ᑐᓴᒐᔅᓴᐃᑦ ᐅᐱᓐᓇᖅᑐᖅ ᑖᒥᓂᒃ ᓕᑉᓛ ᐊᕙᑎᑦ ᐅᑭᐅᑦ ᖁᕕᐊᓱᖃᑎᒌᓐᓂᑦ ᓴᖅᑭᑎᑕᐅᑎᓪᓗᒍ ᓄᓇᕗᑦ

ᐊᑐᕙ, ᐋᓐᑎᐅᕆᔪ (ᐊᐃᕆᓕ 1, 2019) − ᒥᓂᔅᑕ ᒐᕙᒪᐅᖃᑎᒌᓕᕆᔨᒃᑯᑦ ᐊᒻᒪᓗ ᐃᓄᓕᕆᔨᑐᖃᒃᑯᑦ ᐊᒻᒪᓗ ᑲᓇᑕᒥ ᑕᐅᖅᓰᖃᑦᑕᕐᓂᖅ. ᑕᒥᓂᒃ ᓕᑉᓛ, ᑐᓴᒐᔅᓴᖃᖅᑎᑦᑎᔪᖅ ᐅᓪᓗᒥ:

ᐊᕙᑎᑦ ᐅᑭᐅᑦ ᑭᖑᓂᐊᓂ ᐅᓪᓗᒥ, ᓄᓇᕗᑦ ᓴᖅᑭᑎᑕᐅᓚᐅᖅᑐᖅ. ᓄᓇᖓ 1/5 ᑲᓇᑕᐅᑉ ᓄᓇᓕᒫᖓᓂᑦ ᓄᓇᖃᖅᑐᑦ, ᓴᖅᑭᑎᑕᐅᓂᖓ ᐅᑭᐅᖅᑕᖅᑐᒦᓗᐊᖅᑐᖅ ᓄᓇᖓ ᐊᕕᒃᑐᖅᓯᒪᔪᖅ ᑲᓇᑕᒥ ᐊᑕᖏᖅᓯᒪᔪᑦ ᐊᑯᓂᐅᔪᒃᑯᑦ−ᓇᖏᖅᓯᒪᓂᕐᒧᑦ ᐃᓄᓐᓄᑦ ᑲᓇᖕᓇᖓᑕ ᐅᑭᐅᖅᑕᖅᑐᒥ ᐊᐅᓚᑕᐅᒃᑲᓐᓂᕐᓂᐊᕐᓗᓂ ᓄᓇᒋᔭᖏᑕ ᐊᒻᒪᓗ ᓯᕗᓂᔅᓴᒧᑦ.

ᐱᐅᔪᒻᒪᕆᐊᓗᒃ ᐊᒻᒪᓗ ᐊᑭᑐᔫᑎᐅᓪᓗᓂ ᑮᓇᐅᔭᓕᐅᕐᓂᕆᔭᐅᕙᒃᑐᑦ ᑕᐃᒪᐅᑐᐃᓐᓇᕆᐊᖃᖅᑐᑦ ᐅᑭᐅᖅᑕᖅᑐᒥ ᐃᓕᑕᕆᔭᐅᓂᕐᒧᑦ. ᑮᓇᐅᔭᓕᐅᕋᓱᐊᕐᓂᖅ ᐅᑭᐅᖅᑕᖅᑐᒥ ᐊᒻᒪᓗ ᐃᓄᖏᑦ ᐃᑲᔪᕈᓐᓇᖅᑕᕗᑦ ᓄᓇᕗᒻᒥᐅᑦ ᐊᑭᑐᔫᑎᓕᐅᕈᑎᒋᓗᒋᑦ ᐃᓱᐊᓈᕈᑎᔅᓴᒃᑯᑦ ᐊᒻᒪᓗ ᐱᓪᓕᕆᐊᕋᓱᐊᕐᓗᒋᑦ ᖃᓄᐃᓐᓂᕆᔭᐅᔪᑦ ᐃᓅᓯᕆᔭᐅᔪᑦ ᐅᑭᐅᖅᑕᖅᑐᒥ ᓄᓇᖃᖅᑐᑦ.

ᐋᖅᑭᒃᓯᒪᓂᖓ ᓄᓇᕗᑦ ᓄᓇᖓ ᓯᕗᓪᓕᖅᐹᖑᓚᐅᖅᓯᒪᔪᖅ ᐊᓯᙳᖅᑐᓂ ᑲᓇᑕᐅᑉ ᓄᓇᖓᓂ ᐱᒋᐊᖅᑎᑕᐅᓂᖓ ᓄᓇᓕᒧᑦ ᓂᐅᕙᓐᓛᓐ ᐊᒻᒪᓗ ᓚᐸᑐᐊ 1949−ᖑᑎᓪᓗᒍ. ᑲᓇᑕᐅᑉ 25 ᑯᐃᓐ ᑭᒡᒐᖅᑐᖅᑎᖓᓄᑦ ᑲᓇᑕᒥ, ᐊᑖᑕᒐ ᑐᓂᓯᓚᐅᖅᑐᖅ ᐊᑭᑐᔫᑎᓄᑦ ᓇᓗᓇᐃᖅᑕᐅᓂᕆᓚᐅᕐᓯᒪᔭᖓᑕ ᓴᖅᑭᑎᑕᐅᑎᓪᓗᒍ ᓄᓇᕗᑦ 1999-ᒥ.

2017−ᖑᑎᓪᓗᒍ, ᓄᓇᕗᑦ ᓴᐴᓗᑕᖓ, ᐃᓚᖓ ᓄᓇᖓᑕ ᓇᓗᓇᐃᒃᑯᑕᖓ ᐋᖅᑭᒃᑕᐅᓯᒪᔪᖅ ᐃᓄᒻᒧᑦ ᓴᓇᙳᐊᖅᑎ ᐋᓐᑐ ᖄᐱᒃ ᐃᓚᒋᔭᐅᓚᐅᖅᑐᖅ ᓄᓇᓕᒧᑦ ᐱᕈᖅᓯᐊᖓᑕ ᐃᓚᓕᐅᑎᑕᐅᓯᒪᔪᑦ ᒪᓕᒐᓕᕆᔨᕐᔪᐊᒃᑯᑦ ᓇᓗᓇᐃᒃᑯᑕᖓᓄᑦ. ᑕᒪᓐᓇ ᐱᒻᒪᕆᐅᓂᖓ ᐃᓚᒋᐊᖅᑕᐅᔪᖅ ᐱᐊᓂᒃᑕᐅᓯᒪᔪᖅ ᖃᐅᔨᒪᔭᐅᑦᑎᐊᖅᑐᖅ ᓴᓇᔭᐅᓯᒪᔪᖅ ᐃᑭᑕᐅᒃᑲᓐᓂᓚᐅᖅᑐᖅ ᑲᓇᑕᐅᑉ ᒪᓕᒐᓕᐅᖅᕕᔾᔪᐊᖓᑕ ᑲᓇᑕᐅ ᓇᓪᓕᕐᓯᕐᕕᐅᑎᓪᓗᒋᑦ.

ᐅᓪᓗᒥ, ᑖᔅᓱᒪ ᐱᒻᒪᕆᐅᓂᖓᑕ ᓇᓪᓕᖅᓯᐅᕐᕕᒃ, ᖁᕕᐊᓱᖃᑎᒌᒃᐳᒍᑦ ᐱᒻᒪᕆᐅᔪᒧᑦ ᑐᓂᔭᐅᓯᒪᔪᑦ ᓄᓇᕗᒻᒥᐅᑕᓄᑦ ᓴᖅᑭᑎᑦᑎᓯᒪᔪᑦ ᐃᓅᖃᑎᒌᓐᓂᕐᒧᑦ, ᐃᓕᖅᑯᓯᒃᑯᑦ ᐊᒻᒪᓗ ᑮᓇᐅᔭᓕᐅᕈᑕᐅᕙᒃᑐᓄᑦ ᐱᕙᓪᓕᐊᓂᖅ ᓄᓇᒋᔭᑦᑎᓐᓄᑦ ᐊᒻᒪᓗ ᓂᕆᐅᒃᑐᒍᑦ ᐅᖃᓪᓚᕆᒃᓯᒪᓂᒃᑯᑦ ᐊᑲᐅᓈᖅᑐᒃᑯᑦ ᓯᕗᓂᔅᓴᒧᑦ

ᑐᑭᓯᐊᔾᔪᑎᔅᓴᒃᑲᓐᓃᑦ, ᑐᓴᒐᔅᓴᓕᕆᓂᕐᒧᑦ ᖃᐅᔨᒋᐊᕈᓐᓇᖅᑐᑎᑦ:

ᕕᓐᓯᑦ ᕼᐃᐅᔅ (Vincent Hughes)
ᑐᓴᒐᔅᓴᓕᕆᓂᕐᒧᑦ ᐊᐅᓚᑦᑎᔨ (Press Secretary)
ᐅᐱᓐᓇᖅᑐᖅ ᑖᒥᓂᒃ ᓕᑉᓛ ᐊᓪᓚᕝᕕᖓ
ᒥᓂᔅᑕ ᒐᕙᒪᓕᕆᔨᒃᑯᑦ ᐊᒻᒪᓗ ᑲᓇᑕᒥ ᑕᐅᖅᓰᖃᑦᑕᕐᕕᒃ
Vincent.Hughes@iga-aig.gc.ca
613-943-7111

ᑐᓴᒐᔅᓴᓕᕆᔨᒃᑯᑦ
ᐊᑭᑐᔫᑎᑦ−ᓄᓇᖃᖅᑳᖅᓯᒪᔪᑦ ᐃᓚᒌᑦ ᐊᒻᒪᓗ ᐃᓗᓕᕆᔨᑐᖃᒃᑯᑦ ᑲᓇᑕᒥ
819-934-2302
RCAANC.media.CIRNAC@canada.ca

ᐃᓚᒋᔭᐅᒋᑦ ᐅᖃᖃᑎᒌᓐᓂᕐᒧᑦ ᐅᑭᐅᖅᑕᖅᑐᒥᑦ:

Twitter: GovCan – Indigenous
Facebook: GovCan – Indigenous Peoples
Instagram: @gcIndigenous

ᐃᓚᒋᔭᐅᔾᔪᑎᔅᓴᓄᑦ ᐃᓚᒋᔭᐅᔪᓐᓇᖅᑐᑎᑦ ᑐᓴᒐᔅᓴᓕᕆᓂᕐᒧᑦ ᓴᖅᑭᑎᑕᐅᔪᓂᒃ ᐊᒻᒪᓗ ᐅᖃᐅᓯᕆᔭᐅᔪᓂᒃ RSS ᐊᑐᕐᓗᒍ. ᑐᑭᓯᐊᒃᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᐃᓚᒋᔭᐅᔪᒪᓐᓂᕈᕕᑦ, ᐅᐸᓪᓗᒍ www.cirnac.gc.ca/RSS.