ᐅᖃᐅᓯᒃᓴᖅ ᒥᓂᔅᑕ ᐱᓂᑦᒥᑦ ᓄᓇᕗᑦ ᐅᓪᓗᖓ 2019
ᖁᕐᓗᖅᑐᖅ, ᓄᓇᕗᑦ (ᔪᓚᐃ 9, 2019) - ᒥᓂᔅᑕ ᐊᑭᑐᔫᑎᓄᑦ-ᓄᓇᖃᖅᑳᖅᓯᒪᔪᑦ ᐃᓚᒌᑦ, ᐅᐱᓐᓇᖅᑐᖅ ᑭᐊᕈᓚᓐ ᐱᓂᑦ, ᐅᖃᐅᓯᒃᓴᖃᓚᐅᖅᑐᖅ ᐅᓪᓗᒥ ᐱᔾᔪᑎᒋᓪᓗᒍ ᐊᕙᑎᑦ (20) ᓇᓪᓕᐅᑎᓪᓗᒍ ᓄᓇᕗᑦ ᐅᓪᓗᖓᓄᑦ:
"ᐅᓪᓗᒥ ᓄᓇᕗᑦ ᐅᓪᓗᖓ ᖁᕕᐊᓲᑎᒋᔭᕗᑦ ᓄᓇᕗᒻᒥᐅᑦ ᐃᓚᓕᐅᑎᓯᒪᓪᓗᑎᒍ. ᑕᒪᑐᒪᓂ ᐊᕐᕌᒍᒥ ᐊᕙᑎᒋᓕᖅᑕᖓᓂ ᖁᕕᐊᓲᑕᐅᔪᖅ ᓄᓇᕗᑦ ᓴᖅᑭᑕᐅᓂᖓ, ᓄᑖᖑᓂᖅᐹᖅ ᐅᑭᐅᖅᑕᖅᑐᒥ ᐊᕕᑦᑐᖅᓯᒪᔪᓂ ᑲᓇᑕᒥ.
ᒪᓕᒃᑐᖅ ᐅᖃᐅᓯᒃᓴᖅ ᓄᓇᕗᑦ ᐱᖁᔭᖓ ᐊᒻᒪᓗ ᓄᓇᕗᑖᕐᓂᕐᒧᑦ ᐊᖏᕈᑎ 1993-ᖑᑎᓪᓗᒍ, ᓄᓇᕗᑦ ᓄᓇᕗᖑᓚᐅᖅᓯᒪᔪᑦ ᐊᕕᒃᓯᒪᓕᖅᑎᓪᓗᒋᑦ ᓄᓇᑦᑎᐊᒥᑦ 1999-ᖑᑎᓪᓗᒍ. ᓴᖅᑭᑎᑕᐅᓯᒪᓕᖅᑎᓪᓗᒍ ᓄᓇᖓ ᖃᖓᓂᑕᕐᒧᑦ ᐃᖅᑲᐅᒪᓇᖅᑐᖅ ᐃᓅᓯᓕᒫᒧᑦ ᐊᓯᙳᖅᓯᒪᔪᖅ ᑲᓇᑕᒥ, ᑭᓯᐊᓂ ᐱᒻᒪᕆᐅᔪᖅ ᖃᓄᐃᓕᓯᒪᓂᖓᑕ ᓴᙱᓂᖓᑎᒍᑦ ᐊᒻᒪᓗ ᐱᔪᒪᓂᕐᒧᑦ ᐃᓄᐃᑦ ᐱᔪᒪᔭᖏᑎᒍᑦ ᐃᓅᓯᕐᒥᓐᓂ.
ᐅᑭᐅᖅᑕᖅᑐᖅ ᖃᐅᔨᒪᔭᐅᙱᓚᖅ, ᓄᓇᖁᑎᖓ ᐊᒻᒪᓗ ᐆᒪᔪᖁᑎᖏᑦ ᐊᒻᒪᓗ ᐊᖏᓂᖓ ᐃᒪᖁᑎᖏᓐᓂ ᓯᑯᖁᑎᖏᓪᓗ ᐅᑭᐅᖅᑕᖅᑐᕐᒥᐅᑕᑎᑐᑦ ᑖᕙᓂᕐᒥᐅᑕᐅᔪᓂ. ᐃᓄᐃᑦ ᖃᐅᔨᒪᓂᖏᑦ ᓄᓇᕗᒻᒥ ᑕᑯᒃᓴᐅᑎᑦᑎᕗᖅ ᐊᒻᒪᓗ ᖃᐅᔨᒪᔾᔪᑕᐅᕗᖅ ᑲᓇᑕᓕᒫᒧᑦ. ᑲᔾᔭᕐᓇᖅᑐᒻᒪᕆᐅᓪᓗᓂ ᐃᓕᖅᑯᓯᖃᖅᑐᒻᒪᕆᐅᓪᓗᓂ ᐊᒻᒪᓗ ᖃᐅᔨᒪᓂᖃᑦᑎᐊᖅᖢᑎᒃ, ᓄᓇᕗᑦ ᐊᒻᒪᓗ ᐃᓄᖁᑎᖏᑦ ᐃᓚᓕᑎᓯᒪᑦᑎᐊᖅᑐᑦ ᐱᕙᓪᓕᐊᑎᑦᑎᓂᕐᒥ ᑲᓇᑕᒥ – ᐅᑭᐅᖅᑕᖅᑐᓪᓚᕆᒃ, ᓴᙱᔫᓪᓗᓂ ᐊᒻᒪᓗ ᐃᓱᒪᖅᓱᕐᓇᖅᖢᓂ. ᒐᕙᒪᑦ ᑲᓇᑕᒥ ᑲᔪᓯᔪᑦ ᐃᖅᑲᓇᐃᔭᖃᑎᖃᕐᓗᑎᒃ ᐃᑲᔪᖅᑎᒌᓐᓂᒃᑯᑦ ᓄᓇᕗᒥᐅᑕᓄᑦ ᐊᒻᒪᓗ ᐅᑭᐅᖅᑕᖅᑐᒥᐅᑕᓄᑦ ᐱᔾᔪᑎᖃᕐᓗᑎᒃ ᓴᐃᒪᖃᑎᒌᓐᓂᕐᒧᑦ ᐅᑭᐅᖅᑕᖅᑐᒥ.
ᐅᓪᓗᒥ, ᖁᕕᐊᓱᖃᑎᒌᒃᑕ ᓇᓗᓇᐃᔭᕐᓗᑕ ᐱᒻᒪᕆᐅᓂᖓᑕ ᐃᓕᖅᑯᓯᕆᔭᐅᔪᒧᑦ, ᐃᓅᖃᑎᒌᓐᓂᕐᒧᑦ ᐊᒻᒪᓗ ᑮᓇᐅᔭᓕᐅᕐᓂᕆᔭᐅᔪᒃᑯᑦ ᐃᑲᔫᓯᐊᒃᑯᑦ ᓄᓇᕗᒥᐅᑕᓄᑦ ᑲᓇᑕᒥ. ᐊᐅᓚᓂᖅ ᓯᕗᓂᒧᑦ, ᒥᐊᓂᕆᔭᐅᔪᒍᑦ ᑖᔅᓱᒧᖓ ᐱᒻᒪᕆᐅᔪᒧᑦ ᐃᓚᒌᓐᓂᕐᒧᑦ ᐊᒻᒪᓗ ᑐᓴᐅᒪᖃᑦᑕᐅᑎᓂᕐᒧᑦ ᖃᖓᓂᑕᕐᓂᑦ ᑲᑎᖅᓱᐃᔭᑦᑎᒍᑦ ᐸᕐᓇᐅᑎᒋᔭᑦᑎᒍᑦ ᐱᓕᕆᐊᕆᓗᒋᑦ ᖃᐅᒪᔪᒃᑯᑦ ᐊᒻᒪᓗ ᐊᑭᑐᔫᑎᒃᑯᑦ ᐃᓅᓯᖃᑦᑎᐊᕐᓂᕐᒧᑦ ᓯᕗᓂᒧᑦ ᓄᓇᕗᒥ ᐊᒻᒪᓗ ᑲᓇᑕᒥ.
ᑭᒃᑯᓕᒫᓄᑦ ᐅᖃᖅᐳᖓ ᐊᑦᑕᕐᓇᖅᑕᐃᓕᒪᓂᖃᕐᓗᑎᒃ ᐊᒻᒪᓗ ᖁᕕᐊᓱᓪᓗᑎᒃ ᐅᓪᓗᒥ ᖁᕕᐊᓱᖃᑎᒌᒃᑎᓪᓗᑕ.
ᖁᕕᐊᓱᒋᑦ ᓄᓇᕗᑦ ᐅᓪᓗᐊᓂ! ᓄᓇᕗᑦ ᐅᓪᓗᖓᓂᑦ ᓇᓪᓕᐅᓂᕐᓯᐅᑦᓯᐊᕆᑦ!"
ᑐᑭᓯᐊᒃᑲᓐᓂᕈᒪᒍᕕᑦ, ᑐᓴᒐᔅᓴᓕᕆᓂᕐᒧᑦ ᖃᐅᔨᒋᐊᕈᓐᓇᖅᑐᑎᑦ:
ᒪᑎᐅ ᑎᓕᓐ-ᓕᑦᔅ
ᐊᐅᓚᑦᑎᔨ ᑐᓴᐅᒪᖃᑦᑕᐅᑎᓕᕆᓂᕐᒧᑦ
ᐊᓪᓚᕝᕕᒃ ᐅᐱᓐᓇᖅᑐᖅ ᑭᐊᕈᓕᓐ ᐱᓂᑦ
ᒥᓂᔅᑕ ᐊᑭᑐᔫᑎᓄᑦ-ᓄᓇᖃᖅᑳᖅᓯᒪᔪᑦ ᐃᓚᒌᑦ
819-997-0002
ᑐᓴᐅᒪᖃᑦᑕᐅᑎᓂᕐᒧᑦ ᐃᓚᒌᑦ
ᐊᑭᑐᔫᑎᓄᑦ-ᓄᓇᖃᖅᑳᖅᓯᒪᔪᑦ ᐃᓚᒌᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ ᑲᓇᑕ
819-934-2302
RCAANC.media.CIRNAC@canada.ca
ᖃᕋᓴᐅᔭᒃᑯᑦ ᑲᑎᖃᑎᕋᕆᑦ
ᐃᓚᒋᓗᒋᑦ ᐅᖃᐅᓯᖃᖅᑐᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ ᑲᓇᑕᒥ:
Twitter: GovCan – Indigenous
Facebook: GovCan – Indigenous Peoples
Instagram: @gcIndigenous
ᖃᕋᓴᐅᔭᒃᑯᑦ ᑎᑎᕋᖅᓯᒪᔪᓂᒃ ᐱᔪᓐᓇᖅᑐᑎᑦ ᑐᓴᒐᔅᓴᓂᒃ ᐊᒻᒪᓗ ᐅᖃᐅᓯᕆᔭᐅᔪᓂᒃ ᐅᕗᓇ RSS feeds. ᑐᑭᓯᐊᒃᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᑐᓴᒐᔅᓴᓕᕆᓂᒃᑯᑦ ᐃᓚᒋᔭᐅᔪᒪᒍᕕᑦ, ᐅᐸᓪᓗᒍ www.cirnac.gc.ca/RSS.
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: