ᑲᓇᑕᐅᑉ ᒐᕙᒪᒃᑯᖏᑦ ᐅᖓᕙᕆᐊᖅᑎᑦᑎᕗᑦ ᓄᓇᓂᒃ ᐅᔭᕋᓐᓂᐊᓂᕐᒧᑦ ᐊᑐᖅᑐᐊᖅᑕᐅᔪᓂᒃ ᓄᓇᕗᒻᒥ ᐊᑭᓖᕕᒃᓴᖃᖅᑎᑕᐅᓂᖏᓐᓄᑦ ᐊᒻᒪᓗ ᐃᑲᔫᓯᐊᖅᑖᕈᑕᐅᓪᓗᑎᒃ ᐊᑭᓕᖅᑕᐅᔭᕆᐊᖃᕐᓂᖏᑦ
ᐋᒐᓯ 13, 2020 — ᐋᑐᕚ, ᐋᓐᑎᐅᔪ - ᑲᓇᑕᐅᑉ-ᓄᓇᓕᑐᖃᐃᓪᓗ ᐱᓕᕆᖃᑎᒌᖕᓂᖏᑦ ᐅᑭᐅᖅᑕᖅᑐᒥᓗ ᐱᕙᓪᓕᐊᔪᓕᕆᔨᖏᑦ ᑲᓇᑕᒥ
ᑲᓇᑕᐅᑉ ᒐᕙᒪᒃᑯᖏᑦ ᐱᒻᒪᕆᐊᓗᓐᓂᒃ ᐱᓕᕆᒋᐊᓕᖅᑐᑦ ᑕᐃᒃᑯᓂᖓ ᐱᔾᔪᑎᖃᖅᑐᓂᒃ ᓄᕙᖕᓇᕐᔪᐊᖅ-19-ᒥ ᑮᓇᐅᔭᓕᐅᕈᑎᒃᓴᐃᑦ ᖃᓄᐃᓕᐅᕈᑕᐅᒋᐊᕐᓂᖏᓐᓄᑦ ᐸᕐᓇᐅᑎᓂᒃ ᐊᑐᕐᓗᑎᒃ, ᓄᕙᖕᓇᕐᔪᐊᖅ ᐱᑕᖃᓕᖅᑎᓪᓗᒍ. ᑲᓇᑕ ᐃᓕᑕᖅᓯᕗᖅ ᐅᔭᕋᓐᓂᐊᕐᕕᓐᓂ ᐃᖃᓇᐃᔮᖃᕈᓐᓇᕐᓂᖅ ᐱᑕᖃᕆᐊᖃᒻᒪᕆᒻᒪᑦ ᑮᓇᐅᔭᓕᐅᕐᕕᐅᔪᓐᓇᕐᓂᕐᒧᑦ ᖃᓄᐃᖏᓂᖅᓴᐅᔪᓐᓇᕐᓂᖏᓐᓄᓪᓗ ᐅᑭᐅᖅᑕᖅᑐᒥᐅᑦ ᐊᒻᒪᓗ ᐃᑲᔪᖅᑕᐅᖁᓗᒋᑦ ᓴᐳᓐᓂᐊᖅᑕᐅᓂᖏᑦ ᑕᒪᒃᑯᐊ ᐱᑕᖃᕆᐊᓕᒻᒪᕇᑦ ᐱᓕᕆᐅᕙᓐᓂᖏᑦ, ᑐᓴᒐᑦᓴᓕᐅᓕᖅᐳᑦ ᐃᑲᔫᕆᐊᕈᑎᑦᓴᓂᒃ ᐅᔭᕋᖕᓂᐊᕐᕕᓕᕆᓂᕐᒧᑦ ᐊᑐᖅᑐᐊᖅᑕᐅᓂᖏᓂᒃ ᓄᓇᐃᑦ ᓄᓇᕗᒻᒥ.
ᓂᕈᐊᖅᑕᐅᓯᒪᔪᖅ ᑖᓂᐅᓪ ᕚᓐᑯᓪ, ᒥᓂᔅᑕᖓᑦ ᐅᑭᐅᖅᑕᖅᑐᒥ ᐱᕙᓪᓕᐊᑎᑦᑎᓂᕐᒧᑦ, ᒪᓕᒐᓕᐅᖃᐅᕗᖅ ᐅᖓᕙᕆᐊᖅᑎᑦᑎᓪᓗᓂ ᐊᑭᓖᒃᕕᒃᓴᐅᔪᓂᒃ ᐃᓱᖃᖅᑎᑕᐅᓂᖏᓐᓂᒃ ᒪᓕᒐᖏᑦᓃᑦᑐᑐᖃᐅᔪᓂᒃ ᓄᓇᕗᒻᒥ ᐅᔭᕋᖕᓂᐊᓂᕐᒧᑦ ᒪᓕᒐᓪᓗᑐᕐᓂ. ᑕᐃᒃᑯᐊ ᒪᓕᒃᑕᐅᔪᒃᓴᒫᑦ ᐅᖓᕙᕆᐊᖅᑎᑦᑎᔾᔪᑕᐅᓕᖅᐳᑦ ᐱᕕᒃᓴᐅᑎᑕᐅᓚᐅᖅᑐᓂᒃ ᐊᑭᓖᔭᕆᐊᖃᕐᓂᖅ ᐊᑐᖅᑐᐊᕈᑎᓂᒃ ᐅᔭᕋᖕᓂᐊᕐᕕᖕᓂ ᓄᓇᒥᒃ ᒪᓕᒐᓪᓗᑐᐃᑦ ᒪᓕᒃᑕᐅᓗᑎᒃ. ᐊᑭᓕᖅᑕᐅᕝᕕᖃᖅᑎᑕᐅᓚᐅᖅᑐᑦ ᑕᒫᓂ ᒫᔾᔨ 13, 2020-ᒥ ᐊᒻᒪᓗ ᐊᒃᑑᐱᕆ 29, 2020-ᒥ ᐊᑐᓂ ᐃᓚᒋᐊᖅᑕᐅᓚᐅᖅᑐᑦ ᐊᑭᓕᔪᓐᓇᕐᕕᒃᓴᐃᑦ ᐱᖓᓲᔪᖅᑐᓂᒃ 6-ᓂᒃ ᑕᕿᓂᒃ ᐅᖓᑕᓅᖓᔾᔭᖏᑦᑐᓂᒃ ᑕᒫᖓᑦ ᐊᒃᑑᐱᕆ 30, 2020-ᒥᒃ.
ᑕᒪᓐᓇ ᒪᓕᒐᓕᐊᖅ ᐊᑐᕐᓂᐊᖅᑐᖅ ᐅᔭᕋᖕᓂᐊᕐᕖᓐᓇᖏᓐᓄᑦ ᑲᓇᑕᐅᑉ ᓄᓇᖁᑎᖏᓐᓂᒃ ᐊᑐᖅᑐᐊᖅᑕᐅᓂᖏᓐᓂ ᓄᓇᕗᒻ, ᒪᓕᒃᑕᐅᓪᓗᑎᒃ ᓄᓇᕗᒻᒥ ᐅᔭᕋᓐᓂᐊᕐᕖᑦ ᒪᓕᒐᓪᓗᑐᖏᑦ. ᒐᕙᒪᒃᑯᑦ ᔪᑳᓐᒥᓗ ᓄᓇᑦᓯᐊᕐᒥᓗ ᑲᒪᔨᐅᕙᒃᑐᑦ ᐃᖕᒥᒍᑦ ᐊᐅᓚᑦᑕᐅᕙᖕᓂᖏᓐᓂᒃ ᐅᔭᕋᖕᓂᐊᕐᕕᐅᔪᓐᓇᕐᓂᖏᓐᓄᑦ ᐊᑯᓂᐅᓂᖃᖅᑎᑕᐅᓂᖏᑦ ᐊᕕᒃᑐᖅᓯᒪᓂᖏᓐᓂ.
ᐊᒻᒪᑕᐅᖅ ᓱᓕ, ᑲᓇᑕᒥ ᐋᕿᒋᐊᖅᑎᑦᑎᓯᒪᓕᖅᑐᖅ ᑕᐃᒃᑯᓂᖓ ᓄᓇᕗᒻᒥ ᐅᔭᕋᖕᓂᐊᓂᕐᒧᑦ ᒪᓕᒐᓪᓗᑐᕐᓂᒃ ᐊᑐᖅᑕᐅᖏᑲᐃᓐᓇᕐᓂᐊᖅᑐᓂᒃ ᐊᑕᐅᓯᕐᒥᒃ ᐊᕐᕋᒍᒥᒃ, ᑎᑎᕋᕐᕕᐅᓗᑎᒃ ᑐᒃᓯᕋᕐᕕᐅᒍᑎᒃ ᐃᖃᓇᐃᔭᕐᕕᖁᑎᖓᓄᑦ, ᐊᑭᓕᖅᑕᐅᔪᓐᓇᕐᓂᖏᑦ ᐊᕐᕋᒍᑕᒫᖅ ᐅᔭᕋᖕᓂᐊᕐᓂᕐᒥᒃ ᓄᓇᖏᓐᓂᒃ ᐊᑐᖅᑐᐊᕈᑎᖏᓐᓄᑦ, ᐊᑭᓕᖅᑕᐅᕕᒃᓴᖃᖅᑐᓂᒃ ᐊᑕᐅᓯᕐᒥᒃ ᐊᕐᕋᒍᒥᒃ ᑕᒫᖔᑦ ᒫᔾᔨ 13, 2020-ᒥᒃ ᑕᐃᑯᖓ ᒫᔾᔨ 12, 2021-ᒧᑦ. ᐊᑭᓕᖅᑕᐅᔭᕇᖅᓯᒪᔪᑦ ᓄᓇᒥᒃ ᐊᑐᖅᑐᐊᕈᑏᑦ ᓯᕗᓂᐊᒍᑦ ᐋᕿᒋᐊᖅᑕᐅᓚᐅᖏᓂᖏᓐᓂ ᒪᓕᒐᐃᑦ ᐊᑐᓕᕐᕕᒃᓴᖏᑦ ᐊᑐᕈᓃᖅᑎᑕᐅᓯᒪᑲᐃᓐᓇᕐᓂᐊᕆᕗᑦ ᐊᕐᕋᒎᓂᐊᖅᑐᒥ ᑭᖑᓂᐊᒍᑦ.
ᑲᓇᑕᐅᑉ ᒐᕙᒪᐃᑦ ᑐᕌᒐᖃᖅᐳᑦ ᐅᔾᔨᖅᑐᑦᓯᐊᕈᒪᓂᕐᒥᒃ ᑕᒪᕐᒥᒃ ᑭᓇᒃᑯᓕᒫᑦ, ᓄᓇᓕᑐᖃᐃᓪᓗ, ᐅᑭᐅᖅᑕᖅᑐᒥᐅᑕᐃᓪᓗ ᐃᖃᓇᐃᔭᖅᑐᑦ ᐅᔭᕋᖕᓂᐊᕐᓂᕐᒥᒃ, ᐃᑲᔪᖅᑕᐅᔭᕆᐊᖃᕐᓂᖏᓂ ᒫᓐᓇᐅᔪᖅ ᓄᕙᖕᓇᕐᔪᐊᖅᑕᖃᕐᓂᖓᓂ ᐊᓂᒎᑎᔪᓐᓇᖁᓪᓗᒋᑦ, ᐊᒻᒪᓗ ᐅᑭᐅᖅᑕᖅᑑᓂᖅ ᖃᓄᐃᓕᖓᑦᑎᐊᖁᓪᓗᒋᑦ ᓴᖏᔪᒥᒃ ᖃᓄᐃᑦᑐᓐᓃᕐᕕᐅᓂᐊᕐᒪᑕ ᐊᒃᑐᖅᑕᐅᓯᒪᓂᖏᓐᓂ ᓄᕙᖕᓇᕐᔪᐊᖅ-19-ᒧᑦ ᑕᒪᐃᓐᓂᒃ ᐱᓕᕆᖃᑕᐅᓂᖏᓐᓂ ᑮᓇᐅᔭᓕᐅᕐᕕᐅᔪᓐᓇᕐᓂᖏᓐᓂᒃ ᑕᒪᒃᑯᐊ.
ᑲᓇᑕᒥ ᖃᐅᔨᓴᖅᐸᓪᓕᐊᖏᓐᓇᕐᓂᐊᖅᑐᖅ ᑭᐅᒋᐊᖃᑦᑕᕐᓗᑎᓪᓗ ᐊᒃᑐᖅᑕᐅᓯᒪᓂᖏᓐᓄᑦ ᓄᕙᖕᓇᕐᔪᐊᕐᒧᑦ-19, ᐊᑐᐃᓐᓇᐅᓪᓗᑎᒡᓗ ᖃᓄᐃᓕᐅᕆᐊᑲᓐᓂᕈᓐᓇᕐᓂᖅ ᐱᔭᕆᐊᖃᕈᑎᒃ ᑮᓇᐅᔭᓕᐅᕐᕕᒃᓴᖃᐃᓐᓇᕈᓐᓇᖁᔨᓂᕐᒧᑦ ᐊᒃᑐᖅᑕᐅᓗᐊᖅᑕᐃᓕᒪᑎᑦᑎᒋᐊᕐᓂᕐᒧᓪᓗ ᓄᕙᖕᓇᕐᔪᐊᕐᒧᑦ.
ᐅᖃᖅᓯᒪᔭᑦ
"ᓇᓗᓇᖏᓚᖅ, ᓄᕙᖕᓇᕐᔪᐊᖅ-19-ᒧᑦ ᐊᒃᑐᖅᑕᐅᓯᒪᓂᖅ ᐊᑐᖅᑕᐅᓚᐅᖅᓯᒪᖏᑦᑐᓂᒃ ᖃᓄᐃᓕᖓᓕᕈᑕᐅᓯᒪᔪᖅ ᓇᓂᑐᐃᓐᓇᖅ ᑲᓇᑕᒥ ᐊᒻᒪᓗ ᓄᓇᕐᔪᐊᓕᒫᒥ. ᓄᓇᕗᒻᒥ, ᑕᒪᓐᓇ ᓄᕙᖕᓇᕐᔪᐊᖅ-19 ᐱᔾᔪᑕᐅᓯᒪᔪᖅ ᑮᓇᐅᔭᓕᐅᕈᓐᓇᑦᑎᐊᕈᓐᓇᐃᓕᓂᕐᒧᑦ ᐅᔭᕋᖕᓂᐊᕐᕕᖕᓂ ᓴᓈᖃᖅᑐᓂ, ᐊᒃᓱᕈᕐᓇᖅᓯᓪᓗᓂᓗ ᐅᔭᕋᖕᓂᐊᕐᓂᕐᒥᒃ ᓄᓇᒥᒃ ᐊᑐᖅᑐᐊᖅᑎᐅᕗᕙᒃᑐᑦ ᐊᖑᒪᔪᓐᓇᕐᓂᖅ ᐱᕕᒃᑭᑑᓗᐊᖅᑐᓂᒃ ᒪᓕᒐᖅᑎᒍᑦ ᑕᐃᔭᐅᔪᓂᒃ ᓄᓇᕗᒻᒥ ᐅᔭᕋᖕᓂᐊᕐᕕᓐᓄᑦ ᒪᓕᒐᓪᓗᑐᕐᓂ. ᑕᒪᒃᑯᐊ ᖃᓄᐃᓕᐅᕈᑕᐅᒋᐊᕐᓂᐊᓕᖅᑐᑦ ᐅᓪᓗᒥ ᑐᓴᒐᒃᓴᓕᐊᑦ, ᐃᓚᒋᔭᐅᒋᕗᑦ ᑲᓇᑕᐅᑉ ᒐᕙᒪᒃᑯᖏᑦ ᐃᑲᔪᖅᓱᐃᒋᐊᓪᓚᑲᓐᓂᕋᓱᐊᕐᓂᖏᓐᓂ ᐊᒻᒪᓗ ᐋᕿᐅᒪᑎᑦᓯᑦᓯᐊᕋᓱᐊᕐᓂᖏᓐᓂᒃ ᐅᔭᕋᓐᓂᐊᕐᓂᕐᒥᒃ ᓴᓈᕆᔭᐅᕙᑦᑐᓂᒃ ᓄᓇᕗᒻᒥ."
ᓂᕈᐊᖅᑕᐅᓯᒪᔪᖅ ᑖᓂᐅᓪ ᕚᓐᑐᓪ, P.C., M.P. ᐊᐅᓚᑦᑎᔨᐅᖃᑕᐅᔪᓂ, ᒪᓕᒐᓕᐅᖅᑎ ᑲᓇᑕᒥ
ᒥᓂᔅᑕᖓᑦ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᓂᕐᒧᑦ
ᓇᐃᓈᖅᑕᐅᓯᒪᔪᑦ ᓱᓕᔫᓂᖏᑦ
- ᐊᑭᓖᔪᓐᓇᕐᕕᒃᓴᐃᑦ ᐅᖓᕙᕆᐊᖅᑕᐅᓂᖏᑦ ᐱᔪᓐᓇᐅᑕᐅᕗᑦ ᐅᔭᕋᖕᓂᐊᕐᓂᕐᒧᑦ ᓄᓇᒥᒃ ᐊᑐᖅᑐᐊᕈᑏᑦ ᑭᖑᕙᖅᑕᐃᓕᒪᔪᓐᓇᕐᓂᖅ ᐊᑭᓕᖅᑕᐅᔪᓐᓇᐃᓕᑲᐃᓐᓇᖅᑐᓂᒃ ᐱᔾᔪᑕᐅᓂᖓᓄᑦ ᐱᑕᖃᓕᕐᓂᖓ ᓄᕙᖕᓇᕐᔪᐊᖅ.
- ᐊᑭᓖᕕᒃᓴᐃᑦ ᐊᑐᖅᑐᐊᕈᑎᓂᒃ ᐱᕕᒃᓴᖃᖅᑎᑕᐅᓂᖏᑦ ᐊᒻᒪᓗ ᑎᒍᒥᐊᖅᑎᐅᔪᑦ ᐊᑎᓕᐅᖅᑕᐅᓯᒪᓂᖅ ᐅᔭᕋᖕᓂᐊᒐᒃᓴᖅᓯᐅᕐᕕᖃᕈᓐᓇᕐᓂᕐᒧᑦ ᓄᓇᓂ ᐊᑐᖅᑐᐊᕈᑎᖑᑦ, ᑕᒫᓂᑦᓴᐃᓐᓇᖅ ᐱᕕᒃᓴᖃᖅᑎᑕᐅᓚᐅᕐᓂᖏᑦ ᐅᖓᕙᕆᐊᖅᑕᐅᓯᒪᓕᕆᕗᑦ ᑕᐃᒫᑦᓴᐃᓐᓇᖅ.
ᐊᓯᖏᑦᑕ ᑕᑯᓂᐊᕐᕕᒃᓴᐃᑦ ᖃᕆᑕᐅᔭᒃᑯᑦ
ᑐᑭᓯᒋᐊᑦᑎᐊᒃᑲᓐᓂᕈᒪᒍᕕᑦ, ᑐᓴᒐᒃᓴᓕᕆᔩᑦ ᐅᖃᕈᓐᓇᖅᑐᑦ ᐆᒧᖓ:
ᐋᓕᓴᓐ ᓴᐃᓐᑦ ᔾᔩᓐ Allison St Jean ᑐᓴᒐᒃᓴᓕᕆᔨᓄᑦ ᑎᑎᕋᖅᑎ ᐃᖃᓇᐃᔭᕐᕕᖓᓂ ᓂᕈᐊᖅᑕᐅᓯᒪᔪᖅ ᑖᓂᐅᓪ ᕙᓐᑐᓪ ᒥᓂᔅᑕᖓᑕ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᓂᕐᒧᑦ 819-953-1153
ᑐᓴᒐᒃᓴᓕᕆᔨᓂᒃ ᐱᓕᕆᖃᑎᖃᕐᓂᖅ ᑲᓇᑕᐅᑉ ᒐᕙᒪᐃᑦ-ᓄᓇᓕᑐᖃᐃᑦ ᐱᓕᕆᖃᑎᒌᒃᑎᖏᓐᓂ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᓂᖅ ᑲᓇᑕᒥ 819-934-2302 ᖃᕆᑕᐅᔭᒃᑯᑦ ᑎᑎᖃᖅᑖᕐᕕᖓᑦ: RCAANC.media.CIRNAC@canada.ca
ᐃᓚᓕᐅᑎᓯᒪᖃᑕᐅᒋᑦ
ᐃᓚᓕᐅᑎᓗᑎᑦ ᐅᖃᐅᓯᐅᓂᖏᓐᓂ ᐅᑭᐅᖅᑕᖅᑐ:
ᑐᓴᒐᒃᓴᑎᒍᑦ ᑕᐃᔭᐅᔪᖅ Twitter: GovCan_North
ᐃᓄᐃᑦ ᑐᓴᐅᒪᖃᑦᑕᐅᑎᕕᖓᒍᑦ ᑕᐃᔭᐅᔪᖅ Facebook: GovCan – North
ᐃᓚᓕᐅᑎᔪᓐᓇᕐᒥᔪᑎᑦ ᑐᓴᒐᒃᓴᓂᒃᑕᐅᖃᑕᕈᓐᓇᕐᓂᖅ ᐅᖃᐅᓯᒃᓴᓂᒡᓗ ᓴᕿᑎᑕᐅᓯᒪᔪᓂᒃ ᐊᑐᕐᓗᒋᑦ RSS- ᑯᑦ ᑐᓴᒐᒃᓴᖃᕐᕕᐅᔪᑦ. ᑕᒪᒃᑯᓂᖓ ᖃᐅᔨᒋᐊᑎᐊᕈᒪᒍᕕᑦ, ᑐᔪᖅᑕᐅᖃᑕᕈᒪᓂᐊᕈᕕᓪᓗᓐᓃᑦ, ᐅᓇ ᑕᑯᓂᐊᕐᓗᒍ ᑐᕌᕈᑎᖓᑦ www.cirnac.gc.ca/RSS.
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: