᑦ ᐊᑐᐊᒐᖏᑦᑎᒍᑦ.
ᐃᓄᐃᑦ ᐊᔾᔨᒋᔭᐅᓐᖏᑦᑐᓂᒃ ᐱᔪᓐᓇᐅᑎᖃᖅᑐᑦ-ᑎᒍᒥᐊᖅᑐᑦ ᓄᓇᖅᑲᖅᑳᖅᓯᒪᔪᑦ ᓇᖕᒥᓂᖅ ᐃᒻᒪᑲᓪᓚᓂᑦ ᐊᑐᖅᓯᒪᔭᑎᒃ ᐊᒻᒪᓗ ᐱᐅᓯᑐᖃᖅᑎᒃ, ᐊᒻᒪᓗ ᓄᓇᖁᑎᒋᔭᑎᒃ, ᐃᓄᐃᑦ ᓄᓇᖓᑦ, ᐅᑯᐊ ᐊᔾᔨᒋᔭᐅᓐᖏᑦᑐᖅ ᓄᓇᖓ, ᐱᐅᓯᖏᑦ ᐃᓄᐃᑦ ᐊᒻᒪᓗ ᒪᑭᒪᓇᓱᐊᕈᑎᑦ ᐱᔭᕐᓂᖅᐸᓐᖏᑦᑐᑦ ᐊᑐᖅᑕᐅᔪᑦ ᐃᓄᖕᓂᑦ, ᑲᓇᑕᐅᑉ ᒐᕙᒪᒃᑯᖏᑦ ᓴᕿᑦᑎᖃᑎᒌᒃᐳᑦ ᐃᓄᐃᑦ ᓄᓇᖓᓂ ᐊᑐᐊᒐᖅᑎᒍᑦ ᑖᒃᑯᐊᓗ ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᐃᓄᐃᑦ ᐊᖏᕈᑎᓕᑦ ᐊᐅᓚᑦᓯᔨᑦ ᑕᒪᐅᓐᓇ ᐃᓄᐃᓪᓗ ᑲᓇᑕᒥ ᒐᕙᒪᒃᑯᓪᓗ ᐱᓕᕆᐊᖃᖃᑎᒌᖕᓂᖏᓐᓄᑦ ᑲᑎᒪᔨᕋᓛᑦ.
ᐱᓇᔪᒍᑎᖏᑦ ᐃᓄᐃᑦ ᓄᓇᖓᑦᑎᒍᑦ ᐱᒋᐊᕈᑕᐅᓯᒪᓗᑎᒃ ᑐᑭᖃᖅᑐᖅ ᑖᒃᑯᐊ ᒐᕙᒪᑐᖃᒃᑯᑦ ᐱᓕᕆᑎᑦᑎᔾᔪᑎᖏᑦ ᐊᒻᒪᓗ ᐊᑐᐊᒐᖏᑦ ᐃᑲᔫᑎᓂᐊᖅᑐᑦ ᐃᓄᖕᓂᑦ ᓴᕿᑎᑦᑎᓕᖅᐸᑕ ᑕᐃᒫᒃ ᐊᑐᖅᓯᓗᑎᒃ ᐃᓄᐃᑦ ᓯᕗᓪᓕᐅᑎᖁᔭᖏᓐᓂᒃ ᐊᒻᒪᓗ ᐊᑐᖅᑕᐅᔪᓐᓇᕐᓗᑎᒃ ᑕᒪᐃᓐᓂᑦ ᐊᕕᒃᑐᖅᓯᒪᔪᓂᑦ ᐃᓄᐃᑦ ᓄᓇᖓᓂ. ᐅᓇ ᐱᒋᐊᕈᑎ ᖃᐅᔨᒪᔭᐅᓕᕇᖅᑐᖅ ᐱᒻᒪᕆᐅᔪᒥᒃ ᓴᓇᖃᑦᑕᖅᑐᑦ ᓄᑖᖑᕆᐊᖅᑎᓪᖢᒍ ᐅᑭᐅᖅᑕᖅᑐᒥ ᐅᖓᓯᒃᑐᕐᒥᐅᑕᐃᑦ ᓄᓇᓖᑦ ᐃᖏᕐᕋᓯᑎᑕᐅᓯᒪᔪᓄᑦ ᑮᓇᐅᔭᒃᓴᖅ, ᑐᓴᖅᑎᑦᑎᔾᔪᑕᐅᓚᐅᖅᑐᖅ ᑕᒪᑐᒪᓂ ᐱᓇᓱᐊᕈᓯᕐᒥ. ᐅᓇ ᐊᑐᐊᒐᖅ ᑐᑭᒧᐊᒍᑕᐅᓯᒪᕗᖅ ᐅᖓᕙᕆᐊᖅᓯᒪᓗᓂ ᑕᒪᐃᓐᓄᑦ ᐃᓄᐃᑦ ᓄᓇᖓᑦ ᐃᓚᒃᑲᓐᓂᕐᓗᒋᑦ ᑎᐅᓕᑐᐊᓕᔅ, ᐃᑲᔪᖅᑐᑦ ᐃᖏᕐᕋᓯᑎᑕᐅᓯᒪᔪᓂᒃ ᐅᑯᐊᓗ ᐱᐅᓯᕚᓪᓕᕐᓂᐊᕐᒪᑕ ᓄᓇᓕᖕᓂ ᓂᕿᒃᓴᖃᑦᑎᐊᕐᓂᖅ ᐊᒻᒪᓗ ᐊᔾᔨᒌᓐᖏᑦᑐᓄᑦ ᒪᑭᒪᓇᓱᐊᕈᑎᑎᒍᑦ ᐱᕈᕐᓗᑎᒃ.
ᐅᑯᐊ ᒥᓂᔅᑕᐃᑦ ᑲᑎᒪᔨᐅᕕᖏᑦ ᒪᓕᒃᑕᐅᖁᔭᖏᓐᓂᒃ ᑐᓴᕐᑎᑦᑎᕗᑦ ᐅᓪᓗᒥ ᐋᕿᒃᓱᐃᔾᔪᑎᒋᓂᐊᖅᑕᒥᒃ ᓴᓇᓗᒋᑦ ᐅᑯᐊᓗ ᐱᓕᕆᔭᐅᕙᓪᓕᐊᓕᕇᖅᑐᑦ, ᐋᕿᒃᓱᐃᓪᓗᑎᒃ ᑐᑭᓯᓇᑦᑎᐊᖅᑐᓂᒃ ᐊᖁᑎᒃᓴᖏᓐᓂᒃ ᐊᑐᓕᖅᑎᑕᐅᓗᑎᒃ ᐃᓄᐃᑦ ᓄᓇᖓ ᐊᑐᐊᒐᖅ ᑕᒪᐃᓐᓂ ᒐᕙᒪᑐᖃᒃᑯᓂ. ᑕᐃᒪᓗ ᒪᓕᑦᑎᐊᕐᓂᐊᖅᑐᑦ ᐱᓇᔫᑎᑦ ᐊᑐᐊᒐᐃᑦ ᑕᒪᐃᓐᓂ ᐊᐅᓚᑦᓯᕕᑦ ᐊᒻᒪᓗ ᑎᒥᖁᑎᖏᑦ ᖃᐅᔨᓇᖅᓯᑎᑦᑎᐊᕐᓗᒋᑦ ᐃᓂᖏᑦ, ᐱᔭᒃᓴᖏᑦ, ᐊᒻᒪᓗ ᓵᑕᒃᓴᐅᔾᔪᑎᖏᑦ ᒪᓕᖕᓂᐊᕐᒪᑕ ᐱᕙᓪᓕᐊᓂᖏᑦ ᐊᒻᒪᓗ ᐆᒃᑐᕋᖅᑕᐅᔪᓄᑦ ᑐᑭᓯᓇᖅᓯᔪᑦ.
ᑕᐃᒪᓗ ᑭᖑᓪᓕᕐᒥᒃ ᐱᓕᕆᔭᐅᓂᐊᖅᑐᑦ, ᐃᓄᐃᑦ ᐱᓕᕆᖃᑎᒌᑦ ᓴᕿᑦᑎᖃᑎᒌᒡᓯᒪᖕᒥᔪᑦ ᑐᑭᒧᐊᒍᑎᓂᒃ ᑎᑎᖃᓂᒃ ᐃᓚᖃᖅᖢᑎᒃ ᐊᑐᐊᒐᕐᓂᒃ ᐊᒻᒪᓗ ᒥᓂᔅᑕᐃᑦ ᑲᑎᒪᔨᐅᕕᖏᑦ ᒪᓕᒃᑕᐅᖁᔭᖏᓐᓂᒃ ᐅᑯᐊᓗ ᐃᑲᔪᖅᑕᐅᒃᑲᓐᓂᕐᓂᐊᖅᑐᑦ ᒐᕙᒪᑐᖃᒃᑯᑦ ᐊᐅᓚᑦᓯᕕᖏᓐᓂᑦ ᐊᒻᒪᓗ ᑎᒥᖁᑎᖏᓐᓂᒃ ᐊᑐᓕᖅᑎᑕᐅᓗᑎᒃ ᐃᓄᐃᑦ ᓄᓇᖓᑦ ᐊᑐᐊᒐᐃᑦ ᐋᕿᒃᓯᓕᕈᑎᒃ ᐅᕝᕙᓘᓐᓃᑦ ᓄᑖᖑᕆᐊᖅᑎᑦᑎᓕᕈᑎᒃ ᐊᑐᐊᒐᕐᓂᒃ, ᐱᓕᕆᑎᑦᑎᔾᔪᑎᓂᒃ ᐊᒻᒪᓗ ᐱᔨᑦᑎᕋᐅᑎᓂᒃ.
ᑕᒪᐅᓐᓇ ᑖᔅᓱᒧᖓ ᐊᑐᐊᒐᖅ ᐊᒻᒪᓗ ᒥᓂᔅᑕᐃᑦ ᑲᑎᒪᔨᐅᕕᖏᑦ ᒪᓕᒃᑕᐅᖁᔭᖏᓐᓂᒃ, ᑲᓇᑕᐅᑉ ᒐᕙᒪᒃᑯᑦ ᐊᖏᖅᓯᒪᐃᓐᓇᕐᓂᐊᖅᑐᑦ ᐊᑐᕐᓗᖏᑦ ᐃᓄᐃᑦ ᓇᖕᒥᓂ-ᒐᕙᒪᖃᕐᓂᖓ ᐊᒻᒪᓗ ᐃᓕᓴᖅᓯᓯᒪᓗᑎᒃ ᐊᒻᒪᓗ ᐃᑲᔪᕐᓗᑎᒃ ᐃᓄᐃᑦ ᓯᕗᓕᐅᖅᑎᑦ ᐃᓱᒪᓕᐊᕆᑎᓪᓗᒋᑦ ᓇᖕᒥᓂᖅ ᓯᕗᓂᒃᓴᕐᒥᖕᓂᒃ ᐊᒻᒪᓗ ᓴᖕᖏᒃᑎᒋᐊᕐᓗᒋᑦ ᓄᓇᓖᑦ ᑕᒪᐃᓐᓂ ᐃᓄᐃᑦ ᓄᓇᖓᓂ.
ᐃᓚᓕᐅᑎᔭᒃᓴᖅ ᖃᓄᕆᑦᑐᑐᐃᓐᓇᓄᑦ ᑐᓴᒐᒃᓴᓄᑦ
ᐅᖃᖅᑕᐅᔪᑦ
"ᐅᓇ ᐃᓄᐃᑦ ᓄᓇᖓᑦ ᐊᑐᐊᒐᖅ ᐃᑲᔫᑎᔪᖅ ᓴᕿᑦᑎᓯᒪᓂᐊᕋᑦᑕ ᐊᔪᖅᓴᓐᖏᑦᑎᐊᕐᓗᑎᒃ ᐃᓄᐃᑦ ᓄᓇᖓᑦ ᑕᐃᒫᒃ ᐃᓄᐃᑦ ᐊᑐᕈᓐᓇᕐᓗᑎᒃ ᐱᓕᕆᑎᑦᑎᔾᔪᑎᓂᒃ ᐊᒻᒪᓗ ᐊᑐᒐᕐᓂᒃ ᐅᑯᐊᓗ ᑐᕌᖅᑐᖅ ᐃᑲᔫᓯᐊᕐᓗᑎᒃ ᐃᓄᖁᑎᕗᑦ. ᐅᓇ ᒥᓂᔅᑕᐃᑦ ᑲᑎᒪᔨᐅᕕᖏᑦ ᒪᓕᒃᑕᐅᖁᔭᖏᖅ ᑐᓴᕐᑎᑦᑎᔾᔪᑕᐅᔪᑦ ᐅᓪᓗᒥ ᓴᖕᖏᔫᕗᖅ ᓴᓇᕐᕈᑎ ᐃᑲᔪᕐᓂᐊᖅᑐᖅ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐊᑐᓕᖅᑎᑦᑎᓗᑎᒃ ᐊᑐᐊᒐᕐᒥᒃ, ᑕᐃᒪᓗ ᐱᐅᓯᕚᓪᓕᐊᕐᓂᐊᕐᒪᑕ ᐱᓕᕆᑎᑦᑎᔾᔪᑎᑦ ᐋᕿᒃᓱᖅᓯᒪᓂᖏᑦ ᐊᒻᒪᓗ ᒐᕙᒪᒃᑯᑦ ᐱᐊᓚᓂᖅᓴᐅᓗᑎᒃ ᐊᒻᒪᓗ ᐊᑑᑎᖃᕐᓂᖅᓴᐅᓗᑎᒃ."
ᓇᐃᑕᓐ ᐅᐱᑦ
ᐊᖓᔪᖅᑳᖅ ᐃᓄᐃᑦ ᑕᐱᕇᑦ ᑲᓇᑕᒥ
"ᐅᓇ ᐊᖏᔪᖅ ᑕᒪᑐᒧᖓ ᐱᕙᓪᓕᐊᓂᐊᕐᓂᖓ ᐋᕿᒃᑕᐅᓯᒪᔪᖅ ᐱᓕᕆᖃᑎᒌᖕᓂᑦ ᐃᓄᐃᓪᓗ ᓴᕿᑦᑎᓪᓗᑎᒃ ᐃᓄᐃᑦ ᓄᓇᖓᑦ ᐊᑐᐊᒐᖅ, ᑭᓯᐊᓂ ᐊᒥᓲᓂᖅᓴᐅᕗᑦ ᓱᓕ ᐱᓕᕆᐊᒃᓴᕗᖅ. ᐅᓇ ᐊᑐᐊᒐᖅ ᑐᑭᒧᐊᒍᑎᒋᓂᐊᖅᑐᖅ ᖃᓄᖅ ᓴᓇᓯᒪᓂᐊᕐᓂᖏᑦ ᐊᑐᐊᒐᐃᑦ ᐊᒻᒪᓗ ᐱᓕᕆᑎᑦᑎᔾᔪᑕᐅᔪᑦ, ᑕᒪᑐᒪᖓᑦ ᐃᒡᓗᓕᕆᓂᖅ ᐊᒻᒪᓗ ᐋᓐᓂᐊᕕᓕᕆᓂᖅ, ᐃᓕᓐᓂᐊᖅᑎᑦᑎᓂᖅ ᐊᒻᒪᓗ ᒪᑭᒪᓇᓱᐊᕈᑎᓄᑦ ᐱᕙᓪᓕᐊᑎᑦᑎᓂᖅ. ᑕᐃᒫᒃ ᒪᓕᑦᑎᐊᕐᓗᑎᒃ ᐱᒋᐊᕈᑎᖏᑦ ᖃᐅᔨᒪᑦᑎᐊᕐᓂᐊᕋᑦᑕ ᓴᓇᔭᕗᑦ ᐊᑑᑎᖃᑦᑎᐊᖅᑐᒥᒃ ᑎᑭᐅᑎᓯᒪᑦᑎᐊᕐᓂᐊᕐᒪᑕ ᐃᓄᐃᑦ ᓯᕗᓪᓕᐅᑎᖁᔭᖏᓐᓂᒃ, ᑕᒪᐃᓐᓂ ᒐᕙᒪᒃᑯᓂ."
ᒥᓂᔅᑕ ᒋᐅᓕ ᐊᓇᓐᑕᓴᓐᖓᕇ
ᒥᓂᔅᑕᖓᑦ ᐃᓄᓕᕆᔨᑐᖃᒃᑯᑦ ᐊᒻᒪᓗ ᒥᓂᔅᑕᖓ ᑲᓇᑕᐅᑉ ᐅᑭᐅᖅᑕᖅᑐᐊᓂ ᒪᑭᒪᓇᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖁᑖ
ᓱᓕᔪᑦ ᓇᐃᑦᑐᑦ
- ᐃᓄᐃᑦ ᓄᓇᖓᑦ ᐅᓇ ᐃᓄᐃᑦ ᓄᓇᖓ ᑲᓇᑕᒥ ᐊᒻᒪᓗ ᐊᑕᐅᓯᓪᓗᐊᖅ ᐱᖓᓱᓂᑦ ᑲᓇᑕᐅᑉ ᓄᓇᓕᒫᖓᑕ ᐊᖏᓂᖓ ᐊᒻᒪᓗ 72% ᓯᒡᔭᐃᑦ, ᐊᒻᒪᓗ ᑎᑭᐅᒪᔪᖅ ᐃᒪᕕᖕᒧᑦ. ᐅᓇ ᑕᒪᒃᑭᖅᓯᒪᔪᖅ ᓄᓇ, ᐃᒪᖅ, ᐊᒻᒪᓗ ᓯᑯ ᐱᖓᓱᑦ ᐊᖏᕈᑎᖃᖅᑐᑦ ᐊᕕᒃᑐᖅᓯᒪᔪᑦ ᑭᒡᒐᖅᑐᖅᑕᑦ ᐃᓅᕕᐊᓗᐃᑦ ᓄᓇᖓᑦ ᓄᓇᑦᓯᐊᕐᒥ, ᓄᓇᕗᑦ, ᓄᓇᕕᒃ ᐅᐊᖕᓇᖓᓂ ᑯᐸᐃᒃ, ᐊᒻᒪᓗ ᓄᓇᑦᓯᐊᕗᑦ ᐅᐊᖕᓇᖓ ᓛᐸᑐᐊ. ᑕᐃᒪᖓᓂᑦ 2021 ᓈᓴᖅᑕᐅᓯᒪᔪᑦ, ᑕᒪᔾᔭᐅᕗᖅ 70,545 ᐃᓄᐃᑦ ᑲᓇᑕᒥ, ᐅᓄᓛᑦ ᓄᓇᖃᖅᑐᑦ ᐃᓄᐃᑦ ᓄᓇᖓᓂ. ᐱᒻᒪᕆᐅᕗᖅ ᖃᐅᔨᒪᒍᑦᑕ ᓴ,ᓐᓇ ᓈᓴᐅᓯᖏᑦᑎᒍᑦ ᑕᒪᕐᒥᒃ ᐃᓄᖃᓐᖏᑦᑐᖅ ᑲᑎᓪᓗᒋᑦ ᐃᓄᐃᑦ ᓄᓇᖃᖅᑐᑦ ᑲᓇᑕᒥ ᐊᒻᒪᓗ ᑕᒪᕐᒥᒃ ᐃᓄᐃᓐᓇᑦᑎᐊᑦ ᐊᒥᓲᓂᖅᓴᐅᔪᑦ ᓈᓴᖅᑕᐅᓯᒪᔪᑎᒍᑦ.
- ᑕᐃᒪᖓᓂᑦ ᐅᖓᑖᓄᑦ ᒪᕐᕉᒃ ᐊᕐᕌᒍᑦ, ᐃᓄᐃᑦ ᓄᓇᖓᑦ ᐊᑐᐊᒐᖅ ᓴᕿᑕᐅᓯᒪᔪᖅ ᐃᓄᖕᓂᑦ. ᐱᔪᓐᓇᖅᓯᑎᑕᐅᓯᒪᔪᒻ ᑕᐃᑲᓂ ᐃᓄᐃᓪᓗ ᑲᓇᑕᒥ ᒐᕙᒪᒃᑯᓪᓗ ᐱᓕᕆᐊᖃᖃᑎᒌᖕᓂᖏᓐᓄᑦ ᑲᑎᒪᔨᕋᓛᑦ ᓯᕗᓕᐅᖅᑎᑦ ᑲᑎᒪᓪᓗᑎᒃ ᐊᐃᕆᓕ 21, 2022, ᑖᓐᓇ ᑲᓇᑕᐅᑉ ᓯᕗᓕᐅᖅᑎᖓ ᔭᔅᑎᓐ ᑐᕉᑐ ᐊᒻᒪᓗ ᓇᐃᑕᓐ ᐅᐱᑦ, ᐊᖓᔪᖅᑳᖅ ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᐃᓄᐃᑦ ᓯᕗᓕᐅᖅᑎᑦ ᑎᓴᒪᓂ ᐃᓄᐃᑦ ᐊᐅᓚᑦᓯᔨᖏᑦ ᐃᓄᐃᑦ ᓄᓇᖓᓐᓂᑦ.
- ᐅᓇ ᐃᓄᐃᑦ ᓄᓇᖓᑦ ᐊᑐᐊᒐᖅ ᐊᑐᖅᑕᐅᑎᑦᑎᔪᖅ ᐃᓄᐃᑦ ᓇᖕᒥᓂ-ᐊᐅᓚᑦᑎᔪᓐᓇᖅᖢᑎᒃ ᒐᕙᒪᖃᖅᖢᑎᒃ ᐊᒻᒪᓗ ᐃᑲᔪᕐᓗᑎᒃ ᓄᓇᓕᖕᓂᒃ ᐊᒻᒪᓗ ᐃᓄᑐᐃᓐᓇᓂᒃ ᖃᓄᐃᖏᑦᑎᐊᖁᓪᓗᒋᑦ ᑕᒪᐃᓐᓂ ᐃᓄᐃᑦ ᓄᓇᖓᑦ, ᑐᕌᖅᑐᑦ ᑎᑭᐅᑎᑦᑎᐊᕐᓗᒋᑦ ᐃᓅᓯᓕᕆᓂᕐᒥ-ᒪᑭᒪᓇᓱᐊᕐᓂᕐᒧᑦ ᐃᓚᐃᓐᓈᖅᑕᖁᓇᒋᑦ ᐊᕙᑖᓂᑦ ᐃᓄᐃᑦ ᐊᒻᒪᓗ ᑕᒪᕐᒥᒃ ᐊᓯᖏᑦ ᓄᓇᖃᖅᑐᑦ ᑲᓇᑕᒥ. ᑐᓂᓯᓯᒪᔪᖅ ᐊᑦᑎᓛᒥᒃ ᐱᐅᓯᖅ ᓂᕆᐅᓇᖅᑐᓄᑦ ᑕᒪᐃᓐᓂᑦ ᐃᓚᒌᒍᓯᑦ ᐊᕙᑖᓂᑦ ᐃᓄᐃᑦ ᐊᒻᒪᓗ ᑕᒪᕐᒥᒃ ᒐᕙᒪᑐᖃᒃᑯᑦ ᐊᐅᓚᑦᓯᕕᖏᑦ ᐊᒻᒪᓗ ᑎᒥᖁᑎᖏᑦ, ᐊᒻᒪᓗ ᑐᓂᓯᓯᒪᔪᖅ ᑐᑭᒧᐊᒍᑎᒥᒃ ᒐᕙᒪᑐᖃᒃᑯᓄᑦ ᐊᐅᓚᑦᓯᕕᖏᓐᓄᑦ ᐊᒻᒪᓗ ᑎᒥᖁᑎᖏᓐᓄᑦ ᖃᓄᖅ ᑐᓂᓯᓯᒪᔪᓐᓇᕐᒪᖔᑦ ᐱᓕᕆᑎᑦᑎᔾᔪᑎᓂᒃ, ᐊᑐᐊᒐᕐᓂᒃ ᐊᒻᒪᓗ ᐱᔨᑦᑎᕋᐅᑎᓂᒃ ᐃᓄᐃᑦ ᓄᓇᖓᓄᑦ.
- ᑕᐃᑲᓂ ᒫᑦᓯ 2024, ᑲᓇᑕᐅᑉ ᓯᕗᓕᐅᑦᑎᖓ ᐊᖏᖅᓯᒪᑦᑎᐊᖅᑐᖅ ᐱᕙᓪᓕᐊᑎᑦᑎᖃᑎᒌᒡᓗᑎᒃ ᒥᓂᔅᑕᐃᑦ ᑲᑎᒪᔨᐅᕕᖏᑦ ᒪᓕᒃᑕᐅᖁᔭᖏᓐᓂᒃ ᐃᑲᔪᕐᓗᑎᒃ ᐊᑐᓕᖅᑕᐅᓂᖓᓂᒃ ᐃᓄᐃᑦ ᓄᓇᖓᑦ ᐊᑐᐊᒐᖅ.
- ᑕᐃᑲᓂ ᓄᕕᐱᕆ 2024, ᒐᕙᒪᑐᖃᒃᑯᑦ ᐊᒻᒪᓗ ᐃᓄᐃᑦ ᓯᕗᓕᐅᖅᑎᑦ ᐃᓄᐃᓪᓗ ᑲᓇᑕᒥ ᒐᕙᒪᒃᑯᓪᓗ ᐱᓕᕆᐊᖃᖃᑎᒌᖕᓂᖏᓐᓄᑦ ᑲᑎᒪᔨᕋᓛᑦ ᑕᒪᕐᒥᒃ ᐊᑐᖅᑕᐅᓕᕐᑎᑦᑎᓚᐅᖅᑐᑦ ᐊᐅᓚᑦᑎᖃᑎᒌᒡᓗᑎᒃ ᑕᒪᒃᑯᓄᖓ ᒥᓂᔅᑕᐃᑦ ᑲᑎᒪᔨᐅᕕᖏᑦ ᒪᓕᒃᑕᐅᖁᔭᖏᓐᓂᒃ
- ᐱᒋᐊᖅᑎᑕᐅᓪᓗᓂ ᒥᓂᔅᑕᐃᑦ ᑲᑎᒪᔨᐅᕕᖏᑦ ᒪᓕᒃᑕᐅᖁᔭᖏᓐᓂᒃ, ᐃᓄᐃᑦ ᐊᒻᒪᓗ ᒐᕙᒪᑐᖃᒃᑯᑦ ᐃᖅᑲᓇᐃᔭᖅᑎᖏᑦ ᒫᓐᓇ ᓴᓇᖃᑎᒌᑦᑐᑦ ᓴᕿᑦᑎᕙᓪᓕᐊᓗᑎᒃ ᐱᔭᕆᐅᖅᓴᐅᑎᓂᒃ ᐊᒻᒪᓗ ᑐᑭᒧᐊᒍᑎᓂᒃ ᑎᑎᕋᖅᓯᒪᔪᓂᒃ ᐱᐅᓯᕚᓪᓕᕐᓂᐊᕐᒪᑕ ᑕᒪᕐᒥᒃ ᒐᕙᒪᒃᑯᑦ ᐊᑐᓕᖅᑎᑦᑎᓂᖏᑦ.
ᑕᒪᑐᒧᖓ ᒪᑐᐃᕈᓐᓇᖅᑐᑦ ᖃᕆᓴᐅᔭᒃᑯᑦ
- ᒥᓂᔅᑕᐃᑦ ᑲᑎᒪᔨᐅᕕᖏᑦ ᒪᓕᒃᑕᐅᖁᔭᖏᓐᓂᒃ ᐊᑐᓕᖅᑎᑦᑎᓗᑎᒃ ᐃᓄᐃᑦ ᓄᓇᖓ ᐊᑐᐊᒐᖅ
- ᐃᓄᐃᑦ ᓄᓇᖓ ᐊᑐᐊᒐᖅ
- ᐅᖃᓪᓚᖃᑎᒌᒃᑐᖅ ᓇᐃᑕᓐ ᐅᐱᑦ ᐱᔾᔪᑎᒋᓪᓗᒍ ᐃᓄᐃᑦ ᓄᓇᖓ ᐊᑐᐊᒐᖅ
- ᒥᓂᔅᑕ ᐊᓇᓐᑕᓴᓐᖓᕇ ᑐᓴᕐᑎᑦᑎᓚᐅᖅᑐᖅ ᐃᑲᔪᕐᓂᒥᓂᒃ ᓄᓇᖅᑲᖅᑳᖅᓯᒪᔪᓂᒃ ᐊᒻᒪᓗ ᓄᓇᓕᖕᓂᒃ ᓂᕿᒃᓴᖃᑦᑎᐊᖁᓪᓗᒋᑦ ᐅᑭᐅᖅᑕᖅᑐᖅ ᐊᒻᒪᓗ ᐃᓄᐃᑦ ᓄᓇᖓᑦ
- ᐃᓄᐃᓪᓗ ᑲᓇᑕᒥ ᒐᕙᒪᒃᑯᓪᓗ ᐱᓕᕆᐊᖃᖃᑎᒌᖕᓂᖏᓐᓄᑦ ᑲᑎᒪᔨᕋᓛᑦ ᓯᕗᓕᐅᖅᑎᑦ ᑲᑎᒪᓚᐅᖅᑐᑦ ᐱᕚᓪᓕᕈᑎᒃᓴᓄᑦ ᑕᒪᐃᓐᓄᑦ ᐊᑐᖅᑕᐅᓂᐊᖅᑐᑦ ᓯᕗᓪᓕᐅᑎᒋᐊᓕᑦ ᑐᕌᖅᑐᑦ ᐊᔪᖅᓴᓐᖏᓂᖅᓴᐅᖁᓪᓗᒋᑦ ᐃᓄᐃᑦ ᓄᓇᖓ
- ᐋᕿᒃᓱᐃᔪᑦ ᑮᓇᐅᔭᓕᐅᑦᑎᐊᕐᓂᖅᓴᐅᖁᓪᓗᒋᑦ ᐊᔪᖅᓴᓐᖏᓪᓗᑎᒃ ᐃᓄᐃᑦ ᓄᓇᖓ ᑖᒪᐅᓐᓇ ᐃᓄᐃᓪᓗ ᑲᓇᑕᐅᑉ ᒐᕙᒪᒃᑯᖏᓪᓗ ᐱᓕᕆᐊᖃᖃᑎᒌᖕᓂᖏᑦ ᑲᑎᒪᔨᕋᓛᑎᒍᑦ
- ᑮᓇᐅᔭᖅᑑᑎᒃᓴᖅ 2024: ᓈᒻᒪᒃᓯᓕᖅᓯᒪᔪᖅ ᑕᒪᐃᓐᓄᑦ ᐃᓅᓂᐊᖅᑐᓕᒫᓄᑦ
- ᐃᓄᐃᑦ ᓄᓇᖓᑦ ᓄᓇᓐᖑᐊᖅ
ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ, ᑐᓴᒐᒃᓴᓕᕆᔨᒃᑯᑦ ᐅᖃᓪᓚᒍᓐᓇᖅᑐᑦ ᐆᒧᖓ:
ᒍᓕᒍᓕ ᕗᓚᐃᒻ
ᑐᓴᒐᒃᓴᓕᕆᔨᒃᑯᑦ ᑎᑎᕋᖅᑎᖓ
ᑎᑎᕋᕐᕕᖓ ᒥᓂᔅᑕ ᒋᐅᓕ ᐊᓇᓐᑕᓴᓐᖓᕇ
ᒥᓂᔅᑕᖓᑦ ᐃᓄᓕᕆᔨᑐᖃᒃᑯᑦ ᐊᒻᒪᓗ ᒥᓂᔅᑕᖓ ᑲᓇᑕᐅᑉ ᐅᑭᐅᖅᑕᖅᑐᐊᓂ ᒪᑭᒪᓇᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖁᑖ
gregory.frame@rcaanc-cirnac.gc.ca
ᑐᓴᒐᒃᓴᓕᕆᔨᒃᑯᑦ
ᒥᓂᔅᑕᖓᑦ ᐃᓄᓕᕆᔨᑐᖃᒃᑯᑦ
RCAANC.media.CIRNAC@sac-isc.gc.ca
ᐸᑐᓯᐊ ᑎ’ᓲᔭ
ᑐᑭᒧᐊᒃᑎᖓᒃ ᑐᓴᐅᑎᓕᕆᔨᒃᑯᑦ
ᐃᓄᐃᑦ ᑕᐱᕇᑦ ᑲᓇᑕᒥ
613-292-4482
media@itk.ca
ᑐᓴᐅᒪᐃᓐᓇᕈᓐᓇᖅᐳᑎᑦ ᑕᒪᒃᑯᓂᖓ
ᐃᓚᓕᐅᑎᓗᑎᑦ ᐅᖃᖃᑎᒌᒍᑎᖃᕐᕕᖓᓂ ᐱᔾᔪᑎᒋᓪᓗᒋᑦ ᓄᓇᖅᑲᖅᑳᖅᓯᒪᔪᑦ ᑲᓇᑕᒥ:
X: @GCIndigenous GovCan – North
ᕕᔅᐳᒃ: @GCIndigenous GovCan – North
ᐊᔾᔨᓕᐅᖅᓯᒪᔪᑦ ᑎᑎᖃᖏᑦ: @gcindigenous GovCan North
ᑎᑎᖃᐅᓯᖃᑦᑕᕈᓐᓇᖅᓯᔪᓐᓇᖅᑐᑎᑦ ᑐᓴᒐᒃᓴᓂᒃ ᐊᒻᒪᓗ ᐅᖃᓪᓚᒃᑕᐅᔪᓂᒃ ᑕᒪᐅᓐᓇ RSS ᓴᕿᑲᐅᑎᒋᑎᑦᑎᓂᖅ. ᑐᑭᓯᒋᐊᒃᑲᓐᓂᕐᓗᑎᒃ ᐅᕝᕙᓘᓐᓃᑦ ᑎᑎᕋᕐᕕᒋᓗᒋᑦ, ᐅᓇ ᒪᑐᕐᓗᒍ www.cirnac.gc.ca/RSS
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: