ᒪᑭᒋᐊᖅᓴᕋᐃᓕᖅᑎᑦᑎᓇᓱᐊᕐᓂᖅ ᓄᓇᓕᓐᓂᑦ ᐅᑭᐅᖅᑕᖅᑐᒥ ᐊᒻᒪᓗ ᐊᑦᑐᐃᓂᖃᕈᓐᓇᕐᓂᖏᓐᓂ ᓯᓚ ᐊᓯᔾᔨᓕᐸᓪᓕᐊᓂᖓᓐᓂ

ᒪᑭᒋᐊᖅᓴᕋᐃᓕᖅᑎᑦᑎᓇᓱᐊᕐᓂᖅ ᓄᓇᓕᓐᓂᑦ ᐅᑭᐅᖅᑕᖅᑐᒥ ᐊᒻᒪᓗ ᐊᑦᑐᐃᓂᖃᕈᓐᓇᕐᓂᖏᓐᓂ ᓯᓚ ᐊᓯᔾᔨᓕᐸᓪᓕᐊᓂᖓᓐᓂ

ᒫᔾᔨ 05, 2020 — ᐃᖃᓗᐃᑦ, ᓄᓇᕗ — ᐃᓄᓕᕆᔨᑎᖃᒃᑯᑦ ᐅᑭᐅᖅᑕᖅᑐᓕᕆᓂᕐᒧᑦ ᑲᓇᑕᒥ

ᐊᕐᕌᒍᒐᓴᕐᓄᑦ, ᓄᓇᖃᖅᑳᖅᑐᒥᓃᑦ ᐅᑭᐅᖅᑕᖅᑐᒥᓗ ᓄᓇᓖᑦ ᑕᑯᖃᑦᑕᖅᓯᒪᓕᕐᖓᑕ ᐊᑦᑐᖅᑕᐅᓂᖏᓐᓂ ᓯᓚᒧᑦ ᐊᓯᔾᔨᐸᓪᓕᐊᓂᖓᓐᓄᑦ. ᔭᒐᑉᐸᓪᓕᐊᔪᑦ ᓯᑯᐃᑦ ᓯᔾᔭᓲᖅᑕᐅᕙᓕᖅᑐᑦ ᓱᓇᒃᑯᑕᑦ ᐊᐅᑉᐸᓪᓕᐊᓕᕐᓂᖓ ᓄᓇᐅᑉ ᐃᑭᐊᖓ, ᑲᓇᑕᐅᑉ ᐅᑭᐅᖅᑕᖅᑐ ᐊᓯᔾᔨᐸᓪᓕᐊᔪᕐᔪᐊᕌᓘᒻᒪᑦ. ᑲᓇᑕᐅᑉ ᒐᕙᒪᒃᑯᖏᑦ ᐃᑲᔪᕈᒪᒻᒪᑕ ᓄᓇᓕᓐᓂ ᐃᓕᑦᑐᕋᓱᓐᓂᖏᓐᓂ, ᐸᕐᓇᓯᒪᓂᖏᓐᓂ, ᐊᑦᑐᖅᑕᐅᓂᐊᕐᓂᖏᓐᓄᓪᓗ ᓯᓚᐅᑉ ᐊᓯᔾᔨᐸᓪᓕᐊᓂᖓᓐᓄᑦ. 

ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᓂᐊᖅᑐᑦ ᐋᓐᓂᐊᖅᑕᐃᓕᒪᖁᔨᓗᑎᑦ ᐊᑦᑕᓇᖅᑐᒦᖁᔨᓐᓇᑎᓪᓗ ᓄᓇᕗᒻᒥᐅᑕᕐᓂᑦ ᐃᑲᔪᖅᑐᐃᓂᐊᖅᑐᑎᓪᓗ ᐊᐅᓚᑦᑎᓂᕐᒥᑦ ᐊᑦᑐᖅᑕᐅᓗᐊᖁᓇᒋᓪᓗ ᓯᓚ ᐊᓯᔾᔨᕐᓂᖓᓐᓄᑦ. ᐃᖃᓗᐃᑦ, ᓄᓇᕗᑦ ᓄᓇᓕᐅᒻᒥᔪᖅ ᐊᑦᑐᖅᑕᐅᓪᓚᕆᑦᑐᐊᓗᒃ. ᐱᓕᕆᕙᓪᓕᐊᔪᑦ ᐊᑦᑐᖅᑕᐅᓂᕐᒧᑦ ᓯᓚ ᐊᓯᔾᔨᕐᓂᖓᓐᓄᑦ ᖃᓄᖅᑑᕈᑎᔅᓴᓂᑦ ᐱᐅᓯᕚᓪᓕᖁᓪᓗᒋᓪᓗ ᐃᒥᖅᑕᐅᕙᑦᑐᑦ ᐃᒪᐃᑦ ᐊᒻᒪᓗ ᓄᓇᓕᓐᓂ ᓱᓇᒃᑯᑖᕈᔪᐃᑦ.

ᐅᓪᓗᒥᐅᔪᖅ, ᒥᓂᔅᑕ ᐃᓄᓕᕆᔨᑐᖃᒃᑯᓐᓄ ᐅᑭᐅᖅᑕᖅᑐᓕᕆᓂᕐᒧᑦ, ᒫᓐᔨᐅᓪ ᕙᓐᑐ, ᐃᖃᓗᓐᓄᓚᐅᖅᑐᖅ ᒪᐃᔭᐅᑉ ᑐᖏᓕᖓᓐᓂ ᑲᑎᒪᖃᑎᖃᖅᑐᓂ, ᔮᓇᑦ ᐳᕈᔅᑐᒥᑦ, ᖃᓄᐃᑦᑐᓂᑦ ᐱᔭᕆᐊᖃᓪᓚᕆᒻᒪᖔᑕ. ᑕᑯᔭᖅᑐᓚᐅᕐᒥᔭᖓ

.../2

ᑕᓯᖅ ᔨᐅᕈᑏᑦ ᐃᒥᖅᑕᕐᕕᒃ, ᐊᑦᑐᖅᑕᐅᓯᒪᒻᒥᔪᖅ ᐃᓄᒋᐊᔅᓯᑳᓪᓚᑦᑐᐊᓗᓐᓄᑦ, ᐊᐅᕝᕕᐅᓐᖏᓂᖅᓴᐅᖃᑦᑕᓕᖅᑐᓂᓗ ᐃᒥᖅᑕᕐᕕᒃ ᐱᑐᖃᐅᓕᖅᑐᑎᓪᓗ ᑕᒪᒃᑯᐊ ᐊᒻᒪᓗ ᓄᓇᐅᑉ ᐃᑭᐊᖓ ᐊᐅᑉᐸᓪᓕᐊᓕᖅᑐᓂ.

ᒥᓂᔅᑕ ᕚᓐᑐ ᖃᐅᔨᒃᑲᓐᓂᓚᐅᕐᒥᔪᖅ ᓱᓇᒃᑯᑖᑦ ᐅᓪᓗᒥᒧᑦ ᐋᖅᑭᔅᓱᕆᐊᓕᓪᓚᕇᑦ ᑐᕋᕐᓗᑎᑦ ᓯᑎᒃᑯᑦ ᐃᖃᓗᓐᓂ ᑯᕕᓲᖏᑦ ᐊᑦᑐᖅᑕᐅᓪᓚᕆᒻᒪᑕ ᓯᓚᐅᑉ ᐊᓯᔾᔨᕐᓂᖓᓐᓄᑦ, ᑕᒪᒃᑯᐊᓗ ᐱᓕᕆᐊᖑᔪᑦ ᐊᑦᑐᖅᑕᐅᔪᑦ ᓲᕐᓗ ᐃᒻᒪᒍᔾᔭᐅᔪᑦ ᐊᒻᒪᓗ ᓄᓇᐅᑉ ᐃᑭᐊᖓ ᐊᐅᑉᐸᓪᓕᐊᓕᕐᓂᖏᓐᓄᑦ ᐃᓪᓗᖁᑏᑦ ᓇᓛᓂ. ᕿᒥᕐᕈᓚᐅᕐᒥᔪᖅ ᑭᓈᓗᖃᕐᑦ ᐃᒪᕐᒧᓪᓗ ᓱᓪᓗᓕᓐᓂᑦ, ᑕᐃᒃᑯᐊ ᐅᓪᓗᓕᐊᓗᐃᑦ, ᐅᓗᕆᐊᓇᖅᑕᒦᖅᐸᓪᓕᐊᓕᕐᒥᔪᑦᑕᐅ ᓄᓇᐅᑉ ᐃᑭᐊᖓ ᐊᐅᑉᐸᓪᓕᐊᓕᕐᓂᖓᓐᓄᑦ. ᒥᓂᔅᑕ ᕚᓐᑐ ᐳᓚᕋᓚᐅᕐᒥᔪᖅ ᐃᓪᓗᓄᑦ ᐊᒥᓱᓄᑦ ᑲᑎᓐᖓᔪᓄᑦ, ᓄᓇᕗᑦ ᐃᓪᓗᓕᕆᔨᕐᔪᐊᒃᑯᓐᓄ ᓴᓇᔭᒥᓂᕐᒥᑦ. ᑮᓇᐅᔭᖃᖅᑎᑦᑎᓚᐅᖅᓯᒪᓂᖏᓐᓄᑦ ᑲᓇᑕᐅᑉ ᐊᓯᔾᔨᐸᓪᓕᐊᓂᖓᓐᓄ ᐸᕐᓇᓂᖏᓐᓂ ᐅᑭᐅᖅᑕᖅᑐᒥ ᐱᓕᕆᐊᒥᑦ, ᓄᓇᐅᑉ ᐃᑭᐊᖓ ᐊᐅᑉᐸᓪᓕᐊᓕᖅᑎᓪᓗᒍ ᖃᐅᔨᓴᖅᑕᐅᓚᐅᖅᓯᒪᒻᒪᑦ ᐊᓯᖏᓐᓂ ᒪᕐᕉᓐᓂᒃ ᐃᓘᓐᓂᒃ 11−ᓂᒃ ᐊᖏᕐᕋᐅᓪᓗᑎᑦ ᑲᑎᓐᖓᔪᑦ ᐊᕐᕌᓂ ᓴᓇᔭᐅᓚᐅᖅᑐᒥᑦ. ᓄᓇᐅᑉ ᐃᑭᐊᖓ ᖃᐅᔨᓴᖅᑕᐅᓚᐅᖅᑐᖅ ᐃᑲᔫᑎᖃᕋᔭᖅᑐᓂ ᖃᓄᖅ ᓴᓇᔭᐅᑦᑎᐊᓂᖅᓴᐅᒍᓐᓇᕋᔭᕐᒪᖔᑕ ᑐᓐᖓᑯᖏᑦ ᓯᓚᒥᑦ ᒪᑭᒪᒋᐊᖅᓴᕋᐃᓐᓂᖅᓴᐅᓗᑎᑦ.

ᐅᓪᓗᒥᒧᑦ, ᑲᓇᑕᐅᑉ ᓯᓚ ᐊᓯᔾᔨᕐᓂᖓᓐᓄ ᐸᕐᓇᓯᒪᓂᖅ ᐅᑭᐅᖅᑕᖅᑐᒥ ᐱᓕᕆᐊᖑᔪᖅ (CCPN) ᑮᓇᐅᔭᖃᖅᑎᑦᑎᓯᒪᓕᖅᑐᑦ $1.4−ᒥᓕᐊᓂᑦ ᖃᐅᔨᓴᕐᓂᒨᖓᓂᐊᖅᑐᓂᑦ ᖃᓄᖅ ᑕᑎᒋᔭᔅᓴᐅᓂᖅᓴᒥ ᓴᓇᒍᓐᓇᕐᒪᖓᑕ ᐃᒥᕐᒨᖓᔪᓂᑦ, ᑯᕕᔫᓄᑦ ᐊᒻᒪᓗ ᓴᓐᖏᓂᖅᓴᐅᖁᓪᓗᒋᑦ ᓄᓇᓖᑦ ᐊᑦᑐᖅᑕᐅᓂᐊᕋᓗᐊᖅᑎᓪᓗᒋᑦ ᓯᓚ ᐊᓯᔾᔨᕐᓂᖓᓐᓄᑦ ᐃᖃᓗᓐᓂ ᐊᒻᒪᓗ ᐃᑲᔪᖅᑐᕐᓗᒋᑦ ᓯᓚᒥ ᐊᑦᑐᖅᑕᐅᓂᐊᖅᑐᑦ ᐃᓪᓗᓕᕆᓂᖅ ᓄᓇᕗᒻᒥ.

ᐅᖃᐅᓯᐅᓯᒪᔪᑦ
"ᐳᓚᕋᕐᓂᖏᓐᓂ, ᐅᖃᖃᑎᒌᑦᑎᓪᓗᒋᑦ, ᑐᑭᓯᕙᓪᓕᐊᑲᓐᓂᓪᓚᕆᑦᑐᖓ ᐊᔅᓱᕉᑕᐅᖃᑦᑕᖅᑐᑦᓂ ᐅᑭᐅᖅᑕᖅᑐᒥ ᓄᓇᓗᖏᓐᓂ. ᑕᑯᓪᓗᖓᓗ ᓴᓐᖏᓂᖃᕐᓂᖏᓐᓂ ᐃᓕᑦᑐᕈᒪᑦᑎᐊᖅᑐᑎᓪᓗ ᐃᓄᐃᑦ ᕼᐊᒻᒪᓚᖏᓪᓗ, ᐅᑭᐅᖅᑕᖅᑐᒥ ᐊᕕᑦᑐᖅᓯᒪᔪᓂᒃ ᐊᒻᒪᓗ ᐃᖅᑲᓇᐃᔭᕐᕕᑦ ᓯᕗᒃᑲᑕᖅᑎᐅᓗᑎᑦ. ᐊᔅᓱᕈᓪᓚᕆᑦᑐᑦ ᖃᓄᖅᑑᕋᓱᐊᖅᑐᑎ ᐊᐅᓚᑦᑎᓇᓱᐊᕐᓂᕐᒥᑦ ᐊᑦᑐᖅᑕᐅᓐᖏᓂᖅᓴᐅᓇᓱᐊᕐᓂᖏᓐᓄᑦ ᓯᓚ ᐊᓯᔾᔨᐸᓪᓕᐊᓂᖓᓐᓄᑦ. ᑲᓇᑕᐅᑉ ᒐᕙᒪᒃᑯᖏᑦ ᐃᑲᔪᖅᑐᐃᖏᓐᓇᕐᓂᐊᖅᑐᑦ ᐱᒻᒪᕆᐅᒻᒪᑦ ᓯᕗᓕᖅᐸᐅᑎᒋᐊᖃᕐᓂᖏᓐᓂ ᐃᖃᓗᓐᓂ ᐊᒻᒪᓗ ᑲᓇᑕᒥᐅᑕᓕᒫᓄᑦ."

ᒥᓂᔅᑕ ᑖᓐᔨᐅᓪ ᐹᓐᑐ, P.C., M.P.
ᒥᓂᔅᑕᕆᔭᖅ ᐃᓄᓕᕆᔨᑎᖃᒃᑯᓐᓄᑦ ᐅᑭᐅᖅᑕᖅᑐᓕᕆᓂᕐᒥᑦ

ᓇᐃᓈᖅᑐᒋᑦ ᓇᓗᓇᐃᖅᑕᐅᓵᑲᐃᓇᖅᑐᑦ ᓱᓕᔪᑦ

 

ᐊᓯᖏᑦᑕᐅ ᑎᑭᓯᒋᐊᕐᕕᔅᓴᑦ ᖃᕋᓴᐅᔭᒃᑯᑦ
Climate Change Preparedness in the North Program
ᓯᑎᒃᑯᑦ ᐃᖃᓗᓐᓂ – Master Drainage Plan
- 30 -

ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ, ᐱᕙᓪᓕᔪᓕᕆᔨᒃᑯᓐᓄᑦ ᖃᐅᔨᒋᐊᕈᓐᓇᖅᑐᑎᑦ ᐅᑯᓄᖓ:

ᐋᓕᓴᓐ ᓴᐃᓐᔩ
ᐱᕙᓪᓕᐊᔪᓄᑦ ᐊᓪᓚᑦᑎ
ᒥᓂᔅᑕᐅᑉ ᑖᓐᔨᐅᓪ ᕚᓐᑐᒧᑦ
ᒥᓂᔅᑕᕆᔭᖅ ᒐᕙᒪᑐᖃᒃᑯᓐᓄᑦ
819-953-1153

ᐱᕙᓪᓕᔪᓕᕆᔨᒃᑯᑦ
ᒐᕙᒪᑐᖃᒃᑯᑦ ᐅᑭᐅᖅᑕᖅᑐᓕᕆᓂᖅ ᑲᓇᑕᒥ
819-934-2302
RCAANC.media.CIRNAC@canada.ca

ᓈᓚᑐᐃᓐᓇᕆᑦ ᐊᓯᖏᓐᓄᑦᑕᐅ

ᐅᖃᖃᑕᐅᔪᓇᑦᑎᐊᖅᑐᑎᑦ ᐅᑭᐅᑦᑕᖅᑑᑉ ᒥᔅᓵᓄᑦ:

Twitter: GovCan_North
Facebook: GovCan – North

 

ᐊᑎᓕᐅᖃᑕᐅᔪᓐᓇᕐᒥᔪᑎᑦ ᐅᓂᒃᑳᕐᓂᑦ ᐱᖃᑦᑕᕈᒪᒍᕕᑦ ᐅᖃᐅᓯᒥᓂᕐᓂᓪᓗ ᐅᑯᑎᒎᓇ RSS. ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐊᑎᓕᐅᕈᓐᓇᕐᓃᑦ ᒥᔅᓴᓄᑦ ᐅᕗᖓ ᖃᐅᔨᒋᐊᕐᓗᑎᑦ www.cirnac.gc.ca/RSS

 

ᐅᓪᓗᖓᓂ ᐋᖅᑭᒋᐊᖅᑕᐅᔪᖅ:
sasasas