ᓄᓇᕗᑦ ᑐᓂᔭᐅᕗᖅ: ᑕᒪᓐᓇ ᓄᑖᖅ ᐅᒃᑯᐃᖅᑐᖅ ᓄᓇᕗᒻᒥᐅᓄ ᐱᒋᐊᖅᐳᖅ
ᔭᓄᐊᕆ 18, 2024, ᐊᑯᓂ−ᑎᒍᒥᐊᖅᑕᐅᔪᖅ ᐊᑐᖅᑕᐅᓯᒪᔪᒪᓪᓗᓂ ᓄᓇᕗᒻᒥᐅᑦ ᑐᓂᔭᐅᑕᐃᓐᓇᓚᐅᖅᐳᑦ ᐊᑎᓕᐅᖅᓯᓂᖅ ᓄᓇᕗᑦ ᓄᓇᖁᑖᓂ ᐊᒻᒪᓗ ᓄᓇᐅᑉ ᐱᖁᑎᐊᓂ. ᑐᓂᔭᐅᓂᕐᒧ ᐊᖏᕈᑎ ᐃᖃᓗᐃᑦ, ᓄᓇᕗᒻᒥ.
ᒫᓇᒧ ᐱᒋᐊᖅᖢᒍ ᑲᔪᓯᓗᓂᓗ, ᐃᓄᐃᑦ ᓄᓇᕗᒻᒥᐅᑦ, ᑐᑭᖃᖅᑐᖅ "ᓄᓇᕗᑦ", ᓂᕈᐊᕐᓂᐊᖅᑐᑦ ᖃᓄᖅ ᑲᒪᒋᔭᐅᔪᑦ ᓄᓇᓄᑦ, ᑕᕆᐅᖅ, ᐊᒻᒪᓗ ᓄᓇᐅᑉ ᐱᖁᑎᖏ ᐊᑐᖅᑕᐅᓂᐊᕐᒪᖔᑕ ᐊᕕᒃᓯᒪᔪᒃᑯ, ᐊᒻᒪᓗ ᐊᖏᒡᓕᕙᓪᓕᐊᓪᓗᓂ ᐃᑲᔪᕈᓐᓇᕐᓂᓂ ᑕᐃᑲᖓ ᐱᓕᕆᐊᒃᓴᓂᒃ ᐊᒻᒪᓗ ᐊᑐᕐᓗᒋ ᐃᖏᕋᓂᖓᑕ ᓴᕿᑉᐸᓪᓕᐊᓂᖓ.
ᓇᓗᓇᕐᐃᓗᒍ ᓄᓇᕗᑦ 25ᓄ ᐊᓂᒍᐃᓂᖓ ᐃᓚᐅᓕᓚᐅᕐᓂᖓᓄ ᑲᓇᑕᒥ ᐊᕕᒃᓯᒪᔪᒃᑯᑦ ᐊᐃᕆᓕ 1, 1999, ᕿᓂᒃᑭ ᐊᔾᔨ ᐊᑖᓂ ᐊᑐᖅᑐ ᐊᖁᑐᑎᒥᒃ ᓄᓇᕗᑦ ᑐᓂᔭᐅᓂᖅ, ᓇᓗᓇᐃᒃᑯᑕᓄ ᐊᖏᕈᑎ ᐃᓱᒪᒋᔭᐅᔪᖅ ᐊᖏᓂᖅᐹᖅ ᓄᓇᒥ ᑐᓂᓯᓂᖅ ᑲᓇᑕᒥ ᐊᑐᖅᑕᐅᔭᕆᐅᖅᑐᖅ.
ᐊᔾᔨᓕᐅᕆᕕᐅᔪᖅ
ᐊᐃᕐᕆᓕ 1, 1999, ᓄᓇᕗᖑᒻᒪᕆᓚᐅᖅᓯᒪᔪᖅ ᑲᓇᑕᒥᓪᓗ ᓄᑖᖑᓂᖅᐹᖑᓪᓗᓂ ᐊᕕᒃᑕᐅᔪᖅ ᐊᑎᓕᐅᖅᖢᓂᔾᔪᒃ ᑕᐃᑲᓂ ᓄᓇᕗᑦ ᒪᓕᒐᖅ. ᐃᒻᒪᖄ, ᐅᓪᓗᓂ ᖁᕕᐊᓱᒍᑕᐅᓪᓗᓂ. ᒫᓐᓇ 25 ᐊᕋᒍᖅ ᐊᓂᒍᖅᑐᖅ, ᑐᓂᔭᐅᓂᖅ ᐊᓂᒍᑦᑎᐊᖅᓯᒪᔪᖅ ᐊᖁᑎᓂ ᐱᔪᓐᓇᖅᑎᑦᑎᓪᓗᓂ ᐋᔨᖃᑎᒌᖕᓂᖅ.
""ᖁᕕᐊᓱᖃᑎᒌᒃᑎᓪᓗᑕ ᐅᓪᓗᒥ, ᖃᐅᔨᒪᖁᔨᕗᒍ ᑕᒪᓐᓇ ᐱᓕᕆᐊᖅ ᐱᓕᕆᔭᐅᔪᖅ ᐅᕙᑦᑎᓐᓄᓗᒃᑖ ᑕᒪᓂᖃᑎᒌᒍᓐᓇᕈᑎᕙᕗᑦ ᑕᒫᓂ ᐱᐅᔪᒻᒪᕆᖕᒥᒃ ᐃᓂᒥ. ᐃᖃᐅᒪᔪᒪᕙᕗ ᑭᖑᓂᑦᑕ ᑐᑭᒧᐊᖅᑎᑎᔨᕕᓃ, ᐱᒻᒪᕆᐅᔪᑦ, ᑕᐃᒃᑯᐊ ᑐᓂᓯᓚᐅᖅᑐᑦ ᐊᑐᖅᑕᒥᓂ ᐊᒻᒪᓗ ᐱᓕᕆᒻᒪᕆᒃᖢᑎᒃ ᐱᓇᔪᒃᖢᑎᒃ ᐃᓄᐃᑦ ᑲᔪᓯᓪᓗᑎ ᐃᓅᓇᓱᐊᕐᓂ ᑭᓯᐊᓂ ᐊᒃᓱᕈᒻᒪᕆᒃᖢᑎᒃ."
- ᒥᐊᓕ ᑯᓕ−ᓴᓪᓗᕕᓂᖅ, ᖁᕕᐊᓱᖃᑎᒌᒃᑎᑎᔨᒻᒪᕆᒃ
ᐃᓕᖁᓯᒥᑎᒍ, ᖁᓪᓕᖅ ᐊᑐᖅᑕᐅᕙᓚᐅᖅᑐᖅ ᐃᑯᒪᒻᒧ ᐊᒻᒪᓗ ᐅᖁᒃᓴᐅᑎ ᐊᒻᒪᓗ ᓂᕿᓕᐅᕐᓂ ᑐᐱᕐᒥ, ᐃᒡᓗᕐᔪᐊ ᐃᓗᐊᓂ ᐊᒻᒪᓗ ᐃᒡᓗᓂ, ᐅᖅᑰᓴᐅᑎᒋᓪᓗᓂᔾᔪᒃ ᐊᒻᒪᓗ ᐅᖓᓇᖅᖢᓂ. ᐅᓪᓗᒥ ᐊᑐᖅᑕᐅᓗᐊᕕᓕᖅᑐᖅ ᖁᕕᐊᓱᖃᑎᒌᒃᑐᓄ ᐊᑐᖅᑕᐅᕙᓕᖅᑐᖅ. ᐊᑎᓕᐅᖅᑕᐅᔾᔪᑎᓂ ᓄᓇᕗᑦ ᓄᓇᖓ ᐊᒻᒪᓗ ᐱᖁᑎᖏᑦ ᑐᓂᔭᐅᔪ ᐊᖏᕈᑎ, ᐃᑯᒻᒪᒃᓯᓂᖓ ᖁᓪᓕᐅᑉ ᓇᓗᓇᖅᓯᓚᐅᖅᑐᖅ ᐱᒻᒪᕆᐅᒻᒪᕆᒃᖢᓂ ᐱᒋᐊᕈᑎ ᐊᒻᒪᓗ ᑲᔪᓯᓂᐊᖅᖢᓂᓗ ᐊᖅᑯᑎᓂ ᓄᓇᕗᑦ.
ᑐᓂᔭᐅᓂᖓ ᓴᙱᑦᑎᒋᐊᖅᓯᓂᐊᖅᑐᖅ ᓄᓇᕗᑦ ᒐᕙᒪᓕᕆᓂᒃᑯᑦ ᐊᒻᒪᓗ ᐅᒃᐱᕆᔭᒃᓴᐅᓪᓗᓂ, ᑐᓂᓯᓗᓂ ᓄᓇᕗᒻᒥ ᐊᖏᓂᖅᓴᕐᒥ ᐱᔪᓐᓇᕐᓂᖃᖅᑐᒥᒃ ᐃᓱᒪᓕᐅᕆᓂᒃᑯ ᓄᓇᓄ ᐊᒻᒪᓗ ᐱᖁᑎᖏᓐᓄ, ᐊᒻᒪᓗ ᐃᑲᔪᖅᖢᓂ ᐊᑐᕆᐊᓕᑦ ᓄᑖᑯᑦ ᑮᓇᐅᔭᓕᕆᓂᕐᒧ ᐊᑐᕈᓐᓇᖅᑐᑦ ᐊᒻᒪᓗ ᐊᓯᖏᑦ ᑭᒃᑯᓕᒫᓄ ᐊᒻᒪᓗ ᑮᓇᐅᔭᓕᕆᓂᖅ ᓴᕿᑉᐸᓪᓕᐊᓂᖓ ᐊᕕᒃᓯᒪᔪᒃᑯᑦ.
ᐊᓯᔾᔨᖅᑕᐅᔪᓐᓇᖏᖦᖢᓂ ᑎᑎᕋᐅᑎᑦ ᓴᓇᓯᒪᔪᑦ ᑐᒃᑑᑉ ᓇᒡᔪᐊᓄ, ᑐᓂᓯᓂᕐᒧ ᐊᖏᕈᑎ ᐊᑎᓕᐅᖅᑕᐅᓚᐅᖅᑐᖅ ᑕᐅᑐᒃᑕᐅᓪᓗᑎᒃ ᐃᓄᒋᐊᓂᒃ ᐃᒡᓗᕐᔪᐊᖅ ᐃᓗᐊᓂ.
"…ᑐᑭᖃᖅᑐᕉ, ᐃᓄᐃᑦ ᓄᓇᖃᑯᑖᒃᑐᑦ ᓄᓇᒥᓂ, ᑲᒪᓂᐊᕋᒥ ᓄᓇᑉ ᐱᖁᑎᖏᓐᓂ. ᐱᓪᓗᒍ ᓯᕗᓕᑦᑕ ᑐᑭᒧᐊᖅᑎᑦᑎᔩ ᐊᓂᒍᖅᑎᖦᖢᓂᔾᔪ ᑕᒪᓐᓇ ᐱᓕᕆᐊᖅ, ᐊᑎᓕᐅᕐᓂᖅ ᑐᓂᔭᐅᓂᖅ ᐊᖏᕈᑎ ᑐᕌᓗᐊᕕᒃᑐᖅ ᒪᒃᑯᒃᑐᑦ ᓄᓇᕗᒻᒥᐅ ᐊᕙᒻᒧᓕᒫᖅ ᐊᕕᒃᓯᒪᔪᒃᑯᑦ."
- ᐱᔩ ᐊᕿᐊᕈᖅ, ᓯᕗᓕᖅᑎ ᓄᓇᕗᒻᒧ
ᓄᑕᕋᖅ ᐃᓄᒃ ᐊᓐᓄᕌᖅᓯᒪᔪᖅ ᐊᓐᓄᕌᕆᔭᐅᕙᓚᐅᖅᑐᒥ ᑕᑯᒥᓇᖅᖢᓂ ᓯᕗᓂᒃᓴᖓ ᓄᓇᕗᒻᒥᐅᑦ.
"…ᑕᑯᔪᒪᕗᒍ ᑭᖑᒻᒧ ᐱᓕᕆᖃᑎᖃᕐᓂᑯ ᒐᕙᒪᑯ ᑲᓇᑕᒥ ᐊᒻᒪᓗ ᒐᕙᒪᒃᑯ ᓄᓇᕗᒻᒥ ᐊᓯᔾᔩᓂᖅ ᑖᒃᓱᒥᖓ ᐱᐅᔪᒻᒪᕆᒃ ᐊᖏᕈᑎ, ᐃᓚᖃᖅᑐᖅ ᐃᖅᑲᓇᐅᔭᖅᑐᓕᕆᓂᒃᑯ ᓴᕿᑦᑎᕙᓪᓕᐊᓂᒃᑯᑦ ᐸᕐᓇᐃᓂᖅ, ᐊᒻᒪᓗ ᑲᔪᓯᓗᑕ ᐊᖁᑎᑦᑎᒍ ᑐᑭᒧ ᓇᖕᒥᓂ−ᐱᔪᒪᓂᖅ ᐃᓄᐃᑦ ᓄᓇᕗᒻᒥᐅᓄ."
- ᐊᖓᔫᖅᑳᖅ ᐊᓗᑭ ᑰᑦᑎᖅ ᓄᓇᕗᑦ ᑐᙵᕕᒃᑯᑦ
ᓯᕗᓕᖅᑎ ᐊᕿᐊᕈᖅ ᐊᒻᒪᓗ NTI ᐊᖓᔪᖅᑳᖅ ᑰᑦᑎᖅ ᖁᖓᔮᖅᑐᑦ ᐊᒻᒪᓗ ᑕᑯᖅᑯᔾᔨᓪᓗᑎᒃ ᓄᓇᕗᑦ ᓄᓇᓂ ᐊᒻᒪᓗ ᐱᖁᑎᖏᓐᓂ ᑐᓂᔭᐅᓂᖅ ᐊᖏᕈᑎ.
"ᐅᓪᓗᒥ ᓄᓇᕗᒻᒥ ᓄᓇᑦ ᑎᒍᒥᐊᖅᑕᐅᓂᐊᓕᖅᑐ ᓄᓇᕗᒻᒥᐅᓄ ᐃᓕᖅᑯᓯᖓᓗ, ᑮᓇᐅᔭᓕᕆᓂᖅ ᐊᒻᒪᓗ ᐱᔪᒪᓂᓪᓗ ᖃᓂᒌᒃᑐᒃᑯᑦ ᑲᑎᖓᔪᓐᓇᖅᖢᑎ ᓄᓇᒧ. ᑕᐃᒪᙵᓂ ᓴᕿᑕᐅᓚᐅᖅᓯᒪᑎᓪᓗᒍ ᓄᓇᕗᑦ 25 ᐊᕌᒍᑲᓴᒃ ᐊᓂᒍᖅᑐᖅ, ᒐᕙᒪᒃᑯ ᑲᓇᑕᒥ ᐊᒻᒪᓗ NTI ᐱᓕᕆᖃᑎᒌᒃᖢᑎ ᑕᐱᕇᖕᓂᒃᑯᑦ ᐅᔾᔨᕆᓕᖅᖢᑎᒡᓗ ᐱᔪᒪᓂᖓ ᑐᓂᓯᓂᖅ ᓄᓇᕗᒻᒥᐅᓄ."
– ᒪᓕᒐᓕᕆᔨ ᑖᓐ ᕙᓐᑎᐅ, ᒥᓂᔅᑕ ᓄᓇᖃᖅᖄᖅᑐᓄ
ᐃᓄᒃ ᕿᓚᐅᔾᔭᖅᑎ ᐊᓐᓄᕌᖅᓯᒪᔪᖅ ᐊᑐᖅᑕᐅᕙᓚᖅᑐᒥ, ᐊᔪᖏᖦᖢᓂ ᐱᖑᐊᕐᓂᖅ ᐊᑐᖅᑕᐅᕙᓚᐅᖅᑐᒥ ᐃᓕᖅᑯᓯᑎᒍ ᐅᒃᐱᕆᔭᓕᒃ ᖃᐃᓯᒪᔪᓂ ᐊᒻᒪᓗ ᖁᕕᐊᓱᖃᑎᒌᖕᓂᖅ ᐊᑐᖅᑕᐅᓚᐅᖅᓯᒪᖏᑦᑐᖅ.
ᑎᑕᒃᑎᑦ ᐱᙳᐊᖅᑎᓪᓗᒋ ᐃᓄᒋᐊᖕᓄ, ᐅᓄᖅᑐᑦ ᐃᒃᓯᕙᐅᑕᒥᓂ ᓇᖏᖅᓯᓪᓗᑎᒃ ᒧᒥᓕᖅᐳᑦ ᐅᒻᒪᕆᖕᓇᖅᑐᕐᒧ ᑐᓴᕐᓈᕋᒥᒃ ᐃᓚᐅᓪᓗᓂ ᒥᓂᔅᑕ ᕙᓐᑎᐅ ᑕᑯᒃᓴᐅᔪᖅ ᒫᓂ.
ᖁᕝᕙᓯᖕᓇᖅᑐᖅ ᓄᓇᕗᒻᒥᐅᓄ, ᑕᑯᙳᐊᖅᑐᑦ ᑭᖑᒻᒧ, ᐊᒻᒪᓗ ᓴᖏᓪᓗᓂ ᐊᒻᒪᓗ ᐱᔪᒪᓂᖅ ᓄᓇᕗᑦ, ᐊᒻᒪᓗ ᐊᑲᐅᓂᖅᓴᒃᑯ ᑲᓇᑕᒧ!
Related links
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: