ᓄᕙᒡᔪᐊᕐᓇᖅ-19 ᐅᔾᔨᕈᓱᓕᖅᑎᑦᑎᓂᖅᒧᑦ ᖃᓄᐃᓕᐅᕈᑎᒃᓴᑦ ᓄᓇᖃᖅᑳᖅᑐᑦ ᓱᕈᓯᖏᓐᓄᑦ

ᖃᓄᐃᓕᐅᕈᑎᒃᓴᑦ ᐃᓕᑦᑎᕚᓪᓕᕈᑎᒃᓴᐃᑦ ᓄᕙᒡᔪᐊᕐᓇᖅ-19-ᒥᑦ.

ᐅᕙᓂ ᒪᒃᐱᒐᕐᒥᒃ

ᑭᓲᒻᒪᑦ ᐳᕝᕕᕆᓐᓈᓗᒃ

ᐳᕝᕕᕆᓐᓇᖅ ᓲᕐᓗ ᖁᐱᕐᕈᒃ ᑕᑯᒃᓴᐅᙱᑦᑐᖅ, ᐊᒃᑐᕋᒃᓴᐅᖏᑦᑐᖅ ᓇᐃᔭᒃᓴᐅᓇᓂᓗ!

ᖃᓂᒪᓚᐅᖅᓯᒪᕖᑦ ᓄᕙᒃᖢᑎᑦ ᓴᐅᓂᕆᓪᓗᑎᓪᓘᓐᓃᑦ ᐃᓛᓐᓂᑯᓪᓗ ᖁᐃᕿᖃᑦᑕᖅᖢᑎᑦ ᐆᓇᖃᑦᑕᖅᖢᑎᓪᓘᓐᓃᑦ?

ᑕᐃᒪᓕ, ᐳᕝᕕᕆᓐᓈᓗᒃ ᑕᐃᒪᐃᑦᑑᖅᑯᔨᔪᖅ ᖁᐱᕐᕈᐊᕐᔪᖃᕐᒪᑦ ᖃᓂᒪᒍᑎᒋᔪᓐᓇᖅᑕᕐᓂᑦ ᑖᓐᓇ ᑕᑯᒃᓴᐅᙱᑦᑐᖅ ᖁᐱᕐᕈᐊᕐᔪᒃ.

ᖁᐱᕐᕈᐊᕐᔪᑖᕐᓂᖅᐸᑦ ᐊᖏᕐᕋᖅᓯᒪᒋᐊᓕᒃ, ᑕᖃᐃᖅᓯᕐᓗᓂ ᐱᐅᓯᑦᑎᐊᕋᓱᐊᕐᓗᓂᓗ.

ᖃᐅᔨᒪᒐᑦᑕ ᐳᕝᕕᕆᓐᓈᓗᑦᑕᖃᕐᒪᑦ ᓇᒥᑐᐃᓐᓇᑦᑎᐊᖅ ᓯᓚᕐᔪᐊᒥ ᐊᒃᑐᖅᑕᐅᓕᖅᖢᑎᓪᓗ ᐃᓅᓰᑦ ᖃᓄᑐᐃᓐᓈᓗᒃ.

ᐊᓯᔾᔩᖅᓯᒪᔪᖅ ᐳᓚᕋᖃᑦᑕᓂᑦᑎᓐᓂ ᐃᓚᑦᑎᓐᓄᑦ, ᐱᙳᐊᖃᑎᖃᖃᑦᑕᓂᑦᑎᓐᓂ ᐱᖃᑎᑦᑎᓐᓂ ᐃᓚᑦᑎᓂᓪᓗ, ᐊᓪᓛᒃ ᐃᓕᓐᓂᐊᕈᓯᕆᕙᒃᑕᑎᓐᓂ ᐃᓕᓐᓂᐊᕕᖕᓂᑦ.

ᖃᓄᐃᓕᐅᕈᑎᒃᓴᑦ

  • ᐳᕝᕕᕆᓐᓈᓗᒻᒦᑦ ᖁᐱᕐᕈᙳᐊᓕᐅᕐᓗᑎᑦ
  • ᐅᖃᖃᑎᒋᔪᓐᓇᖅᑕᐃᑦ ᐃᓕᓴᐃᔩᑦ ᐃᓚᑎᓪᓗ: ᖃᓄᖅ ᑐᓴᖅᓯᒪᕕᑦ ᐳᕝᕕᕆᓐᓈᓘᑉ ᒥᒃᓵᓄᑦ?

ᖃᓄᖅ ᓄᖅᑲᑎᑦᑎᒍᓐᓇᖅᑭᑕ ᐳᕝᕕᕆᓐᓈᓗᖕᒥᑦ

ᖃᓂᒪᓐᓇᖅᑖᓇᙱᓂᖅᐹᖅ ᐊᐃᑦᑐᕐᓗᐃᑎᑦᑎᓗᐊᙱᓪᓗᓂᓗ ᐳᕝᕕᕆᓐᓇᒥᑦ ᓄᖅᑲᑎᑦᑎᔨᐅᓇᓱᐊᕐᓗᓂ (ᓲᕐᓗ ᓲᐳ ᓴᒨᑎᑐᑦ)!

ᐃᖅᑲᐅᒪᓂᐊᖅᑯᑎᑦ, ᐊᓯᐊᓅᕈᒻᒪᓘᖕᒪᑕ ᖁᐱᕐᕈᐊᕐᓗᐃᑦ ᐃᓄᖕᓄᑦ ᑕᐃᒫᒃ ᐊᐃᑦᑐᕐᓗᐃᖃᑦᑕᖅᑐᑦ ᖃᓂᒻᒪᑕᖅᑯᑦ ᐊᐃᑦᑐᖅᑕᑦ!

ᐱᒃᑳᓘᓪᓗᓂ ᖁᐱᕐᕈᐃᔭᐃᓲᕐᒥᑦ ᐃᑲᔪᕐᓂᖃᕋᔭᖅᑐᖅ ᐃᓚᔅᓯᓐᓄᑦ, ᐱᖃᑎᔅᓯᓐᓄᑦ ᓄᓇᖅᑲᑎᔅᓯᓄᓪᓗ ᐊᐃᑦᑐᖅᑕᐅᖏᓪᓗᑎᓪᓗ ᐳᕝᕕᕆᓐᓈᓗᖕᒥᑦ!

ᐅᑯᐊ ᑎᓴᒪᑦ ᒪᓕᒃᑯᕕᒋᑦ ᐱᒃᑳᓘᒐᔭᖅᑐᑎᑦ (ᓲᕐᓗ ᓲᐳ ᓴᒨᑎᑐᑦ):

  • ᐃᓯᖅᓯᒪᑎᓪᓗᑎᑦ ᑮᓇᑉᐸᔅᓯᒪᒋᐊᖃᖅᑐᑎᑦ
  • ᐴᔾᔪᕋᕐᕕᖕᒥ ᑕᑭᔪᑯᑖᕈᓗᓐᓂ ᑕᑭᓂᖏᓐᓂ ᐅᖓᓯᓐᓂᖃᕆᐊᖃᖅᑐᓯ:
    • ᐃᕝᕕᑦ ᐱᖃᑎᑎᓪᓗ
    • ᐃᕝᕕᑦ ᐋᓪᓚᓪᓗ
  • ᐃᑯᓯᑉᐱᑦ ᓇᓛᓄᑦ ᖁᐃᖅᓱᖃᑕᕐᓗᑎᑦ ᑕᒋᐅᒃᑯᕕᓪᓘᓐᓃᑦ
  • ᐊᒡᒑᒃᑭᒃ ᐅᐊᓴᐃᓐᓇᖃᑦᑕᕐᓗᒋᑦ ᒥᐅᖓᖃᑦᑕᕐᓗᒋᓪᓗ.

ᖃᓄᐃᓕᐅᕈᑎᒃᓴᑦ

  • ᑎᑎᖅᑐᒐᕐᓗᑎᑦ ᐱᒃᑳᓗᖕᒥᑦ ᑮᓇᑉᐸᖕᓄᑦ
  • ᐅᖃᖃᑎᒋᔪᓐᓇᖅᑕᐃᑦ ᐃᓕᓴᐃᔩᑦ ᐃᓚᑎᓪᓗ: ᖃᓄᖅ ᑐᑭᖃᕆᕕᐅᒃ ᖁᐱᕐᕈᐃᓴᐃᓲᖅ ᐱᒃᑳᓗᒃ?

ᖃᓄᐃᓕᐅᕋᓱᐊᕈᓐᓇᖅᐱᑦ ᐃᓚᑎᑦ ᓄᓇᖅᑲᑎᑎᓪᓗ ᖃᓄᐃᖁᓇᒋᑦ

ᐃᖅᑲᐅᒪᓂᐊᖅᑐᑎᑦ ᓄᖅᑲᑎᑦᑎᒐᓱᐊᖅᑎᐅᒐᕕᑦ ᖁᐱᕐᕈᐊᓗᓐᓂᑦ!

ᐱᓕᕆᖃᑕᐅᑦᑎᐊᕆᐊᖃᖅᑐᑎᑦ ᐃᓚᑎᑦ ᓄᓇᖅᑲᑎᑎᓪᓗ ᐊᑦᑕᕐᓇᖅᑐᒦᖁᓇᒋᑦ.

ᓇᖕᒥᓂᖅ ᐸᖅᑭᓗᑎᑦ ᐳᕝᕕᕆᓐᓈᓗᒻᒥᑦ, ᓯᐊᕐᒪᑎᑦᑎᑦᑕᐃᓕᒪᒍᓐᓇᖅᑐᑎᑦ ᐃᓚᔅᓯᓐᓄᑦ, ᐱᖃᑎᔅᓯᓄᑦ ᓄᓇᖅᑲᑎᔅᓯᓄᓪᓗ.

ᖃᐅᔨᒪᔪᒍᑦ ᓄᓇᓕᖕᓂ ᑲᑎᕈᓘᔭᖅᑐᑦ ᐃᓚᒌᓪᓗ ᖃᓄᐃᓘᖃᑦᑕᕐᓂᖏᑦ ᐊᕐᕌᓂᓂᑦ ᐊᓯᔾᔨᖅᓯᒪᓕᕐᒪᑕ ᐃᓄᒋᐊᓪᓗᑕ ᑲᑎᕈᓘᔭᕈᓐᓇᐃᓕᒐᑦᑕ.

ᖃᐅᔨᒪᔪᒍᑦ ᐊᒃᓱᕈᖕᓇᖅᑐᖅ ᑲᑎᓯᓇᓂ ᐃᓄᑑᖏᓐᓇᖅᑐᓂ, ᑭᓯᐊᓂᓕ ᓄᖅᑲᑎᑦᑎᒐᓱᐊᖅᑐᖅ ᖁᐱᕐᕈᐊᕐᔪᓐᓂ ᐃᑲᔪᕋᔭᖅᑐᖅ ᐊᑦᑕᕐᓇᙱᑦᑐᒦᑎᓪᓗᓂᒋᑦ ᐃᓚᖏᑦ ᐅᐊᑦᑎᐊᕈ ᖃᓄᐃᑦᑐᖃᕈᓐᓃᖅᑲᑦ ᑲᑎᖃᑦᑕᓛᕋᕕᒋᑦ ᐃᓚᑎᑦ ᓄᓇᖃᖅᑲᑎᑎᓪᓗ ᑲᑎᑎᑕᐅᖃᑦᑕᕐᓗᑎᑦ.

ᖃᓄᐃᓕᐅᕐᓂᐅᓂᐊᖅᑐᖅ

  • ᐅᖃᖃᑎᒋᔪᓐᓇᖅᑕᐃᑦ ᐃᓕᓴᐃᔩᑦ ᐃᓚᑎᓪᓗ: ᐱᒃᑳᓘᓗᑎᑦ ᓄᖅᑲᖅᑎᑦᑎᔨᐅᓪᓗᑎᑦ ᖁᐱᕐᕈᐊᕐᔪᕐᓂᑦ ᖃᓄᐃᓕᐅᕋᔭᖅᑭᑦ ᐊᑦᑕᕐᓇᖅᑐᒦᖁᓇᒋᑦ ᐃᓚᑎᑦ ᓄᓇᖅᑲᑎᑎᓪᓗ?

ᑭᓲᖕᒪᑕ ᐳᕝᕕᕆᑦᑕᐃᓕᒪᔾᔪᑏᑦ ᑲᐴᑏᑦ

ᓘᒃᑖᑦ ᐋᓐᓂᐊᓲᖅᑏᓪᓗ ᐊᒃᓱᕈᕐᒪᑕ ᓄᑖᕐᓂᑦ ᐳᕝᕕᕆᑦᑕᐃᓕᒪᔾᔪᑎᓂᑦ ᓴᖅᑮᑎᑦᑏᓐᓇᕋᓱᐊᖅᑐᑦ ᐳᕝᕕᕆᖁᓇᓯ.

ᑕᒪᒃᑯᐊ ᐳᕝᕕᕆᑦᑕᐃᓕᒪᔾᔪᑏᑦ ᑎᒥᔅᓯᓐᓂ ᐃᑲᔪᖅᑐᑦ ᐳᕝᕕᕆᓐᓈᓗᓐᓂᑦ ᑎᒥᑦᑎᓅᖅᑐᖃᕐᓂᖅᑲᑦ.

ᖃᓄᕐᓕ ᑕᒪᐅᙵᕐᓂᕐᒪᑕ? ᓄᖅᑲᑎᑦᑎᓇᓱᒡᓗᑎᑦ ᐊᒻᒪᓗ ᖃᓄᖅ ᐳᕝᕕᕆᑦᑕᐃᓕᒪᔾᔪᑏᑦ ᑲᐴᑏᑦ ᑲᓇᑕᒧᕐᓂᕐᒪᖔᑕ ᐊᒻᒪᓗ ᖃᓄᖅ ᐱᒻᒪᕆᐅᑎᒋᒻᒪᖔᖅ ᐃᓚᓯ ᓄᓇᖅᑲᑎᒌᔅᓯᓪᓗ ᐊᑦᑕᕐᓇᖅᑐᒦᖁᓇᒋᑦ!

ᖃᓄᐃᓕᐅᕐᓂᐅᓂᐊᖅᑐᖅ

  • ᐅᖃᖃᑎᒋᔪᓐᓇᖅᑕᐃᑦ ᐃᓕᓴᐃᔩᑦ ᐃᓚᑎᓪᓗ: ᐱᐅᔪᓂᑦ ᐅᖃᐅᓯᖃᕋᓱᐊᕐᓗᓯ ᑲᐴᑎᒃᓴᐃᑦ ᒥᒃᓵᓄᑦ ᖃᓄᕐᓗ ᐃᑲᔪᕐᓂᖃᕈᓇᕐᒪᖔᖅ ᐸᖅᑭᑦᑎᒍᓐᓇᕐᒪᑦ ᐃᓚᔅᓯᓐᓂ ᓄᓇᖅᑲᑎᒃᓯᓂᓪᓗ.

ᑐᓴᒐᒃᓴᒃᑲᓐᓃᑦ ᐊᒻᒪ ᖃᓄᐃᓕᐅᕈᑎᒃᓴᑦ

ᑐᑭᓯᒋᐊᒃᑲᓐᓂᕈᓐᓇᕐᒥᔪᑎᑦ ᐳᕝᕕᕆᓐᓇᐅᑉ ᒥᒃᓵᓄᑦ ᐊᒻᒪᓗ ᑲᐴᑎᒃᓴᐃᑦ ᐅᑯᓇᙵᑦ:

ᖃᓄᐃᓕᐅᕈᑎᒃᓴᒃᑲᓐᓂᕐᓂᒃ ᐱᔪᒪᒍᕕᑦᒃ, ᐅᓇ ᑎᑎᕋᖅᓯᒪᔪᖅ ᖃᕋᓴᐅᔭᕐᓄᑦ ᐃᓕᔪᓐᓇᖅᑲᑦ (943 KB).

ᐅᓪᓗᖓᓂ ᐋᖅᑭᒋᐊᖅᑕᐅᔪᖅ:
sasasas