ᐃᓄᐃᑦ-ᑲᓇᑕᒥ ᒐᕙᒪᖓᑕ ᐱᓕᕆᐊᖃᖃᑎᒌᑦ ᑲᑎᒪᔨᕋᓛᑦ ᑲᑎᒪᓂᖃᖅᐳᑦ ᐅᖃᓪᓚᐅᓯᕆᓂᐊᕐᓗᒋᑦ ᐊᒥᖅᑲᕈᑎᐅᓪᓗᑎᒃ ᓯᕗᓪᓕᖅᐸᐅᑎᑕᒃᓴᖁᑎᐅᔪᑦ
ᔪᓚᐃ 7, 2021 – ᐋᑐᕙ, ᐋᓐᑎᐊᕆᐅ
ᐃᓄᐃᑦ-ᑲᓇᑕᒥ ᒐᕙᒪᖓᑕ ᐱᓕᕆᐊᖃᖃᑎᒌᓐᓂᖏᓐᓄᑦ ᑲᑎᒪᔨᕋᓛᖑᔪᑦ ᓴᖅᑮᓚᐅᖅᑐᑦ ᐅᓪᓗᒥ ᐅᖃᖅᓯᒪᓕᖅᑕᒥᓐᓄᑦ ᑐᓴᖅᑎᑦᓯᔾᔪᑎᓂᒃ:
ᐃᓚᒋᔭᐅᖃᑕᐅᔪᑦ ᐃᓄᐃᑦ-ᑲᓇᑕᒥ ᒐᕙᒪᖓᑕ ᐱᓕᕆᐊᖃᖃᑎᒌᑦ ᑲᑎᒪᔨᕋᓛᖏᓐᓄᑦ (ICPC) ᐅᓪᓗᒥ ᑲᑎᒪᖃᑎᒌᓚᐅᖅᑐ ᐅᖃᓪᓚᐅᓯᕆᓪᓗᒋᑦ ᐱᓕᕆᐊᖑᐃᓐᓇᖅᑐᓄᑦ ᑐᕌᖓᓪᓗᑎᒃ ᐋᖅᑭᒃᓱᐃᖃᑎᒌᓕᕐᓂᐊᕐᓂᕐᒧᑦ ᐊᒻᒪᓗ ᐊᑐᓕᖅᑎᑦᑎᓂᐊᕐᓂᕐᒧᑦ ᐃᓄᐃᑦ ᓄᓇᖓᓂ ᒪᓕᒐᖁᑎᓂᒃ, ᐊᓯᐅᔨᔭᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᓄᓇᖃᖅᑳᖅᓯᒪᔪᐃᑦ ᐊᕐᓇᖏᑦ ᐊᒻᒪᓗ ᓂᕕᐊᖅᓯᐊᖏᑦ, ᑮᓇᐅᔭᖁᑎᒃᓴᕆᔭᐅᓂᐊᖅᑐᓄᑦ ᐱᓕᕆᐊᖑᕙᓪᓕᐊᔪᑦ, ᐃᓚᖃᖅᑎᓪᓗᒋᑦ ᖃᓄᖅ ᓄᕙᒡᔪᐊᕐᓇᖅ ᓯᓚᕐᔪᐊᓕᒫᒥ ᓱᓕ ᐊᒃᑐᐃᕙᓪᓕᐊᓂᖃᕐᒪᖔᑦ ᐃᓄᐃᑦ ᓄᓇᓕᖏᓐᓂᒃ.
ᑖᒃᑯᐊ ICPC-ᑯᑦ ᓯᕗᒻᒧᒋᐊᖅᑎᑦᓯᕙᖕᒪᑕ ᐱᓕᕆᐊᖑᔪᓂᒃ ᐊᒥᖅᑲᕈᑎᐅᓪᓗᑎᒃ ᓯᕗᓪᓕᖅᐸᐅᑎᑕᒃᓴᖁᑎᓄᑦ ᐱᔾᔪᑎᖃᖅᑐᓂᒃ ᐃᓄᖕᓂᑦ ᐊᒻᒪᓗ ᒐᕙᒪᑐᖃᒃᑲᓐᓂᑦ. ᑖᒃᑯᐊ ᑲᑎᒪᔨᕋᓛᕆᔭᐅᔪᑦ ᐅᑭᐅᖅ ᐱᖓᓱᐃᖅᖢᒍ ᑲᑎᒪᓂᖃᖅᐸᒃᑐᑦ ᐊᒻᒪᓗ ᐃᒃᓯᕙᐅᑕᕆᕙᒃᖢᒍ ᓇᐃᑖᓐ ᐆᐱᑦ, ᐊᖏᔪᖅᑳᖅ ᐃᓄᐃᑦ ᑕᐱᕇᒃᑯᓐᓄᑦ ᑲᓇᑕᒥ, ᐊᒻᒪᓗ ᒥᓂᔅᑕ ᑭᐊᕈᓕᓐ ᐱᓐᓂᑦ, ᒥᓂᔅᑕᕆᔭᐅᔪᖅ ᑲᓇᑕᒥ ᒐᕙᒪᖓᓂᑦ ᓄᓇᖃᖅᑳᖅᓯᒪᔪᓕᕆᔨᒃᑯᓐᓄᑦ. ᐅᑭᐅᖅ ᐊᑕᐅᓯᐊᖅᖢᒍ, ᐃᓄᐃᑦ-ᑲᓇᑕᒥ ᒐᕙᒪᖓᑕ ᐱᓕᕆᐊᖃᖃᑎᒌᑦ ᑲᑎᒪᔨᕋᓛᖏᑕ (ICPC) ᑲᑎᒪᓂᖓᑦ ᐃᒃᓯᕙᐅᑕᖃᖅᐸᒃᑐᑦ ᐊᖏᔪᖅᑳᖅ ᐆᐱᑦᒥᒃ ᐊᒻᒪᓗ ᑲᓇᑕᒥ ᐊᖏᔪᖅᑳᔪᐊᖅ ᔭᔅᑎᓐ ᑐᕉᑑᒥᒃ.
ICPC-ᑯᑦ ᐃᖅᑲᐃᑎᑦᓯᒋᐊᖅᐳᑦ ᐊᒥᖅᑲᕈᑎᒋᓗᒋᑦ ᐱᓕᕆᐊᒃᓴᖃᕐᓂᐅᔪᓄᑦ ᓄᑕᐅᓕᕆᐊᖅᑎᑕᐅᓯᒪᓪᓗᓂ ᐃᓄᐃᑦ-ᑲᓇᑕᒥ ᒐᕙᒪᒃᑯᑦ ᐱᓕᕆᐊᖃᖃᑎᒌᓐᓂᖏᓐᓂᒃ ᐊᒻᒪᓗ ᓴᐃᒻᒪᖃᑎᒌᒃᓯᒪᓕᕆᐊᕐᓂᕐᒧᑦ ᑐᖖᒐᕝᕕᖃᖅᑎᑕᐅᔪᓄᑦ ᐃᓕᑕᕆᔭᐅᓯᒪᓕᕐᓂᖏᑕ ᐱᔪᓐᓇᐅᑎᖃᕐᓂᐅᔪᑦ, ᐅᐱᒋᑐᕋᐅᑦᓯᐊᕐᓂᖅ, ᐱᓕᕆᖃᑎᒌᑦᓯᐊᕐᓂᖅ, ᐊᒻᒪᓗ ᐱᓕᕆᐊᖃᖃᑎᒌᖕᓂᖅ ᐃᑲᔪᖅᑎᒌᒃᓗᓂ."
ᐃᓚᒋᔭᐅᖃᑕᐅᓚᐅᖅᑐᑦ ᐅᓪᓗᒥ ᑲᑎᒪᓂᖃᖅᑎᓪᓗᒋᑦ ᐅᑯᓂᖓ ᐃᓚᖃᓚᐅᖅᑐᑦ:
- ᓇᐃᑖᓐ ᐆᐱᑦ, ᐃᓄᐃᑦ ᑕᐱᕇᑦ ᑲᓇᑕᒥ
- ᑐᕙᐃᓐ ᓯᒥᑦ, ᐃᓄᕕᐊᓗᐃᑦ ᐊᕕᒃᑐᖅᓯᒪᓂᖓᓂ ᑯᐊᐳᕇᓴᖓᑦ
- ᐊᓗᑭ ᑰᑦᑎᖅ, ᓄᓇᕗᑦ ᑐᖖᒐᕕᒃ ᑎᒥᖁᑎᖓᑦ
- ᐲᑕ ᐋᑕᒥ, ᒪᑭᕕᒃ ᑯᐊᐳᕇᓴᖓᑦ
- ᔫᕼᐋᓐᔅ ᓛᒻᐱ, ᓄᓇᑦᓯᐊᕗᑦ ᒐᕙᒪᖓᑦ
- ᒫᓂᑲ ᐃᐊᓪ-ᑲᓇᔪᖅ, ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᑦ ᑲᓇᑕᒥ (ᑐᓵᔭᖅᑐᖅᓯᒪᔪᖅ)
- ᕆᐱᑲ ᑲᓪᓗᒃ, ᐸᐅᒃᑑᑎᑦ ᐊᕐᓇᐃᑦ ᐃᓄᐃᑦ ᑲᓇᑕᒥ (ᑐᓵᔭᖅᑐᖅᓯᒪᔪᖅ)
- ᐳᕋᐃᐊᓐ ᐹᑐᓪ, ᑲᓇᑕᒥ ᒪᒃᑯᒃᑐᑦ ᐃᓄᐃᑦ ᑲᑎᒪᔨᕐᔪᐊᖏᑦ (ᑐᓵᔭᖅᑐᖅᓯᒪᔪᖅ)
- ᑭᐊᕈᓕᓐ ᐱᓐᓂᑦ, ᑲᓇᑕᒥ ᒐᕙᒪᖓᓂᑦ-ᓄᓇᖃᖅᑳᖅᓯᒪᓕᕆᔨᒃᑯᑦ ᑲᓇᑕᒥ
- ᒫᒃ ᒥᓪᓗᕐ, ᓄᓇᖃᖅᑳᖅᓯᒪᔪᓕᕆᔨᒃᑯᑦ ᑲᓇᑕᒥ
- ᑖᓂᐅᓪ ᕚᓐᑖᓪ, ᐅᑭᐅᖅᑕᖅᑐᒥᐅᑕᓕᕆᔨᒃᑯᑦ ᑲᓇᑕᒥ
- ᑳᓱᕆᓐ ᒪᒃᑭᓐᓇ, ᐃᖅᑲᓇᐃᔭᕐᕕᓕᕆᔨᑦ ᐊᒻᒪᓗ ᓄᓇᓕᐅᔪᓕᕆᔨᒃᑯᑦ ᑲᓇᑕᒥ
- ᑲᕋᒡ ᐸᒐᔅ, ᑲᓇᑕᒥ ᑮᓇᐅᔭᓕᕆᔨᕐᔪᐊᒃᑯᑦ ᑲᑎᒪᔨᖏᑦ (ᑐᓵᔭᖅᑐᖅᓯᒪᔪᖅ)
- ᔫᓕ ᑕᐳᕉᓯᓐ, ᑲᓇᑕᒥ ᐱᐅᓯᑐᖃᓕᕆᔨᒃᑯᑦ (ᑐᓵᔭᖅᑐᖅᓯᒪᔪᖅ)
Inuit-Canadami Gavamangata Piliriaqaqatigiit Katimajiralaat katimaniqaqput uqallausiriniarlugit amiqqarutiullutik sivulliqpautitaksaqutiujut
July 7, 2021 – Ottawa, Ontario
Inuit-Canadami Gavamangata Piliriaqaqatigiinninginnut Katimajiralaangujut saqqiilauqtut ullumi uqaqsimaliqtaminnut tusaqtitsijjutinik:
Ilagijauqataujut Inuit-Canadami Gavamangata Piliriaqaqatigiit Katimajiralaanginnut (ICPC) ullumi katimaqatigiilauqtu uqallausirillugit pilirianguinnaqtunut turaangallutik aaqqiksuiqatigiilirniarnirmut ammalu atuliqtittiniarnirmut Inuit Nunangani Maligaqutinik, Asiujijausimajut ammalu Inuaqtausimajut Nunaqaqqaaqsimajuit Arnangit ammalu Niviaqsiangit, Kiinaujaqutiksarijauniaqtunut Pilirianguvalliajut, ilaqaqtillugit qanuq nuvagjuarnaq silarjualimaami suli aktuivallianiqarmangaat Inuit nunalinginnik.
Taakkua ICPC-kut sivummugiaqtitsivangmata piliriangujunik amiqqarutiullutik sivulliqpautitaksaqutinut pijjutiqaqtunik Inungnit ammalu gavamatuqakkannit. Taakkua katimajiralaarijaujut ukiuq pingasuiqługu katimaniqaqpaktut ammalu iksivautarivakługu Natan Obed, Angijuqqaaq Inuit Tapiriikkunnut Kanatami, ammalu Minister Carolyn Bennett, Minister-gijaujuq Canadami Gavamanganit Nunaqaqqaaqsimajulirijikkunnut. Ukiuq atausiaqługu, Inuit-Canadami Gavamangata Piriaqaqatigiit Katimajiralaangita (ICPC) katimaningat iksivautaqaqpaktut Angijuqqaaq Obed-mik ammalu Canadami Angijuqqaajuaq Justin Trudeau-mik.
ICPC-kut iqqaititsigiaqput amiqqarutigilugit piliriaksaqarniujunut nutauliriaqtitausimalluni Inuit-Canadami Gavamakkut piliriaqaqatigiinninginnik ammalu saimmaqatigiiksimaliriarnirmut tunngavviqaqtitaujunut ilitarijausimalirningita pijunnautiqarniujut, upigiturautsiarniq, piliriqatigiitsiarniq, ammalu piliriaqaqatigiingniq ikajuqtigiikluni."
Ilagijauqataulauqtut ullumi katimaniqaqtillugit ukuninga ilaqalauqtut:
• Natan Obed, Inuit Tapiriit Kanatami
• Duane Smith, Inuvialuit Aviktuqsimaningani Kuapuriisangat
• Aaluki Kotierk, Nunavut Tunngavik Timiqutingat
• Pita Aatami, Makivik Kuapuriisangat
• Johannes Lampe, Nunatsiavut Gavamangat
• Monica Ell-Kanayuk, Inuit Ukiuqtaqtumi Katimajingit Canadami (Tusaajaqtuqsimajuq)
• Rebecca Kudloo, Pauktuutit Arnait Inuit Canadami (Tusaajaqtuqsimajuq)
• Brian Pottle, Canadami Makkuktut Inuit Katimajirjuangit (Tusaajaqtuqsimajuq)
• Carolyn Bennett, Canadami Gavamanganit-Nunaqaqqaaqsimalirijikkut Canadami
• Marc Miller, Nunaqaqqaaqsimajulirijikkut Canadami
• Daniel Vandal, Ukiuqtaqtumiutalirijikkut Canadami
• Catherine McKenna, Iqqanaijarvilirijit ammalu Nunaliujulirijikkut Canadami
• Greg Fergus, Canadami Kiinaujalirijirjuakkut Katimajingit (Tusaajaqtuqsimajuq)
• Julie Dabrusin, Canadami Piusituqalirijikkut (Tusaajaqtuqsimajuq)
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: