ᓄᓇᕗᑦ ᑐᙵᕕᒃ ᑎᒥᖓ, ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪ ᓄᓇᕗᑦ ᒐᕙᒪᒃᑯᖏᑦ ᐊᑎᓕᐅᕆᕗᑦ ᐃᓄᐃᑦ ᐊᑦᑐᖅᑕᐅᑐᐃᓐᓇᕆᐊᖃᓐᓂᖏᓐᓄᑦ ᐃᑲᔪᕈᑎᓄᑦ ᐊᖏᕈᑎᓂᒃ ᐅᑯᓄᖓ ᑲᓇᑕᐅᑉ ᒐᕙᒪᒃᑯᖏᑕ ᑲᒪᒋᔭᖏᓐᓄᑦ ᑰᓐᓄᑦ

ᐃᒫᒃ ᐅᖅᑲᖅᑐ

"ᑖᒃᑯᐊ ᑰᑦ ᐱᒻᒪᕆᐅᓯᒪᖕᒪᑕ, ᐱᒻᒪᕆᐅᖏᓐᓇᕐᓂᐊᕐᖢᑎᒡᓗ, ᐊᖅᑯᑎᒋᔭᐅᑎᓪᓗᒋᑦ ᐅᓯᖃᖅᑕᖅᑎᐅᔪᓄᑦ, ᐱᓗᐊᖅᑐᒥᒃ ᐊᑭᑐᔪᓄᑦ ᐱᖁᑎᕐᔪᐊᓂᒃ ᐊᒥᒐᖅᓯᑎᓪᓗᑕ ᓄᓇᕗᒥ.  ᑕᐃᒪᓐᓇ ᐊᑎᓕᐅᖅᑕᐅᑎᓪᓗᒋᐃᑦ ᑖᒃᑯᐊ ᐃᓄᐃᑦ ᐊᑦᑐᖅᑕᐅᑐᐃᓐᓇᕆᐊᖃ ᓐᓂᖏᓐᓄᒃ ᐃᑲᔪᕈᑎᓄᑦ ᐊᖏᕈᓄᑎᓂᒃ ᐊᒻᒪ ᐃᓕᓴᕐᓯᒍᑕᐅᓪᓗᓂ ᐃᓄᐃᑦ ᓯᕗᓕᑦᑕ ᐊᑑᑎᖃᖅᑎᑦᑎᓯᒪᓂᖏᓐᓂᒃ ᐊᒻᒪ ᑲᒪᑦᑎᐊᕐᓯᒪᓂᖏᓐᓂᒃ ᑖᒃᑯᓂᖓ ᑰᓐᓂᒃ, ᐃᑲᔪᓐᓂᖃᖅᐳᒍᑦ ᑖᒃᑯᓄᖓ ᐊᑐᓕᕐᑎᑕᐅᕙᓪᓕᐊᓂᖏᓐᓄᑦ ᓄᓇᕗᖕᒥ ᐊᖏᕈᑏᑦ ᑖᒃᑯᐊᖑᑎᓪᓗᒋᑦ ᓴᖅᑭᔮᕐᑎᑦᑎᓯᓐᓈᑦ ᐊᒻᒪ ᐱᐅᕐᓱᐊᓯᓐᓈᑦ ᓄᓇᓂᒃ ᐊᒻᒪᓗ ᐃᒪᕐᓂᒃ ᐊᒻᒪ ᐊᑑᑎᖃᓐᓂᕐᐹᖑᔪᓐᓇᕐᑐᓂᒃ ᐃᑲᔪᕈᑎᓂᒃ ᓄᓇᕗᖕᒥ ᐃᓄᖏᓐᓄᑦ.  ᐊᒻᒪᓗ ᓱᓕ, 2019-ᒥ - ᓄᓇᕐᔪᐊᕐᒥ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑕ ᐊᕐᕌᒍᒋᒪᒍ - ᐊᖏᖃᑎᒌᒍᑎᕗᓪᓗ ᐱᕕᖃᖅᑎᑦᑎᖕᒪᑦ ᐃᓕᓴᕆᔭᐅᓯᒪᔪᒃᑯᑦ ᐊᑐᓕᖅᑎᑕᐅᖁᓪᓗᒋᑦ ᐊᒻᒪ ᐊᑐᖅᑕᐅᖁᓪᓗᒋᑦ ᐃᓄᐃᑦ ᓄᓇᖁᑎᖏᑕ ᐊᑎᖏᑦ - ᓄᓇᕗᓪᓕ ᑲᓇᑕᒥᐅᑕᑦ ᐊᑐᖅᑕᐅᕙᒃᑐᑐᖃᐃᑦ ᑰᑦ ᐊᑎᖁᑎᖏᓐᓂ ᐅᑯᐊᖑᕗᑦ: ᖁᕐᓗᖅᑐᖅ, ᓴᕐᕙᖅᑑᖅ, ᑰᒡᔪᐊᖅ ᐊᒻᒪᓗ ᐊᑭᓪᓕᓂᒃ."

"ᑲᒪᖃᑕᐅᓂᕐᓴᐅᑎᓪᓗᒋᑦ ᐃᓄᐃᑦ ᑲᒪᒋᔭᖃᑦᑎᐊᕈᑎᓂᒃ ᓄᓇᕗᖕᒥ ᓄᓇᓂᒃ ᐊᒻᒪ ᓄᓇᒥᐅᑕᓂᒃ ᐅᓄᕐᓯᕚᓪᓕᕈᑕᐅᔪᓐᓇᕐᒪᑦ ᑮᓇᐅᔭᓕᐅᒃᑲᓐᓂᕋᓱᐊᕐᓂᕐᒧᑦ ᐊᒻᒪᓗ ᑮᓇᐅᔾᔭᒃᓴᕕᒃᓴᓄᑦ, ᐊᒻᒪᓗ ᐃᖅᑲᓇᐃᔮᒃᓴᕐᑕᖃᒃᑲᓂᕐᓂᕐᒧᑦ. ᑖᒃᑯᑎᒎᓇ ᐊᖏᕈᑎᑎᒍᑦ, ᐃᖃᓱᓐᓂᖃᖅᐳᒍᑦ ᑲᒪᒋᔭᕆᐊᓕᒃᑎᓐᓂᒃ ᐃᓄᖕᓄᑦ ᐊᒻᒪᓗ ᐃᖅᑲᓇᐃᔭᖃᑎᓐᓂᕐᒧᑦ ᐅᓄᕐᓯᓂᕐᓴᐅᖁᓪᓗᒋᑦ ᐱᖃᑕᐅᔪᑦ ᐃᓄᐃᑦ ᑰᑦ ᑲᒪᒋᔭᐅᑦᑎᐊᕐᓂᖏᓐᓄᑦ ᐊᒻᒪᓗ ᐱᐅᕐᓱᐊᕐᑕᐅᓂᖏᓐᓄᒃ ᐃᑲᔪᕐᓂᖃᒻᒪᑦ ᑕᒪᓐᓇ ᑕᒪᐃᓐᓂᒃ ᑲᓇᑕᒥᐅᑕᓂᒃ."

"ᑖᓐᓇ ᐱᒻᒪᕆᐅᔪᖅ ᐱᓂᐊᕐᓂᖃᕈᑕᐅᔪᑦ ᐸᐸᑦᑎᔨᐅᖏᓐᓇᖁᓪᓗᒋᑦ ᑲᓇᑕᒥ ᑯᓂᒃ ᓄᓇᕗᖕᒥ, ᐃᑲᔪᕐᓯᓂᖃᖅᑐᖅ ᑮᓇᐅᔾᔭᒃᓴᕕᒃᓴᓂᒃ ᐊᒻᒪᓗ ᐱᖅᑯᓯᑐᖃᕐᒥᒍᑦ ᐱᓕᕆᔪᓐᓇᖁᓪᓗᒋᑦ ᐃᓄᐃᑦ. ᐃᒪᐃᑦ ᑕᒫᓂ ᐱᒻᒪᕆᐅᖕᒪᑕ ᐊᑑᑎᖃᒻᒪᕆᒃᑐᑎᒃ ᐊᒻᒪ ᐅᓂᒃᑳᖅᑐᐊᖑᔪᑐᑦ ᐱᒻᒪ ᓄᓇᑦᑎᓐᓂ, ᓄᓇᑦ ᐊᒻᒪᓗ ᐃᓄᖏᑦ. ᑎᓕᐅᕐᐸᒃᑲ ᑲᓇᑕᒥᐅᑕᑦ ᓂᐅᕐᕈᖃᑦᑕᖁᓪᓗᒋᑦ ᐊᒻᒪ ᐃᓕᒃᐹᓪᓕᒍᓐᓇᖁᓪᓗᒋᑦ ᐱᒻᒪᕆᐅᓂᖏᓐᓂᒃ ᑲᓇᑕᒥ ᑰᑦ"

"ᒐᕙᒪᒃᑯᖏᑦ ᓄᓇᕘᑉ ᐱᓂᐊᕐᓂᕋᕈᑎᖃᖅᐳᑦ ᐃᖅᑲᓇᐃᔭᖃᑎᖃᓐᓂᐊᓂᕐᒥᓂᒃ ᐱᓕᕆᖃᑎᒋᔭᒥᓐᓂᒃ ᑖᒃᑯᐊ ᓄᓇᕗᖕᒥᐅᑦ ᐃᑲᔪᕐᓯᕐᑕᐅᖁᓪᓗᒋᑦ ᑲᓇᑕᒥ ᑰᓕᕆᔾᔪᑎᓂᒃ. ᑖᒃᑯᐊ ᓄᓇᐃᑦ ᐃᓅᕕᒋᒐᑦᑎᒍ, ᐃᖃᓗᒐᓱᐊᕐᕕᒋᕙᒃᑐᒋᑦ, ᐊᖑᓇᓱᒃᕕᒋᕙᒃᑐᒋᑦ, ᐊᒻᒪ ᑲᔾᔭᐅᓴᕕᒋᔭᕐᑐᐸᒃᑐᒋᑦ. ᐊᑎᓕᐅᖅᑕᐅᓂᖓ ᐃᓄᐃᑦ ᐊᑦᑐᖅᑕᐅᑐᐃᓐᓇᕆᐊᖃᓐᓂᖏᓐᓄᒃ ᐃᑲᔪᕈᑎᓄᑦ ᐊᖏᕈᑎᑦ, ᓯᕗᒧᐊᒃᑲᓂᕐᐳᒍᑦ ᑲᒪᒋᔭᖃᑦᑐᐊᕈᓐᓇᓂᑦᑎᓐᓄᑦ ᓄᓇᕗᖕᒥ ᑰᓂᒃ, ᑖᒃᑯᐊ ᓱᕈᓯᕗᑦ, ᐊᒻᒪᓗ ᓱᕈᓯᕆᓂᐊᕐᓴᑕᖏᑦ ᖁᕕᐊᒋᔭᖃᐃᓐᓇᕈᓐᓇᖁᓪᓗᒋᑦ ᑲᔾᔭᐅᓴᓗᑎᒃ ᓄᓇᒥ ᓯᕗᓂᕆᓂᐊᕐᑕᑎᓐᓂ."

ᖃᔨᒪᔾᔪᑎᑦ ᓱᓕᔪᑦ

• ᓄᓇᕗᑦ ᐊᖏᕈᑎᖏᑦ ᐃᒪᓐᓇᐃᖁᔨᒻᒪᑕ, ᒥᙳᐃᓯᕐᕕᓕᐅᓚᐅᕋᑎᑦ ᐅᕝᕙᓗ ᓴᐳᑎᔭᐅᓯᒪᕕᓕᐅᓚᐅᕋᑎᒃ ᓄᓇᕗᖕᒥ ᓄᓇᑖᕐᕕᐅᓯᒪᔪᓂ, ᐃᓄᐃᑦ ᑲᓇᑕᒥ ᐊᐃᕙᔾᔪᑎᖃᕆᐊᖃᖅᐳᑦ ᐃᓄᐃᑦ ᐊᑦᑐᖅᑕᐅᑐᐃᓐᓇᕆᐊᖃᓐᓂᖏᓐᓄᒃ ᐃᑲᔪᕈᑎᓄᑦ ᐊᖏᕈᑎᓂᒃ.
• ᑕᒪᐃᓐᓂ ᓄᓇᐃᑦ ᐊᕕᒃᑐᕐᓯᒪᓂᖏᓐᓂ ᐊᑕᐅᓯᐅᓕᓗᒍ ᐃᓄᐃᑦ ᐊᑦᑐᖅᑕᐅᑐᐃᓐᓇᕆᐊᖃᓐᓂᖏᓐᓄᒃ ᐃᑲᔪᕈᑎᓄᑦ ᐊᖏᕈᑎᖃᕆᐊᖃᖅᐳᑦ ᑲᓇᑕᒥ ᑰᓄᑦ ᓄᓇᕗᖕᒥ ᒫᓃᒃᑐᓂ: ᖁᓪᓗᕐᑑᑉ ᑰᖓ, ᓴᕐᕙᖅᑑᑉ ᑰᖓ, ᑰᔾᔪᐊᑉ ᑰᖓ, ᐊᒻᒪᓗ ᐊᑭᓐᓂᓕᐅᑉ ᑰᖓ.
• ᐊᑦᑐᖅᑕᐅᑐᐃᓐᓇᕆᐊᖃᓐᓂᖏᓐᓄᒃ ᐃᑲᔪᕈᑎᓄᑦ ᐊᖏᕈᑎᑦ ᐱᖃᓯᐅᔾᔨᕗᑦ ᐊᑦᑐᐊᓂᖃᖅᑐᓂᒃ ᓴᐳᑎᑕᐅᓯᒪᕕᐅᒪᔪᓂ ᐊᑦᑐᐃᖃᓪᓗᐊᕋᔭᕐᑐᓂᒃ ᐃᓄᖕᓂᒃ, ᐅᕝᕙᓗ ᐃᑲᔪᕐᓯᓂᖃᕈᓐᓇᕐᑐᓂᒃ ᐃᓄᖕᓂᒃ, ᐱᖃᓯᐅᑎᓪᓗᒋᑦ ᐅᑯᐊ: ᐱᓕᕆᖃᑎᒌᓐᓂᒃᑯᑦ ᑲᒪᒋᔭᖃᑦᑎᐊᕐᓂᖅ, ᐃᓄᐃᑦ ᐊᖑᓇᓱᒍᓐᓇᐃᓇᕈᑎᖏᑦ ᐱᔪᓐᓇᐅᑎᑦ, ᐃᓄᐃᑦ ᐃᖅᑲᓇᐃᔭᕐᑎᑕᐅᓂᖏᑦ ᐊᒻᒪ ᑮᓇᐅᔾᔭᒃᓴᕕᐅᔪᓐᓇᕐᑐᑦ.
• ᑲᓇᑕᒥ ᑰᑦ ᒐᕙᒪᑐᖃᒃᑯᓐᓂᑦ−ᐳᕌᕕᓐᓯᓂᒃ−ᓄᓇᕗᑦ ᒐᕙᒪᒃᑯᖏᓐᓄ ᑲᒪᒋᔭᐅᔪᑦ ᐃᖅᑲᓇᐃᔭᖃᑎᖃᓪᓗᑎᒃ ᓄᓇᓕᖕᓂᒃ ᑰᓂᒃ ᐸᐸᒃᑎᔨᐅᔪᓂᒃ ᓴᖅᑭᔮᕐᑎᑦᑎᓂᕐᒧᑦ ᐊᒻᒪ ᐱᐅᕐᓱᐊᕆᔭᖃᓐᓂᕐᒥᒃ ᑰᓐᓂᒃ ᓄᓇᖓ ᓱᕐᕋᑦᑕᐅᓯᒪᙱᓪᓗᓂ, ᐃᓕᖅᑯᓯᕐᒥᒍᑦ ᐊᒻᒪ ᑲᔾᔭᐅᓴᕕᐅᔪᓐᓇᕐᓗᑎᒃ ᑕᐃᒪᓐᓇ ᐃᓄᐃᑦ ᐃᑲᔪᕐᓯᒪᓂᖏᓐᓂ ᐃᓕᓴᕐᓯᓯᒪᒍᑎᖃᓪᓗᑎᒃ, ᓯᕗᓕᖏᑕ ᐊᑐᕐᓯᒪᔭᖏᑦᑎᒍᑦ ᐊᒻᒪ ᐃᓕᖅᑯᓯᕐᒥᒍᑦ, ᐃᑲᔪᕐᓯᓂᖃᓪᓗᑎᒃ ᐃᓄᖕᓂᒃ ᐱᖃᑕᐅᑎᑦᑎᓂᕐᓴᐅᓂᕐᒥ ᐃᑲᔪᕐᓯᒍᑕᐅᓗᑎᒃ ᐊᑑᑎᖃᖅᑎᑕᐅᓂᖏᓐᓄᑦ.
• "ᓄᓇᕗᖕᒥᐅᑦ" ᐃᓄᒃᑐᑦ ᐅᖃᐅᓯ ᓄᓇᖃᖅᑐᓂᒃ ᓄᓇᕗᖕᒥ.  

ᖃᐅᔨᒋᐊᕐᕕᐅᔪᓐᓇᕐᑐᑦ

• ᓄᓇᕗᑦ ᐊᖏᕈᑎᖏᑦ
• ᑲᓇᑕᒥ ᑰᑦ
• ᓄᓇᕗᑦ ᑐᙵᕕᒃ ᑎᒥᖓ

ᑐᑭᓯᒋᐊᒃᑲᓐᓂᕈᓐᓇᕐᐳᑎᑦ, ᐱᕙᓪᓕᐊᔪᓕᕆᔩᑦ ᑲᐅᔨᒋᐊᕈᓐᓇᕐᐳᑦ ᐅᑯᓄᖓ:

ᒪᑎᐅ ᑎᓚᓐ−ᓕᑦ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ
ᑎᑎᕋᕐᕕᖓᓂ ᒥᓂᔅᑕ ᑭᕋᓕᓐ ᐱᐊᓇᑦ
ᒥᓂᔅᑕᖓᑦ ᐃᓄᓕᕆᔨᓱᑐᖃᒃᑯᑦ
819-997-0002

ᐱᕙᓪᓕᐊᔪᓕᕆᔨᓂᒃ ᐱᓕᕆᖃᑎᓖᑦᖅ
ᐃᓄᓕᕆᔨᑐᖃᒃᑯᑦ
819-934-2302
RCAANC.media.CIRNAC@canada.ca

ᑭᐅᕋᓐ ᐸᓚᐅᕋᑎ
ᐊᖓᔪᖅᑳᖓᑦ, ᑐᓴᐅᒪᖃᑦᑕᐅᑎᓕᕆᔨᒃᑯᑦ, ᐃᓕᓐᓂᐊᕐᑐᓕᕆᔨᒃᑯᑦ
ᒐᕙᒪᒃᑯᖏᑦ ᓄᓇᕗᑦ
867-975-7761
Kflaherty1@gov.nu.ca      

ᐆ ᐊᖅᐱᒃ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
1-888-646-0006
oaqpik@tunngavik.com

ᑐᓴᐅᒪᐃᓐᓇᖃᑦᑕᕆᑦᓯ

ᐅᖃᓪᓚᖃᑕᐅᔪᓐᓇᕐᐳᓯ ᖃᕆᑕᐅᔭᕋᓛᒃᑯᑦ ᐅᖃᓚᐅᑎᕋᓛᒃᑯᓪᓗ ᓄᓇᖃᖅᑳᖅᓯᒪᔪᑦ ᑲᓇᑕᒥ ᐱᓪᓗᒋᑦ ᐊᑖᓂ ᑎᑎᕋᖅᓯᒪᕗᑦ:

Twitter: GovCan – Indigenous, Canadian Heritage Rivers System, Nunavut Tunngavik Incorporated, Government of Nunavut 
Facebook: GovCan – Indigenous Peoples, Canadian Heritage Rivers System, Nunavut Tunngavik Incorporated, Government of Nunavut
Instagram: @gcIndigenous, Canadian Heritage Rivers System